Uyghur Erqiqirghinchiliqi Dewrideki Uyghur we Türük Munasiwetliri Kirzisi!


Uyghur Erqiqirghinchiliqi Dewridiki Uyghur we Türük Munasiwetliri Kirzisi!
☆☆☆☆
Bezi Ademler Uyghuristan Xelqini Wetinige Ige Chiqalmighanliqi we Kelichikige Ige Chiqalmighanliqi Sewebidin Pes Körüwatidu Hemde Dost we Düshmen Aldida Millitimizning Imajini Sunduriwatidu. Imanliq Bir Adem Esla Bundaq Bir Jümle Qurmaydu! Bezi Milletler Bar Mustemlike we Ishghal Astida Bolghachqa Weteni Yoq Emma Sheripi Bar, Bezi Milletler Bar Körünishte „Weten“i Bar Emma Vijdan we Sheripi Yoq!
Perde Arqisidiki Rezil Küchler Xitay Tajawuzchiliri, Xitay Tajawuzchilirining Yalaqchiliri we Milli Munapiqlardin Paydilinip, Uyghuristan Xelqining Qandashliri, Qerindashliri we Dostliri Bilen Bolupmu Türükler Bilen Bolghan Saghlam Munasiwetlirini Hedep Buzushqa Oruniwatidu!
Uyghuristan xelqining Türkiye xelqi bilen bolghan qanche ming yilliq qan- qerindashliq rishtisini qoghdap, ikki xeliqning parlaq kelichiki üchün küresh qilayli!
Uyghuristan xelqi Türkiye jumhuriyitini ikkinchi weten, Türüklerni bolsa öp- öz qerindash dep sanap keldi. Xitaylar Xelqara Jemiyetning bizge bolghan besimi sewebidin wetinimizni tinich ishghal qiliwalghan yerim esirdin artuq waqitta millitimiz xitay hökmaranliqigha qarshi 500 qetimdin artuq qarshiliq herketlirini elip berip, özlirining xitay idarisini qobul qilmaydighanliqini dunyagha jakarlighanidi. Uyghuristan xelqi bu yerim esirlik mustemlike dewride Xitay Hökümitini hazirghiche etirap qilmidi, emma Türkiye hökümitini xuddi mening hökümitim, dep qarighangha oxshash, uningdin nurghun shirin ümitlerni kütüp keldi. Shunga Uyghurlarning Türkiye Jumhuriyeti we dewlet rehberliridin kütidighanliri Türkiye Xelqi, jümlidin Türük Dewlet ademleri oyligandin köp bolup keldi. Bu hessiyatni Türkiye Xelqi toghra chüshengen we emili inkas qayturghan bolsimu, bir qisim Dewlet rehberliri Uyghurlar heqqide üch maymun oyuni qurup, Uyghuristan xelqi bilen Türkiye xelqining ottursidiki muqeddes munasiwetni qara niyet arlashqan halda istismar qilip, eziz millitimizni Xitay Türük iqtisadi we siyasi munasiwetliride qurbanliq qoy ornida istimal qilip keliwatidu!
Goya ular eqilliq, biz döttek, goya ular hemmini bilidu, biz bilmeydighandek, goya ular bizning heqqimizde nime qilsa bolidu, biz qilsaq bolmaydighandek Uyghuristan xelqining milli mawjutliqi, insaniy heqliri we istiqlal kürishige bilip bilmey tosqunluq qilip keldi we milliy menpeetlirimizge düshmen milletlerdinmu bekraq ziyan saldi!
Uyghuristan Xelqi Türkiye dise jenini beretti. Türkiye meselisige Uyghuristan Xelqi Ezeldin intayin köngül bölgechke, Xitaylar buni bir Xitay mustemlikisige qarshi siyasi hadisidek oyliwelip, Türkiye, Türük Milliti we Türük bayriqi sewebidinla hazirghiche qanche 10 ming adem terror we milliy bölgünchi qalpiqi keydürülüp türmilerde eghir iskenjige maruz qaldi we xunxorlarche öltürüldi weyene jazalanghanlarning ewlatlirigha izchil halda düshmen muamilisi tutulup keldi.
Uyghuristan Türk dunyasining oq Yiltizi jaylashqan muqeddes makandur! Türük xelqining tarixi, medeniyiti we dini bu yerge baghlanghan. Uyghur we Uyghur medeniyiti Türük Medeniyitining omurtqisini shekillendürgen bolup, uning ret qilghili bolmaydighan tarixi sewepliri bar! Düshmenler Uyghur Milliti, Uyghur Medeniyiti we Uyghuristan tupraqliri yoqutulsa, Türük dunyasining hayatliq derixini qurutiwetish asan bolidighanliqini izchil türde tekitlep, keldi.Biz Uyghuristan xelqi pütün türük dunyasi we insaniyet üchün milliyet we medeniyitimizning hayatliq derixi oq yiltiz tartqan bu tupraqlarni düshmen tehditliridin qoghdap keliwatqanliqimizni milion qetim anglitishimizgha rahmen Türük dunyasi jümlidin Türük hökümiti bu ishqa qulaq yopuriwelip, Türük dunyasi birlikte chare tedbir bekitishimizge tosqunluq qiliwatidu.
Awazimizgha qulaq seliwatqan Meral Aksener xanim we Ahmed Dawut Tatar Oghli, Mustafa Destichi qatarliq az sandiki Türük Siyasetchiliridin bashqalarning ilgisini chekelmiduq. Dewlet bu heqte somut qedemlerni atmidi, gep geplikte, söz sözlükte qaldi.
Bu ish bir Pütün Dewlet we Milletning jiddiy qilishqa tegishlik ishliri qatarida hökümetning resmi xizmetlirining küntertiwige kirmidi. Türük hökümiti Bizge yardem qiliwatqan xelqara teshkilat, dewlet we milletler bilen ziddiyetliship, bizge tüptin qarshi bolghan xelqaraliq rezil küchler bilen Ittipaq tüzüp, bizge ziyan salidighan ish we heriketlerde köp boldi.
Biz Uyghurlar Türkiyege din ügünüsh, pul tepish, qursaq toyghuzush we Jan beqish üchün kelmiduq, Mustemlike Astidiki ölüm xetiridin qechip yaki weten üchün xizmet qilish meqsidide kelduq. Biz kelichigimizni garanti astida tutidighan, dewlet bashquralaydighan zor bir qoshungha muhtajken, türkiyede eqamet qiliwatqan minglighan oqush yeshidiki yashlirimiz dewlet destek bergen shekildiki telim terbiye projektisiz, Ali derijilik Bilim tehsilisiz, uyghun bolghan ish we emgeksiz halda bihude qerip ketiwatidu, Hayati nabut bolup ketiwatidu.
Türkiye her waqit bizning kelichigimizni pilanlishimiz üchün sistemiliq we pirogrammiliq shekilde yatirim yatquzishi lazim yerde millitimizni urush we terror balasi ichige ittirip, xelqimizning hür dunyagha integiratsiyon bolishigha yardemchi bolmidi. Türkiyede yashaydighan Uyghurlar Hindistanda yashaydighan Tibetlerchilik destek körmidi. Hindistanda Tibetler sergerdan yashawatqan yerim esirdin artuq waqit ichide Hindi xelqining qollap quwetlishi bilen nurghun ishlarni qiliwaldi. Hazir eger Tibettin xitaylar chekinip, dewlet qoligha chüshüp qalsa, Hindi deweliti yetishtürüp bergen Tibet xelqi bir dewletni öz aldigha idare qilip keteleydu. Türkiye we Türük Jumhuriyetliridiki Uyghuristan Xelqichu? Ehwal dimisekmu bekla echinishliqtur. Tarixida 16 jahan dewlitu qurghan jessur ejdatlirimizning biwaste ewlatliri bolghan Uyghurlar bir dewlet hazir beshigha keyilip qalsa bashquralaydighan bolishi, uning üchün Türkiye bashta bashqa Türki Jumhuriyetler birlikte Uyghur qerindashliri üchün adem yetishtürüp berish wezipisini bolsimu üstige elishi kerek! Türük xelqining mezlum Uyghurlarning milliy mawjutluqimizni qoghdap qelishta qilishqa tegishlik nurghun mejburiyetliri bar, dep qaraymiz!
Uyghuristan xelqining türkiyedin kütidighanliri heqiqiten köp!Buni qandash we qerindashliqimiz, ortaq teqdirimiz we öz ara irmiship we chirmiship ketken uzaq tarixi tereqqiyatimiz belgüligen. Emma Dewlet bizni özige qesten telmürtküzüp, dost düshmen aldida bizni yerge qaritip, bizge ochuq ashikare tilemchi muhamilisi qildi, oqush, ügünish, bilim ashzrush, kesip igelesh, xizmet qilish ishlirimizgha alahiyde siyaset belgülep yardem qilidighan yerde, xelqimizge eqamet we wetendashliq ishlirida yarimizgha melhem bolghidek alahiyde bir yürüsh siyasetlerni we qanunlarni chiqirip yardem qilmidi. Buningdin bashqa Türük dunyasi hazirghiche Uyghur meselisining özlirining milli mawjutluqi bilen ich Ichige bir jiddiy mesile ikenlikini bilmeydu. Uyghuristan xelqi shundaqtimu ümitsizlenmestin Türkiye we Türkiy milletlerge ich ichidin weten, qandashliq we qerindashliq muamilisini tutup keldi hemde Türük ledirlirini xuddi özlirining nijatkarliridek ulughlap keldi.
Shungimu Türük- Xitay munasiwetliri yaxshilinishqa bashlighan 2009- Yilliridin keyin Jumhur reyis Abdulla Gül bashta, keyin Bash Bakan Rejep Tayip Erdoghan Xitay we Uyghuristanni ziyaret qilghanda, emdi beshimizgha amet qushi qonidighan boldi, dep qarap xelqimizning xushalliqtin beshi asmangha yetkenidi. Emma ne yaziqki zulum ularnind dewlet ishliri ziyariti axirliship, resmi halda Türkiyege qayitmay turupla bashlinip, Abdulla Gül we Rejep Tayip Erdoghan Anqare Ayridorumgha qonushi bilen Uyghuristandin shum xewerler tarqilishqa bashlidi. Meselen: 2009 Iyunda Abdulla Gül Pekinde dewlet ziyariti qiliwatqanda Xitaydiki Shawguen sheheride mejburi qullar emgikige tutulghan uyghur yashliri xitaylarning koliktip dumbarlishi we öltürishige duch keldi. Xitaylar dewlet ziyaritide boliwatqan Türkiye Jumhuriyiti Jumhur Reyisining azraqmu hürmitini qilmay, uning köz aldidila qerindashlirini qetliam qildi. Bu ishning tesisiri Uyghuristangha chachrap Uyghur we köchmen Xitaylar arisida weqe yüz berdi. Xitay dewliti terrorchi we bulangchi xitaylarni Uyghurlarni öltürüshke we ot qoyushqa küshkürtti. Weqe taza chongayghanda Xitay hökümiti dewlet terrorini ishqa selip 2009-yili 5-Ijuldin 9-Iyulghiche bolghan ariliqta xitay hökümitige qarshi naraziliq namayishqa qatnashqan qanche ming Uyghur yashliri kolliktip qetliam qilindi. Shu yili 11-ayghiche bolghan ariliqta Ürümchide yüz berge weqege alaqidar dep qaralghan 10 minglighan Uyghuristan yashliri tutqun qilinip, 2 mingdin 3 mingghiche Uyghur yashlirini ochuq ashikare böhtan chaplinip, qiyin qistaq bilen iqrar qildurulp öltürüldi we türmilerge tashlinip qan purap turghan xitay türmiliride Jehennemdek hayatqa mehkum qilindi.
Rejep Tayip Erdoghan bu ishtin xewer tepip, tunji qetim Xitay Tajawuzchilirining qilmishini 10 yil awal erqiqirghinchiliq, dep qarap, bu ishni oluslar ara siyaset seinige elip chiqimen, Xitaylargha chare qollunishimiz lazim, dedi.Xitaylar chöchüp ketti. Shu chaghqiche Xitay Türkiyeni Uyghurlarning qan-qerindishi, heqhoquqlirining qoghdughuchisi we himaye qilghuchisi dep qarap kelgenidi.Shunga Rejep Tayip Erdoghanni Uyghuristanni öz közi bilen körüshke teklip qilip, aldin teyyarlap qoyulghan setengler hiylisi we par berip könglini utush qatarliq qiltaqlargha uni dessitip, yalghandin kocha aylandurup, Uyghurlargha ige chiqishtin ibaret insani we qerindashlarche iradisini weyran qildi. Weziyet özgürüp bir kün burun mezlum Uyghurlarning istiqbalini qoghdash üchün zalimlargha qilich oynutup, at chapturup chiqqan ezimet bir aylinipla, xuddi sheytandekla rezil küchlerning qoynigha özini etip, xitaylarning sadiq gumashtisigha aylinip ketti!
Emma Abdulla Gül we Rejep Tayip Erdoghan Türkiyege qayitqandin keyinki qisqa ariliqta Xitaylarning Türkiyege gerchekleshtürgen 13 qetimdin artuq deplomatik ziyaritidin keyin, Türkiye hökümitidiki bir qisim shexisler Uyghur meselisini birleshmish milletler teshkilatidamu otturgha qoymighanni az dep, azghine pulgha setilip, 1, 828, 418 kuwadritat kelometirliq Uyghuristanni we 20 Miliondin artuq Uyghuristan xelqinini Xitay tajawuzchilirining ayaq asti qilishigha yol qoydi, süküt qildi, yol körsetti we bu jinayetke yeqindin hemkarlashti!
Bu ish bundaq asanla untulup ketidighan we boldi qiliwetilidighan ish emes, belki qan we egilik hoquqi dawasidur!
Biz hazir Türkiye Jumhuriyiti Presidenti Rejep Rayip Erdoghan Uyghur Erqi qirghinchiliqini Birleshmish milletler teshkilatigha elip barimen, dep yigitlik qilghanliqining 10-yilida- Gerche Shimali Amerika, Awropa Ittipaqi we Asiyadiki 30 din artuq demokrattik eller Uyghur erqiqirghinchiliqini etirap qilghan mezgilde- Uning aghzidin öz wetinige sayip chiqalmighan yarimaslar, degen haqaritige uchriduq!
Bu Rejep Tayip Erdoghan digen zadi qandaq adem, bir qarisa Türük Islam Dunyasining rehbiridek körünidu, bir qarisa Dunya lediridek, yene bir qarisa Türki Xeliqlerning jümlidin Uyghur xelqining düshminidek! Bu Ademning gerchek yüzi elbette türkiye xelqining milli iradisi we uyghurlarning milli iradisige tebiyki hergiz wekillik qilalmaydu, emma bu ademning Uyghuristan xelqi üchün qilghan yaxshi yamanliri heqqide Türkiye xelqining yeterlik inkas qayturmaywatqanliqi, we Türük xelqining bir dumilapla düshmen terepke qandaq ötüp ketkenliki yenila bir sirliq tepishmaq halette turiwatidu!!!
Shundaq qilip, bu ayda axirqi qetimliq xitayning ali derijilik rehberlirining Türkiye ziyaritidin keyin Uyghuristan xelqi Türkiye Jumhuriyiti we Türük milletidin qattiq ümitsizlengen hakette turiwatidu.
Aqiwetler bichare xelqimizning kütkinidek bolmidi, ümitler sugha chilashti, wetinini qoghdiyalmighan yaramaslar, muamilisidin keyin, yürekler dertke, közler qanliq yashqa, köngüller hesret nadametke toldi.
Shu yillardiki yeni 2009-2012 lerdiki ikki Dewlet ali derijilikler uchrishishi we öz ara ziyaretliridin keyin Xitay tajawuzchilirining wetinimizge bolghan qebih mustemlike dewri bashlandi we sistimiliq, pirogrammiliq we biz Uyghuristan xelqi pilanliq halda erqi we kultural qirghinchiliqning objekti bolup qalduq.
Gepning qisqisi Türkiye musteqil bir dewletmu yaki Yoshurun halda Xitayning egemenliki astigha chüshüp qalghan bir dewletke aylandimu, biz buni hazir anche periqlendürelmeydigan bolup qalduq!
Türkiye Jumhuriyitining arqisida NATO turup, Xitaylar aldida Bundaq charisiz halgha chüshüp qelishi, derijidin tashqiri bir yamanliqning bishariti bolup, bu ish bizni qattiq sarasim we endishige saliwatidu.
Biz Uyghurlar Uyghuristanning bugünining Türkiyening ertisi bolup qalmasliqini bir Allahdin tileymiz!Türük xelqining Uyghur meselisini bir terep qilishta ejdatlirimiz ming yil awal tash abidilerge yezip qaldurghan altun qurlarni bashqidin oqup chiqishini tewsiye qilimiz!
Uyghuristanda Rejep Tayip Erdoghan wetinimizni ziyaret qilghandin keyin, bu ademge salam qilghan, qarshi alghan, her xil seweplerdin unung bilen uchrashqan, uninggha sowghat teqdim qilghan, u heqte sözleshken, u heqte eser yazghan, bu ademni dep kochilargha chiqqan qanche ming adem türmilerde qiyin qistaq we Iskenje ichide yashawatqan, bu hadisilerdin Birleshken milltler teshkilati, Awropa Ittipaqidiki 30 dewlet we Shimali Amerika xitayning Uyghurgha qaratqan sistemiliq, pirogirammiliq we pilanliq zulumini erqiqirghinchiliq, dep mueyyenleshtürgen mushundaq bir nazuk peyitte, Xitay emeldarlirini, Türkiye aliy derijilik emeldarlirining xuddi köyoghludek hürmet bilen shahane derijide kütüwelishi, adem eqlidin qanche oylisimu ötküzelmeydighan achchiq tiragediyedur!
Wetinige Sahip chiqalmighan zawallilar zadi kim?! Nimishqa sahip chiqalmidi bu lenettekkurler?! Kimler, Qaysi xayinler Kelichikige sahip Chiqalmadi??? Nime üchün!!!
Toghra biz wetinimizni we kelichigimizni yoqutup qoyduq, emma imanimizni, wijdanimizni, ümüdimizni we ishenchimizni hergiz yoqutup qoymiduq!
Xelqimiz Türük-Islam Dunyasi Bilen Alaqidar Her Türlük Sewepler Tüpeylidin Wetinige Sahip Chiqalmidi, Emma Wijdanining Sesige Her Waqit Qulaq Berdi, Qaysimizning Kelichigimizning Qandaq Bolidighanliqini Bir Rabbim Bilidu! Bejayiki Ming Yilliq Düshminimiz Bilen Bolghan Soqashtin Qachqan, Düshmen Bilen Sür Anglashmisi Yapqan, Qerindashlirigha Ahanet Qilghan Munapiqlarning Kelichigi Meghlubiyet, Axiretliki jehennem bolidu inshaallah!
Bu namert ademler hazir bizni haqaret qiliwatqan bilen, biz Uyghurlarni saxta dini hadisiler arqiliq azdurup, xelqarada, jümlidin Uyghuristanda hazirqidek tragediyege duchar bolushqa chong töhpe qoshti.
Bu bizge böhtan chaplighan namert ademler 2009-2012 Yilliri D.Türkistan/Uyghuristannni keyni keynidin ziyaret qilghandin keyin, biz Uyghuristan xelqining Siyasi, Iqtisadi we Kultural ehwalimiz barghanche tarixta oxshishi hich körünmigen derijide yamanliship, yashash, mawjut bolush we kimlikimizni qoghdash ishliri barghanche qiyinliship ketti.
Bu namer ademler 2009-2012-Yilliri Wetinimiz Uyghuristangha ayaq basqan kündin bashlap, Uyghurlar qara qiyamet ichide yashighandin bashqa, Türkiye Xitay tajawuzchilirining qanche milyardlap pulini elip mok- mok xejlidi.Xitay Türük munasiwetliri shundaq qilip Türük milleti ichken su we yigen nanida ata bir ana bir qerindashlari Uyghuristan xelqining qeni puraydighan derijige yetti.
Bu namert ademler Uyghurlarni terrorgha küshkürtüp, arqidin Xitay bilen eghiz burun yaliship, 10 mingdin artuq Uyghuristan yashlirining Süriye we Iraq tupraqlirida öltürülishige, minglighan xotun qizlarning ailisining weyran bolishi weyene qanche minglighan Uyghur perzentlirining tirik yetimge aylinip ketishige sewepchi bolup, bizni erzan bahaliq rezil sodilarning qurbanliqi qiliwetti.
Pemimche bu namert ademler Uyghur Erqiqirghinchiliqini Xitay Tajawuzchiliri bilen birge pilanlimighan teqdirdimu, Xitay tajawuzchilirining Uyghurlargha Erqiqirghin ijra qilinishning yolini achti, yol körsetti we hemkarlashti!
Bu namert ademlerning Uyghur erqiqirghinchiliqigha süküt qilishi we Uyghuristandiki Xitay zulmigha köz yumishi Xitay Tajawuzchilirining Uyghur erqiqirghinchiliq jinayitige Ilham we medet boldi.
Bu namert ademlerdin we Türkiye hökümitidin köp ümitlerni kettuq, emma bizge hergiz yaxshiliq qilmaydighanliqi, qilalmaydighanliqi, bizge teximu köp awarichiliqlarni keltürüdighanliqi melum boldi!
Bu namert ademler qerindash Türük xelqi bilen Uyghuristanliqlarning Qan- Qerindashliqidin Kelgen Qanche Ming Yilliq Köngül Rishtisini Hichkim Uqmay Qalidighan Islamni Istismar Qilinghan Kirlik Oyun Arqiliq Üziwetmekchi Boliwatidu.Türükler Bu Namert Ademlerning Saheside Ghazi Mustafa Kamal Ata Türük Uygharliqta Ülge Alghan Uyghuristanliqlardin Türüklerni Terrorizim we Dini Radikalizim Oyuni Arqiliq Nepretlinidighan Qiliwetti! Bu Namert Ademler Türkiyede Uyghurlarni Dinchi, Radikal Islamchi we Terroristlargha Oxshash Tesir baridighan Sünni Sehne Teyyarlap, Gheripliklerning Uyghuristan Xelqini xata chüshünishi we Xitaylarning Uyghurlarni Basturishigha Yan Tereptin Maddiy Pakit Teyyarlap Berishte Alahiyde Xizmet Körsetti!
Bu Adem siyaqidiki sheytanlar Türük Milletini, Türki Xeliqlerning Ming Yilliq Düshmenning Quchiqigha Tashlap, Ming Yilliq Dostlar Bilen Bolsa Qiyametlik Düshmenlishish Patqiqigha Patti we Istiqbalimizni azghine menpeet üchüm öz qoli bilen nabut qildi!!
Bu Az Keldi, Ikki Xuruch Paragha Qan-Qerindash Uyghur Milletini we Ata Weten Uyghuristanni Xitay rajawuzchilirigha shexsi xuddi mülikidek Setiwetti!!!
Mana Minglighan Pakitlar Ispatlap Turuptiki, Xuddi Qan-Qerindashtek, Nijatkardek Körünidighan Bu namert Ademlerni Xitaylarning Uyghur Erqiqirghinchiliqida sherikchiliki bar, desek xata bolmaydu.
Amerika bashchiliqidiki Gherip Dunyasi, teximu eniq eyitqanda Shimali Atlantik Ehdi Teshkilati, Germaniye bashliq Awropa Ittipaqi Xitay Tajawuzchilirining biz Uyghurlargha Qaratqan erqiqirghinchiliqni etirap qilip, Uyghur Kishlik Hoquq Qanuni, Uyghur Mejburi Emgekni Cheklesh Qanuni, Uyghur Mejburi Tutup Turuliwatqanlarni Qoghdash Qanuni qatarliq ayrim yasaqlar chiqirilip, Uyghurlargha köngül bölüwatsa, Seudi Bashliq Musulman Dewletler, Türkiye bashliq Türki Jumhuriyetler astirittin Xitaylarning Uyghurlarni yoqutiwetishtin ibaret Uyghur Erqiqirghinchiliqigha destek berdi, Tashqi Jehettin radikal Dinchi teshkilatlirini ishqa selip, xelqimizni Dunyagha rezil Terrorist küchlerdek körsütüshke orunup, Xitay hökümitining Uyghuristan xelqini basturishini Qanunluq körsütishke orundi we Milli Inqilap yolimizgha biz tesewwur Qilalmaydighan REZIL usul we chareler bilen xeterlik ora kolidi!
Seudi Arabistan, Türkiye, Pakistan we Iran dewletliri Xelqara siyasi sehnilerde Uyghur meseliside hetta Amazon, Nike, Apple, Adidas, Zara, Volkswagen H&M, S&A qatarliq Firmalerchilekmu ijabi qedem atalmidi.
Bu seweptin Xelqara Jemiyet eger Seudi Arabistan musulman memliketlerge wakaliten, Türkiye Türkiy Jumhuruyetlergr wakaliten, Iran Shie Muslumanlirigha we Pakistan Xoshna dewletlerge wakaliten Otturgha chiqip, heqqaniyet terepke ötmise, yoqarda ismi qeyit qilinghan Xitay bilen Uyghur siyasitide hemkarlashqan we yeqin ötidighan dewletlergimu embargo elan qilsa bolidighan yerge kelip qaldi!
Eniqki Yaxshiliqning Mukapati Yaxshiliq, Yamanliqning Jazasi Yamanliq Bolidu. Kim Düshmenge Teslim Bolsa Aqiweti Qulluqtin Teximu Better Bolidu!
Zalimlar we Zalimlarning Yalaqchiliri Üchün Yashisun Jehennem!!!
Biz Uyghuristan Xelqi Islam Dunyasidin Xitaylarning tetür teshwiqatliri we Deplomatik hiylemekirlirige aldanmay, Uyghur meseliside Shimali Amerikidin we Awropa Ittipaqidin Ügünishni, Türkiye Bashliq Türkiy Jumhuruyetlerdin Xitaydin emes Xudadin Qorqup, Heq we Adalet Terepte Turup, Qerindashliri bolghan Uyghuristan xelqining derdige derman boliwatqan Shimali Amerika we Awropa Dewletlerning Uyghur siyasiti heqqidiki yoligha toxtimay egiship, Xitay Tajawuzchilirining Uyghuristanda yürgüziwatqan Erqiqirghinchiliqni hür dunyagha ashikarilap, Xelqara Jemiyetning bu heqte Xitay Zulimlirigha qarshi emeliy chare tedbir qollinishigha yeqindin yardemde bolidighan Herxil paaliyetlerde aktipliq bilen bashlamchiliq rol oynishini ümit qilimiz!!!!
UKM

30.03.2021 Germaniye

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s