-Uyghurlar Ölüsh Üchün Emes Tirilish Üchün Birlishidu; Düshmenler Tirilish Üchün Emes, Ölüsh Üchün Birlishidu!

-Xatiremdin

(Shiér)

Yazarmen: Kurasch Umar Atahan

☆☆☆><☆☆☆

Hayatliq Deriximiz,

Yap-Yishil Köklep Tursun,

Toxtimay Tört Pesilde Achsun Chichek!

Ejel Yetmisun Uruqimizgha,

Köpeysun Néni, Süyi we Éshi…!

Beriketlik Bolsun Risqi we Ömri,

Milyonlargha Ulashisun,

Shereplik Neslimizning Qutluq Yéshi!

Saq Bolsun Oghuzhaqan Ilining Béshi!

Yishilliqqa Pürkensun Taghlirimiz,

Miwe Bersun Yasharsun Wadilarda,

Bozqirlarda, Édirlarda Baghlirimiz!

Igilmisun, Tik Tursun,

Tengritagh Choqilliridek,

Appaq bulutlar Üstide, Quyashqa Yéqin Millitimning Nurane Béshi!

Qiz-Yigitler,

Muhabbet Déngizigha Chümülsun,

Paklansun Ejdatlardin Qalghan Udumlarda!

Ata-Balalar….

Analar-Qizlar…

Bir-Birige…

Chétilsun Altun Zenjirlerde,

Qandashliq béghi,

Baghlisun Qeliblerni Qeliblerge!

Qaynap Tursun Gösh, Yagh Bilen Qazanlirimiz!

Köysun Ochaqlarda Hayatliq Oti,

Taghdek Igiz Moralar Tursun Tütep!

Shad Eylep Elni,

Taychaqlar Kishnep tursun,

Mozaylar Tursun Sekreship,

Kalilar mörep,

Tögiler Bozlap,

Butalaqlar Aznap….

Qoylar…

Qozilar…

Öchikiler…

Oghlaqlar… Merep,

Köngüller yayrap tursun,

Balilar Oynap tursun,

At qilip tal Chiwiqlarni,

Töl bersun chong bash,

Töl bersun kichik bash Haywanlirimiz,

Sütler derya bolup aqsun,

Bughdaylar…

Qonaqlar…

Shallar…Taghdek Döwlensun,

Söyünsun Ishchan Analar,

Aram Tépip Jengkgahlarda,

Sheripi Üchün El-Wetenning,

At Chaptursun Qilich, Qalqan, Neyze Tutqan Atalar!

Gumran Bolsun Etraptiki Düshmenlirimiz,

Échilsun Emdi,

Adaqqiche Quchaq Échip Daghdam Yolimiz!

Jewlan Qilsun,

Atimiz Alip-Ertunggadin,

Miras Qalghan Bayraqlirimiz!

Lepildisun Qizil Tughimiz,

Lepildisun Mawiy Tughimiz,

Lepildisun Sériq Tughimiz,

Lepildisun Qara Tughimiz,

Yiqilsun Reqiplerning Qeleliri,

Uchsun Gewdisidin Düshmenler Béshi,

Tökülsün Zalimlarning Qanighan Yéshi,

Köklerge Meghrurane Taqiship Tursun,

Shereplik Milletimning Nurane Béshi!

Uyghur, Uyghur, Uyghur Dep,

Yashisun,

Tomurida Oghuzhanning Qéni Aqqan Ewlatlirimiz,

Qayitayli Tarixtiki Seltenetlik Yillargha,

Lepildisun Her Terepte,

Atimiz Alip-Ertunggadin,

Ejdadimiz Oghuzhandin…

Yiltizimiz Sultan Satuqtin…

Jahangha Patmighan Amir Tömürdin….

Miras Qalghan Biridin Biri Qutluq Bayraqlirimiz!

02.08.2023 Germaniye