-Ademlerning Özini Pütünley Untup Etrapidikilerning Etkisi Astida Qélishi Bir Türlük Chöküsh Alamitidur!

-Gérman Peylasopi Friederich Nietzsche

(Mikro Hékaye)

Yazarmen:Kurasch Umar Atahan

>>>☆<<<

Adettikiche bir kün idi. Etrapni sarghayghan yoprmaqlar qaplap ketken idi. Hawa tutuq idi. Kechküzning sörün shamili ademning keypini uchuratti.

Bir Adem kishiler ötüshüp turghan awat restide özining atini qattiq urup ketti.

Ötüwatqanlar tamashasha körüwatqandek qilatti. Bir top balalar asmandin chüshkendekla peyda bolup qaldi.

Toplan’ghanlar birde At urghuchisigha, birde tayaq yigen atqa téximu qiziqip qarap öz-ara külüshüshke bashlidi…

At ornida turalmay azaplan’ghanche chirpin’ghili turdi…

Adem we At Nietschege natonush idi. Atning közidin bulduqlap yash éqiwatatti.

Atning intayin azapliniwatqanlighi chiqipla turatti.

Buni körüp Nietsche chidap turalmay yighlap ketti.

-Tur…Toxta… Urma…Boldi qil…!

Nietsche warqiridi.

Kallisida nime qilish kérek?-,dep oylashqa bashlidi.

Nietzsche yügürgen péti bérip, atning boynigha ésilip, qamchaghe özini tutup berdi.

At igisi qattiq urushtin toxtidi, Emma Nietzschege achchiq bilen mixtek tikildi.

Ademler emdi Nietzscheni uridighan boldi, dep oylighanidi.

Undaqmu qilmidi, Birdinla urush we Azap toxtighandek qildi.

Boliliwatqan ishlargha qarap, Ademler téximu heyran qaldi.

Kishikerning bu ishqa qiziqishi barghanche küchüyüp ketkenidi.

Bazarning qap ottursida At bilen Nietzsche Téxiche yighlawatatti.

Etrapqa adem toshup ketkenidi. Kishiler at igisige nepretlinip qarashqa bashlidi. At igisi buni körüp nime qilarini bilmeyla qaldi.

Yerge kirip kitey dise yer qattiq, Asman’gha chiqip kétey dise asman yiraq keldi.

At bilen Friedrich Nietzsche Yighlighanda, Xudamu Tesirlinip, Özini Tutalmay Yighlap tashlighanidi;

Nietzsche:

-Ana méni kechür, méni kechür…,-didi atning qulighigha pichirlap.

Biraq At we Nietzsche öksüp Yighlawatqan Rabbigha diqqet qilmay, téliqqiniche yighisini dawam qiliwatatti!

Aylar, yillar, esirler ötüp ketti, Emma ademler ashu yoldin ötkende dayim Xudaning we Nietzschening yoghlighan, Atning Köz yéshi qilip chirpin’ghan we kishnigen Awazini anglaydighan bolup qaldi.

>>>☆<<<

Aylar, Yillar, Esirler ötüp ketti, ghezep, Urush, yighlash we azap tügümidi. Qarliq taghlarmu irip ketti, köllermu qurup ketti. Emma Xudaning, Nietzschening we Atning köz yéshi esla toxtay démidi we qurumidi.

Bazarning qap ottursida At bilen Nietzsche Téxiche yighlawatatti.

Aylar, Yillar, Esirler ötüp ketti. Ademler ashu tar kochida yene toxtimay her terepke ötüshüp turatti. Xuda peske qarap toxtimay köz yéshi qiliwatatti.

Bazarning qap ottursida At bilen Nietzschemu özlirini tutalmay téxiche öksüp, öksüp yighlawatatti.

>>>☆<<<

Eskertish:

Nietzsche¹-Gérmanlerning [Geboren: 15. Oktober 1844, Röcken, Lützen

Verstorben: 25. August 1900, Weimar.

Beeinflusst von: Arthur Schopenhauer, Zarathustra, Fjodor Michailowitsch Dostojewski, Aristoteles.

Eltern: Carl Ludwig Nietzsche, Franziska Nietzsche

Geschwister: Ludwig Joseph Nietzsche, Elisabeth Förster-Nietzsche

Ären: Philosophie des 19. Jahrhunderts] 19-Esirde ötken dangliq peylasopidur.

K.U.A

24.10.2024 Gérmaniye