-Tughulghan Kün Tebriknamesi…

>>>☆<<<

Essalamuleykum Eqilliq, Kélishken we Nochi Oghlum Atilla Han. 15 Yashqa Tolghan Tughulghan Küninglargha Mubarek Bolsun.

Sile Nime Digen Bexitlik Bir Ewlat … Gérmaniye Dunyadiki Jennettek Bir Weten….Bu Elde Tughulup Ezizane Ana Wetiningla Uyghuristan Üchün Yaramliq Bir Ewlat Bolup Chiqish, Bir Adem Üchün Nime Digen Chong Taley….

Oghlum Atilla Han Her Yili Bu Künlerde Tughulghan Waqit-Saetliringlar Ananglar we Achaliringlar Yénimizda Bar Bolghachqa Xuddi Héyit-Bayramdek Xushal-Xuramliq, Shatliq We Bexitke Chümülüp Bashqiche Shekilde Ötetti.

Muellisep Bugün Ettigende Qarisam Ananglar we Achaliringlar Öyde Bar Chaghdikidek Menzireni Etrapimizda Körelmidim.

Oylisam Ailimizning Bashqa Ezaliri Yoq, Peqet Men Silerning Yéninglarda Yalghuz Qaptimen. Ishlarni Ulardek Qamlashturalmay Könglüm Birqisma Bolup Qaldi…

Apanglarning Ornida Dr.Buhelchem Mentiminning Tughulghan Kününglerge Atap Ailisige Wakaliten Yollighan Tebriknamisidin Bashqa Etrap Tip-Tich Bolghachqa Burunqidek Menzireni Körelmey Qaldim we Chongqur Xiyalgha Pattim…

Hayat Bizge Jawap Bérish Qiyin Bolghan Imtihan Suallarini Tashlawatidu. Oghlum Bizning Öydikiler Yoq Turidu…Héliqi Qaynaq Menzireler Yoqqu? Ular Qeni!? Ichimdin Chiqiwatqan Bir Sada Gheyretlik Bol, Ornungdin Tur, Jasaret Bilen Yasha Dep Manggha Ilham Bériwatqandek Qiliwatidu.

Shundaqtimu, Gerche Biz Jahanning Her Terepide Bolsaqmu, Hemmimizning Hürmet Wetriliri Bilen Tolghan Néhirlik We Méhirlik Könglimiz, Isil Arzu we Tileklirimiz, Izgülük Armanlirimiz Siler Üchün Xuddi Gül-Chicheklerdek Ailimizni Qaplap Kétiptu…Hemme Ademning Diqqiti, Ümüdi Bugün Silide Oghlum…

Uyghurlar Balajanliq Bir Millet…Ballirini Hayatliqning Üzülmes Éqinlirida Örkeshlewatqan Süzük Sugha Oxshitidu…Dunya Perzentler Bilen Güzeldur.

Uyghurlar Bala Bar Öy Bazar, Bala Yoq Öy Mazar, Deptiken. Uyghurlar Yene Bir Jemiyet Ewlatlar Arqiliq Güllinidu we Tereqqi Qilidu, Dep Qaraydu… Shunga Uyghur Milliti Perzentlirige Alahiyde Köyünidu, Ehmiyet Béridu we Kichigidin Ularni Yaxshi Terbiyeleydu….

Uyghurlarda Yene Balalarning Kichiki Ailining Warisi, Deydighan Gep Bar….

Atilla Han Siler Balilarning Kenjisi…

Atilla Han Biz Bir Aile Kishiliri Hemmimiz Silige Baqsaq, Silining Teqqi-Turqinglar, Exlaqinglar, Tebiyitinglar, Mijezinglar, Xaraktéringlar we Rohi-Pissixik Alahidilikinglardin Kelgüside Del Mushu Ailining Chirighini Yorutup Turidighan Bir Ezimet Izbasarni Körimiz! Siler Bizning Ümüdimiz, Istiqbalimiz…

Biz Bir Aile Kishilirning Silerdin Kütidighanlirimiz Köptur. Oghlum Hayat Yoli Bir Küresh Yolidur! Adem Yashighanche, Küresh Qilghanche Molghunlishidu; Shunga Özenglargha Qattiq Telep Qoyup, Yaxshi Bir Adem Bolup, Ösüp Yétilinglar. Oghal Bala Digen Özinila Emes, Aile Ezalirini, Jetti-Jmetini, Millitini, Wetinini we Insaniyetni Dep Yashishi Lazim. Shunga Bizning Ümüdimizni Aqlash Üchün Tiriship Oqunglar, Kéreklik We Ehmiyetlik Bilimlerni Élinglar We Weten Hem Milletning Kütken Yéridin Chiqip, Gheyret we Jasaret Bilen Yashanglar…!

Rabbim Yolunglarni Ochuq, Ömrünglerni Uzun, Tininglarni Salamet, Rizqinglarni Mol Hem Beriketlik

Hürmet Bilen: Kurasch Atahan we Ailisi

24.02.2026 Gérmaniye Weniger anzeigen