-Yaxshiliq, Güzellik, Dostluq, Söygü we Muhabbetning Chéchigi Quyashning Nuri Terepte, Méwisi Bolsa Ayning Yorughi Tereptedur!!!
-Xatiremdin

Yazarmen: Kurasch Umar Atahan
>>>☆<<<
Kérek Manggha Muhabbet…
Muhabbet,
Jennet Yoli Sonsiz Hayatning.
Ölüshni Xalimaymen,
Manga, Sanggha, Ulargha…
Menggülük Muhabbet Kérek!
Muhabbet,
Süt Bilen Kirip,
Jan Bilen Chiqidu, Deydu!
Shunga
Jan Chiqsa
Yürekler Qétip Kétemdighandu?!
Zaman Ötkenche,
Ölükler
Tashqa Aylinip Qalidiken.
Ölsek
Bizmu
Tashqa Aylinarmizmu?!
Tashqa
Aylinishtin Qoruqmaymen…
Ölüshni Hem Xalimaymen,
Ölsek Yürigimiz,
Aylinip Kétdighan,
Ish Bolsa Qara Tashqa…
Ölüsh Bashqa…
Tirilish Bashqa…
Qarar Qilayli,
Sonsuz Yashashqa…
Muhabbet Bilen,
Tirik Tutayli Özimizni,
Ashiqliq
Süyide Sughirayli Yüreklerni…
Söyeyli…
Söyileyli…
Muhabbet Deryasida Aqayli…
Qayrip Qoyup,
Hesret Teshwish we Endishilerni…!
>>>☆<<<
Muhabbet,
Jan Bilen Kirip,
Qan Bilen Chiqidu, Deydu!
Janning Chiqmaslighi,
Yüreklerning Tashqa Aylanmaslighi…
Qanning Aqmaslighi…
Söygü we Muhabbetning,
Ölmesligi Üchün…
Hayatliq Tileyli Kainatqa!
Yashayli, Yashnitayli…
Hem Birlikte…
Chümülüp Söygü Deryasigha…
Asmandiki Yultuzlardek Qanmay Hayatqa!!!
K.U.A
02.01.2024 Gérmaniye

Yazarmen: Kurasch Umar Atahan

>>>☆<<<

OghuzHaqan Ewladibiz…

Her Yerde Haqan Biz,

Her Yerde Öz’Han, Özbeg Biz,

Bir Ata, Bir Ananing Perzenti Biz;

Tengritagh Ewladi-

Büyüktur Ulusimiz-

Uyghurbiz OghuzHaqan Neslibiz!

Hemmimizning Birdur Yiltizimiz;

Tarixta Yézighliq,

Himmitimiz, Shanu We Shewkitimiz;

Yiltizimiz Türkistanda,

Erishke Yükselsun Hürmitimiz we Béshimiz!

Artushluqning

Yawisini Qirghiz Deymiz,

Ililiq Uyghurning Yawisi Qazaq Elbette.

Xudaning Hür Yaratqan Erkisi Biz,

Her Yerde,

Oxshash Armanlar Gürkirep Yanidu Yüreklerde.

Biz Bir Qutluq Derexning Nurluq Shaxlirimiz,

Oxshimighan Chichek Achqan,

Küchlüktur Muhabbitimiz,

Yéyilghan Qanatlar Saye Tashlar Bir Birige,

Qandashlar Törde Dayim Uyghur Bar Yerde!

Birsimiz Ata, Birsimiz Ana,

Birsimiz Aka, Birsimiz Uka;

Birsimiz Singil, Birsimiz Acha,

Birsimiz Hamma, Birsimiz Tagha;

Yashaymiz

Bir Aile Kishiliridek.

Dunyaning Töride, Kindigide…

Türkistandin Ta Qirim’ghiche,

Anatoliyedin Turfan We Qumulghiche,

Kawkazlardin Téhran We Turan’ghiche!

Séning, Méning Dimeymiz

Tapqinimizni Paylishimiz, Teng Yeymiz;

Altayliq, Ghuljida Uyghur, Uyghurbiz Altaylarda Qazaqbiz!

Artushluq Taghqa Chiqsa Qirghiz,

Qirghizlar Artushta Öp We Özimiz!

Aman Bolsun Uruqimiz, Iradimiz, Yolimiz;

Urughimiz Bir, Yiltizimiz Bir,

Birdur Derdimiz, Oxshash Ghayimiz;

Qénimizni,

Tilimizni,

Dinimizni,

Örpiadet, Qayide We Yosunlirimizni…

Qoghdighin Yawlardin Hey Rabbimiz…

Kün Patmas Elbiz, Buwalar Izida Biz,

Xudaning Yoligha Telpünidu Qelbimiz…

Qutluqtur Yolimiz,

Ulughdur Ejdadimiz Ulughdur Hem Ghayimiz,

Qol Tutushup Esirlerni Atlaymiz,

Ejdatlarning Ümüdini Aqlaymiz…

Erkinlik, Hürlük Üchün At Sürimiz,

Qilich Urup, Neyze Tashlap, Oqya Atimiz…

Wetenni, Sherepni, Nomusimizni Qoghdaymiz,

Reqiplerdin Qorqmaymiz, Zulumgha Bash Egmeymiz,

Shanimiz Yüksek, Sak, Hun, Tuxar we Kök Türüktur Neslimiz!

K.U.A

03.01.2024 Gérmaniye