(Shiér)

Xatunum: Méhrinsagha béghishlandi…

-Yazarmen: Kurasch Umar Atahan

>>>>☆<<<<

Méhrinsa…

Uyghur Qizi nazigum, 

Bu ayda köyüshken iduq ikkimiz.

Méhrinsa…

Uyghur Qizi nazigum, 

Bu ayda…

Alimen,Tigimen, dep,

Wedileshken iduq ikkimiz…

Méhrinsa…

Uyghur Qizi nazigum, 

Bu Ayda,

 Heremge Barghan iduq Ikkimiz.

Méhrinsa…

Uyghur Qizi nazigum, 

Bu ayda,

Mekkide,

Medinede bolghan iduq ikkimiz.

 Méhrinsa…

Uyghur Qizi nazigum, 

Bu ayda…

Tughulghanti üch ewladimiz.

Méhrinsa,

Uyghur Qizi nazigum, 

Bu ayda,

Talay qétim,

Nurgha Tolghanidi Ichi-Téshimiz!

Méhrinsa…

Bu Ayda Ayrilduq,

Imkansiz…We… Charesiz….

Méhrinsa…

Uyghur Qizi nazigum, 

Bu ayda diduq elwida,

Seper qilding jennetke,

Ayrilduq,

Chöktuq Musubetke,

Way isit, dep yaqa yirttuq,

Iztirap Chektuq, Yighlap Imkansiz!

Méhrinsa…

Uyghur Qizi nazigum, 

Bu ayda,

40 yil awal…

Pütüshkentuq toylishishqa,

„Peqet Ölüm ayriydu bizni,“

Diyiship qesem ichkeniduq ikkimiz.

Méhrinsa…

Uyghur Qizi nazigum, 

Bu ayda heremge kettuq,

Murat Meqsetke yettuq,

Emma lékin…

Bir pütün yézilmay qaldi,

Ikkimiz bashlighan hayatliq deptirimiz….

Menggülük Ayrilduq,

Bu Ayda…

Hesret ichre  elwida, déduq,

Imkansiz we charesiz…

Bosh qaldi nurghun betler,

Way derixa…

Ne dey bu hesret nadametke,

Bir pütün yézilmidi,

Biz kütken Hayatiy hikayimiz…

Nitey emdi bu hijranni,

Yézilghan iken,

Ashundaq pishanimizge teqdirimiz…

Méhrinsa,

Uyghur Qizi nazigum, 

Sen öyümning bir güli iding,

Arimizdin Sen kétip baharim ketti…

Men séning ashighing,

Sen hayatim,

Sen méning meshuqum iding.

Sen Ömürlük dostum,

Yaxshi we Yaman künlerde,

Menggülük,

Sirdishim we sebdishim iding.

Sen kétip,

Hayatimizgha üshük tegkendek,

Pichaqtek sanchildi hijran,

Shunche achchiq yalghuzluq yetti.

Yighlap qalduq tört bala bilen,

Chaqrisam anglimaysen,

Ya izdep séni tapalmaymen,

Ya qayitip kelmiding öyge,

Sen yoq,

Men öyde, xuddi bir görde,

Hichkim yoq, artuq öyümning töride.

Méhrinsa, Méhrinsa…

Uyghur Qizi nazigum, 

Közlerdin,

Ayrilish Yéshi tökülgen bilen,

Ayrilmidi…

Ilgirkidekla ikkimizning rohimiz…

Méhrinsa, Méhrinsa…

Sen qedirlep pak Muhabbetni,

Goya xisletlik perishtidek,

Toghra, dorust yashiding arimizda;

Sen Bizning pexrimiz,

Sen bizning nomusimiz,

Sen bizning sherheripimiz,

Séni eslimey ötmes kündüz, kichimiz…

Sen qelbimizde yashaysen, Sulmas güldek üntünsiz.

Méhrinsa, Méhrinsa…

Uyghur Qizi nazigum, 

Séni esleymen kiche- kündüz…

Üzülmeydu menggülük,

Ikkimizni

Baghlap turghan altun rishtimiz!

Méhrinsa, Méhrinsa…

Uyghur Qizi nazigum, 

Tik tursun iradimiz,

Yashnap tursun muhabbitimiz,

Güllensun ewlatlirimiz,

Ayrilmisun Menggülük…

Xuddi Ot we chiraqtek,

 Ikkimizning,

Yopyoruq yénip turghan rohimiz…

K.U.A

02.02.2026 Germaniye