Yazarmen: Umar Kurasch Atahan

>>>☆<<<

Hey Uyghur Qizi MéhriNisa,

Hey Nesli Ulugh,

Shani Büyük Tengritagh Güli.

Sen Bir Gül Küchitige Oxshaysen,

Bir Yéri Tiken’ligen,

Yene Bir Tereptin Renggareng Chichekligen!

Sen Ketting Bizni,

Yalghuzluq Chölige Tashlap,

Bir Közimizni Yashta,

Ubirini Qapqara Qan’gha Buyap…!

Sen Ketting,

Öyümning Chirighi Öchti,

Toghrisi Sen Öchtüng,

Qarangghuluqqa,

Bent Bolduq, Közlerni Yashlap.

Sen Ketting Ellikaltide,

Tulimu Baldur, Aldirap…

Musubet Déngizigha,

Bir Aile Kishilirini,

Gheriq Étip Yigane Tashlap.

Sen Ketting, Bizni Tashlap,

Hijranda we Daghda Qoyap.

Ayrilduq Hawa We Ademdek,

Ötidu Künler ,

Eshu Chüshtek Hayatni Oylap!

Meyli Qeyerde Bolayli,

Ching Qelbimdin Séghindim Seni.

Hey Oti Yaman Uyghur Qizi,

Hey Méning,

Altun Qeliblik Güzel Perishtem,

Qeyerde Bolsam Xiyalimdin Chiqmaysen.

Yene Shu Peylingdin Yanmaysen,

Bu Jénimni Tendin Élip, Bayawan’gha Tashlaysen!

Hey Derdi Yaman Tengritagh Chéchigi,

Nimishqa Esyadimda Peqetla Sen Turisen.

Xush Hidingdin Yene Sewda Bolimen, Bihushluq Asminida Qanat Qaqimen.

Sen Ilgirkidek Natiwan we Méhriban,

Qelbim Dunyasimgha,

Xuddi Ilgirkidek,

Yoruq Cholpandek Nurlar Chachisen.

Seni Qandaqmu Untup Qalay,

Yürügümde Ebidil Ebed Güllep Yashnaysen.

Hey Méhri Issiq Uyghur Qizi,

Nimishqadur Qeyerge Qarisam Séni Körimen.

Hey Méhri Nisa, Tagh Gülidek Puraq Chachisen,

Hayat Asminimda Yigane Bir Yoruq Yultuzdek Sen Yanisen,

Oltursam Qopsam Etrapimda Perwanidek Aylinisen,

Mangsam Séghnish Ilkide Xiyal Qilip Kechmishimizni,

Her Ikki Teripimde Dost we Yardek Senla Yürisen!

Sen Muhabbetsen, Méhirsen, Söygüsen,

Sen Illiqsen, Nurluqsen We Baharsen!

Tört Pesilde Güller Échip- Qeliblerde Yashnaysen!

Tört Ewladimning Hayatliq Bulighisen, Men Séni Unutmaymen, Hichkimni Sanga Teng Qilmaymen Hem Menggü Séni Söyimen!

K.U.A

19.09.2025 Gérmaniye