Herkimning Yüki Özidinmu Éghir Bolmaydu, Undaqta Uyghurning chiqish Yoli Qeyerde!

-Nimeni Térisang Shuni Alisen; Könglüng Nerde Bolsa Esyading Shu Yerde Bolidu; Nimeni Qiyas Qilsang Axirda Shuninggha Érishisen!
-Sak Shahzadisi Guatama Sidharta Sakyamuni

Yazarmen:Umar Kurasch Atahan

☆☆☆<>☆☆☆
Herkimning Yüki Özidinmu Éghir Bolmaydu! Bir Millet we Bir Qewimningmu Hem Shundaq Bolidu! Undaqken Uyghurlarning Milliy Istiqlali Üchün Chiqish Yli Tapalmaslighi Bir Tasadipiyliqmu Yaki Bu Ishta Bashtin Axiri Bir Qara Qol Barmu?! „Kimlerki Musteqil Bir Millet Süpitide Özini Özi Sorimaydiken Qulluqqa Mehkum Bolidu!“- Digeiken German Peylasopi Fridirich Nietsche.
Biz Yükning éghiridin Qéchip, Bashqilardin Milliy Istiqlalimizgha Yardem Kütüp Yétish Axmaqliqtur!
Hey Uyghuristan Xelqi Her Küni Özengni Sual-Soraq Qiliptur? Yighiwalghan we Chéchiwetkenliringni Hésapla! Unutma Ghelbeng Yighiwalghanliring Bilen Emes, Térighanliring Arqiliq Hésaplinidu!!!
Xuda hichkimge özi hel qilalmaydighan dert bermigen! Kötüridighan Yüküngni Özeng Kötürüp Mangmay Bashqilarning Yardimini Saqliap Tursang, Baashqilar Yardem Qilip Zulumdin Qurtulghining Bilen Yene Bashqa Bir Zalimgha Esirge Chüshüp Qalidighan Ish Chiqidu!
Bir Weten Shu Wetendiki Asasliq Milletning Éghir Bedel Tölishi, Bashqa Xeliqlerning Tirishchanliqi, Xuda Teripidin Könderilgen Bir Shexsiyetning Jasaret Bilen Yol Bashlishi Netijiside Wujutqa Chiqidu.
Milletning Béshigha Kelgen Éghir Künlerdin Qurtulushning Hel Qilish Charesi Herbir Ademde Emes, Tengri Teripidin Tallan´ghan bir Bir Milletke 100 Yilda Bir Qétim Ibertilidighan Bir Ademdedur!
Bir Ademde Pissixik Ajizliq Bolghan´gha Oxsahsh Bir Millettimu Nurghun Pissixik Ajizliqlar Bar. Ikki Esirlik Mustemlike Hayat Milliy Jasartimizni Sunduriwetkechke
„Kishiler Kündüzde Kicheni, Kichide Kündüzni Arzu Qilip, Kichelerni Bolsa Yiqilip Kétishtin Qorqup, Kündüzni Bolsa Yéngilip Qélishtin Qorqup Bihude Ötküziwitidu!,- Deptiken Rim Peylasopi Seneka. Mustemlike Astidiki Uyghur Xelqining Serxilliridiki Omumi Rohiy Halet Del Shundaq Bolup, Uyghur Xelqi Buningdin Qattiq Ümitsizlen´gen Bir Halaette Turiwatidu.
Insaniyet Tarixi Ispatlidiki Dunyadiki Eng Parlaq Yol, Yigane Kishining Rehberligidiki Taq Yölünishlik, Peqet Aldighila Qarap Méngishqala Bolidighan Tek Bir Yolidur!
Biz Xelqimiz Bilen, Rehbirimiz Bilen Bir Gewdige Aylinishimiz Lazim. Bu Heqte Empatur Markus Aureliyus „Sanga Berilgen Bu Hayatta Özengni Perzentingdek Himaye Qil; Yaxshi we Yaman Künlerde Rehbiringge Egiship Öz Xelqing Bilen Birge Bol!,-Digeniken.
Biz Uyghurlar Bir Kaus Ichide Yashawatimiz. Goya Wetinimiz Dozaqqa Aylinip, Xelqimiz Düshmenning Sewebidin Emes Qorqush,
Hoduqush we Ensiresh Ichide Özini Özi Tügeshtüriwétiwatidu. Bu Heqte „Insanlar Béshigha Kéliwatqan Mingbir Belalardin Emes, Belki Bu Hadisiler Heqqide Chöriside Peyda Bolghan, Kishi Arzu Qilmighan Bimene Riyaksiyelerdin Hozursiz Bolidu!- Digeniken Ulugh Yunan Peylaspi Epiktetus.
Uyghur Xelqi Shanliq Medeniyetlerni Yaratqan, Dunyagha Dangliq 16 Jahan Dewliti Qurushta Asaliq Rol Oynighan, Hazir Özi Yashawatqan Téritoriyede Asiya Hun émparaturlighi, Kök Türük Émparatorlughi, Uyghur Émparatorulghi, Qarahanilar Émparatorlughi we Qaraxitaylar émparaturlighi, Emir Tömür émparaturlughi Qatarliq 6 Ulugh Dewletni Qurghan Xeliq Bolsimu, Kolliktip Bexitsizlik Tüpeylidin, Pelekning Charqi Tertür Chörgilep, Xitaydek Tarixtin Béri Qul Ötken Bir Xeliqqe Mustemlike Bolup Qalduq. Mustemlikidin Qurtulush Eslide Undaq Tes Ishmu Emes, Tes Bliwatqini Biz Eng Bashta Özimizning Rohiy Dunyasidaki Qulluqtin Azat Bolishimiz, Dunyaqarishimizni Özgertishimiz, Oylinishimiz we Tepekkur Qilishimiz Lazim! Ulugh Alim Isak Newton „Insanlar Pikir Dunyasigha Ajayip Körkem Binalar Bilen Tolghan Sheherlerni Inshah Qildiyu, Miellisep Ariliqigha Yiterlik Derijide Yol We Köwrüklerni Salmidi!-Digeniken. Nurghun Ishlar Emeliyette Anche Tes Bolmisimu, Bir Adem Tes Dep Olighachqa Emelge Ashamydu. Bir 40 Yilliq Mangalmaydighan Méyip Ademni Doxturlar Dwalap Saqaytiptu; Adem Ornidin Turup Méngishtin Qorqup Yenila Chaqliq Méyiplar Harwisidin Chüshkili Unmaptu. KiIselning Saqayghan Saqaymighanlighi Heqqide Shühbe Tughulup, Ichkirlep Tekshüresh Netijiside Kiselning Sellimazar Saqayghanlighi Asgikariliniptu. Axiri Doxturlar Kiselni Pissixik Dawalashqa Yollashni Qarar Qiliptu. Kisel Pissixik Dawalashni Qobul Qilghandin Kéyin Andin Ornidin Turup Méyiplar Harwisidin Chüshüptu!
Dunya Uyghuristanning Bésiwélinghan Bir Dewlet Ikenligini, Uyghurlarning Mustemlike Astridiki Bir Millet Ikenligini Bilidu. Xitaylarning Uyghurlar Üstidin Érqi Qirghinchiliq Qiliwatqanlighini Étirap Qilghanlighining Özila Uyghurlarning Xitay Emes, Uyghuriszanning Xitay Dewlitining Bir Parchisi Emesligini Étirap Qilghanlighining Del Özidur!
Shundaq Turuqluq Dunyagha Wetinimizning Ishghal Astidiki Bir Dewlet, Uyghuristan Xelqining Mustemlike Astidiki Bir Millet Ikenligini Étirap Qildurimen Digenlik Bir Axmaqliqtur. Dunya Ochuq Ashikare Halda Undaq Dep Étirap Qilmaydu, Qilghan Teqdirdimu Özimiz Xuddi Hazirqidek Hichish Qilalmay Turghan Halette Bizge Hich Ish Qilip Bermeydu.
Dawa Alla Burun Uyghur Xitay Munasiwetleride Uyghurlarning Heqliq Xitaylarning Bolsa Bolsa Heqsizlighini Bilip Boldi. Yol Tépish Tapalmasliq Bizge Baghliq Bolup Qaldi!
Uyghurlar Milliy Dawani Kolliktip Bedel Tölep Dunyagha Tonutti. Bu Tonutishta Chetlellerdiki Namayish we Lbiychiliq Paaliyetliri Qatarliqlarning Oynighan Roli Chong Boldi. Emdi Dawaning Ikkinchi Qismida Lobiychiliq we Namayishlarning Xraktei, Mitodi we Meqsidi Özgürishi Kirek! Hazirqi Ehwal Yenila Ötken 20 Yildikige Oxshap Qalsa Bolmaydu! Dawa Qoshuni Islahat Qilinishi, Teshkilatlar Édiologiye Jehettin Téximu Muntizimlishishi, Xelqimiz Omumiy Yüzlük Jeriketke Keltürülishi Lazim. Undaq Bolmay Turup Kona Éghiz Bilen Yéngi Naxshini qughili Bolmaydu!
„Sükütler Okyangha Oxshaydu. Sözler Goya Deryagha Oxshaydu! Okyanustin Bir Righbet Chiqip, Emretken Teqdirdimu, Aldirap Deryagha Kirme!“- Digeniken Mawlane Jalalidin Rumi Hezretliri.
Uyghur Milliti Rehberlikning Chuwalchaqlighi Sewebidin Gerche Chetel Tajawuzchilirigha Qarshi Keyinki Ikki Esirde 500 Qétimdin Artuq Inqilap Qilghan Bolsimu, Chala-Puchuq Ikki Qétim Ghelbe Qilghanni Hésapqa Almighanda Meghlup Bolup, Ketti! Ikki Esirlik Mehkumluq Adettiki Ish Emes. Shindaqtimu Millitimiz Kélichektin Ümüdini Üzmey Ishench Bilen Yashawatidu. Sebir we Ümid Heeqide Ruslarning Ulugh Yazghuchisi Fyodor Dostoyivesky „Sebir Derijidin Tashqiri Eqil-Paraset we Yürekning Qétidin Urghup Chiqqan Shiddetlik Bir Tuyghuning Achchiq Méwisidur!“-Digeniken!
Millitimizning Kiyinki Ikki Esirlik Aghzaki we Yazma Edebiyatigha Qarisaq Zorawanliq, Xorluq we Mushtumzorluqqa Qarshi Isyan, Nepret, Shikayet we Tenqit Qatarliqlar Bilen Toshup Ketkenligini Körümiz. Dangliq Eserlirimizning Hemmiside Millitimizning Azatliq, Hürlük, Erkillik we Milliy Musteqilliqqa Telpünish Rohi Julalap Turidu. Edebiyat Milliy Rohning Eynikidur! Shunga „Bedihiy Edebiyat Yalghan we Toqulmilar Arqiliq Rastchilliq we Heqiqetni Anglitidighan Edebi Janirdur!“-Digeniken Fransiye Yazghuchisi Albert Kamus.
Bizning Edebiyatimzda Milliy Rohni Ipadilishimiz Asan Blghan Bilen Resmiy Inqilapqa Kelgende Teritimiz Dayaim Bosh Kélip Qéliwatidu. Irade, Ümid we Heriket Teshkillinish we Intizamgha Baghliq Ishtur! Intizam Bolmisa Toghra Yolda Mangghili Bolmaydu; Intizam Bolup Bedel Töleshke Jürret We Jasaret Bolmisa Ghelbe Özligidin Qolgha Kelmeydu! Sabiq Amerika Prezidenti Abraham Linkolen “ Intizam Nimeni Hazir Qilish Kirekligi Bilen Nimeni Hazir Choqum Qilmisa Bolmaydighanlighi Ottursidiki Keskin Qararning Del Özidur!“-Digeniken.
Millitimiz Musteqilliq, Demokratiye we Din Dep Üchke Bölünip Ketti. Bu Sünniy Peyda Qilin´ghan Ziddiyet Bolup, Tarini Milletning Qulighini Chöjep Turupraq Tartsa Hemmisi Biraqla Öz Jayaigha Chüshetti. Hemmidin Muhimi Millet Padichisiz Qalghan Maldek Boyi Igizrek Öchikilerning Arqisidin Her Terepke Chümilidek Tarap Ketti!
Hemme Adem Özini, Qiliwatqinini, Gayisini Unutqan Halette Turiwatidu. „Eqilliq Ademler Özining Kim Ikenliki, Nimeni Bilip, Nimeni Bilmeydighanlighini Bilidighan Ademlerdur!“-Digen
Zhongguoluq Peylasop Lao Tzu.
Bir Milletning Igilik Hoquqini Qolgha Keltürishi Bir Kishining Qulluqtin Hürlükke Chiqishigha Oxshaydu!
Germanlarning Milliy Shairi Rainer Maria Rilke:
Milliy Yalghuzluq muhteshem padishahliqtur;
Milliy Yalghuzluqni esebiylik bilen quchaqla, ach közlük bilen söy! Milliy Yalghuzluqning shehwetlik qaynamlirida üz;
Milliy Yalghuzluq aldidin éqip ötken tik qiyalargha yölünip turup, qehrimanliq éqinidin tughulghan shawqunlargha egiship samalarda perwaz qil;
Milliy Yalghuzluqning peyzini süridighan mungluq naxshilarni oqu!
Uzaqlarda peqet äzi bilen séni kütiwatqanlar anglisun, usul oynap Shatlansun!-Dep yazghaniken!!!
Bizning Ejdatlirimiz Bizge Hichnime Hürlükke Yetmeydu Dep Ügetti. Ügetken Nersilerning Untulup Kétidighan we Esirlep we Ming Yillap Untulup Ketmeydighanliri Bar. Elbette Hüriyet Ashiqi Untulup Ketküsiz Telim Blup, Bu Telim Yürekke Tashqa Tamgha Basqandek Möhürlinip Ketken! Telim-Terbiye Diginimiz Mektepte Ügengen, Emma Hala Untulup Ketmigenlirimizni Körsütidu!-Deptiken Germaniye Alimi Albert Einstayinmu Özining Kitawida.
Telim-Terbiye Körgen Bilimlik Kishi Angliq Kilidu. Angliq Kishimer Özini Özi Sorashni Bilidu.
„Kimde kim Özini Özi sorashni bilmeydiken uhalda Yatlarning boyunturiqi astigha chüshüp qalidu! Mana bu janliqlargha ortaq bir tebiyi qanunuyettur!-Digen German Peylasopi Friederich Nietsche
Millitimiz Gerche Ikki Esir Mustemlike Astida Yashighan Bolsimu, Qarangghudiki Parlaq Yultuzlardek Nurluq Shexislerni Yitishtürüp Chiqti. Millitimiz Yitishtürüp Chiqqan Eneshu Az Sandiki Serxillirimiz Hayatini, Issiq Qanlirini we Yashliq Baharini Wetenge Qurbanliq Qiliwetken Bolsimu, Ularning Iddiyesi, Arzu-Armanliri we Ulugh Ghayisi Qelbimizde Yalqunlawatidu!
Aldinqi Ewlat Serxillirimiz Gerche Bekla Az Bolsimu Qimmetliktur. Bezi Nersiler Kichik Bolsimu Yenila Qimmetlik, Qedriqimmetsiz Bolghan Jisimlar Gerche Chong Bolsimu Qedirsiz we Erzandur!
Dunyawi Peylasop Benjamen Franklin: Kichik Emma Qimmetlik Nersilerge Sel Qarimanglar; Kichik Bir Töshüktin Sizip Kirgen Su Bilen, Yene Shu Su Kötürüp Turghan Ghayet Zor Parahotmu Chöküp Kétitu,-Digeniken! Heqiqet Közge Körünmeydighan Derijide Kichik Bolsimu, Salmighi Tengritéghidek Heywetliktur!
Uyghurlarda Közge Ilmighan Putqa Chomaq, Deydighan Ata Sözi Bar! Xitaylar Köp, Biz Az, Xitaylar Küchlük Biz Ajizdek Qilghan Bilen Heqiqet Biz Terepte Bolghachqa Bizning Ghelbe Qilidighanlighimiz Muqerer Hadisedur! Toghra Sheyi we Hadisilerge Chongken, Kichikken, Bashqilardinken, Bizdinken, Dep Kilassik Shekilde Baha Bermenglar! Bezen Düshmen Téshingizdin, Bezide Ichingizdin Kélidu!!!Bezide Düshmen Dostqa, Dostmu Düshmen´ge Aylinidu!
Bularning Hemmisi Bilim, Quraniy Kerimde Bilim Chida Blsimu Ügüning, Digeniken. Kishiler Peyghember Ependimiz Dewridiki Chinning Uyghur Élini Körsütidighanlighini, Chinliqlarning Türkiy Xeliqler Ikenligini Bilmeydu. Quraniy Kerimde Ismi Kechken Millet Biz Uyghurlar, Ismi Tilgha élinghan Weten Büyük Uyghuristandur!
„Herqandaq Qudret we Xezine Bilimge Qeder Qimmetlik Emestur!“-
Digeniken Yunan Peylasopi Dimokritus.
„Sual Sorap Biliwalghanlar Bashqilargha Peqet Bir-Ikki Minuttek Xuddi Döttek Tesir Berip Qalghini Bilen Bilen, Bilmeydighan, Uning Üstige Ügüniwélishni Meqset Qilip Sorimaydighanlar Bolsa Bir Ömür Dötlükning Derdini Tartip Yashaydu!“,- Deptiken Zhongguoluq Peylasop Konfuchiyus!
Bizde Ishench, Irade we Jasaret Bolishi Kirek! Bizde Toghra Rehberlik Bolishi Kirek! Bizde Toghra Teshklatlinish Bolushi Kirek! Eger Shundaq Bolup Eqil, Bilim we Tejiribe Kambighelliki Bolsa, Bu Qiyinchiliqni Qandashlirimiz, Dostlirimiz we Özimizde Bar Bolghan Imkanlarni Heriketlendürüp, Tajawuzchilargha Her Tereptin Zerbe Bérishimiz Lazim!
Oylimighan Yerdin Bizge Hisdashliq Qilidighan, Köngül Bölidighan we Yardem Béridighan Küchlerning Menbesi Heqqide Izdinishimiz Lazim! Bir Pütün Henzu Millitide Milliy Zulum Astida Ingrawatqan Uyghuristan Xelqige Qarita Bir Insanperwerlik Oyghunishi Bolmay Turup, Yalghuz Uyghurlarning Tirishchanliqi Bilen Nöwettiki Barghanche Yamanliship Kétiwatqan Uyghur Érqiqirghinchiliqi Weziyitini, Özimizning Küchi, Tirishchanliqi we Tashqi Dunyaning Hisdashliqigha Tayinip Asanliqche Toxtatqili Bolmaydighanlighi Resmi Otturgha Chiqti! Qedimqi Ejdatlirimiz Siyaset Qilishni Bilgechke Köp Milletlerni Ittipaqlashzurup, Büyük Jahan Dewletliri Qurghan! Enene Konirimaydu, Yolning Chong Kichikligini Özgertip, Jiddiy Peyitlerde Ijabiy Netijilerge Irishkili Bolidu.
Rus Yazghuchisi-Fyodor Dostoyevesky „Toghra Dep Qaralghan Yatning Yolodin, Xata Dep Qaralghan Özengning Yoli Ming Ewzeldur!“ Digeniken. Toghra Ejdatlirimiz Özengge Yarighan Yol Hán’ghamu Yaraptu,- Deptiken! Shunga Özimizning Tonini Özimiz Pichip Ishench Qazan’ghanlargh Purset Yaritip Bérishimiz Lazim!
Biz Ghelbe Qilish Üchün Weziyetke Qarap Taktika we Istiratégiyemizni Izchil Yéngilap, Özgertip we Zamangha Layiqlashturup Méngishimiz Lazim! Shunga Henzulargha Qarita Bolupmu Uyghuristanda Yashawatqan Henzulargha Qarita Teshwiqatni Ching Tutup, Uyghur Milliy Musteqilliq Herkitining Sèpige Uyghuristandiki Henzu Qatarliq Bashqa Milletlerningmu Seperwer Bolishini Qolgha Keltürishimiz Lazim!!!
Kishlik Hayattaki Her Türlük Iztiraplargha Chidap we Sebir Qilip „Yashimaq Heqiqiten Tes we Uni Axirlashturushqamu Hergiz Imkan Yoq! Shundaqken, Bu Halda Pishanimizge Yézilip, Biz Duchar Bolghan Her Türlük Müshkülat we Dishwarchiliqlarni Tesewurimizda Bekla Mobalighe Qilip Chongaytiwetmey, Chidam we Sewrichanliq Bilen, Xuddi Örkeshlep Turghan Xetiri Köp Tiz Éqinda Qolwaq Heydigendek Hayatimizning Eng Axirqi Menziligiche Üzliksiz Halda Dawamlashturimiz!“-Digen Émparator Markus Aureliyus. Xitaylarni Biz Terepke Tartip Tajawuzchi Küchlerge Zerbe Bérelisek Andin Bizni Bashqilar Eqilliq Ish Qildi, Deydu.
Xitaylardin Xitay Tajawuzchilirigha Qarshi Küch Teshkilllesh Mesilisi Otturgha Chiqsa Bizge Qalpaq Keydüridighanlar Chiqidu! Bu Heqte
„Yaxshi we Yaman Ishlargha Qarita Inkas Bildürgende Hergiz Asassiz Heriket Qilmasliqimiz, Axirqi Sözni Éytish Üchün Aldiraqsanliq Qilmasliqimiz Lazimdur! Shundaq Bolghanda Téximu Köp Ziddiyetlerni Hel Qilip, Körünerlik Derijide Ijabi Netijilerni Qolgha Keltüreleymiz!“-Digeniken Yunan Peylasopi Epiktetus.
Yunan Peylasopi Pythagoras éyitqandek „Meslining Tégitektige Barmay Turup, Achchiqlinishning Ornigha Choqom Bir Nersilerni Diyish We Naxush Heriketlerni Qilishtin Özimizni Qachurishimiz Lazim!“-Dep Tghra Éyitqaniken. Meseliler Dewlet we Millet Ishi Bolghanda Süküt Ichide Milletning Üstün Eqlige Hawale qilishimiz Lazim!
Süküt, Sebir we Zaman Eng Qudretlik Qural Bolup, Bu Pirinsiplarni Hürmet Qilish, Rehberlerge Hürmet we Haddini Bilmes düshmenlerge Bérilidighan Eng Yaxshi Zerbedur!!!
Milli Dawaning Aldida Méngiwatqanlarning Biz Körgen Bedelliri 20% Bolp, Körmigenlirimiz 80% Dur! Shunga Dawada Bedel Tölep Aldida Mengiwatqan Aktiplargha Bolupmu Teshkilatchi we Rehberlerge Qollash Arqiliq Minnetdarliqimizni Bildürishimiz Lazim!
Minnedarliq Tuyghusi Yoq Insapsiz Ademlerge Bir Ömür Yaxshiliq Qilsangmu, Rexmet Éytish Uyaqta Qalsun, Bir~Ikki Qétimliq Sewenliking Üchün Menpeetingnila Emes, Belki Menpeetingge Séni Qoshup, Közini Qirpitmay Halaket Déngizgha Tashliwétidu! Bundaq Ademler Nime Qilip Berseng Razi Bolmaydu, Téximu Köp Nersilerni Sendin Telep Qilidu, Bundaqlar Qilghan Insapsizliqliri Üchün Her Ikki Dunyada Éghir Bedel Töleydu!
Peylasop Viktor Frankil “ Chongqur Tepekkur Qilalmaydighan Insanlar Hayatini Iztirap we Teshwish Ichide Yashaydu, Xushalliq, Bexit we Hozurning Zadi Qandaq Bir Nerse Ikenligini Bilelmey Ömüri Ötüp Kétidu!“-Digeniken.
Weten we Millet Eng Awal Rohiy Dunyasingda Yüksilishi Lazim! Wetenni we Milletni Tonighanlar Xudani Toyundu; Weten- Millet Ishi Xuddi Namzdek Ibadet Ishidur! „Eger Sen Resmiy Milliy Dawaning Meniwiyet Alimi Sepirige Atlansang, Ichingde Yeni Rohiy Dunyasingda Saadetmenlik Xuddi Ezim Deryadek Örkeshlep Aqidu!,- Digeniken Ulugh Alim Mewlane Jalalidin Rumi. Aram Tapalmaysen, Kiche-Kündüz Yüriging Weten-Millet Üchün Soqidu.
Dimesimu Toghra, Rabbim Ikki Türlik Kishilerni Bexitlik Qildi. Biri Hichnimeni Bilmeydighan Addiy Kishiler, Ikkinchisi Bilim we Exlaqta Ewliyaliq Derijisige Yetken Kishiler! Rabbim Ikki Türlük Kishini Bexitsiz Qildi. Biri Wetenge Asiyliq Qilishtin Ibaret Ademge Yarashamaydighan Mümkinsizlikni Mümkinleshtürüsh Üchün Tirman´ghanlar, Ikkinchisi Özige Layiq Hayattin Weten Üchün Bedel Töleydighan Yollargha Razi Bolmighanlar!
Biz Tokkide Asmandin Chüshüp Qalmiduq. Biz Eshu Weten we Eshu Millettin Apiride Bolghan. Hey Millet Obdaniraq Qara, Hemme Nersining Bir-Birige Tutashlighini Andin Bilisen!Biz Weten-Millettin Kelduq, Ölsek Uning Yene Qoynigha Élishi Üchün Uning Aldidiki Burchimizni Ada Qilishimiz Lazim!
Tajawuzchi Milletler Shekillendürgen Milletler Gholghuni Xuddi Dehshetlik Qara Boran Chiqip Turghan Bir Zirikishlik Qumluqqala Oxshaydu! Milliy Istiqbalni Yoq Qilidu, Érqimiz, Millitimiz we Medeniyitimizni Yoq Qilidu!
German Peylasopi Fridirich Nietschening éyitqinidek Rabbining Iradisi Bolghan Indiwidualliqi Küchlük Shexisler we Milletler Xudayim Bergen Nimetur; Ular Dunyagha Sap Altundek Ishiq Chachidu, Emma Qarisang Xuddi Mal-Carwilarnila Xatirlitidighan Milletler Gholghuni Bolsa Chopansiz Qalghan Ürkigek Padidek Chuwalchaq Bolup, Bular Kupparliq, Nankörlük we Rezillik Chachidighan Tebiyi Apettur!
Gholghun Bilen Yashashni Dolqun Téyilghangha Oxshitimen, Diqqet Qilip Heriket Qilip, Musape Bilen Arliq Saqlap, Qara Borandin Peyda Bolghan Yirtquchi Dolqunlarni Boysundurup Turup Heriket Qilishimiz Lazim!
Bundaq sharayitta xuddi German peylasopi Fridirich Nietsche éyitqandek hozur we zewiq ichide tek béshimizgha herket qilishimizgha toghra kelidu. Ademler yenimizgha kilemdu, kitemdu umrimizgha almasliqimiz, xuddi yer sharidiki yigane ademdek yashishimiz, sapasi töwen kishilerning chürük we saxta dostluq wede qilip, yigane padishahliqimizni ishgal qiliwélishigha qettiy yol qoymasliqimiz lazim! German Peylasopi Arthur Schopenhaur éyitqandek Insaniyet Jemiyitige Yirtquchi Haywanlarmu Hasharettek Taplishiwalghan Ushshaqlar Bekraq Ziyan Saldi.
Ulugh Peylasop Arthur Schopenhauer“ Ilim-Pen Dunyasida Yalghuz Izdinish Büyük Uxtiralarning Dunyagha Kélishining Alamitidur“ Digen. Yalghuzluq Küch, Qudret, Imtiyaz we Erkinliktur! Yashisun Yalghuz Yashashni Talliwalghan Qehriman Ezimetler! Millitimiz kütgen ulugh möjizelerning yalghuzluqtin tughulishini Ümüt qilimiz!!!
Köpünche Ademlerning Tiragediyesi Yigane Yashash Iradisining Ajizliqidin Qaynap Chiqidu!, Digeniken Ulugh Alim Bikaise Paskal.
Sen Özengni Kim Dep Chaghla Yaki Chaghlama Etrapingdiki Özeng Asasliq Dep Qarighan 5 Ademning Xulasisige Oxshaysen!,-Deptiken Jim Rohn.
Emma Men Etrapimdiki Hichkishige Oxshimaymen, Sewep ularmu Hem Manga Oxshimaydu! Ata-Anam, Men we Men Duch Kelgen Sotziyal Hadisiler Méni Shundaq Yitishtürüp Chiqti! Men Özemni Yitishtürüsh Jeryanida Mektep we Kitaplardin Ijabiy Jehettin, Jemiyet we Ademmerdin Selbiy Jehettin Köplep Bilim Aldim!!!
Markus Awreliyus, „Yaxshi Adem Bolush Heeqide Tartishma, Özeng Bolup Yasha“ Deptiken. Köp Ademler Bilen Padidek Yashashqa Hem Qettiy Orunma, Boshwer Özeng Bolup Yasha! Ademlerdin Ayrilip Yashash Asan Emes, Yalghuzluq Adettiki Ademlerge Ach Büredek Hojum Qilsa Batur Kishilerge Bash Igidu!
German Shairi Goethe“ Azap we Yalghuzluqning Tik Qiyasida, Ölümge Meydan Oqup Tik Turidu, Qehrimanlarning Nurluq Simasi“ Dep Yazghanidi! Hemme Ademlerge Yaxshichaq Bolushni Xalaydighan Ademler Özi Bolup Yashixmyalmaydu! Yaxshi Adem Bolush Üchün Emes, Kirekke Kilidighan Adem Bolush Üchün Küresh Qil! Yaxshi Ademler Topi Yarimas Ademler Topi Bolup, Barghanche Ajizliship, Özini Özi Kolliktip Halda Öltüriwalidighan Ghelite Mexluqatlargha Quyup Qoyghandek Oxshaydu! Eng Muhimi Chidighan’gha Chiqarghan Dunya Bu Dorust, Heqqaniyetchi we Jessur Bolushtur, Özeng Xuddi Bir Taghdek Özengning Arqisida Tik Tur, Iching Qandaq Bolsa Téshingmu Shundaq Bolsun, Sen Sen Tughulghandin Kiyin Sen Bolup Yasha!
Ulugh Alim Bilaise Paskal „Köpünche Ademlerning Tiragediyesi Yigane Yashash Iradisining Ajizliqidin Qaynap Chiqidu!“Dep Toghra Éyitqan. Misal Üchün Tebiyetning Métapizikisigha Jan-Jehli Bilen Qarshi Turidighan Kommunizim Belasini Tlgha Alsaq Yiterliktur!
Gholghunning Arisida Qalghan Adem, Quyunning Arisida Qalghan Adem Bilup, Siritqi Dunyaning Püchek Iddiyelirining Tesiri Tüpeylidin Kallisi Barghanche Ijadiyet we Keshpiyatqa Anche Yaxshi Ishlimeydighan, Diweng Birige Aylinip Qailidu!
Ichkiy Dunyasingda Yashash, Ademler Bilen Bolghan Munasiwetke Muwapiq Musape Qoyush Ijadiyet, Ixtira we Keshpiyatning Altun Achiqusidur!!!
Yalghuz Yekke we Yigane Yashash Alemshomul Iddiyelerni Tughudighan Insan Eqlidin Tashqiri, Üstün Eqillerni Xuddi Bir Anténadek Sen Terepke Tartiydu!
Mana Bu Insaniyet Tarixidiki Niyiti Dorust, Qelbi Pak, Talantliq Insanlarning Ulugh Keshpiyatlarni Yaritalishining Siriliridur!,- Digeniken Ulugh Alim Nikola Tesla.
Xudagha Ming Shüküri Hazir Ademlerni we Milletlerni Bilimiz, Özemizni Bilimiz, Hayat Yolumizni Bilimiz! Hichkim we Hichnimeni Anche Jiddiyge Èlip Ketmeymiz! Kishilerning we Yat Milletlerning Jiddi Peyitlerde Özimiz Tepse Tewrimestek Turup, Etrapimizda Bolishini Kütüsh Dunyadiki Birinchi Numurluq Bimeneliktur! Rabbim we Perishtiliri Bizge Yol Körsütüshte Yiterliktur! Shunga Hichnimedin Ensirimey Kilichek Üchün Asas Salayli! Her Ishta Ademlerning Yeni Reqiplerning Digini Emes, Keskinlik Bilen Xudaning Bizning Heqqimizde Digini Boyiche Bolidu! Toghra Yolda Mangimiz, Öz Ghayemizge Uyghun Halda Jasaret we Pidakarliq Bilen Yashaymiz. Hichkimning Bizni Etirap Qilishigha, Ich Aghritishigha Éhtiyajimiz Yoq Bolghan´gha Qeder Wetenning Cakiridek Ishleymiz, Birawlarning Bizni Axmaq Chaghlap Tarazilap Béqishinimu Anche Xalap Ketmeymiz we Téximu Toghrisi Yol Qoymaymiz! Hayatqa Bolghan Qizghinliq, Kilichekke Bolghan Ümitwarliq We Özimizge Bolghan Ishench Bilen Özhan-Özbeg Halda Perwasizlarche Küresh Qilimiz!
Xosh, Undaqta Uyghurning Chiqish Yoli Zadi Qeyerde?
Bir Milletning Yüksek Ghayisi Yolidiki Izdinishliride Ayan Bolghan Kolliktip Intizami, Shu Milletning Milliy Musteqilliqqa Tutqan Yoshurun Pozitsiyesi Bolup, Shu Milletning Yoshurun Éngidin we Milliy Xaraktéridin Kélidu!,-Digen Iken, Meshhur Éngilsh Peylasopi John Lock. Toghra Qulning Qelbidin Erkinlik Awazi Anglanmaydu! Biz Uyghuristan Xelqi Érqi Qirghinchiliqqa Duchar Blduq! Eslide Yolning Birinchi Derijidiki Toghrisini Emes, Ikkinchi we Üchünchi Derijisidiki Toghrisini Tallap Méngiwatqanlighimiz, Özimizge Xas Keskin we Jiddiy Bir Yol Tapalmighanlighimiz Eqlimizning Yetmigenligidinmu, Ajizliqimizdinmu, Qulluqqa Esir Bolushni Özimizge Rawa Körgenligimiz Üchünmu? Hemme Adem Bu Suallargha Özining Könglide Jawap Izlep Béqishi Lazimdur! Hazir Uyghurlarda Alma Pish Aghzimgha Chüsh, Dep Pishmighan Almigha Ishtaha Achidighan, „Asmandiki Ghazning Göshini Öziche Texsim Qilishqa Aldirap, Dastirxangha Kelmigen Shorpigha Nan Chilap Yiyishni Talishidighan Rohiy Kisellik Yamrap Ketti!
Biz Uyghurlardek Bir Millet Üchün Bilim Jan Béqishtiki Axirqi Meqset Emes, Belki Milliy Mawjutluqqa Kapaletlik Qilishning Axirqi Meqseti Bolishi Kirek! Bizde Milliy Heriketni Ilmiy Pilanlashta Éghir Meselebar! Hazirqi Halitimiz Bilen Meselimiz Toluq Hel Bolmaydu!!! Sewep Bilim Yiterlik Emes, Dunyaning Qesten Arqisida Qaldurulduq, 21-Esirdimu Ottura Esir Qarangghulighida Yashawatimiz!!!Gerche Nurghun Ziyalilirimiz Bar Bolghan Bolsimu, Bular Milliy Irade Teripidin Pilanlinip Terbiyelep Chiqilmighanlighi Üchün Asanliqche Xelqimizning Ussighan Yérige Barmaydu! Shunga Jemiyitimiz Bilimge Toyunmighanliqi Seweplik Milliy Eqilimizni, Milliy Bilimimizni we Milliy Tejiribemizni Bugünki Échinishliq Riyalliqimizgha Tedbiqlap, Érqi Qirghinchiliqqa Duch Kelgen Millitimizge, Öz Küchimizge Tayinip, Muwapiq Bir Chiqish Yoli Körsütüp Bérelmeywatimiz! Bu Ishta, Yenila Ish Bilidighan Milletlerlerge Éhtiyajimiz Chüshüwatidu! Ish Bilidighan Milletlerdin Uyghurlarning Derdini Bilidighan Mutexesis Derijilik Ademlerdin Bir Goruppa Adem Bizge, Bundin Kéyin Siyasiy we Kultural Jehettin Méngishimiz Kirek Bolghan Resmiy Toghra Yolni, Nezeriyiwiy Jehettin Ilmiy Körsütüp Béridighan Bir Qollanma Tüzüp Berse, Biz Andin Shu Boyinche Teshkillinip Heriket Qilsaq Yaxshi Bolidighandek Qilidu! Men Cheteldiki 20 Yilliq Hayatimni Serip Qilip Bu Boshluqni Toshquzush Üchün Heriket Qildim! Köpünche Hallarda Toghra Netije Qazinalmidim, Meseliler Barghanche Éghirliship, Bir Adem Helqilalaydighan Derijidin Ötüp Ketti! Weziyet Jiddiy, Tizlikte Bir Chare-Tedbir Tépip Chiqip, Ölüm Aldida Turghan Xelqimizni Emeliy Önüm Béridighan Yollar Bilen Ghelbilik Qutquzishimiz Lazim! Hazirche Özimizde Bar Bolghan Eqil, Bilim we Tejiribe Zapisi, Meselini Hel Qilishqa Toluq Yetmeydu; Shunga Yoqarqidek Charelerge Bash Urghanda Shühbesizki Netijisi Hazirqidin Körünerlik Derijide Yaxshi Bolidu!!!
Dunya Biz Oylighandek Undaq Gül-Gülüstanliq Jennet Makan Emestur! Hayat Rezillik we Güzellik Ottursidiki Küresh Dimektur! Yéngish Yéngilish Digen Dayim Bolup Turidu! Muhimi Yéngiliwérish Emes Asasen Yéngishtur! Yéngishning Charisi Bilim Arqiliq Qudret Tépishtur! Bilimlik Insanlar Az Ziyan Tartidu, Köp Payda Alidu, Waqitliq Ghelbe Qazinalmighan Teqdirdimu Yéngiliwermeydu! Bilimsizlik Dötlük, Qashshaqliq, Nadanliqtur! Sebdash, Dost, Esh Hetta Düshmen Tallighandamu Ademken Deplam Emes, Rohiy we Jismaniy Saghlamliq, Eqil, Bilim, Tejiribe we Dunya Qarash Qatarliqlarni Ölchem Qilip Turup Tallanglar! Yalghuz Kishlik Munasiwetlerdela Emes, Belki Milletler Ottursidiki Munasiwetlerdemu Hem Bu Pirinsiplarni Asasliq Ölchem Qilishimiz Lazim! Eqilsizliq, Dötlük we Bilimsizlik Bir Ayighi Chiqmas Apettur; Bu Apet Shexisnila Emes, Hetta Bir Pütün Milletnimu Axirda Pütünley Halak Qiliwétidu! Uyghur Millitining Hazirqi Haliti 21-Esirde EneShu Apetke Duchar Bolghanliqtindur! Shunga Özenglargha Qattiq Telep Qoyup, Özenglarnila Emes, Özenglar Bilen Bir Jemiyette Yashawatqan Kishilerni Hetta Düshmininglarni Hayattiki Her Türlük Bihude Bexitsizliklerdin Qutquzush Üchün Toxtimay Kitap Oqunglar, Toxtimay Bilim Élinglar! Eqilliq, Bilimlik we Tejiribilik Bolush Elbette Her Ishning Axirqi Ghayisi Emes, Emma Eqilliq, Bilimlik, Tejiribelik We Exlaqliq Bolghanda we Bu Amillarni Izchil Dewirge Maslashturup Mangghanda Andin Ghelbe Qilalmighan Teqdirdemu, Pütünley Meghlup Bolmasliqqa Kapaletlik Qilghili Bolidu!!!
10.12.2022 Germaniye
K.U.A

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s