Özi Millitining Milliy Mawjutliqi Üchün Küresh Qiliwatqan Serxil Insanilarni Toxtimay Tash Yamghurigha Tutup, Mezlum Xelqimizning Düshmenliri Bilen Éghiz Burun Yaliship, Yagh Bilen Göshtek Yashiyalaydighan Qul Tebiyetlik Mexluqlargha Heqitenmu Qattiq Échinimen!

Hüriyitimiz üchün hayatimizni, bilgimizni we melimizni bedel tölep qiliwatqan bu ulughwar küresh bir millet süpitide mawjut bolup turishimizning sughurtisidur!Weten we Millet muhabbiti yoqumluq bolup, giriptar bolghanlar milliy munapiqlarningmu hesitini qozghaydu. Jengk meydanlirisiz herqandaq bir erkekzatining eng yüksektiki yultuzi yoruq parlimaydu!

Milliy inqilap yoli sirliq bir yoldur! Bezide men bu yolda nime qiliwatqanliqimni chüshenmeyla qalimen we bu yolda yene nimelerni dewatqanliqimgha hem ishenmeyla qalimen. His we hayajanlar, Ish we heriketler, pikir we mepkuriler riyalliqtin halqighan ilahiy bir ilhamning netijisi süpitide tosqunsiz meydangha chiqidu. Riyalliq bilen ghayini, serxillar bilen awamni, shexisler bilen teshkilatlarni peqet xiyalni zorlap tutashturghilili bolidighan bir dunya, düshmenler teripidin xaniweyran qilinghan bir enene arisida yashash pewqullade jasaret telep qilidu.

Makan, zaman we imkanlar dayim pikrimiz, iddiymiz we tepekkurimizni ghidiqlap turidu. Meni köp hallarda shexsiy idrakim emes xelqimizning echinishliq qismiti özemmu qettiy yaqturmaydighan ishlarni qilishqa mejbur qilidu…Milliy dawadiki eng yeqin bir neper sebdishim mendin, nimishqa milliy dawadiki musteqilchi, autonomiyechi, kishlik hoquqchi, fidiratsiyechi we insan heqliri chilerge oxshashla pozitip köz bilen qaraysiz,dep soridi. Men könglingizdin kechkenni men bilimen. Elbette bu pozitsiye mening milliy dawadiki meydanimgha zit kélidu. Zit kélidu dep bezi riyal meselilerdin qéchip dewirdashlargha qattiq telep qoyiwetsek milliy inqilap qoshunimizda kirzis ortigha chiqidu. Shunga biz chapiqini alimen, dep jirtaq qilip qoymasliq pirinsipini tépip chiqtuq, xelqimizni tediriji merkiziy yolgha yeni milliy dewlitimizni qaytidin qurup chiqish yolidin ibaret muqeddes ediologiyege yéteklewatimiz!

Rexmet, milliy teqdirimiz we méning kishisel inawitimge köngül bölüp sual sorighiningizgha. Bu sualingiz elbette buraderlerning kallisigha kélishi kérek. Biz özimizdin, dostlirimizdin we millitimizdin sual sorimay kétiwersek bolmaydu. Shuning üchün men sizni qanaetlendürüshim kérek. Eziz qerindishim, emin bolung, kemine buradiringizningmu bir oylighini bar.Biz meselige dogma halda emes, heqiqetni emeliyettin izdigen halda muamile qilishimiz lazim. Siz we dewirdashlar toghra dep békitiwalghan ölchemler bilen xelqimizning ortaq ang sewiysi derijisi arisida asman-zimin periq bar. Siz nime qilsingiz, desingiz we ishlisingiz bolidu. Emma mening milliy dawadiki wezipem bir teshkilatchigha emes, bir oqutquchigha bekraq oxshaydu. Bu küreshte biz derislikni, kallimizgha derhal kelidighan hessiy hayajan we sobiktip arzulargha emes, belki sinipimizdiki oxshimighan yash we sewiyediki balilarning siyasiy sapasigha qarap, riyalliqimizdin oxchup chiqiwatqan ihtiyajlarni nezerge elip, tarixtiki tejribe sawaqlirimiz, milletning yüksek eqil parasiti hemde kolliktip engimizdiki emeliyetchan eqidiwiy amillargha qarap tüzüshimiz kérek! Siz meni milliy herkitimizde özingiz bilen bir qatarda qoymang, mejburiyitimizde periq bar we mening siyasiy meydanimning özgürep qélishidin hem ensirimeng, buradiringiz milliy iradimizge jan chiqip ketsimu ihanet qilmaydu.

Milliy dawamizda Oxshimighan goruppigha kiridighanlarning hemmisi bizning öp we öz qerindashlirimiz! Millitimiz terbiylesh, teshkillesh we yitekleshke muhtaj! Milliy heriketmu melum tereptin mektepke oxshaydu. Dadam taghliq bir rayondiki tarqaq arlashma mekteplerning rektori idi. Oxshash yashtiki balilarni bir sinipta oqutush imkani bolmighachqa 7 yashtin 18 yashqiche bolghan balilarni 9.sinipqiche oxshash waqitta bir sinip ichide oqutatti. Balilarning beziliri tughma sarang, beziliri deldüsh, beziliri kesel yene beziliri eqilliq, yene beziliri tughma talantliq idi. Uningdin bashqa yene yeshi 18 din ashqan eqliy iqtidari we jismaniy ösüp yetilishi normal bolmighan özidin kichik, kichik bolghandamu 8 bilen 10 yash arisida periqlinidighan her xil yashtiki ösmürler bilen deris anglaydighan meyiplarmu baridi.Biz hemmimiz xuddi qurashturghili bolidighan ghayet zor resimdek, bir-birimizni xuddi wujudimizning parchisidek his qilattuq. Milliy heriket qoshunidiki oxshimighan ediologiye, metod we uslupqa tayinip küresh qiliwatqanlarning hemmisidin bizning ortaq gewdimiz shekillengen. Men ularning öz aldigha milliy dawadiki periqliq roligha musbet köz bilen qaraydighan, ularning birnimu artuq we kam demeydighan bir shexis. Bizning her xil we renggareng bolishimizni murekkep bolghan xelqara weziyet, biz tarqilip yashighan rayonlarning qimmet qarashliri, xelqimizning medeniyet sewiyesi we teshkilatlinish jehettiki imkanliri keltürüp chiqarghan. Biz milliy dawa qoshunidiki teshkilatlarni, siyasiy paaliyetchilerni, siyasiy we ijdimayi gorohlarni hergiz bir mujimel teshkilatning künliki astigha topliyalmaymiz. Biz peqet derislikni oxshimighan kitaptin sözleydighan emma bilim elishtin ibaret ulughwar ghayighe birlik, barawerlik we hemkarliq ichide yitekleydighan ortaq bayraqning etrapigha toplinimiz, hemde milliy iradimizning arqisidin egishimiz!

Büyük ustaz Ayinstayin „Maarip insanlargha bilim berish üchün emes, belki tepekkurini cheniqturudh üchündur“-dep toghra eyitqan iken.Dadam bizge oylash, tepekkur qilish we heriket qilishni ügetti. Biz eyni chaghda pütünley yerlik hüner we texnikidin paydilinip, bir chölning ottursigha jennetke oxshaydighan bir mektep qurup chiqtuq! Mektep bir dewletning kichiklitilgen bir modéli, teshkilatlirimiz mektepke, teshkilatchilirimiz muellimge aylanghanda andin milliy dawada tereqqiyat barliqqa kélidu. Weten ichi we siritida teshkilat qurush Mektep qurush dégenliktur! Dewlet qurush teshkilat qurushtin bashlinidu, ghelbe qilish mekteptin ibaret altun köwrüktin ötüshni zörür bolghan aldinqi shert qilidu. Dewlet qurushmu toghra tepekkur qilip, semimiy teshkillineligen milletler we rehberge itaet qilghan xeliqler üchün del teshkilat qurghandek addiy bir ish eslide. Dewlet qurush mektep qurushtin bashlinidighanliqi eniq.Helqimiz ikki esirlik mustemlike dewride meniwiyet jehettin bek ajizlap ketti. Bu xeliqning munewwerliri 20-esir millietlirige, qalghan qismining üchte biri 19-esirge, otturdikililiri üchte biri ottura esir milletlirige, axirdiki üchte biri insaniyetning qaranghuluq dewirdiki yawayi milletlerge oxshaydu. Shu wejidin qedimiy medeniyetlik we jessur bir milletning ewlatliri bolishimizgha rahmen, siyasiy jehettin bugünkidek qebih echinishliq halgha chüshüp qaldi. Millitimizni eshu nadanliq chölidin qurtuldurup chiqish undaq asan emes. Bu ish kitabbazliq, dogmichiliq we teyyar bolghan örnekler bilen pütmeydu. Millitimizni mustemlikidin qurtulush yoligha bashlash bilim, bayliq we hayat telep qilipla qalmay, pilan, dit we tedbirge éhtiyajliqtur! Milliy herkitimizning jughrapiyesi, ahalisi we kilimati pewqulaade bashqiche bolup, bu xususiyet jehettin Artushning taghliq rayonliridiki hemme adem oxshash waqitta, oxshimighan kitaplardin bir muellimge tayinip deris alghangha neqeder oxshaydu. Artushning taghliq rayonliridiki mekteplerdiki oxshimighan Muellimlerning 10 din artuq oxshimighan yashtiki balilar bar bir sinipta, bir oqughichigha oxshash saette ötken derisni, yeni bir oqughchi chüshenmeyti. Emma yillarning shamaldek ötüshi bilen eshu mekteplerdiki hemmila adem bilim elishtin ibaret ulughwar meqsetlirige astiraq bolsimu yetetti.

Men deslepte milliy herikitimizdiki bezibir meselilerni hel qilalmay köp qiynaldim. Birdinla dadam omumlashturghan oqutush metodi isimge keldi we bizning taghliq rayondiki mekteplerge bekla oxshaydighan teshkilat we siyasiy aktiplar toplirigha bolghan pozitsiyemge tedbiqlidim we ünüminimu kördüm. Bezide hayatimizda alla burun yüz bergen hadisatlar duch kelgen eghir kirzislardin qurtulup ketishimiz üchün yep-yengi pikirlerni bizge armaghan qilidu. Men dadamning mektep bashqurush usulini xatirligendin keyin ajayip bir yengi dunyagha kirip qaldim. Milliy inqilap yolidiki neziriyem, metodim we uslubum yetildi. Öz aldimgha pikir qilidighan boldum. Men dimisimu birdinla milliy herkitimizni heqiqi paydiliq bir yol xeritisi bilen toghra yolgha bashlaydighan altun kitapni tepiwalghan idim. Milliy heriket meydanimiz rastinla dadam maarip tereptin yiteklewatqan eshu taghliq rayonning weziyitige bekla ixshayti. Men shuningdin bashlap milliy dawadaki küresh yolumda eshu chaghda dadam qollanghan deris ötüsh metodi bilen heriket qiliwatimen. Shunga meni chüshinidighan we chüshenmeydighanlar bar. Yerim chüshinidighan we yerim chüshenmeydighanlar bar. Chüshünüshke tirishidighan we peqetlam chüshünüshke tirishmaydighanlar bar. Men hemmila ademning meni oxshash waqitta chüshünishini hergiz nishan qilmaymen we kütmeymen elbette.

Hey Eziz qerindishim, siler meselilerge dayim bir tereplime muamile qilishtin saqlininglar. Hazir sheyi we hadisatlargha ijtimyiliq teteptin, pelesepediki diyaliktik pirinsiplargha dayir munasiwetler tereptin, siyasiy tereptin, exlaqiy tereptin we kespiy tereptin muamile qilishning nurghunlighan tejiribilerdin ötken xelqarawiy altundek ilmiy ölchemliri bar. Herqandaq nerse qélipidin chiqip kettimu, meqset u yaqta qalsun, ishlarning netijisi nöl bilen axirilishidu! Eger milliy heriket jeryanida bezi bashqiche wezipilerni üstige alghan manga oxshash kishilerning ish herkitimizde sizler arzu qilmighan hadisiler yüz bérip qalsa hergizmu eghir elip ketmingizler!Bizning bir birimizge 100% oxshap kétidighan shekilde heriket qilishimiz yaxshiliqning alamiti emes. Toghrisi ediologiye tereptin ortaq bolghan tereplirimizni-meyli 50% yaki 80% bolsun-körüp we tonup yétip. ortaq ghayimiz üchün hemkarliq ichide ish qilish hemmidin muhim!

Birlik, barawerlik we hemkarliq üchün tölengen bihude bedeller esli tiragediyening nimiligini heqiqi hes qilduridu.Qulluqqa qarshi meydanlargha isyan lewhelirini asqanlar üchün bedel qandaq bolishidin qettiynezer milliy iradening üstünlikige boy sunush hemmidin qimmetliktur! Milliy irade xuddi kelkün sugha oxshaydu, özi xalighan terepke aqidu! Pikir, iddiye we ghaye qatarliqlarmu milliy iradening qumandanliqigha boy sunidu, bizmu shu…Milliy irade digenlik milletning eng axirqi qarari bolup, bu qarar bezide imkanlar yar bermigen ehwalda sebirge, bezide sharayit piship yétilgende naraziliqqa we bezide pichaq süngekke yetkende isyangha yitekleydu! Bezide hetta düshmen bilen tinchliq üchün waqitliq sülhiy tüzep, milliy mawjutluqning eng axirqi uruqliridin köklep chiqqan notilarni perwish qilip, küjüm ormangha aylanduridu…

Ghelbe qilishta purset mihim, meshhur rus siyasetchi Mehayil Gorbachov pursettin paydilinalmighanlar tarixning eghir jazasigha uchraydu, dep agahlandurghan iken. Milliy inqilap yolidiki Metodlirimiz pursetlerge qarap almiship, dengiz süyidek toxtimay chayqilinip, her terepke shash attek küwejjep turidu…Bashqa chare yoq….Bu heqiqiten tolimu echinishliq…Siyaset netije sennitidur, milletchilik bolsa herqandaq sharayit, herqandaq makan we herqandaq zamanda hergiz waqti ötmeydighan heqiqettur. Biz peqet Allahqa tewekkul qilip yolgha chiqquchilardurmiz, seper bizdin, zeper Allahdindur.Imanimiz kamilki hür we azat künlerge barghanche yeqinlishiwatimiz, Heqdar Allah biz bilen ghelbe aldimizda!