-Tarixidin Kelgen Yol, Kélichekke Baridighan Yolning Endizesidur!

-Xatiremdin

Yazarmen: Kurasch Umar Atahan

>>>☆<<<

Ata-Analirimiz Bizge Insanliq Terbiyesini Bérishte Köp Tekrarlighan Milliy Qediriyetlerni Uyghur Xeliq Folklorimizdin Izlep Tapalaymiz!

Uyghur Millitining 10 Ming Yilliq Milliy Medeniyiti, Uyghurlarning Tarixi, Pelesepesi, Edebiyati, Senniti, Folklori, Örpi-Adetliri we Qayide-Yosunliri We Milliy Eneniliride Saqlanmaqta. Tariximizdin Kelgen Yol, Milliy Kélichegilizge Baridighan Eng Parlaq Yollarning Endizesidur! Yoqulup Ketmeyli Disek Milliy Medeniyet Miraslirimizning Altun Arghamchisigha Téximu Ching Ésilishimiz Lazim!

Bir Millet Özining Milliy Mawjutlighini Qoghdap Qélishta Bashqa Milletlerge Ortaq Bolghan Din We Medeniyet Amilliri Bilen Emes, Özlirining Milliy Medeniyet Genigha Yeni DNA Sigha Yézilghan Pirinsiplargha Uyghun Yerdin Ish Bashlaydu!

Uyghur Ewlatlirini Terbiyeleshte Zadiche Uyghurche Gepqilishni, Xet Yézishni, Kitap Oqushni We Namaz Oqushni Ügütüp Qoyush Esla Kupaye Qilmaydu!

Uyghur Balilar Tarixta Shanliq Medeniyet Yaratqan Ejdatliridin Pexirlinidighan Bolishi Üchün, Uyghur Millitining Köp Xil Shekil, Reng, Mezmunlar Bilen Tolghan Alahiydilikliri Bilen Nishanliq Tonushup Chiqishi Lazim.

Uyghurlar Qanche Ming Yilliq Tériqchiliq, Baghwenchilik, Charwachiliq, Qol Hünerwenchilik, Pelesepe, Sanaet, Maarip, Pen-Téxnika, Edebiyat, Sennet, Soda Sétiq, Sheher we Yéza Qurulushi Qatarliq Jehetlerde Dunyadiki Ilghar Milletler Bilen Riqabet Ichide Yashighan Medeniyetlik Bir Millettur!

Uyghur Balilar Uyghur Millitining Milliy Medeniyitige Mensup Bolghan Yoqarqi Amillardin Bashqa Yen Xeliq Éghiz Edebiyati, Muqam we Dastanlar, Yazma Yadikarliqlar, Asare-Etiqiler, Her Türlük Medeni Miraslar Bilen Barghanche Chongqurlap Tonushup Chiqishi We Ügen’genlirini Hezim Qilip, Özlirining Kishlik Qarishi, Dunya Qarishi, Güzellik Qarishi We Qimmet Qarishini Yétildürüp Chiqishi Lazim!

Uyghurlar Ballirini Uyghur Qilip Terbiyelesh Üchün Köp Bash Qaturishi, Bu Ishqa Waqit, Bilim we Iqtisat Ajritishi Su Bilen Hawadek Muhimdur!

Uyghur Ewlatlargha Öz Millitining Hayatliq Pelesepesini Singdürüshte, Yeni Uyghur Balisini Uyghur Qilip Terbiyelesh Maaripida Uyghur Chöchekliri, Meselliri we Maqal- Temsillirini Asassliq Derislik Matériyal Qilip Paydilinishqa Bolidu!!!

Her Öyde Bir Uyghur Tarixi, Bir Uyghur Maqal- Temsiliri, Bir Uyghur Muqamliri, Bir Uyghur Xeliq Chöchekliri, Bir Uyghur Xeliq Meselliri, Bir Uyghur Epsaneliri, Bir Uyghur Réwayetliri, Bir Uyghur Dastanliri, Bir Uyghur Qiyapetliri, Bir Uyghur Örpi-Adetliri, Bir Uyghur Yimek-Ichmeklerige Ayit Kitap Bolushni Ishqa Ashurishimiz Lazim!

Ishni Bashta Uyghur Xeliq Chöchekliri, Uyghur Xelq Meselliri we Uyghur Maqal-Temsillirini Oqup, Balilargha Menasini Chüshendürüshtin Bashlisaq Ünümi Eng Jiq Bolidu!

Ewlatlirimiz Xuddi Weten baghchisidiki xisletlik we xasiyetlik köchetlerge oxshaydu, sayisi, chichigi we méwisi Uyghuristan Xelqi üchündur! Shunga ballirimiz chong bolup qatargha qétilghanda, millitimiz adem yitishtürgenning paydisini körüshi kérek! Eger perzentlirimiz chong bolup, Xelqimiz ularning paydisini körmise, balilarning béshi kökke taqashqan bilenmu, Hichkimge menpeeti toqunmaydighan xeyirsiz bir ewlat bolup qalidu! Ewlat Terbiyelesh ishimizning Muapiqiyetlik bolghan bolmighanlighi, Ashu yitishken Ewlatlarning weten-milletke qoshqan töhpisi arqiliq ölchinidu we bahalinidu!!!

Bizning Ata-Analirimiz Bizge Uyghur Maqal-Temsilliri Arqiliq Dunyani, Insaniyetni, Jemiyetni, Kishilerni We Özimizge Özimizni Tonutti! Uyghur Medeniyiti Uyghur Millitining Dunyagha Nezer Tashlaydighan Nurluq Rawiqi, ewkatkarni terniyeleydighan mektibidur!

Meselen:

☆Eskige Tétiymen Dep Aware Bolmanglar, Eskiler Zaten Özining Eskiligi Bilen Özige Eng Yaxshi Tétiydu!

☆Zimistan Körmigen Bulbul Baharning Qedrini Bilmes,

Japani Chekmigen Ashiq, Wapaning Qedrini Bilmes!

☆Ah Urarmen, Ah Urarmen Ahlirim Tutqay Séni, Köz Yéshim Derya Bolup, Béliqlirim Yutqay Séni!

☆Hemme Ademning Derdi Bar, Derdi Yoqlar Nerde Bar?!

☆Herkim Her Nime Deydu, Dert Kelmeydu Bilmeydu!

☆Alte Ay Yaz Ishlep, Qalduq Léwimizni Chishlep!

☆Yéme Namertler Èshini, Achliq Séni Öltürsimu, Ötme Namert Köwrügidin Sel Kélip Aqtursimu!Kiyme Namertler Yektigini Teqdir Képen Keydürsimu; Mangma Zalimlar Yolida, Külpet Kélip Jan Alsimu!

☆Kech Qoyghan Xudayim Ach Qoymaydu!

☆Burun Tagh Aylinip Kelse Hazir Bosugha Aylinip Kélidu!

☆Sebir Qil, Ghora Halwagha Aylansun!

☆Bugün Nöwet Baghda Bolsa, Erte Nöwet Taghda Bolidu!

☆Xudayim Közi Yoqning Hasasidur!

☆Qarghalar Qaq, Qaq Qilidu, Öz Könglini Xush Qilidu!

☆Dostung Toxa Bolsa Yéyishing Poq, Uchushung Qargha Bolsa Jaying Exletxane, Bulbul Bolmisang Gül Baghchiside Makaning Yoq!

☆Ademning Üch Engüshteri: Ghurur, Wijdan We Nomustur!

☆Ulughwar Bir Ghaye Tikle, Qisqa, Ottura we Uzun Musapiliq Bir Pilan Tüz! Waqitni, Eqilni, Pikirni, Bilimni we Tejiribeni Nishanliq Ishlet; Paydiliq Yollarda, Paydiliq Ademler Bilen Paydiliq Ishlarni Qil!

Uyghur milli Medeniyitining Jewheri Hésaplan’ghan Maqal-Temsillerge Balalar Qénip Chong Bolsa Eqli Qabiliyiti, Bilimi, Tejiribisi Ashidu; Wijdani, Ghururi We Nomus Tuyghusi Yétilidu; Sezgüsi, Tesewwuri, Tepekkuri Küchlinidu we Nezer Dairisi Kéngiyidu; Kishlik Qarishi, Dunya Qarishi, Güzellik Qarishi we Qimmet Qarishi Özlikidin Tiklinidu!

>>>☆<<<

Uyghur Medeniyiti Uyghur Millitiningla Emes Belki Insaniyet Dunyasining Bibaha Ghezinisidur! Uyghur Medeniyet Gheziniside Bulargha Oxshaydighan Yene Yüzligen, Minglighan, Yüzminglighan, Milyonlighan Bilimler Jümlidin Maqal- Temsiller We Eqiliye Sözler Bardur! Uyghurlar Dunyadiki Hayatliq Sistémisi Qurghan Eng Medeniyetlik Milletlerning Biridur. Ewlatlirimiz Yuqarqi Bilimlerni Tediriji Ügünüp, Menasini Chüshünüp, Turmushqa Tedbiqlap Yashashni Bilse, Herqandaq Yerde, Herqandaq Bir Sharayitta, Herqandaq Bir Riqabetke Tétip Yashash Bilen Birge, Iptixar Bilen Medeniyetlik Uyghurning Shereplik Bir Ewladi Bolup Yashiyalaydu!

….

Yana Neler….Mewlanem Biler Ne Eyler…!

>>>☆<<<

Medeniyitimizdiki Bibaha En’güshterlerdin Sanilidighan Maqal We Temsiller, Muqam we Qehrimanliq Dastanlar, Epsane We Réwayetler, Chöchek We Meseller Uyghur Millitining 10 Ming Yilliq Tejiribe Sawaqlirining Jewhiridur! Bolupmu Maqal we Temsiller Uyghur Millitining Milliy Mawjutlighini Qoghdash, Uyghur Örpi-Adetlirini Yashnitish, We Milliy Enenimizni Saqlap Qélishta Birinchi Qol Derislik Bolalaydu!

Uyghur Millitining Meniwi Bulighi Bolghan Uyghur Folkloreni Qedirlep, Ballirimizni Ejdatlirimiz Basqan Yollargha Yiteklesh Bizning Hem Muqeddes Wezipimizdur!

Bugünki Künde Uyghurlarning Uyghur Milli Mawjutlighini, Milli Medeniyiti We Milliy Kimligini Qoghdap Qelishtinmu Muhim Wezipisi We Xizmiti Yoqtur!

Uyghur Millitining Kélichigini Yene Istiqbalini Qoghdap Qélishta Uyghur Millitining Folkloredin Yaxshi Paydilinishimiz Lazim!

Kélichigimizning Sughurtisi Bolghan Ewlatlarning Yumran Qelbige Térilghan Milliy Meniwiyitimiz Baghchilliridiki Uruqlar Ünüp, Bashta Köchetke, Andun Baghchige, Arqidin Orman’gha Aylinidu; Wetenning Tagh-Deryaliri, Édir We Wadillirini Qaplap Ösüp Yene Chichekleydu, Chong Bolup Saye Tashlaydu, Quramigha Yétip Méwe Beridu!!!

K.U.A

24.12.2024 Gérmaniye