1983-yili 9-aydin 1987-yili 7-ayghiche shinjang uniwérsitétining edebiyat fakultétida toluq kursta oqughan.
1987-yili 9-aydin 1990-yili 7-ayghiche shinjang uniwérsitéti edebiyat fakultétida xelq éghiz edebiyati kespi boyiche aspirantliqta oqughan.
1994-yili 9-aydin 1995-yili 7-ayghiche béyjing pédagogika uniwérsitétida bilim ashurghan.
1995-yili 9-aydin 1998-yili 7-ayghiche béyjing pédagogika uniwérsitétida folklor kespi boyiche doktor aspirantliqta oqughan we « uyghurlarning mazar medeniyiti üstide tetqiqat» namliq doktorluq dissértatsiyisini muweppeqiyetlik tamamlap, doktorluq unwanigha érishken.
1998-yilidin bashlap, shinjang uniwérsitéti filologiye institutida oqutquchi bolup ishligen.
1999-yili dotséntliq unwanigha érishken.
2002-yili folklor ilmi boyiche magistir aspirant yétekchisi salahiyitige érishken.
2003-yilidin 2004-yilighiche amérikining pénsilwaniye uniwérsitéti folklor tetqiqat merkizi we indiyana uniwérsitéti ottura asiya tetqiqati fakultétida bilim ashurghan.
Rahile dawutning Ijadiyet Mewiliri
Rahile dawut filologiye institutining aspirant we toluq kurs oqughuchilirigha «folklor heqqide omumiy bayan», «junggo we chet el folklor tarixi», «xelq éghiz edebiyati heqqide omumiy bayan», «folklor ilmining emeliy tekshürüsh usuli», «muqamshunasliq», «dinshunasliq», « folklor témisida mexsus léksiyiler» qatarliq derslerni ötken.
2000-yilidin hazirghiche döletlik ijtima’iy penler fondi tetqiqat türliridin «uyghur en’eniwi medeniyitini saqlash, dawamlashturush we sijil tereqqiy qildurush», «uyghur gheyriy maddiy medeniyet miraslirini qoghdash mesilisi üstide tetqiqat», «xelq dastanlirini qoghdashning konkrét chare-tedbirliri üstide tetqiqat»;«uyghur xelq muqam meshrepliri üstide tetqiqat», «uyghurlarning mazar medeniyiti üstide izdinish» qatarliq tetqiqat türlirini mes’ul bolup tamamlighan.
Xelq’araliq tetqiqat türliridin «türkiy tilliq xelqler dastanlirini toplash, retlesh we neshr qilish», döletlik nuqtiliq tetqiqat türliridin «junggodiki milletler edebiyatining öz-ara munasiwiti we tesiri» qatarliq tetqiqat témilirigha qatnashqan.
Xitay tilida «uyghur mazarliri üstide tetqiqat», uyghur yéziqida «uyghur mazarliri», «dunya milletliri» (birliship ishligen) qatarliq kitabliri neshr qilin’ghan.
Dölet ichi we sirtidiki nopuzluq zhurnallarda 20 din artuq maqalisi élan qilin’ghan.
«Sériq uyghurlarning shiju-xaxu dastani üstide tetqiqat» namliq maqalisi aptonom rayon boyiche ijtima’iy penler tetqiqat netijilirini bahalashta 2-derijilik mukapatqa, «uyghur mazarliri üstide tetqiqat» namliq kitabi aptonom rayon boyiche ijtima’iy penler tetqiqat netijilirini bahalashta «nadir eser» mukapatigha we shinjang uniwérsitétining tetqiqat netijilirini bahalashta 1-derijilik mukapatqa érishken.