-Milliy qehrimanlirini unutqan, Milliy qehrimanliridin iptixarlanmighan milletler yoqulushqa yüzlen´gen zawalliq milletlerdur!

-Xatiremdin

>>>☆<<<

Tarqalghan xewerlerdin qarighanda bügün shu jay waqti 20:20 de Milli inqilapchi, Milli herkitimizning aktip ishtirakchisi, Dangliq Yazghuchi, Shahit tarixchi Abdureshid Haji Kerimi aka Shiwitsiyening Payitexti Sitoklomda 84 yéshida bexitke qarshi waqitsiz wapat boldi.

Abdureshid Haji Kerimi aka 1942.yili 8.ayning 18.küni Qeshqer sheheride tughulghan. Bashta qeshqerde, andin Ürümchide ilim tehsil qilghan.Oqush püttürgendin kéyin milliy Inqilapqa qatniship, Xitay hökümiti teripidin jazalan’ghandin kéyin uzaq yil Yerken peylo stürmiside 10 yildin artuq mudditini ötigen.

Uning hayatini ömür boyi wetenning azatlighi, Milletning hürligi üchün küresh qilghan hayat, dep baha bersek artuq bolmaydu.

Abdureshid Haji Kerimi aka wapat étiptu, dise ishenmeyla qaldim…Dimisimu muhim shexisler bizge ölmeydighandekla tuyilidu.Toghra anglidingiz, Abdureshi Haji Kerimi aka wapat etti, Uning ölümi bilen Milli dawada küresh ichide ötken iztirapliq bir dewir axirlashti…

Shundaq Qilip Milli dawa asminidin yene bir yoruq yultuz saqip ketti. Abdureshit Haji Kerimi Akaning wapati Uyghuristan Xelqi üchün chong yoqutush boldi.

Bu shum xewer Heqiqiten yalghuzlam  Uyghuristanliq wetendashlarningla emes, Belki anglighan pütkül türük dunyasidiki adaletperwer

insanlarning yürikini qattiq izidu.

Biz Abdureshid Haji Kerimi Akaning dewirdashliri we sebdashliri Bolush süpitimiz bilen uning wapatidin chongqur qayghuriwatimiz. Yaxshigha kün, yaman’gha ölüm nede, deptiken ejdatlarimiz. Abdureshid Haji Akaning ölümi bizge éghir musubet élip keldi.

Abdureshid Haji Kerimi 60-Yillardiki Uyghuristan Milliy azatliq herkitining ishtirakchisi we hayat shahididi. Uning Wetenning Milliy Musteqilliqi yolida élip barghan quralliq küreshliri „Qarajüldiki Jeng“ kitabida éniq teswirlen’gen. Qelem kürishi bolsa chatma maqalilardin teshkil tapqan ashu kitapta ekis ettürülgen.

Abdureshid Haji Kerimi Ependining ölümi milliy medeniyitimiz, Milli musteqilliq Herkitimiz we Milliy Edebiyatimiz üchün intayin chong yoqutush boldi.

Abdureshid Haji Kerimi akaning Hayat waqtida qedrige yetmigenler, choqum uzaq ötmey u qaldurup ketken boshluqni his qilip, yürekliri achchiq bolidu.

Rabbim milli dawaning aldida kök Bayraq kötürüp mangidighan, nam-shöret, quruq abroygha bérilmeydighan, Weten we  Millet üchün Gep qilidighan, Gépige yarisha Ish qilidighan ustazning axiretligini xeyirlik qilsun. Abdureshid Haji Kerimi ependi ikkinchi ewlat Milliy inqilapchi bolush salahiyiti bilen Uyghuristan Milliy Armiyesining qurulushini körüshni bir ömür arzu qilip we shu Ghaye Yolida heriket qilip hemde shu künlerni kütüp, muradigha yètelmey, arman bilen uchmaqqa ketti.

Ulugh Tengrimiz Abdureshid Haji Kerimi akaning gunahlirini meghpiret qilsun we yatqan yerini jennette qilsun!

Biz uning Bizge miras qilip qaldurup ketken „Qarajüldiki Jengk“, „Tarixi Muhemmidi“ (Üzbekchidin Uyghurchigha örigen) qatarliq nadir eserlirini we ish- izlirini hemishe xatirleymiz we u shexsen ichide bolghan Aldinqi bir ewlat Milliy inqilapchilarning iradisige warisliq qilimiz!

Xelqimizdin mushu munasiwet bilen kütidighinimiz wetenning ümüdini aqlashtin ibarettur: Shundaqla qayghuni küchke aylandurup, milli iradini urghutup, ittipaqliship aliy ghayimizni ishqa ashurush üchün küresh qilish chaqriqigha awaz qoshushtin Ibarettur!

Millitimizning béshi saq bolsun, xelqimiz aman isen bolsun!

Axirda ustaz Abdureshid Haji Kerimi Ependining Ailisi, dostliri, sebdashliridin  semimi Hal soraymiz!

>>>☆<<<

Uyghuristan Kultur Merkizi

Hürmet bilen: Kurasch Umar Atahan

24.01.2026 Gérmaniye