Qoyash bilen yultuzning Diyalogi
(Qizim bilen yazghan shé’irlar)
Autori: Méhrinsa Ismail,
Wisalle Kurash
Qelibdin Sada
Quyash éytti yultuzgha :
Sen baghrimdin chéchilghan uruq.
Yultuz éytti quyashqa:
Men nurungda chaqnaymen toluq.
Qoyash achti ghulachlirini,
Yultuz chachti julalirini…
>>>☆<<<
Mungdushush
Ana : sen méning kelgüsige sozulghan yolum.
Qiz : sen méning chidamliq, solmas iradem.
Ana: sen méning wisalim, xushpuraq gülüm,
Qiz : si’en méning bergimde chaqnighan shebnem.
Ana : men yansam ger sham bop tününgde,
Qiz : men aqimen yash bop téningge.
Ana : men chaqnisam quyash bop sende ?
Qiz : men parlaymen cholpan bop kökte!
Ana : yolliringgha payandaz bolay,
Qiz : her söygüngdin küch- medet alay.
Ana : qanatliring yétilgen küni,
Öz qolumda kökke uchuray…
>>>☆<<<
Méhrinisa Ismail xanimning bu shé’éri bizge uyghur edebiyatidiki bösüsh xaraktirliq yingiliqni namayen qildi: ana -balining yürek sadalirini birlikte ipadilesh. Bu eserning tatliqlighi we tilining rawanliqi,uningdiki ilgiri sürgen iddiyening uyghurluqqa xasliqi kishining yürigini söyündüridu. Buningdiki yene bir yingiliq shuki, öz perzenti jemiyetning we bashqilarning tesiri bilen emes, özingizning tesiri bilen terbiyelep mu’appiqiyet qazinish, mana bu muhajirette yashawatqan her bir uyghur üchün arzu qilidighan , biraq yetmigi tes bolghan bir mu’elleq.
-Uyghur Millitining Dangliq Yazghuchisi Dildar Eziz
>>>☆<<<
Salam Dildar hede, gépliringiz özingizdek güzel we sap…
Ademge meniwi ilham béghishlaydu.
Bundaq bahalar ilim we sennetke bedel tölewatqan Aq köngül Ademlerge ümüt, ishench we xushalliq bexish étidu. Bashqalarning artuqchilighini adettiki ademler jasaret bilen étirap qilalmaydu!
Sizning niyitingiz dorust, könglingiz derya…
Rabbim sizge bashqalargha béshishlighan Xushalliqlarni yar etsun!
Rexmet sizge we yaxshi niyetlik ademlerge!
K.U.A
16.09.2024 Gérmaniye
Tengritagh Akademiyesi 