-Uyghuristan Xelqining Istiqlal Marshi….

Yazarmen: Kurasch Umar Atahan

>>>☆<<<

Hürlük Diduq,

Heq Diduq, Hoquq Diduq.

Weten Dep Erkinlik Bayrighi Achtuq!

Zalimlar Közige,

Xuddi Ejel Mixidek Qadalduq.

Weten Dep,

Ushbu Weten’ge Aylanduq, Wetenning Taghliri,

Deryalirigha Hüriyet Urughi Chashtuq.

Wetendin,

Weten Üchün Ayrilduq,

Eziz Wetendin Hürlük Üchün Pahlanduq,

Wetendin,

Chet Diyarlargha,

Zulum Destidin Charesiz Seper Qilduq.

Jennettek Baghlarni Terik Eylep,

Dunyaning Her Terepide Sersan Bolduq…

Xuddi Topidek Tozup,

Dessilip Samandek Sorulduq.

Qewimning,

Qérindashning Bextini Közlep, Chöllerni We Taghlarni Makan Tuttuq.

Weten Zalimlar Ayaqlirida Cheylendi,

Baghchilar Xazan Boldi,

Üshük Tegdi Hayatliq Derixige Uyghurning,

Ata-Ana Qérindash Qaldi,

Dost Burader, Yarlar Qaldi…

Bu Bizge Pütmes Elem Boldi.

Zulum Barghanche Küchlendi,

Erishke Yetti,

Milletning Dat we Peryatliri…

Sebir Pütti,

Nepret Qilichtek Qinidin Chiqti,

Yürekler Qisasqa Toldi,

Yürekler Zerdapqa Toldi,

Goya Biz,

Zerde Gösh Bolduq…

Külüshnimu…

Yighlashnimu Emdi Unuttuq!

Weten Aylandi Goya Jehennemge,

Tar Boldi Dunya Bizge,

Yüreklerge Hijran Oqi Saplandi,

Weten Üchün Köp Riyazet Chektuq!

Weten Dep Wetendin Ayrilduq, Düshmen Qelbige Ejel Oqidek Qadalduq!

Wetende Tanglar Atmay Turup,

Zalimlar Quyashi Patmay Turup, Boldi Qilmaymiz,

Bu Shanliq Küreshni,

Tashlimaymiz Ejdat Yolini,

Ilgirleymiz Tutushup,

Bir Birimizning Pishini,

Erkinlik,

Hürlük Üchün,

Téximu Igiz Kötürimiz Ejdaq Tughini…

Jénimiz Pida Bolsun Wetenim Sanga,

Ghayimiz

Sanga Bahar Keltürüsh,

Baghliringgha Gül-Chichek Pürküsh.

Toxtimaymiz

Meqsetlerge Yetmey Turup,

Millitim Biz Bu Yolgha Qurbanliq Bop Atlanduq!

Biz Küreshlerde Jessur Atalduq,

Biz Xelqimiz Yighlisa Yighlap,

Chirayigha,

Külke Yügürse Andin Shatlanduq!

Biz Mangghan Bu Yollar Yoruq,

Qilghan Küreshler,

Tökülgen Qanlar Orunluq.

Millitim, Eziz Millitim,

Pida Bolsun Sanga Axirqi Tamche Qénimiz, Hem Axirqi Tiniqimiz!

Haman Bir Küni Yangritimiz, Ghalbiyet Marshini,

Yoqalsun Mehkumiyet, Yoqalsun Qulluq!

Yamghurdek Yéghip,

Jiralarni Toldurup,

Chöllerge Éqip,

Gül-Chichekke Pürkeymiz Seni.

Ejdat Bayrighini Qollardin Chüshürmeymiz,

Jewlan Qildurimiz,

Wetinim Asminingda Kök Bayraqni!

Wetinim,

Yaralan’ghan Qelbingge Melhem Bolimiz,

Milletim,

Yighlighan Közüngge Söygü Chachmiz,

Axiri Yitimiz,

Eng Aliy Muradimizgha,

Mangghan Yolimiz Toghra,

Azatliq We Musteqilliq Nishanimiz, Ghayimiz.

Kamildur Ishenchimiz,

Parlaq we Ulughdur

Milli Istiqbalimiz!

Düshmenni Qoghlap Chiqirip,

Ana Wetendin,

Yangritimiz, Ghalbiyet Marshini,

Milletning Meqset, Muradigha Yétimiz!

Bu Jessur,

Bu Mezlum,

Bu Büyük Milletning,

Musteqilliq We Azatliq Tangliri Atidu Haman Nurluq!

Düshmenni Qoghlap Chiqirip,

Ana Wetendin,

Yangritimiz,

Uyghurlarning Ghalbiyet Marshini,

Oquymiz Yene,

Ejdatlar Éyitqan Zeper Naxshisini,

Haman Bir Küni,

Milletning Meqset Hem Muradigha Yétimiz Toluq!!!

K.U.A

13.03.2025 Gérmaniye