-Eng Qebih we Xeterlik Düshmen Dötlüktur!
-Xatiremdin
Yazarmen: Kurasch Umar ATAHAN
☆☆☆><☆☆☆
Küresh Qilish Herqanche Mushaqetlik Bolsimu Ademge Kötürenggü Roh, Jasaret, Küch-Quwet we Igilmes Roh Ata Qilidu!
-German Millitining Hikmetliridin
☆☆☆><☆☆☆
Qelbingdin Kelgen Yaxshiliqni Emes, Seni Üzgen Rezillikni Inkar Qil; Sen Emes Rezillik Reswa Bolsun!
-Markus Aureliyus
☆☆☆><☆☆☆
Qarang Bu Güzellikke! Parlaq Turghini Nur, Qariyip Körüngini Sayedur!
-Rumi
☆☆☆><☆☆☆
He Toghra, Hemmini Belgüleydighan Ademning Rohidur! Ademning Rohi Chiqip Ketse Hemme Ish Tügeydu! Qozghulup Ketken Roh Esla Jayigha Chüshmeydu! Jayigha Chüshmigen Roh Özgürep Kétidu! Ademning Rohi Özgürep Ketse Chirayi, Teqqi-Turiqi, His-Tuyghusi, Pikru-Xiyali we Dunya Qarishimu Özgürep Kétidu! Roh Adem Bilen Emes Rohlar Dunyasi Bilen Bir Pütündur! Ademning Rohi Yashighanlirini, Yashawatqanlirini we Yashaydighanlirini Belgüleydu!
K.U.A
☆☆☆><☆☆☆
Bilish Yoli Kemterlik Bilen Ügünish Yolidur; Ügen’güchining Zéhni Yéngi Uchurlargha Ochuq Bolishi, Özining Bilishtin Awalqi Xata Chüshenchiliridin Ügengendin Kéyin Qettiy Waz Kécheleydighan Bolishi Lazimdur!
-Yunan Peylasopi Sokrates
☆☆☆><☆☆☆
Teyyargha Heyyar Bolup 1000 Yil Yashighandin, Zalimgha Düshmen, Mezlumgha Ahyar Bolup Küresh Ichide Yashap Ölüp Ketken Ming Eladur!
German Xeliq Hikmetliri
☆☆☆><☆☆☆
Bashqalarning Xatalighini Tépish Asan, Emma Tüzütish Undaq Asan’gha Toxtimaydu!
-Yunan Yazghuchisi Plutarch
☆☆☆><☆☆☆
Yaxshi Bir Hayat, Yaxshi Bir Hayatni Heq Etkenlerge Bérilidu!
-Ruslarning Ulugh Yazghuchisi Lio Tolistoy
☆☆☆><☆☆☆
Adem Digining Shu! Turmushni Köpraq Oylaydu! Ularning Iqtisadi Kirimi Yaxshiraq Bolghanlari Bir-Biridin Azraq Derijide Periqliq Halda Halliq Turmush Kechüridu; Chünki Özlirini Qilish Imkaniyiti Bolghan Eng Üstün Derijide Tüzüwalalmighan Bolsimu, Qolidin Kelishiche Eplep-Seplep Azraq Ongshiwalghan Bolghachqa, Xiyalida Hayatning Jennitini Qurup, Özige Teselli Bérip Yashaydu!
-German Mutepekkuri Johan Wolfgang Goethe
☆☆☆><☆☆☆
Adem digen Insapsiz we Nashüküri Kélidu, Yaxshi Künlerni Asanla Untup, Yaman Künlerni Birdin Birdin Sanap, Uningdin Özige Öz Qoli Bilen Bexitsizlik Zindanlirini Yasap Chuqidu!
-Fjodor Dostojewski
☆☆☆><☆☆☆
Kitap Oqudum, Dep Qoyghan Bilenla Hésap Emestur; Ademiyliging, Exlaqing, Biliming, Tepekkuring,
Ish we Herkitingning Süpiti We Sapasi Muhimdur!
K.U.A
☆☆☆><☆☆☆
Sen Duch Kelgen Éghir Sinaqlar Séning Küch We Qudritingning Zadi Qanchilikligini Namayada Qilidu!
Yunan Peylasopi Epiktetus
☆☆☆><☆☆☆
Küresh Hayatliqning Del Özidur!
K.U.A
☆☆☆><☆☆☆
Tarixingdiki Yaxshi We Yaman Kechürmishler Muhimdur, Yaxshisini Élip Qélip, Yamanini, Yamanini Élip Qélip Yaxshisini Öchürüp Tashlighan Teqdirdimu Bugünki Eqil-Paraseting Ghayip Bolup Kétidu! Tejiribe we Sawaqlardin Paydilan Untup Ketme, Ihtiyat Bilen Yasha!
-Mawlana Jalaliddin Rumi
☆☆☆><☆☆☆
Méni 40 Yilliq Küreshlirimning Jiddiy Qaynimigha Gheriq Qiliwétishni Pilanlighanlar Düshmenning Nijis Pilani Bolsimu, Buni Ijra Qilghanlar Weten Xayinliri, Milliy Munapiqlar we Xen Jasuslari Idi!
K.U.A
☆☆☆><☆☆☆
Bilim Dep Xata we Waqti Ötken Exlettek Nersiler Bilen Méngisini Toshquziwalghan Maxluqatlar, Hichqandaq Bilimi Yoq, Qolidin Ish Kelmeydighan Nadan we Xurapi Qara Qursaq Kishilerge Qarighanda Téximu Xeterliktur!
-Geprge Bernhard Shaw
☆☆☆><☆☆☆
Gérman Peylasopi Arthur Schopenhauers Éxitqandek Din We Pelesepediki Optimismusni Taqa-Tuqa Chüshünip, Heriket Qilish
Hayatliqning Immunsistemini Töwenlitiwitidu ww Éghir Téragediyening Tughulishigha Sewep Bolidu!
Chünki Étiqat we Telimatlarni Her Dewirning Ademliri Bimim, Sewiye we Safasigha Qarap Cjüshünidu!
K.U.A
☆☆☆><☆☆☆
Dunyani Chüshünish Özengni Chüshünish Digenliktur, Özini Chongqur Chüshendi Digenlik, Dunya Riyallighini Téximu Yéqindin Hisqilish Digenliktur!
-Gérman Peylasopi Rudolf Steiner
☆☆☆><☆☆☆
Derdimiz Qeyerde Bolsa Ilahiy Penjiremiz Shuyerdedur! Penjiremiz Qeyerde Bolsa Xudaning Bizni Yaratqan Qediriyetliri Hésaplinidighan Jan, Roh, Nur, Nemlik, Hawa We Tupraq Qatarliqlarning Xasiyiti Bizge Shu Yerdin Yéqinlishidu!
K.U.A
☆☆☆><☆☆☆
Yaman Yéri Ademler Yalghan’gha Ustaliq Ishletken Saxtakarlarni Way Dep, Rast Gepni Yalingach Qilichtek Kötürüp Chiqqan Ezimetlerdin Ölgüdek Qachidu!
– Ulugh Uyghur Alimi Al-Farabi
☆☆☆><☆☆☆
Bexit Köpünche Bashqilargha Yaxshiliq Qilghanda Otturgha Chiqidu; Bexit Ademlerning Arisida Emes Pikringde Peyda Bolidu!
-Roma Peylasopi Seneka
☆☆☆><☆☆☆
Eger Hazirqi Halitingni Özgertip Zamaniwiylishishni Xalisang Tarixingni Tetqiq Qilip, Özengge Eng Layiq We Muwapiq Bolghan Bir Chiqish Yolini Izlep Tapqin!
-Baruch De Spinoza
☆☆☆><☆☆☆
Meyli Qeyerdila Bolsun Insandur, Insanlar Dayim Hürmet we Izzetke Layiqtur!
-Roma Peylasopi Seneka
☆☆☆><☆☆☆
Aqil Ademlerning Yene Bir Özelliki Düshmendinla Emes, Belki Özining Horunlighi Üstidinmu Ghalip Kéleleydu!
Yunan Peylasopi Demokritus
☆☆☆><☆☆☆
Adettiki Ademler Bashqalar Ishendürgen Hemme Netsini Heqiqet Dep Qaraydu; Terbiye Körgen Ademler Nime Aq, Nime Qara Awal Tekshürep Béqip Andin Höküm Qilidu we Ishinidu!
Adem Özi Yalghuz Resmiy Derijidiki Birer Bexitke Irishelmeydu, Yaman Yéri Bashqilar We Bashqa Yerlerdinmu Pütünley Özi Xalighan Bexit we Saadetke Érishelmeydu!
-German Peylasopi Schopenhaur
☆☆☆><☆☆☆
Xayin Dostlar
☆☆☆><☆☆☆
Düshmenler Atti Méni,
Zeherlik Oqlari Yandin Ötti.
Düshmen Qélip Bir Terepte,
Hilekar Dostlar Atqanti,
Dost Digenler Atqan Oqlar,
Udul Kélip Jandin Ötti!
Hesetxor Xumsilarni,
Ishench Qilip,
Sadaqetmen Dostum Dep Bilip,
Bir Xata Qildim,
Bir Emes Minglap Xata Qildim,
Dostlar Xayinliq Qildi,
Düshmenimge Méni Bekla Erzan Satti.
Gheplet Basti,
Reqipler Ghalip Keldi, Ketti Pursetler,
Ming Pushman Qilghan Bilen Ne Payda,
Sheherlirim,
Qelelirim Qoldin Ketti,
Bu Dertlerni Kimge Éytay,
Qandaq Külüp, Qandaq Yighlay Özemdin Ketti!
K.U.A
07.02.2024 Germaniye
☆☆☆><☆☆☆
Gepke Mena Yükliyeligüdek Bolghiche Eng Yaxshisi Tekrar We Tekrar Éghizni Yumup, Sebir Qilghan Yaxshi!
-Pithagores
☆☆☆><☆☆☆
Hemme Yer Öydek Körünidu Xatunlar Bar Yerde; Talada Yashighandek Yashaydu, Erler Her Yerde!
K.U.A
☆☆☆><☆☆☆
Qara Qishning Qehritan we Soghaq Kéchiside, Peqet Özemningla Turghan Yérimde Yaz Künlirini Yeni Quyash Nuri We Hararetni Qelbimning Eng Chongqur Qatlimidin Axiri Tépiwaldim!!!
-Albert Kamus
☆☆☆><☆☆☆
Kallisi Ishlimeydighan Dostlardin Eqilliq Düshmenler Yaxshi!
-Uyghur hikmetliridin
☆☆☆><☆☆☆
Japaliq Meshiqler Shagirtlarni Mahir Ustagha Aylanduridu!
AUGUSTUS
☆☆☆><☆☆☆
Qutrighan Déngizda Yoldin Azghanda Ishenki His we Tuyghung Sanga Yol Bashlaydu!
-Markus Aureliyus
☆☆☆><☆☆☆
Telim-Terbiye Arqiliq Hemme Ishni Qilghili Bomidu! Telim-Terbiye Undaq Muhimken Undaq Bolsa Telim-Terbiyege Alahiyde Étibar Körsütünglar!
ELITHABETH II
☆☆☆><☆☆☆
Hayatta Murad-Meqsetke Yetmek Bes Müshküldur!!!
K.U.A
☆☆☆><☆☆☆
Yilan Qanche Qétim Qasraq Tashlisimu Beribir Yilanlighi Özgermeydu; Seni Chaqqan Yilanlar Tire Tashlap Arqisigha Yan’ghanda Éhtiyat Qil, Ach Qalghanda Ular Yene Adem Chaqidu!
K.U.A
☆☆☆><☆☆☆
Nimela Qil Etrapingdikiler Beribir Séni Pushman Qilduridu!
-Soren Kerkiegart
☆☆☆><☆☆☆
Xiyallirimni Riyalliq Bilen Arlashturiwalmay, Toxtap Qalmstin Izchil Türde Tepekkur Qiliwatimen!
-Aplaton
☆☆☆><☆☆☆
Ussulgha Chüshken Medeniy Insanlarni Körgende Bediwiyler Bu Qandaq Bir Sarangliq, Dep Oylap Qalidu, Sewebi Intayin Addiy Bolup, Yawayilar Muzikini Qettiy Chüshenmeydu!
-Gérman Peylaspi Friederich Nietzsche
☆☆☆><☆☆☆
Rast Sözleshtin Qiyin, Yalghanchiliqdin Asan Nerse Yoq Bu Dunyada!
– Rus Yazghuchisi Fjodor Dostojewiski
☆☆☆><☆☆☆
Ya Rabbim Awal Analargha Merhemet Et, Analarning Biz Üchün Chekkenlirige Layiq Her Bir Dunyada Ularning Béshigha Rehemet we Merhemet Yamghurungni Yaghdur! Her Ish Qilsang Ular Üchün Xeyirlik Eyle!
K.U.A
☆☆☆><☆☆☆
Étiqat Saxta we Yalghanchiliqtin Tamamen Mustesna Bolghanda Andin Din Resmiy Heqiqetke Aylinidu!
– Germaniye Yazghuchisi Franzis Kafka
☆☆☆><☆☆☆
Xudani Izlep Sinagok, Chérkaw, Témpil, Ibadetxane we Jamelerni Arilap Chiqtim, Axirida Qelbimning Shahane Texitliridin Tépiwaldim Mawlanamni!
-Mawlana Jalaliddin Rumi
☆☆☆><☆☆☆
Nikola Tesla Toghra Deydu, Beshingni Chökürüp Yalghuzluq Ichide Bir Ish Qilip Baq, Andin Anglimighan Nersilerni Anglaysen We Körmigen Nersilerni Körisen; Bilmigen Nersilerni Bilisen!
K.U.A
☆☆☆><☆☆☆
Ömür Diginingiz Hayatingizdiki Chong-Kichik Ishlarning Yighindisidin Bashqa Nerse Emestur!
-Charles Dickines
☆☆☆><☆☆☆
Erkinlik Hayatliqning Meqsididur! Insanlarning Erkinligi Adem Ewladining Ixtiyarida Bolmighan Nersilerni Kontorol Astigha Élish Arqiliq Ishqa Ashidu!
-Zeno Von Kition
☆☆☆><☆☆☆
Eng Xeterlik Dötler Medeniyet Sewiyesi Yoquri Bolghan Dötlerdur!
Eng Xeterlik Baylar Exlaqqa Yoqsun Bolghan Baylardur!
Eng Rezil Xotun Özi Öyde, Köngli Talada Yürgen Xotundur!
Eng Rezil Erkek Xotunini Kochigha Chiqirip Qoyup, Özi Öyde Yétiwalidighan Erkektur!
Eng Xeterlik Saranglar Resmi Saranglar Emes, Diploma Alghandin Kéyin Sarang Boliwalghanlardur!
K.U.A
☆☆☆><☆☆☆
Heqiqi Bir Yasham Üchün Tirmishinglar, Aqil Ademlerdek Ömür Sürüp, Hayatinglarni Mol Mezlumlarning Baghchisigha Aylandurunglar!
Seneka The Younge
☆☆☆><☆☆☆
Eger Her Ikkisige Oxshash Waqitta Taqabil Turalmaydighan Ish Bolsa Söygen’ge Qarighanda Qoruqqan, Siliqraq Éyitsaq Héyiqqan Téximu Ewzeldur!-Digeniken Ulugh Peylasop Nekkola Makiyawelli.
Chünki Söyüshning Jawapkarliqi, Héyiqishqa Qarighanda Qatmu-Qat Éghirdur! Qorqqanda Chare-Tedbir Tapqili we Ziyan-Zexmetsiz Halda Muwepeqqiyet Qazanghili Bolidu!
K.U.A
☆☆☆><☆☆☆
Bakardin Bikarla Özengni Bashqilar Bilen Orunsiz Ishlar Heqqide Sélishturup Yürüsh Bir Obdan Kétiwatqan Hayatingni Yéqip Külge Aylandurghini Yetmigendek Ichken Süyüngni Zeherge, Kiygen Kéyimleringni Kipen’ge Aylanduriwitidu!
K.U.A
☆☆☆><☆☆☆
Dorust Kishilerdek Yashash we Küresh Qilish Hergizmu Köpsanliqlar Terepte Turush Emes Belki Az Heta Yalghuz Bolsimu Heqiqet Terepte Turush Digenliktur!
-Markus Aureliyus
☆☆☆><☆☆☆
Yéngilishlarning Eng Asasliq Sewebi Iradige, Sebdashlargha we Ghayige Asiyliq Qilishtin Ibarettur!
Napalion Bunapart Yengilish Sewebi Üstide Toxtulup: „Jiddiy Peyitte Bel Qoyiwitidu, Küreshtin Waz Kéchidu we Düshmenlerge Sétilip Kétidu,“- Digeniken!
Ademler Tarixta Az we Ajiz Bolghanlighi Üchün Emes, Qorqunchaq we Iradisiz Bolghanlighi Üchün Yéngilip Qalghan!
K.U.A
☆☆☆><☆☆☆
Aliy Meqset we Ghayiler Muskulghala Tayinidighan Qara Küchke, Heriketke Baghliq Bolghan Jismani Maharetke Emes, Belki Eng Muhimi Yéngilmes Irade, Igilmes Xaraktér, Tiz Pükmes Jasaret we Pidakarliq Bilen Özini Béghishlash Rohi Arqiliq Ishqa Ashidu!
-Qedimqi Rim Emparatori Julius Cäsar
☆☆☆><☆☆☆
Meghlubiyetler Ghelbe Qilishtiki Qimmetlik we Eng Addi Pursettur; Meghlubiyetler Chünki Ademlerni Ilgirkige Qarighanda Téximu Eqilliq Qiliwitidu!
-Amerikaliq Kapitalst Henry Ford
☆☆☆><☆☆☆
Izchil Ügüniwatqan Biraw Toxtimay Toxtimay Yüksiliwatqan Bir Ziyalidur!
-Charliy Munge
☆☆☆><☆☆☆
Heriket Qilishning Tosalghusi Ilgirligen Halda Heriket Qilishtur, Yol Yürüshning Qiyin Teripi Kélishidur Arqa-Arqidin Qiyin Yollarning!
-Markus Aureliyus
☆☆☆><☆☆☆
Ademlerge Özengni Obdanraq Bir Körsütüp Qoy, Dorust Ademler Oylighanlirini Qandaq Yashaydu, Biliwalsun!
-Markus Aureliyus
☆☆☆><☆☆☆
Men Ötüshimen, Insanlargha Ziyan Salghini Heqiqet Emes Jahaliyettur!
-Markus Aureliyus
☆☆☆><☆☆☆
Hayatimizda Parlaq Bolghini Yoruqluq, Qarangghu Bolghini Bolsa Kölenggidur!
-Karl Gustaf Jung
☆☆☆><☆☆☆
Terepballam Peyda Bolup qalidighan Hichqandaq Bir Ulugh Nerse Yoq!
– Yunan Peylasopi Epiktetus
☆☆☆><☆☆☆
Ademning Birinchi Numurluq Düshmini Del Özining Kallisidiki Tetür Tepekkuridur! Adem Qebih Düshmenlirining, Wapasiz Yéqin- Yoruqlirining, Xayin Dostlarning we Hertürlük Saqaymas Késellikerning Emes, Belki Öz Xaraktéridiki Ajizliqlarning Sewebidin Bir Ömür Bexitsiz Bolup Yashaydu!
K.U.A
☆☆☆><☆☆☆
Men Guwa, Heqiqetning Hetta Düshmen’gimu Tégi-Tektidin Hergiz Ziyan Salmaydighanlighigha! Emiliyette Insanlarning Jan Yéridin Uridighini Heqiqetlerni Xata Chüshüniwélish, Heqetlerni Xata Chüshendürüsh, Hetta Heqiqetlerni Bilip Turup Xata Chüshünish, Toghra Yolda Qashangliq Qilish, Nadanliq We Xurapatliqqa Bérilishtur!
-Qedimqi Roma Peylasopi Markus Aureliyus
☆☆☆><☆☆☆
Üstidikilerning Könglidikisini Astidiki Muhtaj Bolghan Kishiler Körelmigeni Bilen Xuda Téximu Üstide Hadisatlarning Hemmisini Eng Yaxshi Körüp Turidu!
K.U.A
☆☆☆><☆☆☆
Her Ettigende Bir Tuggulup, Chüshte Chong Bolup, Axshamda Ölimiz! Bu Hayat Her Bir Dunyada Ashundaq Dawamlishidu!
-German Peylasopi Arthur Schopenhauers
☆☆☆><☆☆☆
Héllan’ghan Ademlerge Terepballa Bashqalarning Yol Bashlishining Hichqandaq Bir Ehmiyiti Yoqtur; Serxéllar Özlirining Eqlige Egiship Mangalaydighan Küchlük we Yétishken Insanlardur!
Yunan Peylasopi Europedes: Aqillar Özi Bashlighan Yolda Mangidu, Digenidi! Bu Digenlik Tereqqi Qilghan Milletler Bashqilargha Eqil We Bilim Jehettin Hergiz Muhtaj Bolmaydu, Digenlik Bolidu!
K.U.A
☆☆☆><☆☆☆
Dunya Üzlüksiz Özgürep Mangidu; Ademler Uning Bilen Peqet Qanchilik Oyliyalisa Shunchilik Ilishkide Bolalaydu!
-Markus Aureliyus
☆☆☆><☆☆☆
Eqilliq Bilimlik we Tejiribelik Bolghan Küchlük Ademler Idiyeler We Dunyadiki Yéngiliqlar Heqqide; Adettiki Ademler Özining Etrapidiki Weqe-Hadisiler Heqqide; Ajiz, Bilimsiz we Nadan Ademler Bolsa Kocha-Kotangda Éqip Yürgen Pitne-Pasat we Gheywet-Shikayetler Heqqide Köpraq Gep Qilishidu!
-Yunan Peylasopi Sokrates
☆☆☆><☆☆☆
Özini Bilish Hemmini Bilishning Muqeddimisidur!
SOKRATES
☆☆☆><☆☆☆
Medeni-Maaripning Ghayisi Mektepte Ügengen Bilimlerning Tolisining Untulup Ketishi Bilen Insan Méngiside Peyda Bolidighan His, Tuyghu, Pikir we Idiyeni Shekillendürüshtur!
-German Peylasopi Albert Einstein
☆☆☆><☆☆☆
Ijadiyet Ademning Emes Biwaste Xudaning, Perishtilerning we Malayikilerning
Ilhami Bilen Bolidu!
-Ludwig Von Beethovens
☆☆☆><☆☆☆
Meghlubiyetni Bir Purset Dep Qarisaq Hergiz Xata Bolmaydu, Chünki Tejiribe-Sawaq Qazan’ghan Biri Qazanmighanlargha Qarighanda Téximu Eqilliq, Bilimlik we Ishenchiliktur!!!
-Amerikaliq Tijaretchi Henry Ford
☆☆☆><☆☆☆
Spirituell, Diniy We Pelesepiwiy Telqinlirige Intayin Chongqur Chökken Ewliya-Enbiyalar, Mutesewuplar, Ülimalar, Peylasoplar we Sennetkarlar Jemiyettin Barghanche Uzaqliship Kétidu!
-German Peylasopi Arthur Schopenhauers
☆☆☆><☆☆☆
Éghir Meghlubiyetlerdin Weyrane Xarabiler, Eshu Ademning Ichi Siyirilip Kétidighan Xarabilerdin Herxil Del-Derexler we Bükkide Yashirip Turidighan Güll-Chichekler Bilen Qaplinip Turidighan Shahane Baghchilar Peyda Bolidu!
-German Shairi Friedrich Schiller
☆☆☆><☆☆☆
Biz Kirzis Ichide Qalghanlargha Qilinidighan Insaniy Yardemni, Dunyani Özgertip, Insaniyetke Bexit we Saadet Yaritidighan Ulugh Telimatlardinmu Chong Bilidighan Axmiqane Bir Dewirdiki Bacgar Sistémada Yashawatimiz!
K.U.A
☆☆☆><☆☆☆
Hayat Meselini Hel Qilish Üchün Emes, Belki Bilish weTejiribe-Sawaq Toplash Üchündur!
-Daniye Peylasopi Soren Kierkegaard
☆☆☆><☆☆☆
Men Büyük Ustaz Sokratesni Bésip Chüshüshni Hichqachan Xiyalimgha Keltürüp Baqmidim! Eger Ötüp Kétish Kérek Bolsa Men Özemning Tünügünki Halitidin Bugün Keskinlik Bilen Ötüp Kettim! Mana Mushu Éship Chüshüshlam Hayatim Boyi Manggha Yétip Ashidu!
-Yunan Peylasopi Epiktetus
☆☆☆><☆☆☆
Ademlerning Oylighanlirining Sözligenliridin, Sözligenlirining Qilghanliridin Qandaq Periqlinidighanlighigha Diqqet Qilsanglar Arisida Bir Hetta Birqanche Uchurum Hangning Barlighini Köriwalalaysizler!
-Rene Descartes
☆☆☆><☆☆☆
Mal-Mülük, Shan-Shöhret we Hoquq Isil Ademlerni Esla Aldirap Özgertiwitelmeydu! Pul, Mal-Dunya we Hoquqning Qilalaydighini, Peqet Rezil Insanlarning Yüzidiki Maskilirini Tartip Chüshürüp, Heqiqi Epti-beshirisini Ashikareliwitishtin Ibarettur! Eger Birawning Tebiyitide Heqiqi Shexsiyetchilik, Hakawurluq we Achközlük Bar Bolghan Bolsa Pul Ularning Eshu Qorqunchluq Tebiyitini Jemiyetke Ashikarilap Béridushu!!!
– Ulugh Soda-Sanaetchi, Tijaretchi we Tonulghan Bay Henry Ford
Insanlarning Pikirler Dunyasida Saqlighanliri Goya Déngizdiki Qarliq Taghqa Oxshaydu! Bu Pikirlerning Körünidighan We Körünmeydighan Yerliri Bardur!
K.U.A
☆☆☆><☆☆☆
Heqsizliq, Mehkumluq we Qulluqqa Könüp Ketkenlerning Erkinlik Üchün Bedel Töleydighan Tuyghusi Gheplet Uyqusigha Ketken Yaki Ölgen Bolidu!
K.U.A
☆☆☆><☆☆☆
Insanlarning Pikirler Dunyasida Saqlighanliri Goya Déngizdiki Qarliq Taghqa Oxshaydu! Bu Pikirlerning Körünidighan We Körünmeydighan Yerliri Bardur!
K.U.A
☆☆☆><☆☆☆
Hayatiy Hozur Etrapingdiki Kalitesiz Kishilerning Sen Heqqide Nimelerni Oylawatqanlighi, Nimelerni Dewatqanlighi we Nimelerni Qiliwatqanlighi Qatarliqlardin Perwaying Pelek Halda, Özengning Qiziqishi, Pilani we Qarari Boyinche Ish Qilghan Chéghingda Andin Bashlinidu!
-Markus Awreliyus
☆☆☆><☆☆☆
Ölüshni Xalisang Bashqilarning Aldida Yalghandin Qaraqursaq We Axmaq Körüniwalsang Yéterliktur! Bu Kargha Kelmigen Haman Herqandaq Nersining Ölükke Hesap Qilinidighan Bir Zamandur! Eger Qara Qursaq we Axmaq Bolsang Ölüshke Bahane Sewep Izdeshning Hichqandaq Kérigi Qalmaydu! Ishqa Yarimisang Sen Öldüng, Digen Gep Bolidu!!!
K.U.A
☆☆☆><☆☆☆
Bir Düshmen’ge Qarshi Urush Qilishni Ret Qilsang Axirsida Bir Düshmen Bilenla Emes Belki Yéngidin Yéngi Otturgha Chiqidighan Téximu Köp Düshmenler Bilenmu Soqash Qilishqa Mejbur Qalisen!
-Büyük Émparator Alexander
☆☆☆><☆☆☆
Siler Hazir Bilip Bilmey Ichinglarda Méni Mingni Tillawatisiler. Men Silerning Düshmininglar Bilen, Siler Men Bilen Küresh Qiliwatisiler, Intayin Xata Qiliwatisiler! Waqti Saiti Kelgende Hemmenglar Xataliqinglardin Waz Kéchisiler, Ishtin Ish Kechkende Charesizliktin Méni Maxtaysiler!
K.U.A
☆☆☆><☆☆☆
Mal-Mülük Sahibi Mülükdardur!Mülükdar Derijisining Melum Pellisigiche Erkin, Bexitlik we Küchlük Bolidu; Xojayindek Yashaydu!Mülükdar Mal-Mülüki Melum Chektin Éship Ketkendin Kéyin Bolsa, Mal- Mülükning Quligha Aylinidu!
German Peylasopi Friederich Nietzsche
☆☆☆><☆☆☆
Alim Binjamen Franklin Éyitqandek:
Adem Ewlatlirining Köp Sanlighi Hayatta Muwepeqeyet Qazinalmighachqa
Aran 25 Yash Etrapida Heqiqi Ömür Körüdu, Emma Ottura Hésap Bilen 75 Yashta Kömülidu! Beziliri Bolsa Özining Bu Dunyagha Nime Üchün Kelgenligini Bir Ömür Bilmey Hetta 100 Yashqa Kirgiche Yashaydu!
K.U.A
☆☆☆><☆☆☆
Hür Ademmu Bolushni Xalaysen? Undaqta Özengning Eqli Bilen Höküm Qilghin!
-William Blake
☆☆☆><☆☆☆
Qorqush Peqet Bir Pissixologiylik Reaksiye Bolup, Jasaret Bolsa Heqqaniyet Üchün Körsütilishke Tégishlik Bolghan Adil Bir Qarardur!
K.U.A
☆☆☆><☆☆☆
Eng Yaxshi Bolghan Qisas Élish Usuli Méningche Bolghanda Xuda Razi Bolidighan, Peylasop Markus Aureliyusche Bolghanda Düshmenning Qisas Élish Usuligha Oxshimaydighan Bir Xil Qisas Élish Usulidur!
K.U.A
☆☆☆><☆☆☆
Rezilliklerge Qilinidighan Merhemet, Güzelliklerge Qilinidighan Ihanetke Mal Bolidu!
-Binjamen Franklin
☆☆☆><☆☆☆
Qarangghu Kiche Heqqinde Toxtimay Waysawermey, Eng Yaxshisi Özengni Bir Shamgha Aylandurup, Oylinip Olturmayla Pilikingge Serengge Yaqqin!
-Benjamin Franklin
☆☆☆><☆☆☆
Ademler Mesel we Chöcheklerni Balalar Dunyasigha Ayittek Oylaydu; Emeliyette Adem Ewlatlirining Ömürning Herqaysi Basquchlirida Mesel We Chöcheklersiz Yashaydaydghan Yaki Yashiyalmaydighanlighigha Chüm Pütmes Boldum!
German Peylasopi Friederich Nietzsche
☆☆☆><☆☆☆
Dangliq sennetkar Hashimjan Qurbanning ijadiyitige Biz qayil. Autor öz hayatida xuddi bulardek birqisim isil eserlerni ijat qilghan. Bu eserler Dunyawiy sewiyede bolush Bilen birge Milliyliki, indiwiduallighi, bedihiyligi we Ijtimayi menasi qatarliqlar jehettinmu Uyghur miniatur sennitide ozigexas uslup we yéngi pelke yaratqan.
Biz dostimiz Hashimjan Qurban we Türkistandiki méhnetkesh kesipdashlirigha uzaq Ömür, ijadiyetlirige téximu köp hosul we utuqlarni tileymiz!
02.02.2024 Germaniye
☆☆☆><☆☆☆
Muhabbet….
☆☆☆><☆☆☆
Muhabbet Derttek Éghir,
Yéniktur Xuddi Söyüshlerdek…
Muhabbet Bezide Nurluq…
Bezen Qara Kéchilerdek…
Muhabbet Bezide Bettap,
Bezide Sap Saghlam Goya Aptap…
Muhabbet Bezide Oyghaqtur,
Nurluq Yultuzdek Turidu Julalap.
Muhabbet Bezide,
Aldinggha Chiqidu,
Shirin chüshlerni körgenche Uxlap…
Muhabbet Gahida
Kéter Goya Kéchidek Qaradap,
Muhabbet Gahida Bulutsiz Ochuq Asmandek…
Chéhride Künning Nuri Hemishe Turidu Parlap!
-William Shakespeare
„Romiyo Julieta“ Digen Eserdin Ariye!
Englishchedin K.U.A Terjime qildi
02.02.2024 Germaniye
☆☆☆><☆☆☆
Kishiler Özlirining Tebiyitidiki Xamliq we Yawayiliqqa Qarshi Özini Özi Öz Dewrige Xas Bolghan Ziwilizatsiye Ölchemlirige Uyghun Halda Qélipqa Sélip Yashashni Bilishi Kérek!
– German Peylasopi Immanuel Kant
Immanuel Kant (1724-1804) war ein deutscher Philosoph der Aufklärungsowie unter anderem Professor der Logik und Metaphysik in Königsberg. Kant gehört zu den bedeutendsten Vertretern der abendländischen Philosophie. Sein Werk Kritik der reinen Vernunft kennzeichnet einen Wendepunkt in der Philosophiegeschichte und den Beginn der modernen Philosophie.
Kant schuf eine neue, umfassende Perspektive in der Philosophie, welche die Diskussion bis ins 21.Jahrhundert maßgeblich beeinflusst. Dazu gehört nicht nur sein Einfluss auf die Erkenntnistheorie und Metaphysik mit der Kritik der reinen Vernunft, sondern auch auf die Ethik mit der Kritik der praktischen Vernunft und die Ästhetik mit der Kritik der Urteilskraft. Zudem verfasste Kant bedeutende Schriften zur Religions-, Rechts- und Geschichtsphilosophie sowie Beiträge zur Astronomie und den Geowissenschaften.
Beeinflusst von: René Descartes, Jean-Jacques Rousseau, Gottfried-Wilhelm Leibniz, mehr
Beeinflusste Personen: Georg Wilhelm Friedrich Hegel, Arthur Schopenhauer, Martin Heidegger!
UKM
☆☆☆><☆☆☆
Muwepeqqiyet Özligidin Emes Belki Barliqini Béghishlash, Qettiy Waz Kechmeslik, Rayishliq Bilen Tiriship Tirmishish, Biwaste Bash Chökürüp Ishleshtin Kélidu!!!
-Yunan Peylasopi Aristoteles
☆☆☆><☆☆☆
Axmaqlar Bilen Talashma, Ular Sen Bilen Boy Ölchishimen Dep, Tutqan Yirige Kanidek Chaplishiwélip, Séni Awal Turghan Yéringdin Özi Turghan Peske Tartip Chüshüridu. Andin Exlaq, Shermiy we Hayani Qayrip Qoyup, Özidiki Etrapliq Yétilgen Yawayilighini Toluq Ishqa Sélip, Séning Yüzünggimu Özlirining Yüzidiki Qara Daghni Suwap Ülgüridu!
-Amerika Yazghuchisi Mark Twain
☆☆☆><☆☆☆
Kishiler Ümitsizlikning Qirigha Qeder Yéqinliship, Özige Hay Béridu we Érishkenlirini Bexit, Dep Ataydu!
-English Peylasopi Soren Kierkegart
☆☆☆><☆☆☆
Uchi Erishlerge Taqashqan Derexning Yiltizi Perishlerdedur!
-German Peylasopi Karl Gustaf Jung
☆☆☆><☆☆☆
Söygü Üchün Sewdalanmaq Bir Külkilik Ishtek Tuyulidu, Shunisi Éniqki Sewdakanmaqningmu Bir Sewebi Bardur!
-German Peylasopi Friederich Nietzsche
☆☆☆><☆☆☆
Yaxshilar Ölse Makani jennette bolghay! Yaxshilar Nimishqa Baldur Ölüp Kétidiggandu?!
Yaxshigha kün, Yaman’gha ölüm yoq, digen mana bu bolsa kirek. Yaxshilarning Köpünche Qatillar Zeripidin Öltürülgenligini Angkaymiz! Undaqta Bu Yaxshi Ademler Emes Qatillar Set Öleptu! Allah Yaxshilargha Her Ikki Dunyada Meghpiret Qilsun!
Yaxshi Adem Bolup Bashqalargha Hozur Hisqildurush, Qarshi Terepning Könglini Injitmeslik Üchün Charelerge Bash Urush Digenliktur! Bashqilarni Injitmey Turup Yaxshi Adem Bolghili we Yaxshi Ish Qilghili Bolmighanda Meselining Chong Kichiklikige Qarap, Derijisige Layiq Özrexaliq Éyitish Métodini Qollansa Kupaye Qilidu!
-English Peylasopi Bertrand Rüssel
☆☆☆><☆☆☆
Peqet Bir Topla Emes, Belki Xelqimiz Arisidiki Milion Milionlap Döt we Axmaqlarning Derdini, Dayim Millitimizning Shu Dewirde Yétishtürüp Chiqqan Eng Aqil, Eng Bilimlik we Eng Toghra Yoldiki Munewer Perzentliri Tartip Keldi! Biz Ya Weten-Milletke Ige Chiqqan Milliy Qehrimanlirimizgha Ige Chiqmaymiz; Ya Millitimizning Wetenperwer We Milletperwer Ewlatlirigha Ige Chiqmaymiz! Ya Milliy Qehrimanlirimizning Ya Weten-Milletke Éghir Bedel Tölewatqan Munewerlerimizning Aile-Tawabati We Yéqin Yoruqlirigha Ige Chiqmaymiz! Shunga Bu Weten, Bu Milletke Janni Tikip Qoyup, Xatirjem Jengkgahqa Atlinidighanlar Bekla Az! Bu Milletning Eqli-Hushi, Wijdan we Ghoruri Bashqa Milletlerdek Jayida Bolghan Bolsa Millitimizning Eng Serxil Ewlatliri Bügün Qarangghu, Zey We Qan Purap Turidighan Zindanlarda Yatmighan Bolaridi!
Milliy Qehrimanlirimizning Azap Chékishide Bir Yalghuz Tajawuzchilarningla Emes Belki Weten Xayinliri, Milliy Munapiqlar we Malgha Oxshaydighan Nadan Xeliqningmu Hessisi Bardur!
K.U.A
31.01.2024 Germaniye
☆☆☆><☆☆☆
Bir Kishining Shexsiy Kimligi Érqi, Étnikisi, Milliti, Tili, Kulturi, Étiqadi we Wetinige Qarap Békitilidu! Bir Kishining Shexsiy Kimlikige Baha Bergende Uning Érqi Alahiydiligini, Éthnik Kélip Chiqishini we Milliy Alahiydiligini, Uningdin Bashqa Tili, Kulturi, Étiqadi we Qaysi Milet Yaki Dewletke Tewelikini Nezerde Tutushimiz Lazim! Adette Millet Dewlet, Dewlet Millet Digen Uqumni Bildüridu! Meselen: Uyghuristandaki Érqi, Éthnikisi, Milliy Kélip Chiqishi Uyghur Bolmighan Emma Tili, Kulturi, Étiqadi Uyghurlargha Oxshighan Milletlerni Chong Jehettin Uyghur Disek Boliwiridu! Bu Digenlik Uyghuristandiki Qzaq, Qirghiz we Üzbekler Uyghurlarga Birqanche Tereptin Ixshap Ketkechke Uyghur Hésaplinidu! Gérmaniyede Heqiqi Gérmanlardin Bashqa Érqi, Éthnikisi we Étiqadi Oxshimaydighan 100 Din Artuq Xeliq Bar Bolup, Bu Xeliqlerning Hemmisi Eger Germaniye Wetendishi Bolghan Bolsa Ofitziyal Halda Ular German Hésaplinidu! Qazaqistandiki We Üzbekistandiki Étnikisi, Tili, Kulturi, Étiqadi Qazaqlargha Yaki Üzbeklerge Oxshap Kétidighan Qaraqalpaq, Uyghur, Qirghiz, Türükmen, Azeri Qatarliq Qérindash Xeliqlerni Ofitziyal Halda Qazaq Yaki Üzbek Disek Boliwiridu! Herqandaq Bir Dewlettiki Kishilerning Ikki Xil Kimligi Bolidu, Biri Ofitziyal Milliy Kimligini, Yene Biri Qénini Asas Qilghan Éthnikiliq Milliy Kimligidin Ibarettur!
K.U.A
31.01.2024 Germaniye
☆☆☆><☆☆☆
Hayatingni Meyli Yaxshi Künlerde Bolsun, Meyli Yaman Künlerde Bolsun Özini Untup Oynawatqan Kichik Balalardek Taza Qénip Hozur we Xushalliq Ichide Yasha; Yaxshi Künliringde Shüküri Qilsang Uning, Yaman Künlerde Sebir Qilsang Uning Qoshlap Sawabi Bolidu! Bexitlik Yaki Bexitsiz Bolushimiz Yaratquchi Tengrimiz Teripidin Awal Éniq Békitilgendur!
„Herqandaq Bir Tamada Bolmastin Köyüp Piship Ügen, Puxadin Chiqquche Yasha!“-
Deptiken Ulugh Alim Leonardo Da Vinci. Hayat Digen Ushbu Oyunda Meyli Peyghember, Meyli Alim, Meyli Dangliq Yazghuchi, Meyli Heqqaniyetni Qoghdighuchi Esker, Meyli Rezillikni Qoghdighuchi Esker, Meyli Xudagha Ishinidighan Ominist, Meyli Ilahqa Ishenmeydighan Kominist, Meyli Bay, Meyli Kambighel Bol, Oyun Tügigende Her Küni Oxshsashla Quruq Qol Öyge Qayitisen! Sanga Qalghan Payda, Qan’ghudek Oyun Oyniwélishlam We Uning Ilahi Xatirisi Bolidu Peqetla Xalas!!! Tughulushtin Awalqi, Tughulghandin Kéyinki we Ölüshtin Awalqi we Ölgendin Kéyinki Séning Alidighan Rolliring Sinariyengde Xuda Teripidin Allaburun Toluq Yézilghan Bolup, Sen Bashqalarning, Bashqalar Séning Rolungni Alalmaydu!!!
K.U.A
31.02.2024 Germaniye
☆☆☆><☆☆☆
Bizningchemu Yunan Peylasopi Sokrates Éyitqandek Heqiqi Yaxshi Ademler Diginimiz Herqandaq Sharayitta Bir Xil Turidu! Bu Digenlik Béshigha Yaxshi Yaki Yaman Künler Kelgende Shexsiy Kishiligini Muapizet Qilalaydu, Ghururi we Wijdanini Qoghdaydu, Bir Bughdayni Körüp Semirip, Bir Bughdaygha Zar Bolghanda Uruqlap Shümshiyip Ketmeydu! Téxidinmu Muhimi Yaxshi Ademler Diginimiz
Özini Orap Turghan Herqandaq Bir Sharayitta Hemishe Etrapidiki Dorust Ademlerni Qayil Qilidighan Eng Toghra Bolghan Bir Rolni Alidu!!!
K.U.A
01.02.2024 Germaniye
☆☆☆><☆☆☆
Biz Rezillikke Qarshi Heqqaniyet Sépidikiler Insaniy Baraberlikning Kündilik Hayat Jeryanida Qarshi Qutuplarda Peyda Qilidighan Ekis Tesirini- Chünki Dunyada Mutleq Menidiki Barawerlik Yeni Barawerlk Heqqidiki Muteq Bir Qanun Téxi Bolmighachqa-Esla Mukemmel Derijide Qoghdap Qalalmaymiz! Sewebi Bar Bolghan Xelqaraliq Imkanlar Bilen Insanlarni Anisidin Tughulghandin Bashlap Ölgiche Bolghan Barawerligini, Toluq Qoghdap Qalghili Bolmaydu. Bizning Qoghdap Qalalaydighinimiz Peqet Insanlarning Xelqara Insan Heqliri Bayannamisidiki Shertler Asasidiki Töwen Derijilik Eqelliy Heq-Hoquqliridur! Kishiler Tughulishtin Barawerdur, Yashash, Qoghdinish, Ügünish, Xizmet Qilish, Öziini Tonutush, Ghalbiyet Méwisini Qoghdap Qélish Hoquqigha Ige! Bu Meqsetlerge Yétishte Kishining we Milletlerning Jemiyetke Masliship, Küresh Qilish Mejburiyiti Bardur! Kishiler, Milletler Özlirining Tengbarawerligi, Heq-Hoquqi we Erkinligini Qoghdap Qélish Üchün Unversal Tereplerdin Xelqara Weziyetke Masliship, Dunawiy Sewiyede Küchni Küchke Ulap, Közlen´gen Axirqi Nishan´gha Qarap Yügürishi Lazim! Eger Kimde Kim Meyli Shexis, Goruh Yaki Millet Bolsun Ottura Hésap Bilen Shu Ghayige Bashlap Baridighan Ashu Yolda Riqabet Ichide Ilgirlep Mangalisa Barawerlik, Erkinlik we Bixeterlikini Qoghdap Qalalaydu! Eger Kimde Kim Meyli Shexis, Goruh Yaki Millet Bolsun Ottura Hésap Bilen Shu Ghayige Bashlap Baridighan Ashu Yolda Riqabet Ichide Ilgirlep Mangalmisa Barawerlik, Erkinlik we Bixeterlikini Esla Qoghdap Qalalmaydu!
Bazar Chaqqanningdur, Netije Étibari Bilen Dunya Riqabette Utup Chiqidighan Iradilik, Jessur we Küchlük Kishiler we Insanlarningdur!
K.U.A
01.02.2024 Germaniye
☆☆☆><☆☆☆
Hemme Adem Aghzida Erkinlik Digen Bilen Könglide Periqliq Derijidiki Rejimni Özi Xalap Ixtiyar Qilghacha Yer Yüzide Zulum Periqliq Shekillerde Höküm Süriwatidu! Rejim Bolghan Jayda Periqliq Derijide Zulum bolidu, Erkinlik Bolmighan Jayda Izish we Izilish Höküm Süridu! Erkinlik Pütünley Öz Küchige Tayinip Mawjut Bolush, Küresh Qilish we Yashash Digenlik Bolup, Ademdin Éghir Bedellerni Telep Qilidu!
English Yazghuchisi George Bernard Shau “ Erkinlik Digenlik Derijisige Qarap Qiyin we Éghir Bolghan Jawapkarliqni Öz Üstige Élish, Digenlik Bolup, Erkinlik Üstige Alidighan Mejburiyet we Wezpilerning Éghirlighidin, Ademler Mejburiyetning Japasi we Xetiridin Qorqup, Erkinliktin Qachidu,-Digeniken! Chünki Qulluq Iddiysi Küchlük Bolghan Insanlarning Rohlarning Üstige Chüshidighan Siyasiy, Qanuni we Sotsiyal Bésim Az Bolghachqa, Hür Bolmighan Insanlar Bash Qétinchisiz Halda Zhonggouluq Addi Awamlarsiman Xuddi Haywandek Xatirjem Yashaydu!
K.U.A
01.02.2024 Germaniye
☆☆☆><☆☆☆
Uyghurlarda Ötüp Ketken Axmaq, Deydighan Bir Gep Bar! Bu Qizil Siziqtin Ötüp Turup Axmaqliq Qilidighanlarni Bildüridu! Axmaq Digen Gepning Menisi, Paydisi Yoq Ishlarni Paydisi Bar Ishlardek Qilish Yaki Paydisi Bar Ishlarni Paydisi Yoq Ishlardek Qilish, Digenliktur!
Yunan Peylasopi Sokrates Axmaqlar Heqqide Toxtulup, Özini Qaltis Chaghlaydu, Hich Ishqa Yarimaydu, Ish Qilghanlardin Toxtimay Qusur Izleydu we Hemme Ademdin Renjiydu, Birmu Ishtin Razi Bolmaydu!,-Digeniken.
Toghra Axmaqning Quyashi Axmaq, Deydighan Gepbar Uyghurlarda. Piyazning Posti Köp Bolghandek, Axmaqlarningmu Dosti Köp Bolidu! Bir Top Axmaqning Qolidin, Axmaqliqtin Bölek Ishlar Kelmeydu! Axmaqlar Heqqide Danalar: Ular Bir Yaz Atqan Paxtidin, Bir Yotqan-Körpe Aran Pütti,-Deydighan Gepmu Bar!
K.U.A
02.02.2024 Germaniye
☆☆☆><☆☆☆
Oqurmenlirim Semige:
Uyghur Milliti Tarixi Uzun, Parlaq Medeniyet Yaratqan Qedimiy Millet! Uyghurlardin Medeniyet Saheside Tarixta Nahayiti Köp Ulugh Shexisler Yétiship Chiqqan! Ejdatlirimiz Heqqideki Tarixi Izlarni Bizgiche Élip Kelgen Turghun Almas Ependining „Hunlarning Qisqiche Tarixi“, „Uyghurlar“, „Uyghur Kilassik Edebiyati“, Anwer Baytur We Xeyrinsa Turdining “ Uyghur Ilidiki Milletlerning Qisqiche Tarixi“ We Asqer Hüseyin Ependi we Wayitjan Ghopur Qatarliq Ependiler Yazghan „Uyghur Kilassik Edebiyati Tizisliri“ (1173 Betlik Kitap) Qatarliq Nurghun Nadir Eserlerimiz Bar ! Mawu „Uyghur Kilassik Edebiyati Tizisliri“ Digen Eser Chet-Elde Yene Neshir Qilindimu, Qilinmidimu Bilmeymen! (Eger Neshir Qilin’ghan Bolsa Qérindashlar Manggha Xewer Qilip Qoysa Bolidu.) Bu Kitap Chet-Elde Téxi Neshir Qilinmighan Bolsa Xelqimizning Bu Kitapni uqup Medeniyitimizni Toxtimay Ügünish Mejburiyiti Bar, Yene Élan QiliP Turishimiz Lazim! Shunga Bu Kitapni Bar Inkanlirim Bilen Her Küni Bir-Ikki Bettin Resimge Tartip, Sotsiyal Mediyede Xelqimizning Diqqitige Sunushni Oylishiwatimen!
Hürmet Bilen: Küresh Umar Atahan
02.02.2024 Germaniye
☆☆☆><☆☆☆
Salam Serwi,
Yaxshi turdingizmu?
Wetendikilerning ehwalini ayrim, ayrim soray digen. Sorimay boldi, Sorisam xuddi yarini tatilighandek bolup qalmisun!
Uzaqtin béri Sizge béridighan semimi bir tewsiyem baridi.
Esqer Hüseyin ependi, yeni dadingiz millitimiz Ichidin chiqqan alim, dangliq maaripchi we talantliq shayirlirimizning biri hésaplinidu.
Siz muellim Esqer Hüseyin ependining Ewladi bolush bilen birge uning warisi hésaplinisiz. Shunga muellimning kesipdishi süpitide uning hayati, Kespi xizmetliri we ijadiyitini xelqimizge téximu keng tonutqan bolsingiz bek yaxshi bolaridi.
Büyüklirimizge izbasarliri bolush salayiti bilen özimiz köngül bölmisek, bashqalar tüzükrek köngül bömeydu. Shundaq qilip waqitning ötüshi bilen ulughlirimiz untulup ketidu.
Siz bolsa uning yeni hürmetlik Esqer Hüseyin muellimning eserlirini toxtimay Uyghurche neshir qilip turung. Mumkin bolsa uning shiérlirini Englishche we bashqa tillarda neshir qilghuzung. Muellimning eserlirini söyüp we zoqlinip turup oquydighanlar köp!
Elbette sizmu ijadiyetingizni tashlap qoymang, yézip turung!
Yaxshi eserler Insanlar qelbidin étilip Chiqidighan Altun tamchilardur. Yaxshi yézilghan eserler hayatning ozighidur, hozuridur, Milletning baylighidur! Men sizning shiérliringizni yaxshi körümen, söyüp oquymen! Uslubingiz melum Tereptin dadingizning yazghan shiérlirigha oxshaydu.
Millitimizning isil eserlerge ihtiyaji bar, yéngidin yéngi eserliringizni kütimiz!
Rexmet
Aman-isen bolung.
Hürmet Bilen: Kurasch Umar Atahan
02.02.2024 Germaniye
☆☆☆><☆☆☆
Xuda Ademlerni Mukemmel Yaratti! Mukemmel Yaralduq, Emma Mukemmel Yashimaq Qiyindur! „Dunyada Özimizge Sadiq Bolup, Heqiqi Ademdek Yashashtin Téximu Ilhamlandurush we Righbetlendürüshke Layiq Yene Bashqa Bir Qimmetlikraq Nerse Yoqtur,- Deydu Amerika Peylasopi Ghalp Waldo Emerson.
Biz Özimiz Bolup Yashishimiz Özimizning, Bashqilarning we Yat Iddiyelerning Bizni Inkar Qilishigha Qarshi Küresh Qilishimiz Lazim!
K.U.A
03.02.2023 Germaniye
☆☆☆><☆☆☆
Din, Din, Din Digenche Dindin Barghanche Uzaqliship Ketken, Téshi Pal-Pal We Ichi Ghal-Ghal Bolup Ketken Musulmanlar Dunyasi!
Siler Toghra Yolgha Qayitinglar! Din Silerning Emes Xudaning Hakimiyitidur!
Silerning Toghra Yoldin Chiqip Turup, Xuda we Xudaning Perishtilirige Wakaliten Din Hakimiyitini Idare Qilishqa Hergiz Salayitinglar Yoq!
Din Chégirisiz Söygü, Rexmet we Merhemettur!
Xudadin Qorqunglar, Xuda Xushal Bolidighan, Ishlar Bilen Meshghul Bolunglar! Özenglardin Bolghanlarnila Emes, Özenglardin Bolmighanlarnimu Razi Qilinglar! Meschit Hakimiyitigila Köngül Bölüp, Ibadetkila Ésiliwélip, Ibadette Qilghan Wedenglarda Tutunglar! Yaxshi Ishlarni Ibadettinmu Muhim Orun’ggha Qoyunglar! Hayat we Turmushtiki Ijrahatlarning Péshini Hergiz Qoyiwetmenglar!
Mawjudatlarni, Maxluqatlarni we Insanlarni Xudani Söygen’dek Söyünglar!
Itiqadinglarni Mustehkem Tutnglar, Imaninglarni Küchlendürünglar!
Toghra Yolda Bolsanglar Endishe Qilmay Hozur Ichide Yashanglar, Hayatinglarning Her Üch Alemde Mena, Bexit We Saadetke Chümülidighanliqidin Shühbilenmenglar! Xudagha Rastchil Bolunglar! Özenglarni Yeni Shexsiyitinglarni, Perishtenglarni We Sheytininglarni Bashqurunglar! Ishenchinglar Kamil Bolsa, Andin Shühbesizki Kütülmigen Möjizeler Ortigha Chiqidu!
K.U.A
03.02.2024 Germaniye
☆☆☆><☆☆☆
Ulugh Yunan Peylasopi Aplatonning Qarshiche Birawlar- Yéngliq, Islahat we Tereqqiyatni Söyidighan, Özi Mensup Bolghan Jemiyetning Qarangghu we Rezil Tereplirini Körüp, Uningdin Özini Qachuridighan- Öz Wetini we Millitige Asiyliq Qilip Turup, Uni Bilmestin Xiyanet, Rezalet we Ahanet Ichide Qalghan Qara Bodun Teripidin Chüshünishke Irishelmey Shiddetlik Halda Chetke Qéqilidu! Chünki Qarangghu Patqaq we Sekrat Ichide Jan Talishiwatqan Ajiz Awam Meniwiyitidiki Mehkumluq Zenjirini Pachaqlap Tashlap, Rezillikke Qarshi Küresh Qilishni Xalimaydu!
K.U.A
04.02.2024 Germaniye
☆☆☆><☆☆☆
Insanlarning Qelib Dunyasini Lerzige Salidighan Eng Nadir Eserler Heqqide Gérman Muzikanti Ludwig von Beethovens Toxtulup: Barliq Isil Eserler Köktin Chüshidu, Eger Isil Eserler Asmandin Chüshmigen Bolsa, Undaq Eserler Rohsiz we Ölük Bedengila Oxshaydu, Hichqandaq Bir Tesirlendürüsh Küchi Bolmaydu“,- Digeniken. Dunyadiki Barliq Nadir Eserler Alim, Yazghuchi, Shair, Mizikant, Arxitektur, Heykeltirash we Ressam Qatarliqlarning Biwaste Kallisidin Emes Ilahning Udul Wehisi, Perishtelerning Meniwi Ilhami we Malayikilerning Samawi Yardimi Bilen Ijat Qilinidu! Eger Nadir Eserlerni Ijad Qilish Ademning Eqli, Bilimi we Talantighila Qarashliq Bolup Qalghan Bolsa Idi, Undaqta Ulugh Eserler Yer Sharigha Taghdek Döwlinip Ketken Bolaridi!
K.U.A
04.02.2024 Germaniye
☆☆☆><☆☆☆
Xudani Yaki Saxtakar Sheytanni Rehber Qilip Tallash Yaki Tallimasliq Dewlet Bilen Dewlet Yaki Sinip Bilen Sinip Ottursidiki Emes Ademlerning Özlirining Insaniy Yaki Sheytani Tebiyiti Bilen Dostliship Weyaki Düshmenliship Küresh Qilish Yaki Qilmasliq Yoli Arqiliq Ishqa Ashidu!
-Alexander Issajewitsch Solschenizyn
>>>>☆<<<<
Alexander Issajewitsch Solschenizyn 11. Dezember 1918 im südrussischen Kislowodsk; † 3. August 2008 in Moskau) ist ein russischer Schriftsteller, Dramatiker und Träger des Nobelpreises für Literatur.
Méning Ismim Derex, Mushu Yerdin Ünüp Chiqtim; Mushu Yerge Méning Kindik Qénim Tökülgen; Mushi Yer Méning, Mushu Yer Méning Wetinim! Men Mushu Yerde Apiride Bolghan, Mushu Yerde Turup Kökleymen, Mushu Yerde Turup Qurup Kétimen! Men Mushu Yerde Turup Bix Sürimen, Men Mushu Yerde Turup Shaxlaymen! Men Mushu Yerde Turup Chichek Achimen, Men Mushu Yerde Turup Méwe Bérimen! Men Mushu Yerde Turup Uruq Tashlaymen, Men Mushu Yerde Turup Yiqilimen! Men Mushi Yerde Turup Ünimen, Men Mushu Yerde Turup Yene Tik Turimen!
K.U.A
05.02.2024 Germaniye
☆☆☆><☆☆☆
Kichik Nersilerdin Bolsimu Minnetdarliq Tuyghusigha Ige Bolmaydighan Achköz Nashükürler Chong Nersilerdin Hem Esla Memnuniyet His Qilmaydu!
-Yunan Peylasopi Epikurus
>>>>>☆<<<<<
Epikurus war ein griechischer Philosoph, Begründer des Epikureismus und der epikureischen Schule. Diese im Hellenismus parallel zur Stoa entstandene philosophische Schule hat durch die von Epikurus entwickelte hedonistische Lehre seit ihren Anfängen zwischen Anhängern und Gegnern polarisierend gewirkt.
Geboren: Februar 341 v. Chr., Samos, Griechenland
Verstorben: 270 v. Chr., Athen, Griechenland
Beeinflusst von: Demokrit, Aristippos von Kyrene, Pyrrhon von Elis.
05.02.2024 Germaniye
☆☆☆><☆☆☆
Ademler Ilgiri Hazirqi Halitige Anche Oxshimayti! Milletlermu Ilgiri Hazirqi Halitige Anche Oxshimayti! Bugün Ademler we Milletlermu Özgerdi! Adem We Milletlerning Tereqqi Qilip Özgürüshi Yoqap Ketmeslik Üchündur! Tebiyette Bir Pirinsip Bar Bolup, Özini Yéngilap Turalighanlar Réqabette Utup Chiqidu we Mawjutlighini Saqlap Qalalaydu! Shunga Güzütish, Oylash, Tepekkur Qilish, Heriket Qilish Muhimdur! Güzütish, Oylash, Tepekkur Qilish Özgürüsh, Tereqqi Tépish we Küchlinish Üchündur! Ademler we Milletler Özini Tashliwetmigen Bolsa Etrapidiki Bilimlik Ademler we Ilghar Milletlerning Oy-Pikiri, Ish-Herkiti we Ularning Teqqi- Turiqigha, Hich Bolmighanda Xoshnilarning Olturup-Qopishi, Gep-Sözi we Yürüsh-Turishigha Qarap Özini Toghriliwaldi! Emma Bezi Ademler we Milletler Jastum-Burulka Kèyip, Mashina Heydep, Ayripilanlarda Uchiwatqandek Qilsimu Ang Sewiye Jehettin 500 Yil Yaki 1000 Yil Awalqi Péti Yashawatidu! Adem we Milletlermu Dunya Tereqqiyat Süritige Egiship Özini Ilghar Pikirlik Sapasi Yoquri, Zamniwiy Kishiler We Milletning Derijisige Yükseldürüsh Üchün Her Tereptin Tirishishi Lazimdur! Eger Adem we Milletler Ilghar Shexisler We Milletlerdek Özini Terbiyelep, Chéniqturup, Tiriship Ümitwarliq Bilen Yashimisa, Meniwiy Jehettin Perwishsiz Halda Tashlinip Qalghan Baghchidek Xaniweyran Bolup, Xuddi Howqushlar Howlap Turidighan Xarabege Aylinip Kétidu!
K.U.A
06.02.2024 Germaniye
☆☆☆><☆☆☆
Hemme Adem Toghra Dewatqan Nerse Rastinla Toghramu Yaki Xatamu Birnerse Digili Bolmaydu! Bu Xil Jemiyet Xaraktérliq Shamalni Kimler Chiqiriwatidu Körgenler Yoq!,-Digen Iken Gérman Muteppekkuri Johan Wolfgang Goethe. Awam Özining Kimligi Bilen Anche Hésapliship Ketmeydu! Kim Nimeni Tohra Dise Toghra, Xata Dise Xata Dep, Özlirimu Bilmeydighan Perde Arqisidiki Qarangghu Küchlerge Xuddi Maldek Egiship, Qoydek Yashighanlighini, Bilip Bilmey Xatalashqanlighini Kéyin Ishtin Ish Kechkende Andin Bilishidu! Hesap Kitap Qilinmaydu! Ademler Digini Digen, Qilghini Qilghan, Yigini Yigen, Qalghini Qalghan Péti Qéliwiridu! Awamning Saqchisi, Sotchisi Soti, Türmesi we Eskiri Yoq! Jahanning Kattlirining Menpeeti Dayim Dewlet Bilen Bir. Dewletke Ziyan Salghanlar Türmige Tashlinidu, Yaki Étip Tashlinidu! Puqralargha Ziyan Salghanlargha Sot Yoq, Yamini Kelse Azraq Pul Bérip Ziyan Tölitiwélin’ghandek Qilip Boldi Qilinidu! Mana Bu Insan Heqliri, Démokratiye we Erkinlik Bayriqi Astida Dunyagha Hökmaranliq Qiliwatqan Yéngi Sistéma!
K.U.A
06.02.2024 Germaniye
☆☆☆><☆☆☆
☆Xamidim, Pishtim, Yandim!
☆Qandaq Körünseng Shundaq Yasha, Qandaq Yashisang Shundaq Körün!
☆Bezi Ademler Özining Hayatining Qurbani, Beziliri Ademler Hayat Yashighuchilarning Qurbanidur! Hayati Üchün Qurban Bolush Haywani, Shexsi Menpeetliri Üchün Qurban Bolush Insani, Insanlar Üchün Qurban Bolush Ilahi Xususiyettindur!
☆Sheytinini At Qilip Minip Mangidighan Adem Yoruq Sayillarda Seper Qilidu, Sheytini Teripidin At Qilip Miniwélin´ghan Adem Qarangghu Sayaillarda Seper Qilidu! Bu Hayatta Ya Sheytan At Bolup Séni Kötürüp Mangidu, Ya Sheytan Séni At Qilip, Rezillikke Chapidu!
☆Alidin Sanga Qalsa Shu Ilahiy Zulpiqar, Sen Ali Bolmisang Ne Ishqa Yarar?!
☆ Unutmaki Etrapingda Düshmenliring Sanga At Salar,
Emin Bolma…
Kün Kélidu, Düshmen Qélip Dostung Sanga Oq Atar!
☆Bir Béqishla Yiter Séni Anglighan Dostlargha; Anglimisa Bir Dastan Yazsangmu Anglimisa Ne Payda?!
☆Chüshenchiliring Kimliking, Hayat Yolung we Énirgiyengdur!
☆Hozur Ichinglardadur, Uni Téshinglardin Istimenglar!
-Mawlane Jalaliddin Rumi
07.02.2024 Germaniye
☆☆☆><☆☆☆
Jede Nation hat ihr eigenes Aussehen …
Die meisten Uiguren sehen aus wie die Indoeuropäer. Die uigurischen Völker sehen nicht aus wie andere, sondern wie ihre Brüder in Euro-Asien! Wir sind die Generation aus Oghuz Kahan von vor 10.000 Jahren! (Deutsch)
K.U.A
☆☆☆><☆☆☆
All nations have their own different out looks …
The most of Uyghurs looks like the Indo-Europeans people. Uyghur peoples looks like not others, but their brothers in Euro-Asia Contenant! We are the generation from Oghuz Kahan from 10,000 Jears ago! (English)
K.U.A
Bu Qandaq Medeniyet, Bu Qandaq Medeniyet Bilen Ozuqlandurush Bolidu?! Medeniyet we Sennetni Xen Köchmenliri Uyghuristan Xelqidin Ügense Toghra Bolidu! Bular Buningdin Yaxshi Isheklerni Minip Ish-Emgekke Yaki Bazargha Mangghan Bolsa Ishlep Jénini Baqsa, Soda Qilip, Pul Tapsa Téximu Chong Ish Qilghan, Medeniyetlik Ademler Kebi Yashighan Bolmamdu! Bu Bir Exlaqsizliq, Kultursizliq we Medeniyetsizliktur! Tajawutmzchi we Medeniyetsiz Zhongguoluq Manglurlarning Uyghuristanda Qiliwatqini Allaqandaqtur Medeniyet Bilen Uyghuristan Xeliqni Ozuqlandurush Yaki Medeniyetni Tereqqi Qildurush Emes, Belki Uyghuristan Xelqi Üstidin Medeniyetsizlik Bilen Qiliniwatqan Tipik Bir Aq Térorluqtur! Bu Bir Xil Özgiche Bolghan Pissixologiyelik Jazalash, Rohiy we Meniwi Jehettin Milletni Xorlashtin Bashqa Bir Nerse Emestur! Tajawuzchilarning Érqi Yoqutush Programmisi Atalmish „Medeniyet“ Arqiliq Esli Medeniyetni Yoq Qilish Arqiliq Yeni Aq Térorluq Arqiliq Ishqa Ashidu!
K.U.A
08.02.2024 Germaniye
☆☆☆><☆☆☆
Rumi Ügenmeslikni Étirap Qilishmu Ügünish Qilishning Yene Bir Xil Muhim Shekli,-Digeniken!
Buning Menisi Biraz Murekkep Bolup, Esqatmaydighan Bilimni Ügengendin Ügenmigen Yaxhi, Digenlik Bolidu.Yene Bir Menisi Esqatmaydighan Bilimlerni Untushmu Bilim Élishning Bir Yolidur,-Digenliktur! Yene Birsi Kallidiki Konaliqqa Wekillik Qilidighan Exlet Bilimlerni Xuddi Ügenmigen chaghdikidek Pak Pakiz Taziliwitip, Kallini Qup-Quruq Haletke Keltürüshmu Bir Ügünish Yoli,- Digenlik Bolidu.
Shuni Étirap Qilishimiz Lazimki Kallimizdiki Waxti Ötken Exlet Bilimlerni Xuddi Ilgiri Hich Ügenmigendek, Pak Pakiz Taziliwitip Andin Zamaniwi we Aktiwal Bilimlerni Ügünishke Tutush Qilish Ügünish Qilishning Eng Üstün Yolidur!
Bir Millet Tarixi Kirzis Ichidin Özini Qurtuldurup Chiqish Üchün Inqilap Xaraktérliq Yéngiliqqa Köchüsh Herkiti Qozghishi Lazim!
Jahandiki Yoqalghan Milletler Bu Ishni Qilmighanlighi Üchün Yoqalghan Bolsa, Tereqqiy Tapqan Milletler Bu Basquchni Bashtin Kechürgenligi Üchün Qudret Tapqan!
Ulugh Alim, Büyük Ejdadimiz Al-Farabi 1000 Yil Awal Éyitqandek, Medeniy Jemiyet Berpa Qilish we Peziletlik Ademlerni Yétishtürüshning Achquchi Medeniyet Oyghunishigha Baghliqtur!
Ulugh Alim Allame Mawlane Jalaliddin Rumi Bilish Üchün Untush Lazim, Dep Bek Toghra Éyitqan! Kishige, Milletke Bilgenliri Qol we Qanat Emes Eksiche Yük Bolup Qalghan Bolsa, Uhalda Yéngiliqqa Éhtiyaj Tughulidu! Yoqulush Emes, Yéngidin Tughulush Yoli, Islahat Yolidur!
Bu Gep Bugünki Türkistan Jemiyitige Bolupmu Uyghur Jemiyitige Intayin Mas Kélidu! Uyghurlar 21-Esirde Kündilik Hayatta, Téximi Konkertraq Éyitsaq Dini Meselilerde Xuddi Tarixi Filimlerde Rol Éliwatqan Artistlardek Yashawatidu! Türki Xeliqlerge Jümlidin Uyghurlargha Qarighan Ademler Bular Qachan Uxlap Qalghan Bolghiydi?! Uxlighili Qanche Esir Bolghandu?! Bularni Oyghutiwitidighan’gha Adem Chiqmighanmidu,!- Dep Oylap Qalidu!
Toghra Biz Ghapilliq Déngizigha Gheriq Bolup, Ghepletke Patqili Ikki Esirdin Ashti! Ming Teste Tashpolat Tiyip, Arislan Abdulla, Halmurat Ghopur, Yalqun Ruzi, Rahile Dawut, Ilham Tohti we Abduqadir Jalaliddin Qatarliq Ikki-Törttal Serxil Ziyalilarni Yétishtürüp Chiqqaniduq, Insaniyet we Medeniyet Düshmini Zhongguoluq Aqqunlar Ularningmu Béshigha Chiqti! Millitimizni Xuddi Chopansiz Padigha Aylandurup Qoyup, Uyghuristan Jemiyetning 1000 Yildin Béri Dawamliship Kéliwatqan Sistémisini Dewlet Terrori Arqiliq Buzup, Uyghur Milliti Üstidin Érqi Qirghinchiliq Élip Bériwatidu! Bu Künlerge Qélishimizgha Awal Özimizdiki Xurapatliq, Jayilliq, Bilimsizlik we Nadanliq Sewep Boldi! Biz Tarixiy Tereqqiyatning Arqisida Qalghantuq, Bizge Düshmenlik Qiliwatqanlar Chaqqanliq Qilip, Bizni Yoq Qiliwitishtin Ibaret Pilanliq, Programmiliq we Sistémiliq Bir Rezil Heriketni Uyghuristanda Yolgha Qoydi! Biz Derdimizni Dunyagha Anglitiwatimiz, Emma Toluq Anglitalmaywatimiz; Biz Weten we Millet Üchün Bir Ishlarni Qiliwatimiz, Emma Toghra we Toluq Qilalmaywatimiz! Yükimiz Kündin-Künige Éghirliship Kétiwatidu! Özimizni Toghrilashqa Özimizning Eqil-Paraset, Bilim we Tejiribemiz Yetmise Emdi Qilidighan Bezi Ishlarni Bashqidin Oylushup Mutexesislerni Sétiwélip Bolsimu Keyinki 10, 20, 30, 40 we 50 Yilliq Yol Xeritisi Hazirlap, Bu Milletning Milliy Mawjutlighini we Milliy Medeniyitimizni Qandaq Qilip Saqlap Qélishning Dewirge Uyghun Kélidighan Eng Ilghar we Yip-Yéngi Chare-Tedbirlirini Tizlikte Tüzüp Chiqip, Shu Boyinche Ish Qilishimiz Lazim!!!
K.U.A
09.02.2024 Germaniye
☆☆☆><☆☆☆
Haywanlargha Yaxshiliq Qilghanlar Xaraktéri Yaxshi, Yamanliq Qilghanlar Osal Hésaplinidu!,-Digeniken Ulugh German Peylasopi Arthur Schopenhauers.
Toghra Haywanlarning Yer Sharidiki Insanlardin Qélishqusiz Bir Maxluqatlar Ikenligini, Étirap Qilishimiz, Ularning Heqlirinimu Qoghdishimiz Lazim. Emma Ademni Chöchütidighini Qedri-Qimmet Jehettin Heqliri Haywanlarchilikmu Qoghdalmaywatqan Adem Ewlatliridur!
Bir Qarisa Ademler Haywanlarni Söyidu Emma Ademlerni Söymeydu!
Insanlarning Haywanlargha Yaxshiliq Qilishi Xaraktérning Üstünliki Hésaplan’ghini Bilen, Yamanliq Qilghanlar Omumiy Yüzlüzlük Rezi Hésaplinidu! Bu Toghradur; Undaqta Adem Turup Ademlerge Zulum Salghan Ademni Ademler Nime Üchün Yenela Adem Hésaplaydu?!
K.U.A
☆☆☆><☆☆☆
Eslide Yaxshi Ademler Éghir Bedellerni Tölep, Türlük Mushaqqetlerge Qatlinip Heqiqetni Öz Ixtiyari Bilen Tallap, Uning Körsetken Yoli Bilen Mangidu; Heqiqet Yolida Méngish Qorqunchluq Derijide Qiyin Bolghacha, Hemishe Asan Yollarni Tallap Mangidighan Rezil Kishilerni Mumkin Bolsa Heqiqet Yoligha Bashlap Qoyush-Gerche Ularni Qettiy Qiziqturmighan Teqdirdimu- Ajayip Bir Möjizewi Ghelbini Qolgha Keltürgen Yaxshi Bir Eqil Urushi Bolup Qalghan Bolaridi!
K.U.A
09.02.2024 Germaniye
Tengritagh Akademiyesi 