Yazarmen: Kurasch Umar Atahan
Güzellik Sewdasi
☆☆☆><☆☆☆
Tebiyet tebiyiting güzelliktur,
Güzelliking güzellkktin kökleydu!
Séning hösnüng,
Qeyerge barsam séning izing,
Sandiki xisletler sanighan’gha tügümeydu,
Sendiki xisletler menggü yashar hergiz ölmeydu!
Güzellik,
Güzellik, hey güzellik…
Heryerdesen,
Zoqlinishni bilgen ademge.
Hey güzellik,
Séni Hergiz Izdesh Ketmeydu!
Qeyerge Baqsam,
Séni körimen shu haman,
Eqli-hoshum uchup kiter sen taman.
Sewebingdin,
Jennet zewqini yashidim tirik,
Bu bilgen’ge bir taley,
Bilmigenge peqetla bir körgilik.
Hey güzellik,
Sendin kelduq, Sanga kétish bir arman!
Hey güzellik,
Sen Xudaning sirliridin pütken Esiri,
Sen Xudaning güzellik xezinisi…
Xisliting
Tügimeydu teripligen’ge,
Köreligen,
Jennetnimu Sendin köridu,
Bihish hozurini sende süridu!
Ademler qedringge yetmeydu,
Ne aq, Ne qara buni bilmeydu…
Eslide bilgenlerge sen jennet,
Bilmigenge, bildirgende ne qimmet,
Sen yiganesen,
Menggülikke yashaysen,
Sendin kelduq, sanga kitimiz…
Gül weslingge yetmek niyitimiz…!
Güzellik izdep-
Sen tursang etrapimizda,
Sanga yiter güzellik qayda…
Alemlerni kizip chiqsaq ne payda,
Sen bizge yitisen….
Bizni söyisen….
Hichbir Güzellik Sanga Yetmeydu!
K.U.A
22.07.2023 Germaniye
><><<><><<><<>><><><<><
Bir Kishlik Dunya
☆☆☆><☆☆☆
Bir Kishlik Dunya…
Özemdin, özem töreldim,
Özemdin, özemni kördüm.
Salam berdim özemge özem!
Yashidim,
Qarangghu Kichilerdek…
Yultuzlar boldi hemrayim…
Qehritan soghaq erdim…
Jut- shiwirghangha aylandim…
Özemde, Özem köydüm,
Özemni özem söydüm,
Özemdin su ichip könglüm,
Özemdin, Özem söyündümmm !
Bir kishlik dunya…
Özemdin özem töreldim,
Özemge özem kömülüp,
Özemdin, özem tirildimmm.
Bir kishlik dunya…
Özemdin özem keldim,
Özemdin, özemni kördüm.
Özemni özem söydüm,
Özemge özem chümüldüm…
Yoq boldum özemde özüm,
Özemdin Özemni Izlep,
Özemni özemdin taptim…!
Özemni özem kötürüp…
Özemdin, Özem söyündümmm!
Özemdin özem tirildim,
Özemge özem kömüldüm.
Özemdin özem ündüm,
Özemde özem chicheklep
Yoq boldum özemde özümmm!
Özemdin özemni izdep,
Özemdin özemge kettimmm…!
K.U.A
22.07.2023 Germaniye
Tengritagh Akademiyesi 