Autori:Korash Atahan

Bilim Déngizidin Heqiqetlerni Süzüsh Asan´gha Toxtimaydu!
Heqiqetlerni Bilish Üchün Eslide Nahayiti Uzaq Yillap,Hetta Bir Ömür Qétirqinip Izlinishke Toghra Kélidu!
Hazir Qolida Diplomning Chongi Bolghan Bilen Hayatida Hich Mektep Yüzi Körüp Baqmighandek Ademlerni Hésapqa Almighanda, Mektep Yüzini Rastinla Körmey Turup, Hombold Uniwérsititining Profesorliqini Qilidighan Ademlerdek Qilmishlarni Qilip Yürüydighan Qulaq Mollaliri Bekla Köpüyip Ketti.
Dangliq Islahatchi, Yéngiliq Perwer Maaripchi We Ot Yürek Alim Abdulqadir Dewmollamni Öz Dewrining Hesetxor Qulaq Mollaliri Qetli Qiliwetip Özlirini Qaranghu Zindandek Jahaletler Dunyasigha Tashliwalghan!
Bizde Xitaylardek Adem Göshi Yeydighan Adet Yoq! Emma Qulaq Mollalirining Hesiti Tutup Ketse Adem Göshinimu Bashqiche Shekilde Yep Qoyidu.Hesetxor Qulaq Mollalirining Adem Yiyish Usulini Möshüklerning Balisini Yéyish Usuligha Azraq Oxshatqili Bolidu. Möshüklermu, Hesetxor Qulaq Mollalirimu Yigende Qan Chiqarmay Yeydu! Meripetperwer, Milletperwer We Wetenperwer Ediplerdin Abduxaliq Uyghuri, Memtili Ependi We Abdushkur Memtimin Qatarliqlarni Aqsaqal, Hesetxor, Qaraqursaq we Körelmes Qulaq Mollaliri Yep Ketken!
Qulaq Mollalirining Qilghan Gunahlirining Köplikidin Nesli Qurup Ketmeydiken Yene! Qulaq Mollaliri Siyasettin Hidayetkiche, Tarixtin Pelesepegiche, Hüner Kesiptin Soda-Sétiqqiche, Senetin Edebiyatqiche Hemme Yerge Hasharettek Yéyilip, Iqtisas Igilirini, Kesip Igilirini We Qabiliyetlik Insanlarni Xuddi Qum Buranidek Kömüp Tashlighan Weziyette Turiwatimiz!
Qulaq Mollaliri Hemme Ishqa Chépilidu, Hemme Ishni Qilalaymen Deydu, Hemme Ademning Rolini Alalaydu! Siz Özingizni Melum Bir Aliy Mektepte Jurnalistliqni Oqughan Qabiliyetlik Muxbir Dep Yürgen Chéghingizda, Ular Sizge Xewerning Yaki Edebiy Ochiriklarning Qandaq Yézilidighanliqini, Sizge Mensup Bolghan Emma Weyrane Halettiki Kespiy Sorunlarda Ügütüp Qoyishidu!
Qulaq Mollaliri Özingizni Musulman Chaghlap Yürgen Waqtingizda, Siznila Emes, Etrapingizdikilerni Hetta Ata-Bowilliringizni Qoshup Biraqla Kapirgha Chiqirip, Özlirining Dozaq We Jennetning Achuqusini Kötürüp Yüriwatanliqini Sizge Toluq Tonutup Bolmighiche Yaqingizgha Ésiliwélip Hergiz Qolini Qoyuwetmeydu!
Qulaq Mollaliri Özlirini Ajayip Katta Chaghlap Bir Top Adem Bilen Ming Métirgha Yügüreymiz, Dep Ish Bashlap, On Métirliq Yerning Ichide Rohiy Késeller Doxturxanisidiki Saranglardek Héli Aldigha, Héli Arqigha Méngip, Héli Buzup Héli Azraq Tüzep, Qilmaqchi Bolghan Ishlarning Hemmisini Biraqla Sugha Chilashturidu Axirida Yoqqa Chiqiridu. Hazirmu Ilgirkige Oxshashla Qulaq Mollalirining Destidin Yolda Xatirjemrek Mangghilimu Bolmaydu!Qulaq Mollalirimu Xuddi It Poqidek Hemmela Yerde Bar! Nime Ish Qilghan Bilen Bikar, Aldingizgha Mijezi Osal Köpeklerdek Hürüp Chiqip, Bezide Sayingizdek Egishiwélip, Sizni Sizning Hüniringiz Heqide Hergiz Éghiz Achturmaydu We Ish Qildurmaydu!
Dunya Tarixida Ilgiridin Tartip Hayatliq Qanuniyetlirining Sirlirini Temtirimey Yésheleydighan Men-Men Dégen Xéli Köp Danishmenlermu Waqti Kelgende Duch Kelgen Meselilerde Qattiq Temtireydighan Hadisiler Intayin Köp Uchrap Turidu!
Bilim Igiliri Hayat We Tebiyet Sirliri Heqqide Bir Ömür Ügünüp, Axirsida Ügengenlirim Déngizdin Bir Tamchimu Emesken Emesmu,- Déyishidiken Nadamet Bilen!Qulaq Mollaliri Bolsa Özlirini Katta Ellame Hésaplaydu, Hemme Bilimni Ügünüp Bolghandek Hésiyatta Yashaydu, Qara-Qoyuq Hemmige Qorqmay Pikir Arlashturidu, Qeyerdin Gep Qilsingiz Shu Yerdin Sözlep, Qeyerge Barsingiz Shu Yerge Allaburun Bériwélip Aldingizgha Chiqip Aramingizda Yashighili Qoymaydu, Jemiyetni, Milletni, Insaniyetni Ronaq Tapquzmaydu!
Yunan Peylasopi Soqratesmu Hayatining Axirida“ Nurghun Ademler Özini Bilimlik Sanaydu Emma Bilmeydu! Men Bolsam Hichbolmisa Özemning Mukemmel Emeslikimni we Bilimde Kamaletke Yételmigenlikimni Bilimen“ Dégeniken.
Dewrimizde Soqratesdin Ikki Ming Yil Kéyin Sistimiliq Terbiye Körmigen Qulaq Mollaliri Özini Hichnime Ügenmey Turup, Ajayip Bilimlik Sanaydighan Bolup Ketti.
Bu Saxta Bilermenler Ziyalilargha Oxshutup Sözlep, Meselilerge Dayim Éhtiyatchanliq Bilen Yéqinlishidighan Bilim Igilirige Hergiz Gep Bermeydu, Mektep Yüzi Körmigenlikni Intayin Tebiyi Ishtek Hés Qilip, Bilimsizlikini Artuqchiliq Dep Qaraydu! Qulaq Mollaliri Awu Yerdin, Mawu Yerdin Chala-Bula Yamidap Az-Tola Ügüniwalghanlirini Azraq Tash,Toqmaq, Pul, Püchek We Rohiy Xestelik Qatarliqlar Bilen Qoshup Istimal Qilip Birtop Ademni Aldap Qaymuqturup, Ularning Ishlirini Pütünley Haram Qilmughiche Boldi Qilmaydu!
Qulaq Mollaliri Nomusni Bir Terepke Qayrip Qoyup, Terepbal Hemde Hichqandaq Tereddut Qilmayla Herqandaq Yerde Tartinmayla Aqsaqalliq Qilishidu!
Hazir Aqsaqalliq Qilidighan Qulaq Mollaliri Hemme Yerde Köpüyüp Kettiki, Qulaq Mollalirigha Putlushup Yiqilip Kétishtin Qorqup Yolmu Mangalmaydu Adem.
Aqsaqal Qulaq Mollaliri Hemme Nersige Oghri Müshüktek Burnini Tiqiwélip, Kesip Igilirining Aghzini Ghérichlaydu,  Hergiz Ulargha Sözlesh Nöwitimu Bermeydu!
Qulaq Mollaliri Özliri Anche Chüshenmeydighan Ilimlargha Ayit, Diniy Étiqat Meselilirige Ayit Söz-Ibarelerni Ziyalilargha Oxshutup Köp Ishlitidu!
Hazir Qulaq Mollalirining Sani Xuddi Chiketke Apiti Bolghandekla Ajayip Tizlikte Awup Kettiki. Qulaq Mollalirining Sanining Éshishigha Egiship Hemme Yerde Hayasizlarche Wayizliq Qilidighan Kesip Moda Bolup, Mektepke we Jamege Atayin Bérip Yürüshning Kérikimu Barghanche Az Qéliwatidu!
Kashki Qulaq Mollaliri Ishni Rastinla Qamlashturalighan Bolsa Idi, Qabiliytimizge Yarisha Halal Kesiplerni Tallap, Cherchinmal Sodisi Qilip, Kawap Sétip, Ücheychilik Qilip, Ayaq Yamap, Tamchiliq Qilip Jénimizni Baqudek Pul Tépip, Bilmeydighan Ishlargha Béshimizni Aghritip Yürmey, Ularni Qulaq Mollalirigha Ötünüp Bérip Xatirjem Halda Aile Balachaqilirimiz Bilen Güldek Yashisaq Nime Dégen Yaxshi Bolattihe,-Dep Oylap Qalimen Bezide!
Milletning Istiqbaligha Chétilidighan Hadisatlar Bir Top Qara Türüklerning Qulaq Mollasiliq Qilghangha Pütidighan Ish Bolsa Idi, Ilim Sahesidikiler Azraq Aram Tépip Qalatuq. Dunyaning Ishliri Qulaq Mollisiliq Qilish Bilen Pütken Bolsa Neqeder Yaxshi Bolatti, Uhalda Insanlar Dunyadiki Kitaplarning Hemmisini Ottutashturuq Qiliwétip, Uniwersitetlarning Birnimu Qaldurmay Taqiwetse Boliwéretti. Muellisep Aqsaqalliq, Qulaq Mollisiliq we Nadanliq Ademni Heyran Qalduridighan Bir Yaghach Qazan Bolup, Uningda Uyghurning Derdige Derman Bolidighan Yémekni Axirghiche Pishurup Yigili Bolmaydu. Qulaq Mollisi Bilen Mollini Sélishturghili Bolmaydu.
Maymunlarning Tepekkuri Bilen Ademlerning Tepekkurini, Oqumighanlarning Tepekkuri Bilen Oqughanlarning Tepekkurini Téximu Bir-Biri Bilen Tengleshtürgili Bolmaydu Elbette!
Hejepmu Ziriktim Qulaq Mollaliri Heqide Bundaq Yézishtin, Xuddi Sewdalardek Közi Yoq, Quliqi Yoq, Tili Yoq, Qelbi Kör Quruq Tamlargha Qarap Sözleshtin!
UKM
08.02.2018 Gérmaniye