(Ebjesh Yazmilar, Mikro Terjimeler)

Béshimizgha Kelgen Qara Tarix Yene Tekrarlinishqa Bashlidi

-Düshmen Küldürüp Éyitsa, Dost Yighlitip Bayan Qilidu!

-Uyghur Ata Sözliridin

☆▪︎☆▪︎☆▪︎☆

Béshimizgha Kelgen Qara Tarix Yene Tekrarlinishqa Bashlidi. Xitaylar 50 Yil Awal Uyghurlarning Milliy Kimlikini Yoq Qiliwétish Üchün Dewlet Térrorini Ishqa Sélip Bir Qétim Meghlup Bolghanidi. Emdi Bu Qara Tarix Yene Tekrarlinishqa Bashlidi. Bundaq Bir Waqitta Yer Shari Xaraktérliq Heriket Qozghap Bar Imkanlirimiz Bilen Milliy Medeniyitimizni Qoghdap Qalayli!

Uyghur Medeniyiti Mol Mezmunlargha Bay Bolup, Milliy Motiflirimiz Az Digende 60-70 Ming Yilliq Tarixqa Ige, Ejdat Mirasidur!

Bolupmu Uyghur Toqumichiliqi we Keshtichilikige Munasiwetlik Her Xil Shekil Hemde Belgüler, Sotsiyal Hayatimizgha Baghliq Halda Hayatini Sürdürüp Kéliwatqan Meddniyet we Kultur Xezinisidur.

Uyghur Jemiyiti Qanche Ming Yil Enenusini Dawamlashturup Kelgen Hayat Muhiyilarning Biri Hésaplinidu. Bolupmu Herxil Güzellikke Dair Jabduqlar, Binakarliq Figurlari, Hemde Neqqashliq Sahimizdiki we Kiyim-Kicheklerimizdiki Her xil Geometirik Pasunlar, Tamghalar Alahiyde Qimmetke Ige Özgiche Ghezinedur.

Milliy Medeniyitige Tewe Bolghan Her Xil Tebiyet Güzelliklirini Ipadileydighan Belgüler, Tariximizdin Qalghan Alahiyde Menasi Bolghan Milliy Motif Hemde Simiwollarimizdur!

Bu Simiwol we Belgülerning Her Birsi Xuddi Söz-Atalghulargha Oxshash Nurghun Biz Hazirche Menisini Toluq Bilmeydighan Bir-Biridin Muhim we Qimmetlik Mezmunlarni Künümizgiche Saqlap Keldi.

Kelichek Ewlatlirimiz Buni Bizdin Öz Pétiche Qobul Qilip, Qanche 10 Ming Yilliq Bu Tarixiy Bayliqlarni, Kélichek Ewlatlargha Eynen Miras Qaldurishi Lazim.

Bu xil Tarixi Medeniyet Yadikarliqlirini Öz Ichige Alghan Belgülerni Xalighanche Özgertishke Bolmaydu! Tarixi Hadisilerge Muamile Qilghanda Eslige Sadiq Bolup, Dewrige Munasip Halda Tereqqiy Qildurushni Asasiy Pirinsip Qilishimiz Lazim!

K.U.A

14.07.2022 Germaniye

Bu Ishta Aile Ezaliri, Jemet we Milletni Teshkil Qilghan Barliq Chong Kichik Qurulushlarning Bash Tartip Bolmaydighan Éghir Mesuliyiti Bar!

Aile we Xiyish Aqrabalirimiz Millet Aldidiki Insaniy, Milliy we Wijdaniy Burchimizni Ada Qilidhimiz, Tehdit Astida Qalghan Milliy Medeniyitimizni Qoghdap Qélishimiz Lazim!!!

Ulugh Alim Albert Einstein:

„Dunya Pikir Yolimizdiki Özgürüshler Arqiliq Bugünge Keldi! Eger Tepekkurimiz Toxtap Qalidiken Insaniyet Jemiyeti Tereqqiy Qilmastin Qedimqidek Bir Izda Toxtap Qalidu!“ Digeniken. Oylinish we Küresh Ichide Ilgirleydighan Gep.

Ejdatlirimizdin Udum Qalghan Shereplik Enenelirimizni Zamanisigha Yarisha Güllendüreyli! Weten Bizning, Tégitektidin Alghanda Kélichek Ewlatlarning Ejdatlirimizdin Qalghan Muqeddes Mirasidur! Millitimizning Kelgüsi Üchün Qan-Yash Déngizgha Gheriq Bolghan Eziz Wetenimizning Derdu-Haligha Derman Bolayli!!!

Uyghur Hikmetlik Sözliri Boyinche Éyitqanda „Qarghidek Nomussizlarche we Sherepsizlerche Ming Yil Yashighandin, Bürküttek Sheriping Bilen Bir Yil Yashayli!!!

Weten-Millet Ishida Herqandaq Waqitda Bixudluq Qilishqa Bolmaydu! Kiche-Kündüz Eqli-Hushimiz Bilen Bolishimiz Lazimdur! Azraqla Diqqet Qilmay Bexestelik Qilsaq Ishlar Oylighinimizning Eksinche Tetürisige Méngip Kétidu! Xuda Irade Qilsa Bizge Kelgen Yaxshiliq Yamanliqqa, Yamanliq Yaxshiliqqa Shundaqla Düshmen’ge Kelgen Yamanliqmu Yaxshiliqqa, Yaxshiliq Hem Yamanliqqa Aylinip Kétidu! Dunyaning Ishliri Biz Oylighandin Qat-Qat Murekkeptur! Buni Periq Étish Üchün Yiterlik Derijide Eqil, Bilim we Tejiribe Kirektur! Emdi Resmiy Oyghunayli, Eqil Közimizni Achayli!Kéyinki Pushman Hazirqi Düshmendin Yamandur! Ish Qilsaqla Bolmaydu, Netije Qazansaq Andin Bolidu! Ghelbe Qilishta Ghayeni Éniq Bikitish, Teshkillinish, Adilliq, Pidakarliq we Exlaq Muwepeqiyetning Asasidur! Weten-Millet Üchün Ish Qilghanda Nezer Dairimizni Keng Tutushimiz, Uzaqqa Nezer Tashlishimiz, Chongqur we Etrapliq Güzütishke, Soghaqqanliq Bilen we Salmaqliq Bilen Tepekkur Qilishqa, Aqilanilik Bilen Heriket Qilishqa Téximu Küchlük Derijide Ehmiyet Bireyli!!!

Hemme Adem Toghra Digenlik, Toghraliqning Zirwesige Yetkenlik Emestur!

On Minglighan Axmaqning Toghra Digini Bir Aqilközi Oyghaq Adem Üchün Nimege Erziyduki, Eger Heqiqet Eshu Tek Bir Kishi Terepte Bolghan Bolsa!,- Digeniken Émparatur Markus Aureliyus.

Heqiqet Dayim Axmaqlar Topliship Mangghan Terepte Emes, Asan Tapqili Bolmaydighan Arislan Yürek Ezimet Aqillar Körsetken Tereptedur!!!

K.U.A

☆☆☆☆☆

Pelesepe Xudaning Iradisi Süpitide Yaritilishtin Burunla Baridi! Pelesepe Kéyin Rabbimizning Alemlerni Yaritishigha Kilauzluq Etti! Rabbimizning Pelesepiwiy Iradisi Ashikare Bolghanche Dunya Tediriji Shekilendi we Bugünki Muhteshem Haletke Keldi!!! Dunya Maddiy we Rohiy Barliqlarning Yighindisi Bolup, Mawjut Bolghan Rohiy we Maddiy Barliqlarning Hemmiside Rabbimizning Mutleq Iradisi Hökmaran Bolghandin Bashqa Her Bir Sheyi we Hadisedimu Öz Aldigha Bir Nisbiy Mutleq Irade Bar Idi! Pelesepede Rabning Iradisi Teqdir, Madda we Rohning Yeni Büyük Barliqlarning Iradisi Qismet Dep Ataldi! Bu Ikki Iradining Yighindisi Bolsa Özgertish Qettiy Mumkin Bolmaydighan Qaununiyet Bolup, Büyük Barliqlar Kichik Jehettin Özidiki, Chong Jehettin Tengridiki Qanuniyetlerge Boysunghan Halda Heriket Qiliwatidu! Alemler Yeni Biz Yashawatqan Paniy Dunya Mushu Qanuniyetning Heriket Pirinsipliri Boyiche Tereqqiy Qiliwatidu! Pesiller, Kiche we Kündüz, Tughulush we Ölüshni, Yashliq we Qériliqni, Erkeklik We Chishiliqni Köz Aldigha Keltüreligen Adem Qanuniyetning Nimeligini Bilishni Bashlaydu! Dinlar Rabbimizning Iradisining Eslidikidek Emes, Belki Ademler Chüshineleydighan Bir Tilda Anglitilishi Bolup, Besh Esirde Beziler (Sheriqliqler) Uning Ichide Turup Mutleq Heqiqettin Uzaqliship Ketti, Beziler(Gheriplikler) Uning Siritida Turup, Uninggha Barghanche Yèqinlashti!!! Belki Biz Uyghurlar Bugünki Künde Dunyaning Qeyiridin, Qandaqsige Orun Alduq!? Sheriqtiki Tereqqiy Qiliwatqan Milletler Gheripni Endize Qilip Qudret Tépishqa Bashlighanda, Biz Uyghurlar Nadan Tebiyetlik Sheriqliqlerni Örnek Qilip, Ilgirki Qarangghu Tarix Terepke Sürülüp Eslide Medeniyitimizde Bar Bolghan Hayatiy Küchtinmu Échinishliq Halda Mehrum Qéliwatimiz! Bizning Eng Adettiki Xelqqe Aylinip Qélip, Etrapimizdiki Xeliqlerning Millet Bolup Dewlet Sahibi Bolishining Sewepliri Tereqqiyat Yolini Toghra Tallash we Talliyalmasliqimizdin Boldi! Uyghuristan Dunyaning Sherqi Yérim Sharigha Jaylashqan Bolsimu, Medeniyitimiz Gherbiy Yérim Shargha Mensup Bir Isil Milletning Nesli Ikenligimizni Ésimizdin Chiqirip Qoymaslighimiz Lazim!

Bizdin Ibin China, Al-Farabiy, Yüsüp Hashajip, Jalaliddin Rumi Chiqqan! Talash-Tartishsiz we Shek-Shühbesiz Yolimiz Abduqadir Dewmullam, Abduxaliq Uyghuri we Memtili Ependilerning Yolidur! Hey Uyghurlar Dinchi we Jahalet Pirliri Eng Axirqi Dewlitimizni Wehshiy Buddistlargha Munqeriz Qiliwetkendin Buyan’gha Mustemlike we Ishghal Astidin Qurtulalmay Kéliwatqanliqimizni Ésimizdin Chiqartmasliqimiz Lazim! Awal Bediwiy Mongghullargha, Andin Yawayi Zhunggharlargha, Andin Wehshiy Manjulargha, Andin Insaniyetning Ortaq Düshmini Bolghan Insapsiz Xitaylargha Mustemlike Bolup Qalduq! Tarixiy Shan-Sheripinmzni Eslige Keltürüsh, Tekrar Xataliqlarni Ötküzmeslik Üchün Üchün Awal Pelesepe Ügünüp, Özimizni, Millitimizni, Medeniyitimizni we Dinimizni, Shundaqla Dost we Düshminimizni Yéterlik Tonuyli!!!

K.U.A

13.07.2022 Germaniye

☆☆☆☆☆

Uyghurda “ Özini Sorighan Sheher Soraptu“ Digen Hikmet Bar!

Ustaz Aristoteles toghra, deydu. Özini sorash Insanlargha nesip bolidighan eng chong ghelbelerning biridur! Bilish Tereqqiy Qilish we Qudret Tépishning Tüwrükidur!

Mewlane Jalalidin Rumiy „Bilish Senniti Eng Awal Qobul Qilishqa Tégishlikler Bilen Ret Qilishqa Tégishlik Bolghanlarni Etrapliq Tonush we Jiddiy Halda Periqlendürüshtin Bashlinidu!,-Dep Éyitqan.

Démisimu Bilish Üchün Eqil-Paraset Kirek Bolidu.Özining Eqil-Parasitini Heqiqiy Shekilde Ishlitishni Bashlighanliq Bir Ömür Axirlshqandin Keyin Yip- Yéngidin Bir Hayatni Qaytidin Bashlighandinmu Qimmetliktur!

Bilishni Dawamlashturush Hürlükning Belgüsidur! Bilim Élish Éqil we Exlaqning Ipadisidur!

Aqil Insanliridin Ayrilip Heriket Qilghan Bir Jemiyetning Emeldarliri Xurapatliq we Nadanliqning Qurbanigha Aylinip, Zidiyetlerdin Qurtulush Üchün Bir Ömür Dötlük we Axmaqliq Bilen Mujadile Qilidu!

Shunga dangliq peylasop Gerorge Orwell “ Bir Millet Özining Tarixini untup, eneniliridin waz kechkende zawal tapidu,“_ dep toghra éyitqaniken.

K.U.A

☆☆☆☆☆

Awal Milliy Teshwish we Endishiliridin Xaliy Bolghan Mehkum Milletler Uzaqqa Qalmay Hür Bolidu! Uyghurlarda „Ya Ölüm, Ya Körüm“ Deydighan Hikmetlik Bir Söz Bar! Xayinlar, Milliy Munapuqlar we Weten Xayinliri Kolliktip Éngimizdiki Bu Ulugh Iddiyeni Düshmen Bilen Birliship Turup Untulduriwetti!

Küchlük Ademler Éghir Künlerde Özini Tutiwalidu, Jiyle Bolghanda Iradisini Küchlendüridu, Japaliq Küresh Qaynamlirida Özlirining Jasaretini We Qehrimanliqini Namayend Qilidu!,-Digeniken

Peylasop Thomas Paine.

Biz Gheplet Uyqusidin Oyghunup Özimige Kélishimiz Lazim!!! Uyghurlar Asilqanliq Bir Millet! Uyghurlar Tarixtaki Shanu-Shewkitige Yarisha Yashashqa Layiqtur! Baldurla Xitay Tajawuzchilirining Aldam Xaltisigha Chüshmesligimiz Lazimidi! Biz Uyghurlargha Üchünchi Bir Yol Yoq, Hélimu Kech Emes, Ya Hür Yashishimiz Kirek, Ya Qarshiliq Körsütüp Kolliktip Halda Qirilip Tarix Sehnisidin Nomus we Sheripimiz Bilen Yoqilishimiz Lazim!

-Yunan Peylasopi Sokrates

Güzellik Bilen Rezillik Ottursidiki Küresh Toxtimay Dawamlishidu.

Rezillikke Qarshi Küresh Toxtimay Dawamlishidu. Reziller Dunyasigha:

Dunyada Seni we Millitingni Özenglarning Tebiyet we Xaraktér Jehettiki Tughma Ajizliqinglardek Rehimsizlik Bilen Wehshiylerche Öltüridighan Yene Bashqa Bir Qatil Yoq! Diqqet Qilinglar Hey Zulumkar Mexluqlar, Uchuwatimiz, Dep Oylighan Chéghinglar Birlikte Öliwatqan Waqtinglardur!- Digüm Kélidu!

K.U.A

☆☆☆☆☆

Awropaliqlardiki Eng Eghir Nerse Bilim, Yaponllardikisi Eqil, Americaliqlardiki Küch, Emma Bu Xitaylardiki Eng Eghir Nerse bolsa qursaqtiki poq, Xalas!

Bir Shexis, Bir Jemet we Bir Millettiki Küch Milliy Qediriyetlerni Pilanliq Muhapizet Qilish Ötkülidin Ötidu. Dunyada Rabdin Bashqa Hemme Nersining Qusuri Bar! Qusur Exletke Oxshaydu, Exletlerge Kömüglük Altunlarni Qizip Chiqirish Arqiliq Bir Milletning Kélichikige Yol Hazirlighili Bolidu. Milletning Eqliy Jehettin Yoruqluqqa Chiqishi Üchün Pem-Paraset Kétidu!

Diqqet Qilip Qaraydighan Bolsaq, Bir Millet Süpitide Nadan we Ajizliqimizdin Dunyada Eng Qimmetlik Dep Qaralghan Nersilerning Bizdin Shunche Uzaqliship Kétiwatqanliqini, Bizni Yoqsizliq, Ajizliq we Muhtajliqqa Ittiridighan Nersilerge Xuddi Exlet Astida Qalghandek Kömülüp Yashawatqanliqimizni Hés Qilimiz! Bu Rezalet Bizni Weyran Qildi! Qurtulush Yoli Ilim-Pen Yolidur!

K.U.A

☆☆☆☆☆

Sir Saqlash Meselisige Kelgende Qesten Diwenglik Qilish, Aqilliq Qilgangha Qarighanda Téximu Yaxshi Rol Oynaydu!

-Yunan Peylasopi Heraklitus

Bashqilarning Eyipige Kelgende Sir Saqlash Tengrining Öp-Öz Iradisidur! Sirlar Alemlerning Yaratquchisiha Tewedur! Sir Saqlashqa Kelgende Quluqingni, Közüngni, Aghzingni, Tilingni, Qolangni we Putungni Untup Ket! Allah Séni Hem Dost-Düshmen Aldida Rezil-Reswa Qilmisun!

Qusurlirimizni Yépip, Eqil Ishlitip Artuqchiliqlitimizdin Birlik, Ittipaqliq we Hemkarliqtin Peyda Bolidighan Milliy Musteqilliqni Ishqa Ashurayli!

Düshmen Xitaylar Uyghurlarni, ÖzAra Eyipini Achturush Arqiliq Parchilap, Parlaq Kélichigini Yoq Qiliwatidu!

Bu Xitaylar Küchlük we mert Bolghan Bolsa Özidin Ming Hesse kichik Uyghurlarni buzek qilmayti! Uyghuristan Xelqi Parchilinip Ketishning Ziyinini Tartiwatidu. Bu Ishni Xitaylar Kelzürüp Chiqardi. Xitay Sewebidin Uyghurlarning Ishi Tes Boldi.

Dunya Xitaydin Ibaret bu pesende Milletni Uyghurlar Arqiliq toniwelip bek yaxshi qildi.

Bizge Milliy Qurtulush Kerek, Xitaylar Kolliktip Halda Eghir rohiy kiselge giriptar Bolghan, yer Yüzidiki benzerini tapqili bolmaydighan Namert bir Yawayi Millettur! Xitaylardin Qurtulush Üchün, Uzaqqa Sozulghan Istixiyelik Qarshiliq Körsütish Emes, Pilanliq, Pitogrammiliq we Sistemiliq Bir Heriket Lazimdur!

Biz Rabbimiz Yaratqan Barliq Sheyiler we Mexluqatlarni Uninggha Bolghan Cheksiz Hürmetimiz we Cheksiz Söygümiz Sewebidin Layiqida Qedirlisek, Beshigha Kelgen Yaxshiliqlardin Söyünip, Yamanliqlardin Ökünelisek, Bu Dunyada Herqandaq Meqset we Muratlirimiz Bolsa Yétip, Yene Bir Dunyada Shühbesizki Bir Pütün Millet Süpitide Jennettin Nisiwemizni Alimiz!,-Deptiken

Teriqet Pishwasi Rabbi Harold Kushener.

Xitaylarni yoq qilish Üchün Uninggha Qarshi Eng yaxshi qural, yenila Xitay Tajawuzchilirining Milliy xarakteridur!

K.U.A

Büyük Türkistandiki Qanqérindashlargha Murajet!

☆☆☆☆☆

Allah sizlerge yeni Türkistandiki yash Türki Jumhuriyetlerdiki xeliqlerge sening we mening emes, Bizning deydighan zihniyet ata qilsun.

Qérindashlar bir birige düshmen bolsa, aqiwitining qandaq bolidighanliqini kichik balimu bilidu hazir!

Siler birbiringlar bilen ep ötmisenglar, silerning meselenglarni hel qilish üchün üstünglargha düshmen milletler qural kötürüp kelidu!

Kichikinglar chonglarning bayriqi astida Séning mening dimey yashanglar.

Bir biringlar bilen ayrilish emes, birlishish terepke qarap pilan tüzünglar!

Bugün Uyghuristan xelqining béshigha kelgen yaman künler, erte silerning béshinglarghamu kelmisun.

Türkistan Xelqi bir ailedur. Bir ailidiki birlik we Ittipaqliq küch, ayrilish bolsa meghlubiyettur!

K.U.A

☆☆☆☆☆

Herqandaq Tirishchanliqim Boshqa Chiqmisun, Diseng Yaxshi we Terbiye Körgen Ademler Bilen Yasha! Eski Bilen Teng Bolimen, Dep Zinhar Aware Bolma! „Poqqa Chalma Atsa Yüzge Chachraptu“ Deptiken Ilgirki Ejdatlirimiz! Eski, Terbiye Körmigen we Döt Ademlerdin Yiterinche Uzaq Tur, Bundaqlargha Herqandaq Chare-Tedbir Kar Qilmaydu!

Bezi Murekkep Meselilerni Bir Terep Qilish Heqqide Yunan Peylasopi Pythagoras „Süküt Qilishni Adetke Aylanduriwalghin! Bashqilar Meniwiyitingdiki Bu Sirliq Timtasliqni Oqusun we Xalisa Öz Aldigha Tebligh Qiliwalsun!“ Digeniken.Segmud Freudning Eskertishiche Jemiyettiki 90%Din Artuq Adem Oxshimighan Derijide Rohiy Kiseldur. Undaqken, Ishlar Exlaq, Qanun we Örpi-Adetler Bilenla Pütmeydu. Milyonlighan Kiseller Arisida Xuddi Déngizda Dolqun Téyiliwatqandek, Tik Qiyalar Arisidiki Qarliq Jiralarda Muz Téyiliwatqandek Yashawatimiz!

Köp Hallarda „Saranggha Sot Yoq,“ Digenni Bir Minutmu Ésingdin Chiqarma! Kardin Chiqqan Ademler Bilen Orashsang, Özengninu Kardin Chiqiriwalisen!

Büyük Ustaz Albert Einstein: “ Nigatif Kishilerdin Yiraq Tur, Ular Herqandaq Qilghan Bilenmu Eybashqa Kelmeydu,“ Dep Toghra Éyitqanken! Haywanlardinmu Better Bolghan Mexluqatlardin Teshkil Tapqan Jemiyet Xuddi Rezillikler Dolqunlap Éqiwatqan Bir Déryaghala Oxshaydu, Üstide Pem we Paraset Bilen Üzüshni Bilmiseng Nijaset Qaynimida Halak Bolisen!

K.U.A

☆☆☆☆☆

Hichkimmu Nadan, Qaraqirsaq we Axmaqlarning Tenqitliridin Téximu Shiddetlik Tenqit Qilalmaydu! Bu Tiptiki Metular Ishning Ong Tetürini Anche Periqitelmeydu! Adil, Pidakar we Semimiylikni Kamchiliq Dep Qaraydu! Dayim Bilimge Emes, Xurapatqa Tayinip, Birtereplime Nigatip Halda Pikir Qilidu!

-German Peylasopi Ludwig Feuerbach

☆☆☆☆☆

Adem Ewladi Körgen Barliq Yaxshi we Yaman Künliringning Asasliq Sewepchisidur! Awal Dost we Düshmenni Emes, Özimizni Özimiz Teqdirlishimiz Yaki Sotqa Tartip Jazalishimiz Lazim!

Biz Uyghuristan Xelqi Qettiy Qul bolmasliqimiz lazim!!! Zulum we Zorluq Astida Tiz Pükkenlik Qulluqqa Razi Bolghanliqtur!!!

„Heq we Adalet Üchün Zulum we Zorluqqa Qarshi Jénimiz Chiqip Ketken Teqdirdimu Awazimizni Yoquri Chiqiralisaq Andin Qul Emes Bir Hür Adem Hésaplinimiz! Eger Dunya Miqyasida Hemmimiz Ene Eshundaq Qilalighan Bolsaqiduq Uhalda Yersharimiz Tépilghusiz Bir Jennetke Aylinip Kétken Bolatti!!!“ Digen Iken Englischlarning Meshhur Yazghuchisi William Faulkner.

Bir Milletning Teqdirimu Shexisning Yaki Qewimning Teqdiridek Bolidu! Sheksizki Uyghurlarning Bügünki Béshigha Kelgen Éghir Tiragédiyelerning Jawapkari Yenila Eng Bashta Uyghurlardur!!!Chünki Biz Zulum, amustemlike we Ishghalgha Jiddiy Bir Shekilde Qarshi Turalmay Qalduq!!!!

K.U.A

☆☆☆☆☆

Tarix Yene Tekrarlinishqa Bashlidi

-Tariximizda Hés Qilalmighanlarimizni, Tariximizdin Ügüniwatimiz!

-German Peylasopi Friederich Hegel

☆☆☆☆

Her Qétim Ishlar Uyghuristan Xelqining Paydisi Terepke Örülgende, Dunyada Kütülmigen Bir Ishlar Bolup, Hadisiler Xitaylargha Paydiliq Bolup Kétiwatidu! Yene Shundaq Boldi! Uyghurlar Yene Tuyuq Yolgha Kirip Qaldi! Xuddi Neqismetki Pütüshiwalghandek Uyghur Jemiyitidiki Passip Küchler Bilen Aktip Küchler Ebgah Qiyapetke Kiriwélip, Milletni Qaymuqturup, Milliy Herkitimizge Birlikte Éghir Ziyan Sélishqa Bashlidi! Eslide Undaq Bolishi Natayinidi! Shundaq Qilishqa Millitimiz Yoshurun Halettiki Düshmen Küchler Teripidin Pilanliq Türde Mejburliniwatidu. Biz Emma Hemme Bexitsizlikler Özlikidin Boliwatidu, Ilahiy Teqdirimiz Shundaq Oxshaydu, Dep Xata Oylap Qiliwatimiz!

Bashqilar Dayim Séni Özining Tarazisi Bilen Tartip, Özining Metiri Bilen Ölchep, Özining Alqini Bilen Ghérichlap Baqidu! Özliriche Sanga Baha Bérip Xijalet Qilidu, Nomusqa Qoyidu, Azaplaydu we Derghezep Qilidu! Sen Ularning Dépigha Ussul Oynap, Özengni Özeng Putap Tügeshtüriwétisen! Yaman Gherezlik, Niyiti Buzuq, Körelmes, Ichitar we Hesetxorlar Sanga Qarap Özining Jinayitini Xuddi Ulugh Ish Qilghandek Xatirlep Chiqishidu! Ular Bizni Atalmish Gholghunning Közi Bilen Körüp Toghra Oquyalmighanda, Her Türlük Rezil Chare-Tedbirlerge Bash Urup, Séni Chüshüniksiz Tllar Bilen „Terjime“Qilip Sanga Zerbe Béridu! Gherip Dunyasining Epsane-Riwayetliride Zombiy Deydighan Bir Mexluq Bar, Bexitsizliktin Zoqlinidu, Qan Bilen Ozuqlinidu, Köz Yéshi Bilen Ussuzliqini Qanduridu! Bu Zombiy Digen Mexluq Türkistanliqlarning Éghiz Edebiyatidiki Yette Bashliq Yalmauzgha Bekla Oxshaydu! Arimizda Bundaq Zombiylar Yeni Wehshiy Yalmauzlar Köp, Téxi Qan we Yilik Shorighuchi Jadiger Momaylarmu Bar! Biri Ketse Biri Kélidu, Biri Ölse Yene Biri Tirilidu! Bu Rezil Kuchlerge Taqabil Turushta Irade we Jasarettin Bashqa Yene Chingtömür Baturning Shemshiri, Oqyasi, Neyzesi, Qalqini, Gep Qilalaydighan Hemde Gep Angliyalaydighan Dulduli we Eqillik Kapkap Küchiki Dayim Kirektur!

Uyghuristan Xelqining Siyasiy Teqdiri Barghanche Tarixta Körülüp Baqmighan Derijide Murekkepkiship Ketti! Bu Ish Bugünning Perdiside Tekrar Dawamlishidighan Kalla we Paqalchaqlarning Tirishchanliqi Bilenla Pütmeydu! Uyghuristanda Dewlet Qurush Dinamik Shekilde Chongqur Oylash, Qedem Basquchluq Halda Murekkep Tepekkur Qilish we Toxtimay Yéngilinip Tutidighan Chare-Tedbirlerge Baghliqtur! Yighinchaqlighanda Bizge Yüksek Eqil-Paraset Kirek Boliwatidu!!!

K.U.A

20.06.2022 Germaniye

Jennet we Dozaq Hemde Hayat we Ölüm Heqqide!

☆☆☆☆☆

Bezen Uchrushushlar Bar Xisletlik, Bezen Uchrushushlar Bar Lenetlik! Adem Atam Bilen Hawa Anamning Uchrishishi Xisletning, Adem Atam Bilen Hawa Anamning Sheytan Bilen Uchrushishi Lenetlik Bir Ish Idi!

Sheytan Yilan Süritige Kirip Ulargha Tepekkur Méwisidin Yigüzüp, Ularning Eqil Közini Échiwetti! Ata-Animiz Jennette Ebediy Qalghan Bolsa, Béshimizgha Bundaq Köp Tiragédiyeler Kelmeyti we Bizmu Hazirqidek Küchiyelmestin Barghanche Ajizlap Barghan Bolattuq!!!

Adem Atam Bilen Hawa Anam Jehettin Qoghlinip Qeyerge Sügün Qilindi? Dozaqqamu! Yaq! Yersharigha!

Dimek Dunyada Jennet Bilen Dozaqlam, Hayat Bilen Ölümlam Yoq! Xuddi Jennet Bilen Dozaqtin Tashqiri Pilanitlarmu Bar Bolghandekla, Hayat we Ölümdin Bashqa Biz Insanlar Téxiche Tesewwur Qilipmu Baqmighan Yene Nurghun Mawjutluq Sehnilirimu Bar Bolishi Mumkin!!!!

Allahning Qehri-Ghezipige Duchar Bolghandin Kéyinki Hayat Biz Insanlarni Tawlap Chiqti!

Tewrat, Zebur, Injil we Qurandin Lewhul Mehpuzghiche Bolghan Kitaplardin Ejdatlirimizning Shanliq Hayatini Körüwatimiz!

Eger „Her Ishta Bir Xeyir Bar.“- Digen Söz Samawiy Kitaplardin Élinmighan Bolsa Hichqandaq Shühbesiz Bir Ewliyaning Sözidur!!!

Toghra, Bezen Ademlerni Körseng Ya Rabbim Bu Rezil Insan Bilen Méni Uchrashturghidek Qandaq Gunah Ishligen Bolghiydim, Méni Kötülerning Sherridin Qoru,- Diseng, Yene Bezi Ademler Bilen Uchrashqanda Bolsa Senki Eng Yéqinliringning Biri Bilen Uchrashqandek Hozur we Rahetlilik Ichide Qalisen. Öz Özengge „Way Allah Bu Adem Nime Digen Isil, Xudiy Altun we Jawaratqila Oxshaydu, Kashki Ata-Anamdek, Yéqin Xiyishi-Aqrabelirimdek, Bir Qarin Qan-Qèrindishlirimdek Hemde Jan-Jiger, Semimiy- Sadiq Dostlurimdek Hetta Ghemguzar we Qutqazghuchumdek Qilidu,-Méni Hichzaman Ulardin, Ularni Mendin Ayrima,“- Deysen Ichingde. Yaman Yéri Riyalliq Köp Hallarda Arzu-Armanlargha Boysunmaydu! Hesh Pesh Digüche Waqit Ötüp Kétidu, Hayat Ötüp Kétidu. Bir Qarisang Etrapingdiki Sen Eyni Zamanda Qedrige Yetmigen Tépilghusiz Derijide Muhim Bolghan Hemme Nerse Xuddi Chüsh Körgendek Birdinla Yoq Bolup Kétidu! Izdepmu Hich Bir Yerdin Tapalmaysen! Hey Issit,-Depla Qalisen! Yash Töküsen, Özengge Kayiysen, Saddiliqingdin Ökünisen, zinhar we Zinhar Eslige Kelmeydu! Mana Bu Séning Hayat Digining! Hayatning Güllirimu, Tikenlirimu Söyümlik! Shunga Hayatqa Toymaysen, Chünki Rezilliklerdin Bilim we Tejiribe Alsang, Güzelliklerdin Xatirjemlik we Shad-Xuramliq Tapisen!!!

Tiriklerdin Ölüshni Xalamsiler? – Dep Sorighan Iken.

-Yaq,-Dep Jawap Bèrishiptu.

Ölüklerdin:

Tirilishni Xalamsiler-Dep Sorighaniken.

-Yaq,-Dep Jawap Berishiptu Birsimu Qalmay!

Kiche Bolmighan Bilsa, Kündüzning, Qish Bolmighan Bolsa Yazning, Rezillik Bolmighan Bolsa Güzellikning Qimmitini Bilmeydikenmiztuq! Buninggha Qarap Ulugh Tengrimizning Qudritige Qayil Bolmay Turalmaymiz! Biz Insanlarning Herqandaq Mexluqlardin Üstünlik Qazinishimizda Sheytanning Yaxshi Roli Boluwétiptimu Yaki Yaman?! Buninggha Öz Eqlingiz Bilen Qarar Béring Artuq!

Xulase Kalam: Yaxshiliq Altun’gha, Yamanliq Bolsa Del Nejasetke Oxshaydu! Yamanliq Ochuq Yaki Yepiq Halette Bolsun Beribir Yaman Aqiwet Keltürüp Chiqiridu! Bextiyar Bolay Diseng Yaxshiliq Oyla! Ichingdiki Yaxshiliq Qelbingdin Chirayinggha Chiqsun!!! Yaxshiliqning Köchetlerini Tik, Her Ikki Dunyada Ewlatliring Bilen Yaxshiliqning Méywisini Yep, Yaxshiliqning Baghchisida Yasha!!!

K.U.A

26.06.2022 Germaniye

☆☆☆☆☆

Özengge Yarighan Xangha Yaraptu, Digen Gep Bar! Shunga Hayattiki Shexiske Ayit Ishlarda Özeng Tallighan Yolni Hichkishige Berme! Her Adem Méngiside Bashqilarning Emes, Özining Hésabi Boyiche Axirqi Qararni Bérishke Tamamen Hoquqluqtur! Emma Qarar Chiqarmaq Undaq Asan Emes, “ Özemni Chaghlimay Shilting Attim, Palasqa Yögünüp Hepte Yattim“, “ Özem Tapqan Brlagha, Qayge Baray Dewagha Digen“ Hikmetlik Sözimizmu Bar!!!

Her Ishning Waqti-Saiti we Eqilge Uyghun Bolghini Ewzeldur!!!

Yunan Peylasopi Epiktetus

☆☆☆☆☆

Hey Xalayiq, Bashqa Insanlar Üchün, Hetta Biz Bilgen Hemde Bilmigen Barliq Mawjudat we Mexluqatlar Üchün Semmiy Köngül Bilen Yaxshiliq Tilimeydighan we Yaxshiliq Qilmaydighan Adem, Aile, Jemet, Millet Hetta Uluslarningmu Ishliri Tetürisige Méngip Kétidu!

☆☆☆☆☆

Tereqet Pishwasi Rabbi Harold Kushener „Biz Rabbimiz Yaratqan Barliq Sheyiler we Mexluqatlarni Uninggha Bolghan Cheksiz Hürmetimiz we Cheksiz Söygümiz Sewebidin Layiqida Qedirlisek, Beshigha Kelgen Yaxshiliqlardin Söyünip, Yamanliqlardin Ökünelisek, Bu Dunyada Herqandaq Meqset we Muratlirimiz Bolsa Yétip, Yene Bir Dunyada Shühbesizki Bir Pütün Millet Süpitide Jennettin Nisiwemizni Alimiz! – Digeniken.

Hey Eziz Milletim Siler Yaqturghan we Yaqturmaydghan Sheyi we Hadisatlarning Hemmisini Xudayim Yaxshi Körüp Yaratti. Rabbim Ibret Bolsun Dep Rezilliklerge, Örnek Bolsun, Dep Güzelliklerge Hamiyliq Qilidu! Yaxshiliq we Yamanliq, Xeyir we Sherning Sahibi Alemlerning Perwerdigaridur! Quranni Oqunglar, Küchünglar Yetken Derijide Emel Qilinglar, Emma Heddidin Ashuriwetmenglar! Manga we Millitimge Yaxshliq Kelsun, Ishlirimiz Ongdin Kelsun, Dep Oylisanglar Awal Özenglar Bash Bolup Muhtajlargha Yardem Qilinglar, Wetininglar we Milletinglargha Ige Chiqinglar We Yene Ériq, Din, Millet we Kultur Ayrimichiliqi Qilmastin Bashqilargha Yaxshiliq Oylanglar we Qolunglardin Kelishiche Barliq Küchünglar Bilen Yaxshiliq Qilinglar!!!!

K.U.A

28.06.2022 Germaniye

Uyghur Millitining Kiyim-Kichekliri we Sehne Jabduqliri Heqqide:

Hazir Sehnilerde we Kitap Jornallarda Uyghurlarning Dep Teswirliniwatqan Bezen Bir Kiyim-Kichekler Uyghurlarning Milliy Medeniyitige Hergizmu Ayit Emestur!!!

Uyghur Medeniyitini Taza Yaxshi Chüshenmeydighan Ademler Nurghun Iqtisadni Israp Qilip, Milliy Kiyim-Kicheklerni Lahiylese Uyghur Uyghurni Mesxire Qilidighandek Külkilik Nersiler Otturgha Chiqidu!

Uyghur Kiyim-kicheklerini Biz Uyghurlarning Tarixiy Riyalliqigha Uyghun Lahelishimiz Lazim.

Tarixtiki Qiyapetler 4 Türge Ayrilidu.

1- Padishahning Qesir Saraylirigha Ayitliri,

2- Awam- Puqralarning Kündülik Turmushigha Ayitliri

3- Uyghuristan Tatixidiki Milliy Eskiri Qiyapetlerge ayitliri ..

4- Uyghurlarning Toy-Tökün, Ölüm-Yétim we Héyit-Vayramlirigha Ayit Murasim Kiyimlirige Ayitliri…

Uyghur Qiyapetlirini Layiligende Islamdin Ilgirki, Keyinki we Yéngi Zamandiki; Padishah, Beg Emeldar we Yurt Kattillirining, Peqir, Puqra, Hünerwen we Kesip Igillirining, Ziyali we Déhqan- Charwichilarning Dep Ayrish Lazim!

Padishahni Rawapchi, Xanishni Reqqas, Melikeni Kénizek, Hürni Qul Qilip Teswirlep Qoymasliq Lazim! 10 Ming Yil Awalqi Tengriqut Oghuz’haqanni Abdureshit Han, Babur Han we Emir Tömürdek, Qutluq Bilge Hanni Sultan Satuq Bughrahandek, Bayni Kembighel, Kembighelni Aqsöngektek Teswirlep Qoysaq Qettiy Bolmaydu! Qiyapetlerdiki Izchilliq we Milliylikni Gewdilendürüshimiz Lazim!

UKM

☆☆☆☆☆

Oqughan, Emma Alghan Bilimini Hezim Qilip Oyliyalmaydighan, Oylaydighan, Emma Resmiy Halda Oqumighachqa Tepekkur Qilalmaydighan Ademler Oxshashla Uyghur Jemiyetige Dayim Ilgirkidekla Éghir Yük Bolup Keldi!

Ügünish Peqet Bilim Élip Qoyushla Emes, Belki Nimini Qilip, Nimeni Qilmasliqni Bilishtur!,-Digeniken Meshhur Rohaniy Ustazimiz Mawlana Jalaliddin Rumi Hezretliri.

Toghra Bilim Élipla Qoyup Hezim Qilalmighan Ademler Oxshashla Oqumighan Ademlerdekla Nadan Kélidu! Nadan Ademler Kördur, Tilsizdur, Gastur, Eqilsizdur, Sarangdur! Nadan Ademler Bilen Musape Qoyup Alaqidar Bolush Lazim. Jemiyet Oqughan we Oqumighan Nadan Ademler Bilen Tolghan. Bu Jemiyetning Ongi we Solini Bilip, Telwileshken Dolqunlarini Yérip, Béshigha Dessep Hayatliq Üchün Küresh Qiliwatqan Qeyser Déngizchidek Yashash Ayrim Bir Sennettur!

K.U.A

12.07.2022 Germaniye