Biz Duch Kelgen Xirislar we Dunyawiy Yéngi Yüzlinishler!

-Bilim Yoli Erkinlik We Hüriyet Upuqlirigha Uzarghan Azap Yolidur! Bilim Igilliri Özini Téxi Anche Köp Bir Nersinu Bilip Ketmigendek, Bilimde Téxi Cholta Bolghanlar Bolsa Hemme Nersini Bilip Bolghandek Oylaydu!!!

-Xatiredin

(Ijadiy We Terjime Eserler)

☆☆☆☆

Yazarmen: Kurasch Umar Atahan

Neshirge Hazirlighan: Hantengri Nuri

I

Uyghur Jemiyitidiki Rohiy Saghlamliq we Exlaqiy Amillar Heqide Qelem Tewritishke Éhtiyaj Tughuldi. It Izi Bilen At Izi Arliship ketti, Düshmen we Chopqetliri Biz Uyghurlarni Öltürüp, Zeherlik Penjiliri Bilen étimizni Parchilap Yiyish Üchün, Til-Yéziqimiz, Edebiyat-Sennitimiz, Örpi Adetlirimiz we Enenilirimizni Buzup, Kichik Chongni, Bilimsiz Bilermenni, Bala Ata-Anani, Ata-Ana Qewmi-Qérindshlirini, Xeliq Milliy Iradini, Awam Qumandanni, Qumandan Dahini Tonumas Bolup Ketti. Birlishidighan Yerde Parchilanduq, Ittipaqlishidighan Yerde Ixtilaplashtuq, Hemkarlishidighan Yerde Bir Birimizge Qilich Tenglep, Neyze Kötürüp Jengke Chüshtüq. Düshmen´ge  Toy, Xelqimizge Qiyamet Boldi!

Biz Bu Halimiz Bilen Xarap Bolimiz, Oyghunishimiz Ishni Enene, Örpi-Adet we Qayide Yosunlirimiz Bilen Saghlamlashturishimiz Lazim!

Biz Aliy Ghayimizge Exlaqimiz, Wijdanimiz we Milliy Ghorurimizni Qural Qilish Arqiliq Qedemmu Qedem Yéqinlishimiz! Qérindashlar Selerdin Yash Qurami, Bilimi, Tebiqisi, Tejiribisi, Ilmiy Salahiyiti we Ünwani Üstün Bolghan Ademler Bilen Alaqe Qilghanda Musape Qoyunglar we Her Türlük Alaqilerde Ehtiyat Qilinglar! Biz Üchün Qedirlik Bolghanlarni Jeninglarni Tikip Qoyup Qoghdanglar, Dostlarni we Sebdashlarni Tuqqunum, Yurtluqum we Dostum, Dep Emes, Qerindishim, Teqdirdishim, Sirdishim we Sebdishim, Dep Tallanglar!

Sendin Eqilliq, Bilimlik, Tejiribilik, Ilim we Kesiptiki Ortaq Meselilerde Iqtidarliq, Herqandaq Nersini Bashqilargha Qarighanda Köp Bilidighan Ademlerni Bashqurimen we Ulargha Yol Bashlaymen, Dep Aware Bolup Külkige Qalma!

II

Peqetla Birmu Kitap Oqumighan Bolsang Özengni Adem Dep Oylima!

On Kitap Oqumighan Bolsang Aile Qurushqa Shertim Toshidu, Dep Oylima!

Yüz Kitap Oqumighan Bolsang Balaliringni Ademdek Terbiyeleleymen, Dep Oylima!

Beshyüz Kitap Oqumighan Bolsang Kishilerning Aldida Ziyali Qiyapitige Kiriwalma!

Ming Kitap Oqumighan Bolsang Milletning Ilim Sahesidiki Serxilliri Qatarigha Kirdim, Dep Oylima!

Beshming Kitap Oqumighan Bolsang Eng Kamida Uyghurlarchilik Bir Milletke Qaritip Xitap Qilma!

Onming Kitap Oqumighan Bolsang Insaniyet Heqqide Pikir Bayan Qilma we Özengni Alimlar Qatarida Sanima!

III

Alemlerning Perwerdigarining Tarazisi Pütkül Insaniyetke Ortaqtur! Xuda Özining Nime Ish Qilghanliqini we Qilidighanliqini Obdan Bilidu! Sen Adem Turup Rabning, Peyghemberning, Meleklerning we Ewliya-Ezemlerning Ornigha Ötüwalma!

Allah Jehennem Bilen Jennetni Namaz Oqudi, Oqumudi, Ruzi Tutti, Tutmidi, Hejge Bardi Barmidi, Sediqe Berdi Bermidi, Peyghemberlerni Tonidil, Tonimidi, Kitaplarni Oqudi Oqumidi Dep Emes, Gunah Qildi Yaki Qilmidi Dep Tolduridu!!!

Imanliq, Insapliq we Semimiy Ademlerni Rabbim we Melekliri Kömülüp Qalghan Bolsimu Körüp Turidu!

Herqanche Chong Ünwan, Herqanche Xudagüy, Herqanche Beshnamaz, Herqanche Bilermen, Herqanche Teqwadar Bolup Ketken Teqdirdimu, Bilim we Diniy Eqidilerni Süyistimal Qilip, Xuda Yaratqan Jel-Janiwarlargha, Körünidighan We Körünmeydighan Mexluqatlargha, Jümlidin Adem Ata, Hawa Ana Ewlatlirigha Hürmetsizlik Qilsang, Birini Birige Qirdursang, Din, Eriq, Kultur we Dunya Qarash Jehetiki Periqlerni Bahane sewep qilip, Öz-Ara Nepret Uruqi Chachsang we Rabbing Yaratqanlargha Rabing Bergen Heq-Hoquqlirini Depsende Qilsang Allahning Raziliqi Üchün Qilghan Ishlarning Hemmisi Nöl Bilen Teng Bolidu!

IV

Agah Bol, Adem Bu Hayatqa Birla Qétim Kélidu! Chewrengde Oxshimighan Salahiyelik Nurghun Adem Bar! Beziliri Uruq-Tughqanliring, Beziliri Dost-Buraderliring, Beziliri Söygen- Yarenliring, Beziliri Kesipdash-Xizmetdashliring Yene Beziliri Bolsa Tonush- Bilishliring!

Bu Sen Bilen Alaqidarlarning Arisida Chong- Kichik, Qéri- Yash, Er- Ayal, Bilermen, Bilmesmen, Teqwa, Jayil, Eqilliq, Eqilsiz, Bay we Gaday Ademler Bar!

Etrapingdikilerni Söy, Hürmetle, Qoghda Emma Ular Bilen Melum Musape Ichide Yasha! Bolmisa Özengnimu, Ularnimu Charchitip Qoyisen!

Meniwiy we Maddiy Jehettin Oxshash Sewiyede Bolghanlar Jemiyetning Ortaq Bolghan Qatlimigha Mensup Kishiler Bolup, Öz-Ara Bir-Birini Bexitlik Yashitalaydu! Shunga Sotsiyal, Kultural, Diniy we Exlaqi Meselilerde Töwen, Ottura we Yoquri Siniplarning Ölchimining Bolidighanliqini Tebuiyi Rewishte Qobul Qilip, Ijdimayi Munasiwetlerni SHuningha Qarap Pilanlashni Bilish Lazim!

Töwen Qatlamdikiler Ottura Qatlamdikilerni, Ottura Qatlamdikiler Yoquri Qatlamdikilerni Chüshünish, Yol Qoyush we Etirap Qilishqa Mahir Bolishimiz Lazim!

V

Madda we Rohning, Körünidighan we Körünmeydighan Jisim we Rohiy Mawjudatlarning Biz Bilidighan we Biz Bilmeydighan Terepliri Bar.
Bu Heqte Qismen Derijide Bilim Igisi Bolush Üchün Okultar we Ezotirik Ilimlardin Paydilinip, Sipiritual we Lodun Ilmigha Ayit Bolghan Bezi Pirinsiplar Bilen Tonushup Chiqishqa Erziydu.
Yéngi Dewir Pissixologiye Ilimining Asaschiliridin Biri, Pelesepe Dahisi Segmund Freudning Oqughuchisi Karil Gustaf Jung: “ His-Tuyghu Insan Üchün Bir Qushta Tebiyila Bar Bolghan Bir Jup Xisletlik Tömür Qanatqa Oxshaydu!His-Tuyghu Ang we Idrak Buliqining Közidur! Shuni Keskinlik Bilen Eytishqa Boliduki, His We Tuyghusiz Meniwiyettiki Qaranghuluq Yorimaydu we Yoruqluq Enirgiyesi Sewebidin Shehiy we Hadisilerde Hergizmu Yengi Özgürüshler Shekillenmeydu!“ Deydu!
Bu Pelesepe Dahisi Segmund Freud:Basturulghan His we Tuyghular Yoshurun Angda Kül Astidiki Choghdek Saqlinip, Kütülmigen Chaghlarda Özini Chirkin Yollar Bilen Ashikarilaydu,“-digen Idi.
Gerche Bek Qisqa Bolsimu Dunya Bilimlirining Sirini Echishta Insanning Üst we Astinqi Qewettiki His we Idrakliri Bir Altun Achquchning Rolini Oynaydu! Men Shehi we Hadisilerge His we Idraklirim Arqiliq Awal Bir Köz Qarashqa Kelip Bolup Andin Eqil we Logikiliq Tepekkurimgha Hawale Qilimen. Bilimimge Emes Sezgümge we Zihni Küchümge Tayinimen. Digendek Tesewurum, Eyitqanlirim we Oylighanlirim Bugün Bolmisa Erte Özining Küch-Qudritini Körsütidu!!!
Men Bundaq Iddiyelerge Tayinip Turup Güzütimen, Oylaymen, Tepekur Qilimen, Xulase Chiqirimen. Jeryanlar Ilmiy Heqiqetler we Tebiyet Qanuniyetlirige Uyghun Bolghachqa Köz Qarashlirimni Yaxshi we Yaman Niyetlik Ademler Asanliqche Aghduriwitelmeydu!!!

VI

Tekshürep Tetqiq Qilip Eng Toghra Bolghan Yolni Tapqandila, Andin Rohimizdiki Quyash Özining Parlaq Nurni Chéchishqa Bashlaydu!,-Digeniken Insaniyetke Minglighan Isil Tepekkur En’güshterlirini Miras Qaldurghan Qedimqi Misir Mutepekkuri, Nezeriyechisi we Meniwi Hökümdari Tuz¹!

Herqanche Bilimi Köp Bolsimu, Rohiy Dunyasigha Hichqandaq Yoruqluq Chüshmigen Bilimlik Kishiler Bilimsizlerning Del Özidekla Nadanlardur! Bilim Igisi Bolghan, Hem Rohidiki Qarangghuluqni Yorutalighan, Meniwiyitidiki Qarangghuluqqa Jengk Élan Qilalaydighanlar Heqiqetenmu Qedirleshke Erziydighan Ulugh Insanlardur!

‐———-

Eskertish: Tuz¹_Qedimqi Misir tilida hökümdar, padisha digenlik bolidiken.

VI

Xudayim Hazir Uyghurlargha Hélighu Qabiliyetlik Bir Liderken, Hetta Peyghemberdin Birni Ewertip Bergen Teqdirdimu, Bu Nadan Millet Xitaylarning Bu Ishtin Xewiri Yoqken, Dep Oylap, Möjizilerni Étirap Qilmaydighan Bolup Ketti!

VII

German Peylasopi Friedrich Nietschi:

Ikki Xil Adem we Ikki Xil Millet Bar Bu Dunyada: Bularning Biri Oylashqa, Ikkinchisi Ishinishke Mayil!, Digen Iken. Démesimu Ilgiri Yeni Ottura Esirde Ishinishke we Ehishishke Mahirlar Hemde Muskuli Tereqqiy Qilghanlar Küchlük Idi, Hazir Bolsa Tepekkur Qilishqa, Yéngiliq Yaritishqa we Ishleshke Mahirlar Dunyani Alqinida Oynitiwatidu!

VIII

Gérman Mutepekkuri Friedrich Nietsche: Bilimi Chongqur, Tepekkuri Ötkür, Nezer Dayirisi Keng Bir Adem Bir Nersini Anche Chüshenmigen’ge Qarighanda, Shu Nersini Toluqi Bilen Özül-Ķésil Chüshünip Qélishtin, Rohiy Jennetten Ürküydu, Kélichigidin Ensireydu, Hayati Bixeterlikidin Endishe Qilidu we Ölgüdek Qorquydu!-Digeniken!

Demisimu Bilim Jennetning Cheklen’gen Méwisi Bolup, Uninggha Sahip Bolghanlar, Jennetten Qoghlinidu, Xalas!

Bizningche Bolghandimu Bilish Hozur Sürüsh Emes, Tepekkur Xumdinida Köyüp Tawlinish Digenlik Bllidu!

Bilim Elish Bilim Igisi Üchün Bexitlik Yashash Emes, Özining Bextini Bexitsizler Üchün Pida Qilish Digenlik Bolidu!

Bezi Bilim we Bilermenler Bar Millet Ularni Körüp Turidu, Bezi Bilim we Danishmenler Bar Ular Weten we milliti Üchün Tepekkur Déngizining Sirliq we Eng Chongur Körünmeydighan Yéridiki Qarangghuluqta Yashaydu!

Alimlaralimining Bilim Elishni, Bilimni Ishlitishni, Bilimning Netijisige Erishishini Özinining Göshini Pichaq Bilen Parchilap, Özining Qénini Bigiz Tiqip Aqturghan’gha, Tikenlik Yolda Méngip, Wujudini Yirtquch Qushlargh Yem Qilip Mang’ghangha Oxshatsaq Azliq Qilidu. Alimlar Bildim, Yaman Boldi, Dep Hesret Nadamet Qilsa, Metular Bilip Boldum, Bilimning Hemmisi Mening, Boldi Dep Tirisige Patmay Körengleydu! Ibinsina, Jalaliddin Rumi, Axmet Yesewiy we Arthur Schopenhauer Bilim Yoli Erziyet Yolidur, Dep Toghra Eyitqan Iken!!!

Eger Bilimlik Ademler, Bayashad, Xatirjem we Saadetmen Yashaydighan Ish Bolsa Koppernik, Galilio, Al-Farabiy, Mansur Hallaji, Ümer Hayyam, Alshir Newayi, Ulughbek, Shah Meshrep, Abduqadir Dewmullam, Memtili Ependi, Abduxaliq Uyghuri we Abliz Maxsumlar Hayatini Bay we Bayashatliq, Emel we Shöhret, Dewletmen we Saadetmenlik Ichude Ötküzgen Bolatti!

Insaniyet Tarixidiki Biz Adem Ewlatlirigha Tengritagh Tashliridek Muqeddes Medeniyet Miraslirini Qaldirup Ketken Büyük Metepekkurlar Heqiqet Yoli Azap Yolidur, Dep Intayin Toghra Eyitqaniken!

Heqiqi Bilim Yolidiki Bilim Igillirige, Ügen’gen Bilimliri Bir Ömür Azap Élip Kélidu! Ilim-Pen Izdinishliridin Kelgen Hozurni Besip Chüshidighan Yene Bir Neniwiy Hozur Körmidim! Alimlarning Bilim Élishning Bir Türlük Qorqunchluq Hadise Ikenlikini Tekitlishide Asasliq Nezerde Tutqini, Peqet Kesip Igiliri we Yüksek Telim-Terbiye Körgen Kishilerla His Qilalaydighan Dehshet Bergüchi Bir Jeryandur! Ilim-Pen Asminidiki Parlaq Yultuzlar Xuddi Chéchilangghu Mal Padisigha Tolimu Oxshaydighan Insaniyetning Bexti Üchün Xuddi Isa Messihdek Özini Özi Xuddi Rayish Qozidek Qurbanliq Qilghan Mesum Chopanlardur!!! Bu Jeryanning Qoghlushiwatqini Heqiqetlerning Namayande Bolishi Bolup, Herqandaq Shehi we Hadisining Eng Chongqur Yérideki Qarangghuluqta Ademlerni Chöchitidighan we Qattiq Sarasimige Salidighan Shepqetsiz Bir Riyalliq Yilandek Sozulup Yatidu!

Awam-Puqralar Sheyi we Hadisilerdiki Alimlar we Mutexesisler Köreligen Menzire Bilen Qarshilashqan Bolsa, Rohi we Jismi Pissixik we Phizik Tereptin Hergizmu Berdashliq Berelmeydu!

Pikir Dunyasi we Ilim-Pen Déngizning Chongqurluqliridiki Normal we Paranormal Mawjudatlarning Tepekkur Qarangghuluqida Derijidin Tashqiri Hadise Süpitide Ekis Étishi We Eqilni Lal Qilidighan Özgürüshlerning Partilishi Sirlargha Chümkelgen Tebiyette we Ziddiyetlerge Tolghan Insaniyet Jemiyitide Möjize Xaraktérliq Hadisilerning Yüz Bérishige Dayimqidekla Sewepchi Bolup Qalidu!!!

IX

Biz Heqiqi Bir Islam Alimining Deyishke Tegishlik Bolghanlirini Bir Xiristyan, Bir Musewiy we Bir Budda Alimi Dewatqan, Islamizimgha Tewe Alim-Ölimalargha Wakaliten Diniy Radikalizimgha Mensup Kishiler Gep Qilidighan Bir Dewirde Yashawatimiz!

X

Adem Hür Tughulghan, Ademning Hür Yashishi Tebiyi Heqqidur! Hüriyet Üchün Elip Berilghan we Berilidighan Küreshler Dunyaning Hemmela Yeride Qanunluqtur!!!

„Ademler Özlirini Inkar Qilip, Qulluq Zenjirige Süküt Qilip Özlirini Erkinlikke Erishtüridighan Heqiqetni Qobul Qilishni Hergiz Xalimaydu, Chünki Özlirining Zorawanliq Teripidin Bent Qilin’ghan Serxushluqidin Waz Kechishni Aldirap Xalimaydu!“,-Digeniken

German Peylasopi Friedrich Nietzsche. Toghra Qepezge Ügengen Mexluqatlarni we Jel-Janiwarlarni Ettigende Qoyup Berseng, Axshamda Yene Qepezge Qayitip Kélishidu!!!

Erkinlik we Hüriyet Heqqide Kalil Gebrannu Qalem Tewritiptiken.

Millet Kalil Gebran“gha: Uxlawatqan Qullarni Oyghatma, Awal Erkinlikni Chüshisun, Deptumish.

Kalil Gebran Ulargha:

Uxlawaqanlarni Oyghat we Erkinlikning Nimelikini Chüshendür, Deptu!

Toghra, Özini Tonush we Erkinliki Üchün Küresh Qilish Wijdanning Ishidur!

Menmu Kalel Gebran Bilen Erkinlik Heqqide Istishare Qilishni Xalaytim.

Nawada Men Kalil Gebran Bilen Qarshilashqan Bolsam:

Eger Uxlawatqan Qul Milletni Körseng Oyghat, Ulargha Eng Awal Erkinlikni Chüshendür, Andin Ularning Ne Haldaliqini Anglat, Özining Qul Simaisini Sendin Körsun! Andin Nime Qilishini Özliri Qarar Bersun!

We Yene Dawamlashturup:

Eger Uxlawatqan Qul Milletning Teslimkesh Hökümdarlirini Körseng, Derhal Ularni Esir Tutqan Gheplet Uyqusidin Oyghat, Milletni Teshkillisun we Milliy Hüriyet Hemde Insaniy Erkinlik Üchün Küresh Qilsun!,-Deytim!!!

Kurash Umar Atahan

10.12.2021 Germaniye

XI

Biz Uyghurlargha Hazirqi Türükmenistandek Milliy Rejim Astidiki Bir Dewlet Lazim!

Biz Uyghurlarni Milliy Dewlet Qurulghandin Keyin 100 Yil Ene Eshu Türükmenistandek Bir Diktatur Sistima Ademge Aylanduralaydu!

Biz Uyghurlar Aldirap Tüzelmeydighandek Qilimiz!

Biz Uyghurlar Bizning Tebiyitimizge Layiq, Étini, Chirayliq Xutunini we Waqti Kelgende Dadisinimu Etip Tashliyalaydighan Qoshuni Bolghan Büyük Ejdadimiz Tengriqut Oghuz’Handek Qehrimu, Zeherimu Bar Bolghan Bir Hökümdarlargha Muhtaj!

Nöwettiki Weten Ichi we Siritidiki Weziyetke Qarisaq, Millitimizge Démokratiye we Erkinlik Aldirap Yarashmaydughanliqi Barghanche Téximu Ochuq Ayan Bolmaqta!!!

05.12.2021 Germaniye

XII

Dunya Weziyiti we Uyghurlarning Kélichigi!

Biz Duch Kelgen Xirislar we Dunyawiy Yéngi Yüzlinishler!

-Bilim Yoli Erkinlik We Hüriyet Upuqlirigha Uzarghan Azap Yolidur!

-Xatiredin

-Xatiremdin

A.

Ademler Ottursidiki Munasiwetlerde Yéngi Téxnika, Zamaniwiy Tereqqiyat we Pissixik Illusion Sewebidin Xeterlik Bolghan Mewhum Dunya Shekillinishke Bashlidi!

Qatmu Qat we Köp Qewetlik Meniwiy Dunyada Yashash Zihinlarni Qattiq Besip, Kishlik, Ailiwiy, Sotsiyal we Kultural Munasiwetlerni Qéchip Qurtulghili Bolmaydidighan Küresh Meydanigh Aylandurup Qoydi!

Jemiyet Tereqqiyating Mewhum Dunyadiki Uchqandek Özgürishi Insanlarning Meniwiy Jehettiki Jiddiy Qutuplishishini Keltürüp Chiqarmaqta!

Nadan, Qalaq, Namrat we Bilimsizler Dunyasi we Medeniyetlik, Oyghaq, Bay we Bilimlikler Dunyasidiki Köz Bilen Körgili Bolmaydighan Yengi Munasiwetler Eriqdashliq, Qandashliq, Milletdashliq, Jemetdashliq we Ailiwiy Munasiwetlerge Yengidin Yengi Xirislarni Peyda Qiliwatidu!

Ming Yillar Awal Ibin Sina, El Farabiy, Yüsüp Xas Hajip, Ahmet Yesiwiy we Ahmet Yüknekiy Qatarliq Meshhur Pelesepechiler, Edipler, Pissixologlar, Pedagoklar, Sotsologlar, Kayin we Ölümalar

Insanlarni Nadanliq Teshwishke, Teshwish Bolsa Nepretke, Nepret Bolsa Shiddetke Elip Baridu, Dep Toghra Eyitqaniken!

Biz Insaniyet Hazirqi Jemiyette Yeni 21.Esirde Yengi Nadanliq, Yengi Qorqu, Yengi Nepret we Yengi Shiddetning Hayatimizda Peyda Qiliwatqan Kirzislargha Qarshi Küresh Qiliwatimiz!

Ademler ottursidiki, Eriqlar Otturisidiki, Dinlar Otturisidiki we Kulturlar Otturisidiki Musapeler Bashqidin Siziliwatidu!!!

Ademler Özgermigenti, Tereqqiyat Ademlerni Kona Yeqinliridin Uzaqlashturup, Yengi Bir Digital Sotsiyal Ilishkiler Alimige Ittirmekte! Kishiler Xuddi Yalghuz Kishlik Kimige Olturup Dengiz-Okyangha we Tashqi Pilanita we Natonush Galaksiylargha Seper Qilghan Yoluchigha Oxshap Qaldi! Ata-Ana, QarinQerindash, Uruq-Tughan we Jemeht Heqqidiki Chüshenchiler Tarixning Boran Chapqunlirida Közdin we Köngüldin Uzaqlashmaqta!

Kishiler Bashqilardin Emes Özidin, Ailisidin, Jemetidin, Millitidin Uzaqliship, Yengi Özlük, Yengi Aile, Yengi Jemet, Yengi Millet, Yengi Din we Yengi Kultur Üchün Yolgha Chiqti!

Biz Öz-Ara Munasiwetlitimizni Yengi Dunya Tertiwige Qaratip Üzlüksiz Yengilap Mengishqa Hazir Bolmisaq, Ademiylik, Qandashliq, Qerindashliq, Millet, Din we Kultur Bir Terepte Qelip, Bir Axshamda Uxlap, Ettigende Oyghunup, Özimizni Zamaniwi Shimpenzeler Jemiyiti Yaki Orangutanlar Dunyasida Körumiz!

Shunga Ewlatlirimizning Tereqqiyatqa Maslishishigha Yardem Qilishkmiz, Medeniy-Maarip Progirammiliri Üchün Sharayit Yaritip Berishimiz, Aktip Enirgiye Bilen Yashishimiz, Ümitwar, Jessur, izdinishchan we Tirishchan Bolishimiz Bilimimizni Toluqlap Qol Tutushup Yashash Üchün Kitaplar Dunyasigha Diqqitimizni Aghdurishimiz Lazim!!!

B.

Dunya Weziyiti we Uyghurlarning Kélichigi Barghanche Qarangghulashmaqta! Hemme Ishqa Payda-Menpeetni Ölchem Qilip Baha Béridighan Bolup Ketken Dunyada, Uyghuristan Xelqining Siyasiy Teqdiri Xeter Astigha Chüshüp Qaldi!

Tor Dunysi we Yüz Yildin Beri Qeghezge Neshir Qilinghan Nurghun Xeritiler Bar. Bu Xeritilerning Beziliride Hichkim Bilmeydighan Sirlar Namayan Bolup Turidu. Shundaq Xeritilerning Biride Xitaylar Hazir Zhunhua Xeliq Jumhuriyeti Emes Jumhuriyetlirining Xeritisi Bar Bolup, Atalmish Xitay Teritoriyesi-Uyghuristan, Tibet, Monghuliye, Manjuriye, Taywan, Hongkong, Hubey, Hinen Qatarliqlar Gheriptiki Rusiye, Büyük Beritaniye, Germaniye, Fransiye Qatarliq Dewletlerge Mensup Teswirlengenlikini Körümiz.

Xitay Yoqurda Teswirlengendek Xeritiliri Gerche 100 Yil Awal Neshir Qilinghan Bolsimu Hala Özining Küchini Téxi Yoqatqini Yoq! Bundaq Xeritilerge Qarap, Mustemlike Hayatimizning Biz Bilmeydighan Muemmalirigha Jwap Tepish Üchün Zehniy Küchingizni Urghutup Oylang, Tepekur Qiling we Tesewur Qiling!

Bu Xil Tiptiki Xeriteler Köp we Kona Bolishi Mumkin! Emma Heqler, Hoquqlar we Qanunlar, Shertnameler Yenila Burunqidek Ishlewatqan Bolishimu Mumkin!!!

Xitaylar Bu Xeritige 100 Yilliq Möhlet Bilen Qol Qoyghandin Keyin, Manzhu Emperiyesige Warisliq Qilip, Uyghuristan, Manzhuriye, Tibet, Xitay we Monghulistanni Öz Ichige Alidighan Fediral Dewlet Zhonghua Renmen Gonheguoni Qurup, Köp Sanliq Awaz Bilen Bu Dewletni Idare Qiliwatidu!

Emdi Kelip Xitay Toxtam Toshti, Bu Dewlette Xitaydin Bashqa Millet Yoq! Silerge Emdi Töleydighan Baj-Maj Palanmu Yoq! Bu Tupraqlarning Hemmisi Emdi Büyük Xitay Millitining, Dégendin Kéyin, Yer Sharidiki Küchlük Milletler Uyghur, Tibet, Monghul, Manzhularchu Dédi! Mana Qara Ularning Hemmisi Özligidin Xitay Bolup Ketti, Emdi Béshimni Aghritma, Dewatidu!

Uyghur Érqi Qirghinchiliqining Arqa Körünishi Del Budur! Hazirqi Uyghuristanni Öz Ichige Alghan Atalmish Xitay Téritoriyeside Xitay Erqigha Mensup Bolmighan Birla Aqtenlik Millet Uyghur Bar!

Buning Üstige Uyghuristanning Mexpiy Yer Xeti Téxiche Ruslarning Qolida Ikenlikini Untup Qalmasliqimiz Lazim!

Ruslar Uyghuristan Üchün Xitaydin Nimeni Sorisa Ikkilenmey Beridu. Shunga Ruslar Uyghuristanning Igemenliki Heqqide Türükler Mening, Musulmanlar Mening Deydighan Uyghur Bilen Biwaste Toxtam Tüzmeslikidiki Sewep Bu!

Uyghuristan Milliy Dawasi Bashqilarning Monipolliqi Astida Turiwatidu!

Yalghan Tarixchilar, Saxtapez Istirategiyechiler, Aldamchi Siyasetchiler Uyghuristan Xelqining Milliy, Diniy we Siyasiy Tuyghuliri Bilen Oynishiwatidu!!!

Xeliq Xitaylar we Bashqa Xitay Hemkarliqidiki Küchler Teripidin Ilgirki Esirlerdekidekla Qesten Qaymuqturiliwatidu!

Dawa Qoshunida Atalmish Tarixchilar, Siyasetchiler, Teshkilatchilar, Mutexesisler, Pelesepechiler, Sotsologlar we Alimlar Bar. Bu Bir Top Maddi Menpeetni Ish Ichige Milliy Menpeetni Ishtin Siritqi Pilan’gha Kirgüziwalghan Yallanma Xadimlar Özining Rolini Jariy Qilmay, Qesten Döt Boliwelip, Xelqimizning Teqdiri Heqqide Pishanisidin Ter Chiqqudek Oylap, Toghra Bir Chare Tedbir Tepishqa Orunmay, Xitaylardin Yene Ümit Kütiwatidu!!!

Yürektin Chiqqan Wetenperwerlik, Milletperwerlik wePidakarliq Kam Bolghachqa, Boynidin Baghlighan It Kargha Yarimaptu, Dep Bikarliq Ishleydighan, Özini, Bilimini we Qabiliyitini Ishqa Salidighan Chaghda Méngisi Bir Axshamda Tormuzlinip, Özige Ayit Bolmighan Temilarni Ishek Yilidin Qechir Yilighiche Talash Tartish Qilidighan Xuddi Qoyning Kallisigha Oxshap qalidu!

Atalmish Teshkilatchilargha Dawani Ziyalilar Bilen Qilmiding, Dise, Bir Toqay Yalghan Deplomachilarni Sanap Beridu, Resmiy Aliy Ghayimiz Üchün Paydiliq Emeliy Ish Qiliwatamdu, Dise Qichishmighan Yerlerni Qashlighandin Bashqa Tüzükrek Bir Ishning Yoqliqni, Körimiz. Millet Ölse Süre Yasinni Qandaq Oquymiz, Digenni Mulahize we Muzakire Qiliwatidu! Ziyalilar Xuddi Serikchining Qaritidek Teshkilatchilarning Kasa Yanchuqigha Selighliq Peti Turidu, Bezilliri Herküni, Bezilliri Ayda yaki Yilda Bir Shilap Qoyilidu! Bezillirige Texi Pichaq Tegmigen, Yeni Yengi! Bular Heywetlik Resimlerge Chüshüp, Tarqitip, Özilirini Bu Nadan Milletke Xitaylar Bilen Urush Qiliwarqan Genirallardek Teswirlep Berishidu!!!

Choylida Bir Nerse Barmu, Dise Yoq!!! Desmiyning Hemmisi Ghaltekte!!!

Xitay Ustiliq Bilen Waqitni Arqigha Sürüp, Gherip Dunyasi Bilen Heqqimizde, Ilgirki Esirlerdiki Söhbetlerdekla Qettiy Mexpiy Söhbetlerni Ötküziwatidu!

Gherip Dunyasi Bu Qetim Nimeni Telep Qilsa Xitaylar Berermu? Amerika Xitaylargha Uyghur Genocideni Dep Eskiri Heriket Qollunarmu?

Bular Urushmu Qilmay Xitay Telep Qiliwatqandek Teng Hiquqluq Bir Shername Tüzermu Yaki, Burunqidek Xitaylarni Besip, Teng Hoquqsiz Shertnamige Qol Qoyushqa Mejbur Qilarmu?!

Amerika NATO ni Elip Afghanistandin Chiqip Ketti, Qandaq Telepler we Shertler Bilen Chekindi, Biz Bilmeymiz, Emma Xitaylar Telep we Shertlerni Qobul Qilmisa Amerika Afghanistangha Yene Kiridu!!!

Bu Mezgilde Uyghur Kozur Qilin’ghan Ulusal Desmaye Sodisi Qiziydu, Amet Biz Terepte Bolsa Qurtulimiz, Xitay Terepte Bolsa Yoqulimiz!!!

Xitay Millitining Axirqi Meqsidi America we Awropaning Qollishini Üstel Üstide Qolgha Keltürüp, Uyghur Meselisi Xelqara Küntertipke Resmiy Kélishtin Awal Uyghur Millitini Tüptin Yoqutup, Xitayliship Ketken Bir Uyghuristanni Mengülük Mustemlikisige Aylanduriwetmekchi, Xalas!!!

10.12.2021 Germaniye

C.

Xitay Tajawuzchilirining Uyghur Erqiqirghinchiliqigha Shirik Bolghan Uyghur Emeldarlirini, Weten Musteqil Bolghanda Uyghur Soti Öz Aldigha Bir Terep Qilidu!

Amerika Uyghur Erqiqirghinchiliqi meseliside ikki qonchaq Uyghur emeldarini jazalapti, bashta külgümge keldi andin könglüm yerim boldi we bu ishtin taza memnun bolup ketelmidim.

Hemme adem bichare Uyghurni jazalisa bolmaydu!!!

Her ishning waqti, saiti we qayidisi bar

Chünki bu ish taza Logikigha Uyghun bolmidi

Uyghur Erqiqirghinchiliqi Meseliside 100 Neper Uyghur Qonchaq Emeldarning Jawapkarliqi, Bir Xitay Emeldarning Jawaplarliq Derijisigimu Yetmeydu!

Uyghurlarning Mustemlike Uyghuristandaki ehwalini dunyaning herqandaq yeridiki ishghal astidiki milletlerningkige oxshatqili bolmaydu

Uyghurlarning Xitay hakimiyiti Astidiki Kimliki we salayitini heqiqi körgen adem, Xitay Tajawuzchilirining peskeshlikidin nepretlinipla qalmay, hichqandaq hoquq berilmigen Uyghurgha qarap mushularmu Insan boldimu emdi, dep, yighlap ketishi mumkin

Bu Bicharelerning nime gunahi. Men Uyghurlargha Uyghurdin bashqa hichkimning jaza kesishini xalimaymen.

Bular derdini ichide bilidu

Her koygha salghan Xitayning dewlet terrorizimidur!

Uyghuristan xelqining Xitay hakimiyiti astidiki qonchaq temsilchisi bolmaq yip üstide mangghandinmu tes

Xitaylar shu orunnimu Uyghurlargha artuqche körüwatidu.

Emdi musteqil Uyghuristan jumhuriyitini qurmay turup, ular bizge nime qilip bereleyti?

Ularning ornida siler yaki tuqqanliringlar bolghan bolsa nime der bolardinglar

Gep qilish asan, Tepekkur qilish tes, ich qilish uningdinmu tes

Milletning ichidiki ishni Xitay tajawuzchilarigha we teshidiki ishlargha baghlighanda gep sözge bek diqqet qilghan yaxshi

K.U.A

11.12.2021 Germaniye