(Shier)

Yazarmen: Kurasch Umar Atahan
☆☆☆><☆☆☆

Bolidiken qedri-qismet ajayip,

Telwidek yipimizni üzüp,

Marjandek turghan sépimizni buziwetti,

Uruqtek her terepke chéchiwetti,

Uchurup teqdirning rehimsiz buranlirida!

Kashki bir,

Wapadar köpekchilik,

Bolghan bolsanglar idi hey dostlar,

Nepretlenmey bir-biringlardin,

Melhem bolattinglar köngüldiki yaralargha,

Jéninglarni,

Tikip qoyattinglar düshmininglargha,

Kashki millet,

Qilalmighan bolsa bu qiyamette,

Yükini Kötürettinglar,

Pida bolatti weten´ge mal we Jéninglar!

Kashki,

Sépildek tik turghan bolsaq qol tutushup,

Seldek bésip kelsimu shum teqdir,

Tewrimestin, titrimestin,

Jénimizgha qest qilghan düshmen aldida!

Kashki,

Bolghan bolsa erdi,

Mezlum Milletke-

Ulugh Weten’ge-

Hemde bir-birimizge neki mal-dunya janlar pida!

Kashki Biz,

Weten üchün,

Millet üchün…

Pütün bir ömür,

Yashighan bolsaq ehdu-wapa serxushlighida!

Peqet Ademiylikla Emes,

Belki Jénimiz,

Hetta barlighimizmu bolaridi silerge pida!

Peqet Ademiylikla Emes,

Belki Jénimiz,

Hetta barlighimizmu bolaridi silerning!

Düshmen qan qusup,

Mezlum Millet chümületti shatliqqa!

Yoq bolatti arimizda séning we méning,

Wayderixa…Wayderixa…

Kelmigen taleyde kimning heqqi bar, deptiken Allah!

Heq etkinige qeder béridu,

Rabbim herkimge nime berse béridu!

Demisimu shundaq boldi,

Wapasizliq sherbitini ichtinglar,

Düshmen’ge bayram boldi,

Belki shundaq ügetkendur,

Silerning oqughan mektiwinglar!

Hisap kitap qilin’ghanda,

Köz qolni,

Put Éghizni,

Burun qulaqni,

Yéqin yiraqni,

Tonimaydighan, sür chélin´ghan qiyamette!

Misqalchilik yaxshiliq,

Misqalchilik yamanliq untulmaydu,

Qiyamet qayim bolghanda, Hisab-Kitap qilin’ghanda!

Élishing bolsa bashqilardin élinidu,

Berishning bolsa bashqilargha bérilidu!

Rabbim xalisa malni alar,

Rabbim xalisa janni alar…

Kimlerde qilghanlari kimlerning qalar!

Hanglar toldurilidu, Tghlar yiqilidu,

Igizler pes bolidu,

Pesler yükseklerge kötürilidu…

Yamanliq yamanlarni,

Yamanliqqa söreydu qoyup Armanda, ittiridu zindanlargha!

Yaxshiliq yaxshilarni,

Yetküzidu xush pichim yollar bilen Aramanlargha!

Xudaliq alem bu,

Xojamning xojisi bar, chamghurning orisi bar!

Her yaxshiliqta bardur bie sher,

Her yamanliqta bardur hem Xeyir…

Hey, Xudayim,

Peqet shüküriler éytimiz Bergenliringge,

Bash egduq pishanimizge yazghanliringgha!

Peqet shüküriler éytimiz,

Bermigenliring üchünmu hetta sanggha!

Bezide köp üzülduq,

Wapasi yoq dostlardin,

Bezide köp chektuq,

Insabi yoq wehshiy düshmenlerdin,

Aldimizda külüp tülkidek,

Arqimizdin xenjerlep Ittirdi hangha!

Yaxshighamu,

Yamanghamu shüküre, diduq,

Ajrap ketmeslik üchün imandin!

Tamayimiz Yoq,

Sen Bermigen Maldunyadin,

Tamayimiz Yoq,

Sen bermigen dostluqtin,

Nime Berseng,

Heq etkenni berding bizge,

Bezide ökündürüp,

Bezide Söyündürüp köngüllerni!

Nime bergen bolsang,

Xeyirlik bolghanni bizge berding,

Tesedduq bolsun sanga barliq hemdu-sana!

Söyündürding,

Sughurup turdung sun’ghan könglimizni,

Yalghuz qoymiding,

Yaxshi kündimu,

Yaman kündimu,

Sayiwen boldi,

Méhri-shepqiting Kün chüshkende béshimizgha!

Söyündürdi,

Üzgün we sun’ghan qeliblerni,

Sen bizge heq etken,

Her ikki duyaliq nimetliring!

Sen büyüksen,

Sen büyüksen ulugh tengrim,

Nime qilish qilmasliq,

Qarar séning, baghliqtur sanggha!!!

Kashki bir,

Wapadar Köpekchilik,

Bolghan bolsanglar idi hey dostlar,

Kashki,

Razi bolsa xuda bizdin,

Bolghan bolsa erdi,

Bir-birimizge neki mal-dunya Ki janlar Pida!

Kashki biz,

Pütün bir ömür,

Yashighan bolsaq ehdu-wapa serxishlighida!

Peqet Ademiylikla Emes,

Belki Jénimiz,

Hetta barlighimizmu bolaridi silerge pida!

Barche malamet,

Bu seweptin keldi bizning taleysiz béshimizgha!

Kashki üzülmigen bolsa yipimiz,

Kashki buzulmighan bolsa sépimiz…

Kashki chéchilmighan bolsa pikrimiz…

Üzüldi emma,

Buzuldi wahderixa,

Chéchildi shum teqdirning boranlirida…

Kelmigen taleyde,

Kimlerning heqqi barki,

Digenken Allah….

Uchup ketti humaqushi béshimizdin,

Emdi tügmen chörgileydu,

Aqqan yashtin milyon közlerdin,

Chümülüp yashayli emdi,

Milletning déngizgha aylan’ghan dert déngizigha,

Hey Dostlar, lenetlen’gen wapsiz dostlar,

Qiyamet küni kürüsheyli,

Achchiq yutup we Yash töküp xoshlishayli,

Bugünche charesiz bir-birimizge éytip elwida!

24.07.2023 Germaniye