(Ballada)
-Wetendeki chaghda bexitsizlikke uchrap yoqap ketken 500 Parchedin artuq eserdin bexitke yarisha aman qalghan 36 yil awal yézilghan yene bir parche esirim.

Autori: Küreshchan Ümer

Hey adem,
„Eqilliq“ maxluq….
Ar-nomus bar eslingde,
Köyünmemsen neslingge…
Yighlatmighin uni Bikardin.
Yighlatmighin ularni,
Shaman baxshiliridek sersan qilip chöllerde.
Sersan qilma ularni,
Sergerdan Bulutlardek Üzüp yürgen köklerde.
Sen uqmastin yürigidin qilip iltija,
„Nijatliqimni begin manggha“,dep,
Kuinlundaki Humayni untup,
Reyinda We Mayinda Eziz Isagha, Denipirde qutsal Meryemge…
Isyan qilip üstüngdin,
Olimpusqa ketmisun yene,
Zeus, Hera, Athena, Aphrodite,
Apollo, Achelles, Hepaethus we Hermes bilen birliship.
Narazi bolup qestingge,
Dert digen choghqa oxshaydu,
Dert qoshmisun paxta kebi dertmen qelbingge!

Hey adem,
„Eqilliq“ Maxluq,
Söyiwalghin, Quchaqla tiz bol,
Maymunlarning közlirini qizartqan
Elmisaqtin Pak neslingni,
Tengleshtürüp,
Riwayetlerde teswirlengen meleklerge…
Ya uni etiwarlap sowgha qil,
Etre gülge oxshutup,
Yürigingdin jay alghan,
Söyümlük perishtidek güzelliringge!
Ya uni hayatliq bexish etküchi
„Bizni tughqan ilah“,dep
Topisini,
Tutiya bilip, sürtüp alghin közüngge!
Warqirighin,
Ana…Ana…Ana…,dep
Kökke taqashqan qarliq taghlar aldida.
Saqit bolsun gunaying,
Yiqil uning aldigha,
Sora ming yilliq epuni…
Pak méhrige échirqighandek,
Üzengni at, Anani eslitidighan illiq baghrigha!

Hey adem,
„Eqilliq mexluq“
Xalimisang Ana, Ana dep warqirashni,
tizlinip aldida epu sorashni,
Gunahlardin paklinishni,
Künler, Aylar, yillar öter yene esirler
Marjan kebi öter yene esirler ming yillar…
Ésilghan Zenjirdek Insanlar qismitning boynigha,
Musubetlik yultuzlar patmaydu,
Yaz tünining asminidek,
Keng ketken payansiz dertler wadisigha!
Tuzighandek boran chiqsa chichekler,
Tökilidu minglap insan shéxidin…
Kainatning meghripide bir bayraq,
Kainatning meshriqide bir bayraq,
Xiris qilip aghzidin,
Ot pushqurtqan diwedek,
Qed kötüridu,
Lepildeydu heywetlik…
Zalim Xaqanlardek ghadiyip,
Yalmap her nersini,
Yer jahangha alwastidek ot chéchip….
Almashturuup,
Putbol topning ornigha,
Qelbimizdiki,
Ay bilen Quyashimizni tépidu ular,
Qelbimizni Nishan qilip,
Erkinlik, Hürlük we Bexitning közlirini nishangha élip!
Muhemmedni paturup munggha,
Musani ümütsilikke giriptar qilip,
Isani hesretlik oy déngizigha ittirip,
Yer sharini,
Xuddi Tongguzlar baghni cheyligendek weyran qiliship!
Hey adem,
„Eqilliq“ mexluq,
Peylingdin yanmisang,
Eqling bilen,
Muhabbet asminida nurlanmisang,
Kélip chiqar aqiwetni bilemsen?,
Hey adem,
„Eqilliq“ mexluq,
Aqiwetni bilmiseng
bil,

…
Tozaq qoydum, dep

Bashqalargha
Ora kolima özüngge…
Kor qildim dep, bashqalarni,
Topa chachma közliringe…!
Kelimilerdin heriket tughar….
Diqqet qilghin Sözliringge…!
Heddingni bil,
Heddingni bilmiseng,
Meghrip we
Meshriqte tiklen´gen bayraqlar,
Jan béridu,
Chirigen chenshihuang,
Istalin we Mawning sésighan tinige!
Alwatsilar sama salar qitelerde,
Sheytanlar tawka qurar déngizlerde.
Qilich, Qalaqanlar…
Zalimlarning qamchisi,
Oynaydu béshida mezlumlarning!
Süzüp chiqip kozini,
qomurup Sulaymanning pichetlen´gen üzükini,
Talishidu ular dunyani,
Qan Tökidu,
Azar bérip Pushkinning Béliqchi buwiyigha,
Aram bermeydu Tengritaghda Humay anagha!

Hey adem,
„Eqilliq“ mexluq,
Kélip chiqar aqiwetni bilemsen,
Hoshungni tapmisang,
Eqlingni Tapmisang,
Yolungni Tapmisang….
Bu pajige Kimler qilip tentene,
Yene Kimler tutar musubet…
Dunya tolsa ölümge,
Yer tozisa tumandek,
Alem aylansa-
Barche mawjudatlar yoq bolup-
Ghayet bir Zor Qebrige!
Hey Adem
„Eqilliq“ mexluq,
Eqlingni tap,
Düshmenleshme,
Qan töküshme,
Yer tumandek tozimisun,
Kök aylanmisun qebrige,
Külge aylanmisun hayatliq,
Hoshungni tapsang,
Eqlingni Tapsang,
Dostluq,
Tinchliq,
Barawerlik gülliri ünidu,
Her izingdin jeset hidi kelmeydu,
Bisqan qedemliringdin güller ünidu,
Janliqlargha qan tamchighan qiliching,
yene teshwish bermeydu,
Uchidu top top bolup hüriyet qushi,
Külidu yene mesum qanatliq aq kepterler…
Yolungni Tapsang….
Söygü
we
Muhabbetke Tolsa bu dunya…
Qurilidu,
Xuddi jennettek yéngi bir dunya,
Qurilidu yene yéngi bir dunya,
Altundek pursetler,
Bexit we Erkinlik …
Barawerlik we Hürlük,
Parlaq istiqbal külüp baqar,
Bigunah Insanlar yene yüzüngge!
Hey adem
„eqilliq“ adem
Özengge kel,
Dunya tolsun söygü we muhabbetke,
Rezillik yoqalsun,
Her terepni qaplisun güzellikler,

…

Qaplisun Dunyani Söygü Muhabbet,

…
Dunya yene tizsun, Adem Ata We Hawa Ana ewlatlirigha,
Yultuzlardin xasiyetlik gül-deste!!!
24.05.1989 Artush