Millitimizge Urulghan Eng Éghir Zerbe Özimizdin Boldi!

Autori: Korash Atahan

Map-of-East-Turkestan

Isit, isit, way isit! Yerim esirlik japaliq küreshning netijisi  yene yoqqa chiqti!

Milliy dawayimizda aran teste qolgha kelgen azraq ghelbemu jahalet boranlirida yene sorulup ketti. Milliy herkitimiz 30-50 yil arqigha chekindi…

Dunya bundin kéyin aldirap bizge burunqi köz bilen qarimaydu we ilgirkidek semimiy shekilde yardem qilmaydu, bizni Xitay bilen birlikte jazalaydu. Emdi bu shor pishane xeqning azghina kam yérimi xuddi ilgirkige oxshashla bir düshmenning burnini qanatmay topidek sorulup ketidighan boldi.

Xitaylar Tömür Helipini Li shifu we Qemerxan bilen aldap ketti…Hoja Niyaz Hajini kuchar xénimi, bir pikap we yalghan mensep bilen aldap ketti…Memtimin Bughra Hezretlirini yalghan muxtariyatdin ibaret shiker yalitilghan zeher bilen aldapketti…Sabit dewmollamni qurbanliq qilip, allahning lenitige qalghan bolghiymiduq!?

Xitaylar bugünki nadan uyghurlarnimu hijret qilinglar, washington we moskiwada tehwid bayriqini lepilditinglar, dep ustiliq bilen komlap ketti…

Anisini, xotunini we qiz qérindishining nomusinimu qoghdiyallighudek eqli, bilimi we küchi bolmighan bu mezlumlar ewlatliri jahat qilimiz, dep wetenni xitaygha ongiche tashlap berdi.

Dunyada buningdinmu chong exmaqliq we sarangliq bar, dése kichik balimu ishenmeydu.Ajayip chong külkilik ishlar bu. Hey aldanghanlar anilirimiz we qiz qerindashlirimizning nomusini, qozini börening aldigha atqandek xitaygha amanet qilghandek ish qildinglar. Millet yimigen mantining pulini hessilep tölewatidu. Buning jawabini yaratquchi igemge qandaq bérersiler?!

Xittay xuddi qutrighan rohiy kesellerdek xelqimizning üstige yüklendi. Qéni, éytinglar emdi qandaq qilimiz?!Siler hemmini bilidighandek qildinglar, emma hich nersini bilmeytinglar.Bilmey turup özini bilidighandek hés qilish bir türlük kolliktip pissixologiylik késellik idi…

Gep qilsaq anglimay gumanliq ademlerge egeshtinglar, tüzülüsh aldida turghan milliy istiqbalimizni, arimizdin chiqqan munapiqlar öz qoli bilen jehennemge atti! Silerni aldighanlar bizge dostluq közi bilen qarap kelgen gherip dunyasinimu bizge düshmen qildi.

Millitimizni xata yolgha bashlighanlar musulmanlar bilen türüklerni bizdin nomus qilidighan yerge keltürdi.Islamiy meselilerni hür dunyadiki musulmanlar, türüklerning kelichigini hür dunyadiki türükler özliri bir terep qilalayti. Biz ishghal astidiki bir mezlum xeliq bolghachqa ularning ichkiy we tashqiy ishlirigha arlashmisaq téximu menaliq bolatti. Hazir uyghurlar chépilmighan ish qalmidi.Bu ishlarning aldirmay hésabi bolidu.

Türüklerning hemmisi emdi bizge aldirap ilgirkidekla toluq hisdashliq we yardem qilmaydu. Qérindashlar, dunya nime üchün xitayning uyghurlargha yürgüziwatqan dehshetlik zulumigha inkas qayturmaydu, démenglar! Dunya bu ishni bilip turup xitaylar bilen birlikte heriket qiliwatidu. Chünki xitaygha sétilghanlar bizni eziz dinimiz islam arqiliq azdurup ketti.

Arimizdin chiqqan xayinlar xitay yaritip bergen qulayliqlardin paydilinip, weten ichi we siritida hemkarliship xelqimizni xitayning istiratigiysige asasen dunya düshmenlirining lagirigha bashlap kirdi.Bu xuddi düshmen génirali “musulman” Li shifuning quran tutup qesem qilip, Tömür Xelipeni aldighandekla birish idi. Shu seweptin xitay Uyghurlarni basturushni xelqaragha qanunluq qilip körsütiwatidu!

Xelqara jemiyet Uyghurlar qurghan bire yérim teshkilatni emes, belki bir pütün xelqimizni allaburun resmiy shekilde xeterlik dep qaralghan taliban we dayishqa oxshash xelqara téroristlarning sépige ittiriwetti.

Eshu mengisini qurut yepketken mangqurtlar bichare biguna xelqimizni bedilini yüz yildamu tölep bolghili bolmaydighan ghayet zor ziyan we meghlubiyetke uchratti!

Allahim bu xeliq we bu mezlum millet özengge amanet! Biz bexitsizlerni toghra bir qurtulush yolgha bashlighaysen!

 

03.05.2017

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s