-Kurasch Umar Atahan

☆☆☆><☆☆☆

Uyghur Gülige…

-Kurasch Umar Atahan

☆☆☆><☆☆☆

Uyghur qizi,

Xasiyetlik Uyghur gülisen.

Sen rastinla,

Xasiyetlik gül,

Sughurulghan Jennet Süyide,

Söygüge changqighan qeliblerde!

Uyghur güli,

Sen Bir Altungül…

Ebediy tozimaydighan.

Uyghur güli….

Sen qelbimdiki muqeddes gül….

Ghurur…

Wijdan…

Sheripingdin tughulghan!

Uyghur Güli…

Weten ot sen perwane.

Uyghur Güli,

Sen qizil Gül biz bulbul!

Uyghur Güli…

Sen…

Exlaqning ülgisi..

Pidakarliqning misali…

Qeyserlikning timsali…

Ejdadinggha,

Kechmishingge,

Bugününgge,

Kélichigingge…

Baqqan Sultanlarning közide!

Uyghur güli,

Sen ming yillap,

Dunyagha,

Meripette hökümedken,

Bir ulugh Milletning torunu sen,

Yashnaysen…

Sulmaysen…

Yashaydighan Gülsen ebediy tozimaydighan!

Zadiche bir adem emes,

Meleksen Goya,

Kitapsen…

Shiersen…

Pikir we Idiye bar ichingde…Her bir Bétingde!

Uyghur güli…

Uyghurgüli Sen Exlaq gülisen.

Parlaq bir Altunay…

Kökte taghu tashqa nur tökken.

Uyghur qizi,

Sen Uyghurning xisletlik gülisen,

Söygüning oqini étip,

Méni menggülük esir etken…

Qapqarangghu kichilerde…!

Uyghur qizi,

Sen Uyghurning xisletlik gülisen,

Sen kichining Gülisen,

Sen kündüzning Gülisen.

Sen güzellik Shahisen!

Sen menggü…

Parlap turisen,

Jessurane qelbler kökide…!

Turalmaydu,

Tipirlaydu…

Sanga baqqan her yürek….!

Künler ötti,

Aylar ötti,

Yillar ötti…

Turisen körkem burunqidek!

Hélila échilghan

Tengritagh…

Étigide échilghan,

Qol yetküsiz xasiyetlik chichektek!

Güpüldep,

Xushpuraq taraydu sendin…

Hösnung bilen…

Sihirleysen,

Alisen janlarini tendin!

Nimilerni kütersen Oghuzhan nesli,

Batur Erkeklerdin?!

Uyghur Güli…

Sanga esir,

Bolghan bolsam kirek…

Uzaqta bolsammu wetendin,

Tengritaghqa…

Güldeste tizdim söygümdin,

bolsammu uzaqta,

Salam yollimay,

Turalmaydu Sanga bu yürek!

Söyünimen,

Uzaqlarda bolsammu,

Qarap toymeymen simayinggha!

Yultuzdek Közliringge,

Yaquttek Lewliringge …

Tal chiwiqtek belliringge…

Tengritagh yamghuridek,

Yürekke arambexish,

Mejnun taldek Sachlaringgha…

Qarap, qarap. ..

Toymaymen nurane nigahinggha,

Chümilimen,

Déngizdek chongqur, Méhri muhabbitingge!

Uyghur Güli,

Séni Oylisam

Gheriq bolimen,

Shunche sirliq nazuk tuyghulargha…

Igilidu…

Tolghinidu…

Söygü-Muhabbet,

Ottek köyüp Turghan Qelbimdiki Gülhanlarda…

Xiyalimda,

Küchlük qollirim bilen Seni Basqanda Dertlik Baghrimgha!

Uyghur güli,

Hey Qelbim kökidiki,

Aq süttek nurlinip turghan Parlaq Altunay…

Yüriging,

Déngizdek chongqur,

Nigahing payansiz Xuddi Asmandek!

Uyghur qizi, Uyghurning sirliq güli,

Sen yasha,

Muhabbet ichre…

Dertlik yüreklerde weten Gülidek…!

Biz kül bolayli ishqing otungda,

Tagh tisheyli Perhadtek,

Sen telmurt bizni Shirindek…

Chöl Kizeyli Mejnundek,

Sen shamilingda uchurt Bizni Leyladek….

Achayli Tilsimlarni Tayirdek,

Sen köydür yüreklerni Zöhredek…

Rezillikke Oq Üzeyli Ghériptek…

Sen sersan eyle shah Senemdek….

Biz Sorulayli,

Mubbet we Söygü telqinliride,

Shamalliringda, Söygü Asmininggha Topidek….!

Sen rastinla Uyghur güli…

Men Ashiqi Beqarar,

Yoqutup Hoshumni, Qarap qalimen Sanga Adem Atadek…

Söygüng sirliq Alma…

Sen qelbimdiki hawa Ana….

Gunahlardin tutalmay,

Özemni,

Mangimen Sürgün yoligha!

Men Adem,

Sürgün bolghan jennitimdin söygü chölige…!

Uyghur Qizi Sen Uyghur güli,

Sherep we Nimusning chéchigi…

Söygüng qizil alma,

Semerqend almisidek,

Her terepke bashlaydighan…

Appirip sughrmay,

Altun yilandek Tarim deryasigha,

Teklimakan Chöllirige Tashlaydighan!

Altunaydek parlap turisen qelbim kökide!

Isimdin ketmeysen,

Untushqa

Orunghanche Kündüz Kichide!

Uyghur güli,

Exlaq güli…

Wijdan güli…

Erkinlik güli…

Hey Qelbim kökidiki,

Parlaq Altunay…

Yüriging,

Déngizdek chongqur,

Nigahing payansiz Xuddi Asmandek!

Sen yasha,

Muhabbet ichre…

Dertlik yüreklerde weten Gülidek…!

Biz kül bolayli ishqiy otungda,

Tagh tisheyli Perhadttek,

Chöl Kizeyli Mejnundek,

Achayli Tilsimlarni Tayirdek,

Rezillikke Oq Üzeyli Ghériptek…!

Sorulayli,

Mubbet boranlirida asminigha topidek….!

Sen rastinla Muhabbet güli…

Hey Uyghur qizi,

Nomus we Arning Güli…

Turisen,

Qelbimde nurlinip meghrur…

Qanitingda baxashlap méni,

Qulaq salisen,

Sanga ashiq Yürigimning soqushlirigha

Men bextiyar söygüng ilkide…

Altun Tajdek parlap tur,

Béshimizda Hey Uyghur Qizi,

Hey Uyghur Güli, séning ornung Uyghurlarning qelibler kökide!!!

26.08.2023