Autori: Kurasch Umar Atahan

Özini Türkistan Islamiy Herkiti dewalghan terrorchi goruppilargha ikki eghiz gep qilip qoyidighan waqit yetip keldi! Tarixtin beri irqiy, kultural we diniy alahiydiliklirmizni süyistimal qilip, millitimizge teswirligüsiz eghir bedellerni tölitip keliwatqan rezil küchlerdin dayim hezer bolishimiz lazim!Azghina kam ikki esirdin beri derijidin tashqiri chong dewletler, islamni niqap qiliwalghan xelqara terrorchi küchler we yiltizi perde arqisidiki yer shari xarakterliq qanunsiz teshkilatlargha baghlanghan imperiyal küchler hili Pan islamizim, heli pantürkizim, heli pan Turanizimni bayraq qilip kötüriwelip xelqimizni aldap keldi. Islamizim, Türükchilik we Turanchiliq yaxshi pikirlerni chöridigen ediologiyedin teshkil qilinghan bolup, bizni aldashqa kelgende u üch lagerning bayriqi dayim qarangghuluq küchlerning qolida boldi we bizni özining melum siyasiy, diniy we iqtisadiy qaraniyetliri üchün xuddi qoy padisidek qurbanliq qilip, teqdirimizning barghanche qarangghuluq ichige gheriq bolup ketishige neden boldi!

Sowetler ittipaqi parchilinip, ottura asiyada yengi milliy jumhuriyetlerning qurulishi Xitsylarni we Uyghuristan xelqige qarshi küchlerni chöchütiwetti.
Uyghuristandin ibaret Bay ziminini menggülük yutiwelip, yer asti we üsti bayliqlirinizni özining qiliwelishni könglige pükken xelqara imperiyal küchker, Xitaylargha arqa tereptin yardem qilip, millitimizning bash kötürüp qelishining her tereptin aldini alidighan yüzligen projekitlargha Oxshashla waqitta meblegh selip, milliy musteqilliq küreshlirimizning ghelbe qilishigha tosqunluq qilmaqta.
Düshmen küchler milliy dawamizni her tereptin monopol qiliwelip, xelqimizning közini boyap, kallisini zeherlep bizni Menggü pikirde, küreshte, ghayide birlishelmeydighan qilip qoydi.
Birimiz uni disek birimiz buni deydighan, birimiz bu yolni, yene birimiz bashqa bir yolni toghra deydighan, nillitimizge eng paydiliq bolghan ottura yolni tapalmaydighan weziyetke duch kelduq.
Bizning bugünkidek mushundaq parakende, chechilangghu, nadan we qashshaq haletke chüshüp qelishimizgha sewep bolghan amillar xelqara qaranghu küchlerning ziyankeshliki bilen shekillengen radikal dinchiliq, xelqara terrorizim herismenliki we tasmidi rezil küchler qolida bolghan süpiti özgergen Romantik pantürkizim qatarliqlar bolup, bu hadise bizni dunyagha rezil millettek körsütüp qoydi we milliy musteqilliq küreshlirimizge tajawuzchi xitaylardinmu bekraq ziyanlarni saldi!
Mana eshu ziyanliq küchlerning biri muqeddes kitawimizni qoligha eliwelip, özini millitimizning nijatkarliridek körsütiwatqan terrorchi küchler, ikkinchisi Ddemokratiye we insan heqliri bayriqini kötüriwelip, xelqimizni Xitayning we emperiyal küchlerning menpeeti terepke bashlap, milletke eghir bedel tölitiwatqan Xitay ghalchiliri we qarangghuluqtiki rezil küchlerning gumashtiliridir.
Amerikada Uyghur qanunining imzalinishi bir chong ish boldi.
Milliy herkitimizge paydiliq bolghan ijabiy tereqqiyatlar barliqqa keliwstidu, Xitay panusi öchüp, millitimizning bexit yultuzi parlawatidu.
Bu qetim Amerikada yengidin maqulliniwatqan yengi qanunning tughulishi bilen uning rolini yoqqa chiqirishni xalighan barliq bizge qarshi rezil küchler birliship birlikte heriket qlishqa bashlidi. Dunyada hazir rezil küchler mingbir hiylemikir bilen milliy musteqilliq herkitimizge we bizni qollighan xelqaradiki adaletperwer küchlerge qarshi isyan bayriqi achiti. Amerika, Engiliye, Awistiraliye, Engiliye, Germaniye we Yengi Zellandiye qatarliq dewletlerdiki namayishlarda xitaylarning qoli bar bolupla qalmay arimizdin chiqip, xuddi özini biz qilip körsütüp xelqarada Yetim qelushimizgha sewepchi boliwatqan Türkustan Islamiy Herkiti, dep atalidighan xelqara terrorizimning qolchomaqchilirimu bar.
Bu xelqara terrorchi teshkilatlar öz qolimiz bilen özimizning közige topa chechish üchün yol taliship, tushmu tushtin ishlieimizgha arlushiwatidu.
Bizning öz millitige, xelqige, yurdashlirigha we aile ezalirigha ichi aghrimaydighan, kallusi bashqilar teripidin yuyulup, öz milliti we wetinige ziyan seliwatqan bu hamaqetlerge epsuslinarliq bilen lennet oquymiz!
Özini islamning qoghdighuchilliri, musulmanlarning nijatkari, jennetning achquchini kötüriealghan melek dewalghan kalwalar milletning, milliy mrdeniyetning we mubarek dinimizning beshigha bela bolushti.
Milliy herkitimizning qoshunida yiltiz tartqan düshmenlirimiz xelqara emperiyal küchlerning depigha ussul oynap, milliy mawjutluqimizni, qanche ming yilliq milliy medeniyitimiz bilen yughurulup ketken islamiy itiqadinizni yoqulup ketish girdabigha qistap keldi we shansheripimizni tashqiy düshmenning ayaqasti qilishigha paydiliq imkanlarni tughdurup berdi.
Qarisaq bu xildiki qarangghuluqtiki rezil küchler bilen astiritin bizge qarshi heriket qiliwatqan gheyri resmiy radikal islamiy teshkilatlar bayanat berip, özining rast teshkilat, emma yeqinda ularning namida bayanat bergen bashqa teshkilatlarning bolsa yalghan teshkilatliqini, ishenmeslikimiz lazimliqini tekitlep bir bayanatlar beriptu.
Bular kim, qaysi teshkilat rast qaysi teshkilat yalghan bolishidin qettiynezer siler hergizmu bizge wekillik qilalmaydighanluqini ular hich bilmemdikine?!
Bir pütün millitimizni tep tartmastin pütkül tinchliqperwer insaniyetning düshminige aylanduriwetushting. Nomus we sheripimizni wehshi Xitay Tajawuzchilirining teximu keng külemde ayaq asti qilishigha yol echip berishting.
Bizning milliy iradimizning warisliri süpitide deydighanlirimiz bar elbette.
Hey siler Allahdin qorqunglar, weteninglargha, millitinglargha we dininglargha paydiliq ish qilimiz, dep düshmenlerdinmu better ziyan saldinglar! Silerning sewbinglardin Xitaylarning Wetinimizde ishligen irqiy, kultural we diniy qirghinchiliqigha xelqara jemiyet yeshil chiraq yeqip berdi.
Silerning yüzinglardin 3 milion Uyghur türmide, 5 milion Uyghur jaza lagerlirigha menggülük bent qilindi.
10 miliongha yeqin xelqimiz chongraq nepes alalmaydu, chingraq gep qilalmaydu, serbest heriket qilalmaydu.
Emdi bir teshkilat yaki partiye süpitide rast bol yaki yalghan bol dinchi bolamsen, jihatchi bolamsen hetta yene kim bolushsang bolush, emdi senler xelqimizning düshmenleri qataridin lenet yamghuru ichide, qara xetler bilen yer elishting.
Senlerdin bizge wapa kelmidi, kelmeywatidu we kelmeydu!
Emdi heqiqetke qayitip, bu milletke yaxshiliq qilmusangmu qilma, ziyan selishma!
Bu Milletning silerdin axirqi ikki ümidi:
1) Xelqara terrordin qolunglarni üzüship, xelqimizning milliy iradisige el bolushqin!
2)Özenglarning milliy kimlikidin we milliy herkitimizdin ada- juda bolup, wetini we dewliti yoq terrorchi teshkilatlargha singip ketish!
Eqilliq, wijdanliq we nomusluq bolsanglar millet silerni yene kechüridu.
Axirqi her ikki telepni orunlimisanglar menggülük millitimizning lenitige qalisiler we Allah hem silerni kechürmeydu.
Boldi bes, emdi bundaq millitimizni dunyagha rezil küchlerning qatarida körsütidighan we bichare xelqimizning mengisini Xitaylardinmu better zeherleydighan bayanat we süpetsiz yazmilarni bizge yollimanglar!
Biz Uyghuristan xelqining tinch yol bilen elip barghan yerim esirlik kürishimiz ghelbe qilip, milliy dawa resmiy xelqaraliship, xelqara jemiyet we gheriptiki küchlük demokrattik Dewletler jiddiy heriketke ötüp, xitaylarning rezil oyunliri buzulup, wetinimizde insanliqqa qarshi jinayet ishligen qatillar tar yerge siqishturulushqa bashlighanda, ichkiy we tashqiy düshmenlerimiz tushmu-tushtin xuddi alwastilardek parallil heriket qilip, milliy musteqilliq küreshlirimizning mewisini, talan taraj qilip, nepret we öchmenlik otida köydürüp janijan menpeetimizni sarghayghan samandek soriwetmekchi boliwatidu.
Xelqimizning segek bolishini, xelqaradiki obrazini we milliy herikettiki mitodini qoghdap qelishini semimiy iltimas qilimiz!
Axirida biz milliy iradining heqiqi warisliri bolush süpitimiz bilen shuni debdebe bilen jakarlaymizki millitimiz tarixtin beri özining milliy territoriyesige, milliy shan- sheripige, milliy menpeetige, milliy mawjutluqigha, milliy medeniyitige köz alaytqan we ziyan salghan barliq shekil we mezmunlardiki rezil küchlerge qarshi küresh qilip keldi, hazirmu shundaq qiliwatidu, kelichekte hem janabiy Allah shundaq qilghili nesif qilghay!
Bizni iriqni, dinni we herqandaq bir yat ediologiyegeni süyistimal qilip qul qilmaqchi bolghanlar bilen bolghan kürishimiz adaqiche hetta axirqi bir qanche tamche qenimiz qalghuche üzlüksiz dawamlishidu!
Ya milliy musteqilliq Ya Ölüm!
Yashisun Uyghuristan xelqining büyük ittipaqliqi! Yashisun Uyghuristan xelqining milliy iradisi! Yoqalsun Uyghuristan xelqining janijan menpeetlirige köz alaytqan rezil küchler!Yoqalsun Milliy Munapiqlar! Yoqalsun Xitay Tajawuzchiliri!
Yashisun Uyghuristan xelqining milliy musteqilliq kürishi!

Hürmet bilen: Kurasch Umar Atahan

Uyghuristan Kultur Merkizi

06.06.2020 Germaniye