Milliy Heriket: Milliy Irade, Milliy Roh, Milliy Sapa we Milliy Inqilap Tejiribeleri!

Autori: Korash Atahan

18222664_1199477953512760_6645505147193292415_n

Xitaylarining millitimizge qaratqan érqiy, kultural we diniy qirghinchiliqining barghanche küchiyishige egiship, milliy heriket sépimizdimu ijabiy we selbiy hadisiler arqa-arqidin bash kötürüshke bashlidi. Milliy qarshiliq heriketlirining béshidala tinch shekilde xitay mustemlikisige qarishi élip bérilidighan namayishlar yer alidu.Namayishlar bir milletning hür we azat iradisi, eqil-parasiti, kolliktip sapasi we inqilap tejiribisi bilen munasiwetlik. Namyish, milliy irade, eqil, bilim we tejiribe heqqide mushu bir dewirde köp izdinishimiz milliy herkitimizning tereqqiyatigha paydiliq tesir körsütidu.!Hazir biz Xitaylar bilen bir édiologiylik urush halitide turiwatimiz! Xitay dewliti bizge qarshi dewlettin muash élip her kün sekkiz saet ishleydighan ademliri bilen bizge qarshi küresh qiliwatidu. Biz heqiqet biz terepte bolghanliqidin ibaret paydiliq pursettin paydilinip, düshmenni halsiritiwatimiz! Mushundaq halqiliq bir peyitte namyish, milliy irade, eqil, bilim we tejiribe qatarliqlar heqqide köprek toxtilishni milliy heriket teqezza qilidu!

Xitaylar bilen bolghan keskin ediologiye kürishi milliy herkitimizge bilimlik, qabiliyetlik we tejiribilik kadirlar qoshunini telep qiliwatqan mezgilde, bizde eqil, bilim we tejiribe israpchiliqi kiseldek yamrimaqta!Ziyalilar qoshuni, ölimalar qoshuni we siyasetchiler qoshunining qandaq bolishi shu milletning teqdirini belgüleydu! Millitimizning bugünki halgha chüshüp qélishida millitimizge wekillik qilidighan biz bashta sanighan kishiler topining bash tartip bolmaydighan mesuliyiti bar!

Milliy herkitimiz sebirchanliq bilen özini mukemmeleshtürüp mushundaq kétiwerse wetinimizdiki xitay mustemlikisi haman bir küni yiqilidu. Xitay anglaydighan tilda sözlesh üchün xelqimizning, xoshnilirimizning we xelqara jemiyetning qollishini qolgha keltürüsh inqilapning birinchi basquchidur!Birinchi basquchni besip ötüshte namayish bek muhim! Xitaylar bizning hür dunyadiki naraziliq herkitimizning namayish sheklide küchüyüp, pütün dunyani qaplap kétishini hergizmu xalimaydu! Namayish biz üchünmu, xitay üchünmu oxshashla nazuk nuqta! Bu nuqtigha téximu köp küch chiqirishimiz, namyishlirimizni resmiy bir mektep haligha keltürishimiz, bu mekteptin esker, dost we ittipaqdash terbiyelep chiqishimiz lazim! Namayish Mezlum Xeliqlerning Zulumgha Qarshi Teshkillinidighan, Öz-Ara Terbiyelinidighan we Yiteklinidighan Jenk Meydanidur! Bundaq iken namayishning toluq ghelbe qilishi üchün shuarlarning mezmunlarigha, qatnashquchilarning türige we sepning tertiwige kapaletlik qilishimiz lazim! Namayishqa özimiz yitekchilik qilalaydighan qabiliyetke ige bolmisaq qatnashquchilar namayish qilishtiki meqsidimizni özgertip, özlirining siyasiy we diniy meqsetlirige bizni süyistimal qiliwétidu! Namayish bizning bolghanliqi üchün öz ghayimizge paaliyetni uyghun shekilde teshkillishimiz, namyishni milliy herkitimizni téximu yaxshi bilishning mektiwiy qilishimiz, namayish arqiliq biz bashqilargha emes, bashqilarni özimizning sépige qoshuwélish üchün tirishchanliq körsütishimiz lazim! Rabbim bizni eqilliq, bilimlik we imanliq qilip yaratti. Özimizni, wetinimizni we nomusimizni qoghdiyalmisaq chong gunah qilghan bolimiz!Wetenni, milletni we nomusimizni qoghdash ishi eng chong ibadet bolup, öz milliy iradisige iman keltürgendin bashqa xuddi resmiy ibadet qilghandek semimiy, rastchil we ixlas bilen qilishni bizdin telep qilidu! Biz wetenni, milletni we nomusimzni qoghdap qalayli, deydikenmiz derijidin tashqiri eqilge, yeni üstün bolghan meniwiy eqilge ihtiyajliq bolimiz! Insanda Biologiyelik Köz We Eqliy Közning Bolishila Kupaye Qilmaydu! Muhimi Meniwiyet Közining Ötkür Nuridur!, Milliy Inqilaptiki Meghlubiyetler Milliy Ediologiyemiz Ayit Telim-Terbiyedeki Ajizliqimizni Körsütiwatidu.

Milliy inqilawimizni küchlendüreyli deydikenmiz, awal öz aldigha chuwalchaq heriket qiliwatqan küchlerni, xelqara weziyet, ichkiy amillar, tashqiy imkanlar we emeliy küchimiz hemde qabiliyitimizge qarap teshkillishimiz, ortaq bolghan ediologiye qurulishi berpa qilip, shu arqiliq milliy kürishimizni dawamlashturishimiz lazim! Inqilawimizning Bu Basquchi Édiologiyelik Küresh Basquchi Bolup, Bu Küresh Bilim,Tejiribe We Milliy Iradeni Yéqilghu Qilidu! Tépish Müshkül Bolghan Bir Nadir Iddiye, Öldi Dep Qaralghan Herqandaq Bir Milletnimu Shühbesiz Bashqidin Tirildüreleydu!

Milliy Inqilap Awal Özimizni, Düshminimizni We Dostlirimizni Tarix, Medeniyet we Siyasiy Jehettin Tonushni Aldinqi Shert Qilidu!Bu Heqtiki Deiwir Xususiyitige ige bilimlerni xelqimizge aqturup, teshkilatlinishimizni zamaniwiylashturush, milliy herkitimiznining süpitini yoquri kötürüsh we xelqimizni toghra yolgha yiteklesh intayin muhimdur! Milliy Heriketdiki Ziddiyetler Ademler Özi Qilalaydighan Ishni Qilmay, Hemme Ishqa Teng Chat Kériwalghanliqdin Tughuliwatidu!

Men Milliy Inqilap Sépide 30 Yildin Ayrtuq Tejiribige Ige, Tariximiz, Medeniyitimiz We Milliy Herikitimiz Heqqide Sistimiliq Terbiye Körgen Bir Adem.Bu yerde bir nersilerni dep jar seliwatqan bolsam uning bir asasi bar. Emma teshkilatlinishmizdiki bezi ajizliqlar, milliy heriket qoshunimizdiki bir qisim chuwalchaqliqlar we xelqimizning unversal ang sewiyesidiki nurghun cheklimilikler manga oxshaydighan ziyalilarning milliy dawadiki rolini passip orungha chüshürüp qoyiwatidu.

Pikirlirim Ejdatlirimizning Ghayisi, Milliy Iradimiz We Siyasiy Küresh Ghayimizni Asas Qilidu!Buni xelqimizge aqturush asan emes. Milliy heriket qoshunidiki yitekchi orunda turghan shexislerning bu heqtiki bilimi, tejribisi we iradisi saghlam bolmisa bir pütün xelq onggha ketiwatimen, dep oylap, solgha ketip qalidu!Biz tar yolgha tiqilip kiriwalmayli, hemmimiz öz ixtidarimizgha, kespimizge yarisha ish qilayli!Hazirqi inqilap diniy inqilap emes, medeniuyet inqilawi emes, sanaet inqilawi emes, nesli qurup ketish tehditige duch keliwatqan millitimizni qutuldurush inqilawining quralliq emes édiologiye basquchi!Biz Periqliq Binalarni Emes, Hemmemiz Birlikte Oxsahashla Bir Binani Séliwatimiz! Herqaysimiz Öz Kespimizning Mahiri Bolayli!Mimarlargha egisheyli, qalaymiqanchiliq we öz-ara ziddiyetlerge xatime bereyli!

Tarixqa, Bugünge We Kélichekke Uyghun Pikir Qilish Asan Emes! Uyghur Milliti Bizning Pikir Qilishtiki Yortqinimiz! Putimizni Xelqimizning Közige Qarap Uzitimiz! Allahqa ming shuküri teshkilatlirimizning sapasigha qarighanda xelqimizning aktipchanliqi yoquri. Namayishlargha toxtimay qatnishiwatqan güzel qerindashlargha aperin! Emma xeliq terbiylesh, teshkillesh, yitekleshke muhtaj! Bu Xizmet köp küch telep qilidu! Xeliq toxtimay terbiyelengende, teshkillengende, yiteklengende andin xitayning üstimizdin ishligen jinayetlirini pash qilip, mezlum millitimizning awazini dunyagha anglitip, xelqarada aktip qollughuchi we hesidashliq qilighuchilarni köpeyteleydu!

Méni Cheteldela Emes, Memlikettimu Xelqimiz Bilidu. Biz milliy inqilapta tinchliq yolini talliwalghan bolsaqmu xitay zulumi sewebidin beshimizgha kelmigenler qalmidi.Biz bir dewir kishiliri milletimizni qulluqtin qutuldurushning tar yollirida nurghun nersilerni ügenduq, tejiribe topliduq we asan bayqighili bolmaydighan qanuniyetlerni bayqap chiqtuq. Shühbesizki bildighanlirimiz milliy herkitimiz üchün köp paydiliq. Bu tejiribilerni qolgha keltürüsh üchün biz yashighan hayatni qayta yashash ketmeydu! Tejiribe sawaqlardin ijabiy deris chqirish kupaye qilidu. Manga Oxshaydighan Ademler Wetende Türmide Yaki Öltürülüp Boldi! Chetelde manga oxshaydighan, emma bu herikette roli layiqida jariy qildurulmaywatqan yüzligen we minglighan kishi ler bar! Weten ichi we siritidiki aktip weziyet shundaq turuqluq namayishchilarning, teshkilatchilarning manga oxshaydighan ademge qaraydighan közi yoq. Chünki ularning hemmisi alim, reyislerning qolidin 10 professorning ishi kelidu! Xitay Uyghurgha qarshi turushta bilimge éhtiyaj bolsa boliduki, bizning teshkilatlirimizning qabiliyiti, bilimi , tejiribisi we abroyi inqilapqa yétip eship qalidu!Hey qeindashlirim bu bir qipqizil kinaye. Kashki inqilap qoshunidikiler eshundaq küchlük bolghan bolsa neqeder yaxshi bolatti, hemmimizning kütkinidekla ish bolatti demisimu.

Biz bilim, qabiliyet, tejiribe we talantqa muhtaj boliwatimiz! Biz his-tuyghugha emes, ilim we irpangha tayinip küresh qilishqa muhtaj boliwatimiz! Biz eslide obdan oylansaq bilim, eqil, tejiribe we qabiyet kirzisi ichide ingirawatimiz! Ehwal Shundaq Tursimu Bu Yil Münchenda Ötküzülgen 05-Iyul Nmayishida Sözge Teklip Qilayli Disek Bu Yerde Ayallar Kommetitining Reyisi, Ilham Toxti Jemiyeti Qatarliqlarning Reyisleri Barken, Özimizge Özimiz Aqmas Parangni Qilmay Shuarla Tolayli, Diyiship, Xitay Konsulxanisigha Qarap Ikki Saet Gellimiz Yirtilghudek Warqiarap Qayitip Kettuq! Namayish meydani Xitay zalimlirigha naraziliq bildürüsh we xelqara jemiyetning hissidashliqini qozghashtin bashqa mezlum millitimizning, zulum astidiki xelqimizning terbiyelinidighan, teshkillinidighan we yiteklinidighan meydanidur! Namyishta xelqimizge ikki éghiz yürikidikini sözleshni arzu qilidighan we heqiqiten sözligenliri weten-millet dawasigha paydiliq bolghan kishilerge söz birish, inqilawiy eserlerni diklimatsiye qilish, muhim tarixiy hadisilerni eslep ötüsh sheklinimu öz ichige alsa téximu yaxshi bolidu. Bashtin axirghiche shuar towlawirishmu xata. Nmayish meydanida notuq sözleshke sel qarap kélingechke, bu hadise dunyaning herqaysi jaylirida élip barghan paaliyetlirimizde nurghun ziddiyetlerni keltürüp chiqiriwatidu we bu ish keltürüp chiqarghan aqiwetler milliy obrazimizgha kütülmigen yerdin tetür tesir körsütiwatidu!

Toghra démisimu namayishta hemme ademge söz bérip, hemme ademning esirini diklimatsiye qilip blghili bolmaydu. Teshkiligüchiler buni ayrim pilanlishi lazim! Toghra demisimu sanimiz we qabiliyitimizge qarimay nime digen jiq reyis bu?! Reyis bolmisa inqilap qilghili bolmaydighandek oylap qéliwatidu bezi aghiniler. Bizde dawa mangmighanche teshkilat köpüyüp ketti. Bizde ish aqmighanche reyis köpüyüp ketti, dise bu qarghish tegken künlerde. Bu milletke reyis belasi tegdi, bu milletke teshkilat turup teshkilat qurush, mangduralmasliq, sewiyesi yetmeslik kesili tegdi! Boptula qurunglar, ish qilinglar emma silerni heqiqi yitekliyeleydighan bilim, tejiribe we qabiliyetke egishidighan bir sistem qurup chiqayli we milletni, inqilapni sapasiz reyis balasidin azat qilip, milletni qaysi terepke qarisam, qeyerge mangsam bolar digen beladin qutulduriwalayli!

Toghra dunyada boliwatqan namayishlarimizning körünishidin wezipini orundap qoysaqla bolmidimu, taghar bayning, ishek bayning yoqalsa tölimeymen, yiqilsa yölimeymen chiqip turidu, eslide namayish biz yoqurda dep ötkendekla bizge oxshash mezlum xeliqlerning zulumgha qarshi teshkillinidighan, öz-ara terbiyelinidighan we yiteklinidighan jenk meydanidur!.Namyishlarni namayishqa oxshash qilishimiz lazim! Biz hazir dunyadiki yüzdin artuq dewlet we rayongha tarqilip yashaymiz! Demokrattik ellerde we mustebit memliketlerde bolghan namayishlarni küzütishimiz we uningdin deris chiqirishimiz lazim! Hazirqi namyishlirimiz bek yiliman tuyghu béridu. Ghezep-nepret, öchmenlik we intiqam tuyghusi ipadilenmeydu! Bayraq we pilakatlarni tutushlirimiz we hereng-sereng, qalaymiqan we retsiz turushlirimizning özidinla xitay xatirjemlik tuyghusigha chökidu. Bu xildiki namayishlarni xitaylar bashtin-boygha video qilip, bizni tetqiq qilidu.Ikkiy milyon qerindishini türmige tashlisam hür dunyadiki hali mushu Uyghur degenning, dese bizge ne uyat, ne ar, ne nomus!

Milliy Inqilap Sehniside Yatmay Olturghanlargha Aferin, Öre Turghanlargha Ikki Aferin, Midirlighanlargha Üch Aferin! Pütün dunyada namayishqa kélwatanlarning dayim asasen oxsahash ademlerdin bolishi, hemme kishining toluq awaz qoshmasliqi, namayishni xuddi hashargha oxshash oyliwélish keypiyati, yiliman hesiyat, ölük qizghinliq we teshkillenmigen, aldin pilan qilinmighan istixiyilik paaliyet sewiyesige chüshüp qélish qatarliqlar milliy herkitimizning süpitini töwenlitiwitip barghan amillarning misalidur!Namayishta shexsiy ishlarni qilishqa, namyish bilen munasiwetsiz nersilerni sözlüshishke we chaqchaq we letipe sözleshke, héjiyip külüshke we shuwar towlashqa horunluq qilishqa hemde uxlashqa qettiy bolmaydu!

Hey qérindashlirim emdi hamaqetlik qiliwermenglar! Ishlar chaqchaq qilidighan yerdin alla burun ötüp ketti! Wetende könüp ketken özenglargha qatmu-qat azap we qulluq élip kelgen kona mijezinglsrni emdi tashlanglar! Hur dunyadiki küchlük milletlerdin hissiyat we iradenglarni ipadileshni azraq bolsimu ügüniwélinglar! Bir-biringlardin bolupmu siyasetchi we ziyalilardin yalghan kemterlikni, saxta exlaq ölchemlirini, rengwazliq we yasalmiliqlarni kütüshni qeyergiche kötürüp yürüysiler? Hey qérindashlirim men Küresh Atahan silerge özini silerge qurbanliq qilish üchün yétishtürgen millitimizning munewwer ziyalilarigha, ölimalirigha, siysiy paaliyetchilirige peqet yigit béshiliq we reyislik ölchiminglar bilenla baha bermeslikinglarni, ularning milliy inqilaptiki rolidin janliq paydilinishinglarni ümit qilimen! Dunya siler oylighandin jiq özgirep ketti, 300 yil gharda yetip, teypünemning waqtidiki tengini baqqalgha tengligendek ishni qiliwermenglar! Bizge qarshi düshmen samanning astidin yügürtiwatqan yündening ichide boldi bes emdi aqmanglar, sözimizge qulaq sélinglar!!! Silerning bizge tutqan pozitsiyenglarning toghra yaki xata bolishi özenglarning köz yéshi yaki shadiman külkenglar bilen munasiwetliktur! Siler bizning gepimizge chümpütmisenglar ziyan bizge emes özenglargha bolidu! Siler leghmen, poloning emes, emdi milliy irade we musteqil hayatning arqisidin yügürenglar!

Biz silerning ejdatliringlar silerge qaldurghan muellimlerdurmiz! Biz silerning aranglardiki hür dunyada turupmu xitay türmiside yashawatqan, tirik turupmu meniwiy tereptin allaburun xitaylar teripidin qetli qilinghan silerning aranglardin chiqqan shehidlerdurmiz! Bizning chuqanlirimizgha diqqet béringlar! Silerge bashqa biri zulum séliwatqini yoq, siler özenglargha özenglar zulum séliwatisiler! Siler qulluqtin waz kichishni xalisanglar, biz silerni xuda xalisa hür hayatqa bashlap mangalaymiz! Hür hayat kechürüshke bedel tölesh we tölimeslik silerge baghliqtur! Mushundaq bedel berilgen yerde bir milletni hüriyetke érishtürüshning eqildin, tejiribidin we bilimdinmu üstün yoli peyda bolidu! Ejdadimiz Molla Musa Sayramining “Tewarixiy Hemidiye” dégen esiride: bir millet özining milliy erkinliki üchün küresh qilip milyon kishini shehid bergende taqilip qalghan ishikler échilip, yoruq tanglar atidu,- dégen mezmunlar bar! Biz Uyghuristan xelqi milliy musteqilliqimiz üchün allaburun milyon shehid berip bolduq, yollar échilip, ademler teyyar bolup, shertler piship yétilgende bolsa hemmimiz sheytanning arqisigha kirip, yene aq taghliq we qara taghliq bolushup küchimizni israp qiliwatimiz!

Qérindashlirim janabiy Allah manga tewekkul qilip yolgha chiqqanlarni özemning nusretim bilen mukapatlaymen, démigenmiti. Biz özimizni, ailimizni, özimiz mensup bolghan jemetimizni, millitimizni qulluqtin qurtuldurush kürishige semimi, rastchil, pigadar we estayidil muamile qilmisaq, millitimizge, bolupmu kelgüsi ewlatlirimizgha yüz kilelmeymiz! Ölümni Kütüp Yatqandin Olturghan, Olturghandin Öre Turghan, Öre Turghandin Bir Amallarni Qilip Elbette Midirlighan Yaxshi!

Men bu yerde Gérmaniyening München Sheheride ötküzülgen bir namayishidin qisqiche tesiratimni bayan qilip ötimen! Bu Künki Namyishqa 1000 Din Artuq Uyghur Yashaydighan Münchendin Aran 80-90 Adem Qatnashti! Namayishqa chiqqan adem sanning azliqi xitayni taza xushal qilidu! Namayishqa 400-500 adem qatnashqan bolsaq qanche heywetlik bolup kétidu-he?! Herqandaq namayishni namayishning eng töwen ölchemlirige bolsimu layiqlashturup qilsaq düshmenning yürikide qorquch peyda qilalaymiz!

Namayishta kötergen bayraq we pilakatlar mukemmel teyyarlanghan bolishi, xet we shuarlar her xil tillarda toghra yezilishi we jarangliq towlinishi lazim! Notuqlar hayajanliq, eslimiler tesirlik bolishi lazim! Sépi tom we küchlük yaghach we métallardin yasalghan bayraq we pilakatlarni mustehkem we ghezep bilen tutup turushlirimizni körüp, xitaylarni sür bassun! Bayraq ni chiwin qorughuchni yaki yelpügüchni tutqandek tutmayli, pilakatqa ingikimiz yaki jeynikimizni qoyuwalmayli! Namyishta quchaqliship, üssüshüp we mush etiship körüshmeyli! Namyishta qalaymiqan, egri-bügiri, maymaq-saymaq turmayli! namayishta sürlük keypiyat bilen janliq, titik we rohi kötürengü halda turayli! Herkitimiz, gep sözimiz, oy-xiyalimiz kolliktip bilen birdek bolsa namayishning ünimi yoquri bolidu! Namayishni ishench bilen, keskin we shiddetlik qilsaq xitayning wetinimizni mengü bésip yétish iradisi sunidu! Qiliwatqan ishimiz xuddi quralliq küreshtek ronaq tapidu! Nimishqa yilda 5-6 qetim ötküzilidighan azghine
namayishlirimizmu awat, janliq, shidetlik we tesirlik teshkiliyelmeymiz?!

Namyish teshkillesh usullirini tetqiq qilip, qayide békitip, shuningha pütün dunyada emel qilishimiz lazim! Namayishlar keskin, jiddiy we shiddet bilen élip bérilsa tesir küchi téximu yaxshi bolmamdu?! Namayishlarimiz dunyaning herqaysi jaylirida yaki undaq yaki mundaq qusurlardin xaliy bolalmaywatidu. Namayishqa kelgenlerning tolisi semimi niyet bilen kelgen bolsimu, beziliri weten-milletning kélichigini we allahning axirettiki öz wetining we qewming üchün nime qilding, dégen sualgha jawap bérishni oylap emes, namayishqa kelmisem memet nime dep qalarkin, semet nime dep oylap qalarkin, dep kelgendek qilishidu! Bu xuddi riya arlashqan ibadettekla milliy dawagha biz arzu qilghandek tesir payda bermeydu! Zalimlargha qarshi namayish xuddi ibadetke oxshaydu! Ixlas bilen qilinmighan namyish, ixlas bilen qilinmighan namazdek milletke hergiz payda élip kelmeydu!

Bir qétim bundaq bir namayish Germaniyening Frankfurt sheheridimu bolghan bolup, Sherqiy Türkistanliqlargha Türükler mawu bayraqni kötürüp mangsang bolmamdu, dégende qolam tonglap ketti, deptiken bizning hemsheriler! Namayishlarni oyan-chaqchaqtek emes, jiddiy we ghezep bilen qilishimiz, bayraq, resim we pilakatlarni xuddi bashqilarning ishigha tomuzda qol tonguptu, degendek emes, peqetlam xoshyaqmighandek emes, küch we pem-paraset bilen jessur bir shekilde tutishimiz lazim! Bu Ademler Weten-Millet Üchün Deyduyu, Weten-Milletke Duch Kelgende Hürmetsizlik Qilidu, Qebiliwazliq Qilidu,Gorohwazliq Qilidu, Teshkilatwazliq Qilidu! Biri qilghan namayishqa yene biri qatnashmaydu. Bu qandaq mentiqe?! Bundaq bolsa millet qandaq ittipaqlishidu, buning ziyini top-toplargha xuddi chashqanlar uwilirigha tarqilip ketkendek bölünüp ketken xelqimizning awazi teximu peslep, milliy heriket teximu ajizlap ketti.

Xitaylar chetellerdiki özige paydisiz küchlerni jimiqturush üchün allahburun heriketke ötüp boldi. Ular xelqimizni sotsiyal mediye goruppa we topliri arqiliq tarqaqlashturup, biz olturghan kimini biraqla sugha gheriq qiliwitishke orunmaqta. Xelqimizning teshkilatlardin uzaqliship, sotsiyal mediyelerdiki oxshimighan toplargha bölünüp heriket qilishtin yaxshi bir puraq kelmeywatidu!Hazirqi ehwaldin qarighanda milliy dawaning hulini kolaydighan yaman niyetlik ademler ochuq meydanlarda emes, yépiq toplarda heriket qilip, pitnixorluq we gheywet shikayet arqiliq siyasiy aghdurmichiliq qiliwatidu! Ademlerning bedini namayishta we teshkilatlarda bolghini bilen kallisi ishek hangirighan, it talshturghan yerde bolidighan weziyet shekillendi.Biz qandaq qilghanda namyishni ölchemlik qilghili bolidu, qandaq qilghanda namayishqa ademlerning teximu köp diqqitini tartqili bolidu, qandaq qilghanda namayishtin téximu köp netije qazanghili bolidu, degen timida muzakire, muhakime we izdinishlerni qilip. namyishning mezmuni, shekli we mitodini bir baldaq tereqqiy qildurishimiz, yüz bériwatqan xatalarni birlikte tüzitishimiz lazim!

Biz namyishlarda we her türlük bayanat we maqalilirimizda birlik, ittipaqliq we erkinlikni teshebbus qiliwatimiz!Kishiler bir qarisang wetenperwer we milletperwer körünidu. Aghzida weten millet digen bilen könglide emel qilmaydu.Herqandaq kiselning dorisi, shu kesel peyda bolghan tupraqta bar bolghanidek, biz Uyghuristan xelqiningmu derdimizge derman bolidighan küch, özimizning étnik terkiwimizde bar! Biz peqet özimizni tonup, yaxshi teshkillinip, xelqimizni toghra yitekliyeleydighan qudretning özimizde barliqini étirap qilishimiz, uni izdep-sorap tépip özimiz üchün xizmet qildurishimiz lazim! Bu Ademler Türmidiki Ziyalilargha Erkinlik, Millitimizge Azatliq, Dep Shuar Tolaydu, Emeliyitide Ziyalilargha Erkinlik, Millitige Azatliqni Artuq Köridu! Milliy Inqilapning Sehnisidiki Ussulgha Biz Tartqanlar, Laypachaq Bilen Gilemge Sekrep Chiqip, Konilarni Sehnidin Ittirmekte! Bu Ademler Oqumayla Alim, Tüzükrek Bir Ish Qilmayla Milliy Inqilapchi, Tört Ademni Yénigha Yighiwélip Özini Reyis Dep, Milletke Wakaliten Höküm Élan Qilip Yürse Ümit Kütüp 20 Yini Ötküziwettuq!

Milliy Inqilap Notagha Qarimay Turupmu Chalghili Bolidighan Xeliq Naxsha-Muzikilirigha Oxshimaydu! Milliy Inqilabimiz Ediologiyelik Basquchta Turiwatidu. Bu Inqilap Kespiy Tereptin Toghra Pilanlinip, Toghra Yiteklenmise Netije Yenila Nöl Chiqidu! Milliy Heriketni Ilmiy Yiteklesh Üchün Bilim, Tejiribe we Milliy Irade Hemmidin Muhim! Bu Millet Yene Qilidighanni Qilmay, Qilmaydighanni Qilip Yürse Aqiwitimiz Uzaqqa Barmay Kolliktip Halda Halaket Bolidu! Milliy Heriket Hemme Adem Otturgha Sekrep Chüshüp, Ala-Taghil Warqirap, Ongmu-Tetür Dessep Oynaydighan Héyitgahtiki Samagha Emes, Milliy Imamgha Egiship Oqulidighan Hayat-Mamatliq Namazgha Oxshaydu! Aqsaqalliqni az qilip, emeliy ishni köprek qilinglar! Bu Kimsesiz Qalghan Yalghuz Bayraqlar Sendin Nomus Qilmisun! Közüngni Ach Hey Tepse Tewrimes Öküz Milliti!

14.07.2018 Germaniye

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s