Yazarmen: Kurasch Umar Atahan
☆☆☆><☆☆☆
Bilgilik Bolush Digenlik Hayat Mushaqetliridin Shikayet Etmeydighan Bolush; Bolghan Ishlarni Bolghan Péti Étirap Qilish Digenliktur!
☆☆☆><☆☆☆
Eger Hayatimizni Téximu Menaliq Ötküzüshni Xalisaq, Özimizni bilim arqiliq yéngidin qurup chiqishni bilishimiz lazim elbette!
☆☆☆><☆☆☆
Weten we Millet söygüsi qurghan bir dewletni heqqaniyet we adalet dawamlashturidu!
☆☆☆><☆☆☆
Insan eger birer ishni qilish mejburiyitide qalmighin muddetche ishning eng asinini tallap heriket qilidu!
☆☆☆><☆☆☆
Birer ghaye üchün qattiq intizam ichide heriket qilish, meshghulat bilen meshghul bolghan shexisni, axiri shu ishning heqiqi ehlige aylanduridu!
☆☆☆><☆☆☆
Senin élin´ghan herqandaq nersidin üzülme; Unerse eger sanga mensup bolsa idi bashqilargha nesip bolmasidi.
☆☆☆><☆☆☆
Insanlar bezen bir tesedüpiliq bilen güzel ishlarni qilidu; Bezide bu güzel ishlarni ixtiyari shekilde emes mejburlan´ghachqa qilidu; Öz ixtiyarlighi bilen emes, Mejburlash arqiliq qilin´ghan güzel ishlarning aqiwitide otturgha chiqqan güzel aqiwet axirqi hésapta yaxshiliq keltürmeydu.Bundaq ishlar insanlargha bexit qaynighi bolalmaydu.
☆☆☆><☆☆☆
Herqandaq nerse özligidin yoq bolmaydu; Éger rastinla yoq bolghan bolsa esla bar bolmayti.
☆☆☆><☆☆☆
Bilgilik yeni danishmenlik eng mukemmel nersining, eng mukemmel bilim bilen bilin´genligining aqiwitidin bashqa nerse emestur!
☆☆☆><☆☆☆
Dimekki hayatni mukemmel menalargha toldurush we mukemmel bir shekilde yashighanlighini namayand qilish we étirap qildurush üchün insanlar insanlar bilen yashashqa we ular bilen alaqidar bolushqa mejburdur!
☆☆☆><☆☆☆
Bizde Söygen Üstün we Güzel Emes, Belki Söyülgen Üstün we Güzeldur!
☆☆☆><☆☆☆
Bizde bir ishning exlaqiy ikenligini bilip turup, uninggha exlaqi derijide muamile qilalmighan kishiler, Bu ishning exlaqiy ikenligini bilmey turup, uninggha exlaqiy muamilide bolghan hangbaqti kishilerdin üstündur!
☆☆☆><☆☆☆
Eng bashta toghrani bilish sherttur, Toghra biln´gende xata özligidin otturgha chiqidu. Emma deslepte xata bilin´gen bolsa toghrigha ulashmaq bes müshküldur!
☆☆☆><☆☆☆
Yaxshi bir adem ölgende uning üchün yighlimanglar; Eslide yighlashqa layiq we kishinini échinduridighanlar yenila yaxshi ademdin ayrilip qalghan bayqushlardur:
☆☆☆><☆☆☆
Erdemlerning eng üstüni yenila bilimdur.
☆☆☆><☆☆☆
Hichqandaq bir ish özige özi sewep bolalmaydu; Özige sewep bolghini yüz bergen ishtin iligiri bar bolghan bolidu.
☆☆☆><☆☆☆
Adem bar bolushi lazim bolghan sheyining yoq bolishining alamitidur.
☆☆☆><☆☆☆
Namrat, Qalaq we Xurapi Sheherning xelqi, meniwiy jehettin arqida qalghan insanlardin teshkil tapqandur!
☆☆☆><☆☆☆
Rahet-Paraghetlik hayat sürmekni xalisingiz mal padisigha oxshaydighan awamgha yéqin turung we arisida özingizni untung!
☆☆☆><☆☆☆
Barliq kélichekke ayit bolghanliri xiyali dunyadiki nersilerdur; Muhimi hazir arzularning dunyasidikidek yashashtin ibarettur!
☆☆☆><☆☆☆
Qilin´ghan xatalarning pishmanlighi waqitning ötüshi bilen kécher, Emma pishmanda qalimen dep qilmighan ishlarimiz ömür boyi hesret we nadamet bilen sürer!
☆☆☆><☆☆☆
Taley we Zeper Aqil we Qehrimanlardin Ürker, Axmaq we Qorqunchaqlarni Izer!
☆☆☆><☆☆☆
Dunyadiki sennetlerning hemmisi tebiyet möjizelirining teqlididin ibarettur!
☆☆☆><☆☆☆
Özi toghra digen jayda özi bilen tewrenmey turush we Ishench bilen meghrur yashashni bilish kamaligha yetkenlik, küchlük Irade we xaraktér igisi bolush digenliktur.
☆☆☆><☆☆☆
Erdem insanlarning özini bilishi bilen bashlar!
☆☆☆><☆☆☆
Insanning étiqadi qandaq bolsa chüshenchleri we tawranishliri shundaq bolidu; Ademning chüshenche we ijrahatliri nime bolsa hayatimu del shuning özidur!
☆☆☆><☆☆☆
Saadetmen bir hayat, hayatning heqiqetlirige ich-ichidin mehkem baghlan´ghan bir hayattur!
☆☆☆><☆☆☆
Qelib hichbir organdin emir almaydighan birdinbir Emir organdur. Qelibdin qalsa Kalla kélidu. Bedenning Kalla qismigha jaylashqa Mingemu Emir organdur, Emma Emirlik salahiyiti jehettin Mingening yéri ikkinchi orundadur! Nitekim kalla qelibning emirlirige uyar we bashqa organlargha emir birer! Chüni minge axlaqi jehettin qelib üchün xizmet qiladur.
☆☆☆><☆☆☆
Janliqlarning bedenlirining bir-biridin periqliq bolghinigha oxshashla, Rohlirimu bir birige oxshimaysu we bu halet sonsizgha qeder dawamlishidu.
☆☆☆><☆☆☆
Adem özige hichqandaq bir tereptin payda keltürmigen, özlirini insan chaghlaydighan bir mal sürisidin uzaqliship yashashni bilishi kérek.
☆☆☆><☆☆☆
Sheher ahalisi bir milletning shu dewlette yashawatqan garajdanlirining bir parchisidur; Millet bolsa özi yashawatqan dunyadiki Insanlarning bir parchisidur! Shundaq iken, u sheher we dewletning exlaq, erdem we pezilet igisi bolishi üchün Peylasoplargha ihtiyaji bardur! Alimlar, Ölimalar, Yazghuchi-Shairlar, Sennetkarlar Jümlidin Peylasoplar bolsa bir sheher yaki melum bir dewletning omurutqisidur!
☆☆☆><☆☆☆
Özini yaki yéqin we yoruqlirigha qarshi turghan reqiplerni yenggen adem, eng yaramliq we bexitlik ademdur!
☆☆☆><☆☆☆
Her qelibni özining hesret we nadametliri, teshwish we iztirapliri qaplap turidu; Shunga uni özidinmu artuq bilimen dep hergiz xam-xiyal qilmanglar.
☆☆☆><☆☆☆
Zamanning qilishqa tigishlik eng ehmiyetlik ishi, Hel bolmighan ishni pirqiritip bir kanargha atmaq; Suni éqishigha, Tükni yétishigha silap qoymaqtin ibarettur! Qoy undaq yarimas tughu, pikir we emellerni, bizni iztirapqa boghqan chüshenchilerni yer yutsun; Beden we Rohingiz tebiyettin küch élip, janlansun we hozur ichide sakinleshsun!
☆☆☆><☆☆☆
Insan oghlining köpünche wapasiz, riyakar, achköz, nepsaniyetchi ikenligini unutmaslighimiz lazim.
☆☆☆><☆☆☆
Baliliqtiki tiragédiyelik sergüzeshtiler insanlarning özini yaxshi körgen ademlerdin uzaqliship, Söygü we Muhabbet üchün sizni éghir bedellerni töletken we hayatingizda sizge eng éghir ziyanlarni salghanlarning arqisidin yügürgen bir ademge aylinip qélishigha sewep bolup qélishi mumkin.
☆☆☆><☆☆☆
Insanning üch baylighi bardur: Güzel exlaq, Söygü we Erkinliktur!
☆☆☆><☆☆☆
Kashki Insanlar heq-nahetqni periq qilalighan bolsa, Kashki insanlar xatadin waz kéchip, toghra terept turghan bolsa, Kashki insanlar rezilliktin waz kéchip güzellike mayil bolghan bolsa, Kashki ademlerni toghraliqqa yitekleymen dep ikkide bie enenilirimizni, qayide we yosunlirimizni özgertishke orunmighan bolsaq iduq…
Muellisep emdi heqiqetlerni bizge éghir bedellerni tölitip ügetkenlerning arisida yürüp, heqiqetlerge qarap kétiwatimiz!
☆☆☆><☆☆☆
Eslide eng qimmetlik bolghini Ulugh ghayiler yolidi putlushup yiqilghan, yarilan´ghan we halsirighanliq emes, Yiqilghan yéridin des turup, yaralarni téngip, chishini chishlep yolni dawam qilish rohidur!
☆☆☆><☆☆☆
Üstün mertiwelerdin kelgen Bextiyar hayat peziletlik ish we heriketlerdin awaldur; Toghra bolghan ish we heriketler bolsa peziletlik dewlet garajdanlirining Örpi-adet, Qayide-yosun we Qanun-Tüzümliridin shekillinidu.
☆☆☆><☆☆☆
Heqiqet dayim az sandiki kishilerning pikiridedur; Heqiqet igisi bolghanlar dayim awamdin küchlüktur! Shayet küch-quwet xeliqte emes, xeliqqe emir béreleydighan heqiqetke sayip bolghan az sandiki ademlerning qolidadur! Bu menadin éyitqanda xeliq ajiz bir padadur! Xeliq déginingning iradisi yalghan bir körünüsh bolup, Bu irade ademni aldaydighan irade bolup, emeliyette bu az sandiki Heqiqet igilirining iradisining awam arisida peyda bolghan ekis sadasidin ibaretdur! Awamning küchi Azsandiki aqillarning eqlisiz kargha kelmeydu. Awamning eslide choyligha chiqqudek bir desmayisining bolmaslighi, Az sandiki eqil, bilim, pem we paraset igilirining iradisining goya ularning iradisidek otturgha chiqishidur!
☆☆☆><☆☆☆
Ilgiri Xatalar Asanla tüzitiletti, Chünki siyaset emes pelesepe ishning üstideidi. Pelesepe bolsa téximu ammibap idiki, hemmeylen pelesepechi idi! Hazir exlaq we jemiyetning qayidiliri we yosunlirining barghanche murekkepliship kétishi ishlarni tesleshtüriwetti we pelesepeni bolupmu pelesepichilerni her charege bash qoyidighan bekla qiyin bir ehwalgha chüshürüp qoydi.
☆☆☆><☆☆☆
Özige hichbir heqsizliqning zerer bérelmigenliki ayan bolghan bilgelik bir insanning, Hichqandaq heqsizliqqa duchar bolup baqmighan ademge qarighanda exlaqi mertiwe jehettin qatqat üstün turidighanlighini bilishimiz lazim.
☆☆☆><☆☆☆
Hazirqi Waqit we Zaman digining ilgirkige qarighanda intayin qisqadur. Zaman we Waqit xuddi birsi séhirliwetkendek heriket halitidedur, sudek aqar we shundaq tizlikte yüter. Waqit we zaman rastinla qisqirap ketiwatidu, Siz waqit we Zaman heqqide oylap bolghiche, ilgiri xuddi mawjut bolup baqmighandekla yalttida ötüp kétidu! Öziningmu turalghusi yoq bolghan bundaq bir waqit we zamanni qandaqsige bashqilargha teqdim qilghili bolsun!
☆☆☆><☆☆☆
Bilgelik Ademning Pikren bir nersidin mehrum qélishi mumkin emestur; Chünki bilm bashqiklargha bergen´ge aziyip ketmeydu! Bilgilik insan bilimning wujudini bashqilargha bergen bilen, qelbini özi üchün memilep saqlaydu.
☆☆☆><☆☆☆
Bilim we Bilgelik Insanlar dayim saghlam we ashqili bolmaydighan qoroghanlarning ichide bixeter halettedur!
☆☆☆><☆☆☆
Kishlik dunyadiki Saghlam munasiwetler özligidin peyda bolmaydu; Tereplerning ortaq qiziqishi we tirishishi netijiside barliqqa kélidu! Ademler bir-birige rahetsizlik bergüchi bayanlar we untulghusiz pissixik hozursuzluqlar, Baliliq dewridiki untulghusiz tiragédiyeler we duchar bolghan ghem-qayghularni ortaqlishi we bu hékayilerni muhakime we analiz qilip, ijabiy yaki selbi xulasilerge kélish arqiliq bir-birige baghlinidu! Shuni eskertip qoyayliki insanning sekresh taxtisi, baliliqtiki kechürmishliri bolup, ya uninggha yiqilidighan, ya uningdin sekreydighan aqiwet ademlerni kütüp turidu. Kishiler utuq qazan´ghanlardin heset, ichi tarliq we körelmeslik bilen uzaqliship, iradisizler, yéngilgenler we ajizlar bir yerge toplinidighan bir jemiyette yashashqa mejburmiz! Köpünche waqitta özimizge oxshaydighan ademlerge tökümiz ichimizdikini. Eqilliqlar, Bilimlikler we Küchlükler shu seweptin, Eqilliqlar, Bilimlikler we Küchlüklerni, Ajizlar, axmaqlar, we meghluplar shu seweptin ajizlarni, axmaqlarni, we meghluplarni izdeydu, ademler arisidin! Eslide ademler özini Ajizlar, axmaqlar, we meghluplar topidin qutuldurup, Eqilliqlar, Bilimlikler we Küchlükler qatarigha yükseldürüshning qiyinlighidin, Hichqandaq chong bedel we jawapkarliq ketmeydighan Ajizlar, Axmaqlar we Meghluplar dunyasigha mayil halette turghachqa bir elning güllinishi we bir milletning qudret tépishi undaq asan´gha toxtimaydu!
KUA
17.04.2024 Gérmaniye