Biz Özimizning Milliy Herkitining Tüp Ghayisini Xelqaragha Toghra Anglitalmay Kelduq! Asasliq Qilidighinimiz Wetenimizning Ishghal, Millitimizning Mustemlike Astida Ikenlikini, Milliy Iradimizning Boyunturuq Astida Ikenlikini, Milliy Ghayimizning Milliy Musteqilliq Ikenlikini Ispatlashtur!
Eger Biz Wetinimizning Ishghal astida, Millitimizning Mustemlike Astida, Milliy Iradimizning Boyunturuq Astida Ikenlikini Ispatliyalmisaq Xitaylar Bizni milliy Bölgünchi, Pantürkizimchi, Radikal Islamchi we Térrorchi Dep Mushu Esirning Axirighiche Pütünley Qirip Tügitidu!
Xitaylar Bizni milliy bölgünchi, Pantürkizimchi, Radikal Islamchi we Térrorchi dep Tonutalisa Xelqara Jemiyet Bizning Heqqaniy Küreshlirimizge Emes, Xitayning Érqiy We Kultural Qirghinchiliqigha Yardem Qilidu!
Uningdin Bashqa Xitaylar Bizni Dunyagha Xitay Dep, Milliy Herkitimizni Milliy Bölgünchilik, Dep Tonutiwatidu! Shuningdek Bir Qatar Seweplerdin Xitaylar Bizni Yene Milliy Bölgünchi Dep Jazalaydu! Biz Bolsaq Xitay Emes, Teywenlik Yaki Hongkongluqlar Bashqa Bir Dewlet Qurup Xitay Dewlitidin Ayrilip Chiqishni Irade Qilsa, U halda Milliy Bölgünchi, Dése Azraq Emeliyetke Uyghun Bolidu!Biz Uyghurlarlar We Wetinimizdiki Qérindash Xeliqler Érqiy Jehettin, Yaki Étnik Hemde Kultural Jehettin Xitaylar Bilen Qandash Bolmighanliqimiz Üchün Bu Nam Bizge Hergiz Yarashmaydu!
Xitayning Millitimizge Qiliwatqan Yolsizliqliri, Xelqimizge Séliwatqan Jewru-Japaliri, Bigunah Awam-Puqralargha Qaratqan Her Türlük Öktemlikliri Wetinimizning Ishghal, Millitimizning Mustemlike Astida, Milliy Iradimizning Boyuntoruq Astida Ikenlikining Hichqandaq Munazire Telep Qilmaydighan Ispatidur! Biz Xitaygha Qarshi Namayish, Yighilish We Yighin Oyushturushqa Téximu Köp Küch Serip Qilishimiz Lazim!
Buning Sewebi Intayin Addiy: Bu Bolsimu Shu Arqiliq Millitimizning Xitaylar Dewatqandek Pantürkizimchi, Térrorchi we Radikal Islamchidin Ibaret Üch Xil Küchke Emes Belki Heqqaniyetni, Adaletni We Erkinlikni Yaqilaydighan Üch Xil Küchke Wekillik Qilidighanliqini Ispatlash Üchündur! Uningdin Bashqa Özimizning Xitay Emeslikimizni, Milliy Herkitimizning Milliy Musteqilliqimizni Qolgha Keltürüshni Asasiy Ghaye Qilidighanliqini Dunyagha Tonutushimiz Lazim!
Biz Bu Küreshte Sewiyemizge Baqmay Bash-Bashtaq Heriket Qilsaq, Az-Tola Paydini Közlep Qisqa Yolda Mangsaq we Asasliq Waqtimiz we Küchimizni Insan-Heqliri We Kishlik Hoquq Üchün Élip Bériliwatqan Heriketler Üchün Upritip Tügitiwetsek, Purset Piship Yétilmey Turup Qolimizgha Tömür Parchisi Kötüriwélip Özimizni Eqliy-Hush Jehettin Tengshep Tutalmisaq, Dost Bilen Düshmenning Nazuk Periqlirini Körelmisek, Xelqara Munasiwetlerni Toghra Mölcherliyelmisek Özimizmu Tuymighan Halda Düshminimiz Bolghan Xitay Tajawuzchilirigha Parallil Heriket Qilip, Xelqimizni Öz Qolimiz Bilen Ölümge Heydep, Millitimizning Qatillarning Sépidin Yer Élip Qalidghan Aqiwet Kélip Chiqidu!
Bizning Hazir Weten We Weten Siritida Qiliwatqan Küreshlirimiz Xuddi Düshmen Éytiwatqandek Édiologiye Sahesidiki Bir-Meydan Is-Tüteksiz Hayat-Mamatliq Küreshtur! Bu Küreshte Xitaylar Köp Ewzellike Ige! Xitaylar Bu Küreshte Dunyani Aldiyalaydu, Xelqimizni Qaymuqturalaydu, Waqit we Istiratigiye Jehettin Bizge Qattiq Éghir Ziyan Salalydu! Herwaqit Hushyar Bolishimiz, Eqil Bilen Heriket Qilishimiz we Kétiwatqan Bezi Tuyuq Yollardin Waqtida Waz Kéchishimiz, Tejiribelerdin Paydiliq Sawaqlarni Chiqirishimiz Lazim!
Nöwettiki Bu Küreshte Xitaylar Bizdin Ghalip Kelgechke Xelqimiz Öz Wetenimizde Jehenem Azabini Körüwatidu! Xelqarada Bolsa Nime Qilishini Bilmey Qattiq Tingirqawatidu. Xelqra Jemiyetke Derdimizni Éyitqanche Ishimiz Téximu Tetürsige Kétiwatidu! Hadisilerdin Qarighanda Bizning Yashash Terzimiz, Dawa Sheklimiz, Inqilap Métodimiz, Teshkilatlinish Uslubimizda Mesele Bardek Qilidu! Xitaylar Hertürlük Ajizliqlirimizni Bilgechke Yol Xeritimizge Xata Belgülerni Ornutup Qoyup, Bizni Özimizning Xuy-Peylidin Paydilinip Uzaqtin Kontorul Qilip, Biz Üchün Eng Qimmetlik Bolghan Qediriyetlerni Bizni Ojuqturiwitidighan Shekilde Süyistimal Qilip, Milliy Inqilawimizni Qesten Meghlubiyet Yoligha Ittiriwatqandek Qilidu. Biz Xitaylar Milliy Azatliq Yoligha Hilikarliq Bilen Kolap Qoyghan Ene Eshundaq Milliy, Diniy, Erqiy, Siyasiy We Ijtimayi Patqaqlardin Chichenlik Bilen Egip Ötüp Kétishimiz Lazim!
Bizning Hür Dunyada Qiliwatqanlirimiz Milliy Herkitimizning Zulumgha Qarshi Heqqaniy Küresh Ikenligini Dunya Xelqige Ispatlashtur! Milliy Herkitimizning Pantürükchilik, Panislamchliliq we Xelqara Térrorizim Bilen Yéqindin Hem Yiraqtin Hichqandaq Baghlinishining Yoqliqini Insaniyetke Bildürüshtur! Eger Shundaq Hadise we Ehwallar Terkiwimizde Bar Bolghan Bolsa, U hadisilerning Milliy Herkitimizge Wekillik Qilalmaydighanliqni Ispatlashtur.Hemmidin échinishliq Bolghini Özini Démokratiyechi, Insan Heqliri We Kishlik Hoquqning Himayichilliri Dep Millitimizge Wakaliten Heriket Qiliwatqan Teshkilatlarning Hichqandaq Mexpiyetlikni Saqlap Qalghili Bolmaydighan Bu Ay Bu Künlerde Milliy Inqilap Sépimizdiki Milliy Musteqilliq Terepdarlirini Chetke Qéqip, Samanning Astida Xelqara Térror Teshkilatliri Bilen Qoyuq Munasiwetni Saqlap, Milliy Istiqbalimizni Otqa Tashliwétip Barghanliqidur! Hemmidin Yaman Bolghini Milliy Herkitimizning Musteqilliqni Yaqilaydighan Lagérida, Kishlik Hoquq We Démokratiyeni Yaqilaydighan Lagérida, Xelqimiz Koldurlap Yürgen Xelqara Jihat Sepliride we Yéngidin Peyda Bolghan Xitaygha Qarshi Kök Bayraqsiz Küresh Qilidighan Seplerde, Meshrep, Sotsiyal Mediye Toplirida Heriket qiliwatqan Ademlerning Hemmisi Xuddi Sheytaniy Bir Zéhniyet Tereptin Kontrul Qiliniwatqanlar Bolup, Xuddi Oxshash Bir Adem Sheriqqe Qarap Kök Bayraqni Kötürmeymiz, Gheripke Qarap Kapirlargha Qarshi Jihat Qilayli, Shimal Terepke Qarap Bizge Aliy Aptonomiye Kérek, Jenup Terepke Qarap Bular Saxta Milliy Inqilapchilar, Heqiqi Milliy Musteqilliq Üchün Küresh Qiliwatqanlar Mana Biz, Dewatqandekla Tesir Béridu Ademlerge. Xelqimiz Shunga Bu Meselide Heq-Bilen Naheqni Periq Qilalmay, Nishansiz, Rehbersiz, Qayide-Pirinsipsiz Halda Bolghachqa Milliy Herkitimiz Tuyuq Yolda Ganggirimaqta We Halsirimaqta. Milliy Heriket Sépidiki Xelqimiz Chong Ümitlerni Kütken Teshkilatlar We Muhim Shexisler Asta-Asta Milliy Azatliq Kürishimizning Tüp Ghayisi Üchün Emes, Teshkilatining We Özining Maddiy Menpetliri Üchün Öz Xelqi Bilen Küresh Qilidighan Yaman Süpetlik Hadise Meydangha Kelgen Bolup Buning Ziyini Intayin Chong Bolmaqta!
Birqisim Teshkilatlar we Shexisler Burnining Uchinila Körüp Heriket Qilghachqa Hemme Ish Xitayning Kütkinidek Netije Bériwatidu. Özini Xelqimizge Milliy Musteqilliq Kürishining Awangartliri Dep Turup, Xitay Tajawuzchilirini Untup Milliy Inqilap Qoshunidiki Milliy Musteqilliq Pikir Éqimidikiler Bilen Küresh Qiliwatqanlar Chetelde Milliy Herkitimzning Xelqaradiki Obrazini Xunükleshtüridighan Yiltizi Wetinimizdin Bolghan Atalmish Jihatchilar Qoshunining Shekillinishige Özliri Bir Qolluq Sewepchi Bolup, Milliy Inqilapning Kélichekte Xelqara Nizamlargha Uyghun Derijide Quralliq Inqilapqa Aylinip Kétishining Alla Burun Aldini Élip Boldi. Hazir Xitaylar Anche Küchmisimu, Ular Xelqara Jihat, Radikal Islam We Térrorizim Belasini Özimizning Qoli Bilen Toxtimay Özimizning Yüzige Sürkigili Turdi, Xelqimiznuning Üchte Biri Türmige Tashlansamu, Menbiyi Özimizdin Bolghan Yoqarqidek Nigatip Hadisiler Seweptin Dunya Xitaylargha Hichnime Démidi! Xitaylar Étizidin Hosul Aldi, Biz Bolsaq Étizimizdin Pishman, Hesret-Nadamet We Köz Yéshi Alduq! Bizde “Kalla Ishlimise Putqa Ziyan”, Dégen Temsil Bar! Ziyan Bolap Toxtap Qalsa Meyliti, Hazirqi Mesele Yoqulup Kétish Xewipi Boliwatidu!
Bizning Hür Dunyada Qiliwatqanlirimiz Yene Millitimizning Xitay Pashizimi Teripidin Bihude Qirilip Kétishige Qarshi Xelqaraliq Jamaet Pikiri Toplash we Milliy Azatliq Küreshlirimizning Kéyinki Basquchlardiki Tereqiyatliri Üchün Pikirler Dunyasida Uzaqqa Berdashliq Béreleydighan Birliksep Hasil Qilishtur!
Milliy Herkitimizge Munasiwetlik Alahiyde Tekitlep Ötüshke Tégishlik Bir Mesele Bar. Bu Mesele Milliy Herkitimizge Uzaq Yillardin Béri Qaranghu Saye Tashlap Turiwatidu. Bu Bolsimu Xitaylar Xelqara Jemiyetke Milliy Herkitimizni Bir Uchum Miliy Bölgünchilerning Aghdurmichiliq Heriketliri, Bu Bir Pütün Sherqiy Türkistan Xelqining Milliy Iradisige Wekilik Qilalmaydu, Deydu. Xitaylarning Yoqarda Dégen Eshu Zeherxende Bayani Toghrimu? Nime Üchün Shundaq Oylaydu, Deydu we Diyeleydu Belki?
Bizningche Nezeriywiy Jehettin Xitayning Dewatqanliri Toghra! Bizningche Xitayning Déginini Ispatlighili, Bizning Milliy Ghayimizni Pakitlar Bilen Asanliqche Izahlighili Bolmaydu! Eng Chong Teshkilatlirimizning Nizamnamisi We Shuarlirida Milliy Musteqilliq Témisi Melum Qiyinchiliqlar Sewebidin Tilgha Élinmighan Bolghachqa, Xitaylar Dumbaq Chélip Ularni Milliy Bölgünchi, Deydu, Xelqara Jemiyet Bolsa Ularni Milliy Musteqilliq Jengkchilliri Démeydu! Rast Démisimu Muhajirettiki Sherqiy Türkistan Teshkilatlirining Ichide Xeliqara Sewiyede Heriket Qiliwatqan Milliy Iradimizni Éniq Ekis Ettüreligen Birer Ölchemlik Teshkilat Yoq! Milliy Musteqilliq Terepdarliri Xitayning Uzaqtin Zéhin Kontrul Qilishi Netijiside Rastinla Yétim Qaldurulghan Bolup, Palech Haldiki Milliy Musteqilliq Teshkilatliri Bilen Insan Heqliri, Kishlik Hoquq Dawasinila Qiliwatqan Teshkilatlar we Xelqara Térror Sépide Koldurlap Yürgen Azghunlarning Sewebidin Millitimizning Achchiq Tiragédiyeliri Tughuliwatidu We Bu Hadise Xitayning Shum Niyitini Xelqarada Ispatlashta Janliq Misal Bolup Bériwatidu. Millitimiz Wetende we Chetelde Bir-Biridin Anche Periqlenmeydighan Shum Teqdirge Duch Keldi. Bizning Milliy Herkitimiz Dunya Xelqige Birge Bolsa Az Sandiki Bir Uchum Kishilerning Qiliwatqan Ishidek, Yene Birge Bolsa Xelqara Islamiy Jighat Herkitining Bir Qismidek, Yene Birge Bolsa Milliy, Démokrattik we Jumhuriyetchilik Herkiti Emes Milliy Bölgünchilik Herkitidek, Yene Birge Bolsa Pantürkizim Herkitidek, Yene Birge Bolsa Xitaylarning Démokiratiyege Ötüsh Herkitining Terkiwiy Qismidek Weyene Milliy Azatliq Kürishi Emes Belki Atalmish Xitay Téritoriyisidiki 56 Milletning Biri Hésapliwélinghan Uyghurlarning Kishlik Hoquq We Démokratiye HerkitidekTesir Bérip Qélip, Esli Ghayini Gewdilendürüp, Uni Xelqara Siyasiy Sehnide Milliy Ghayimizge Uyghun Izahlashqa Asasen Dégüdek Imkan Bolmay Keldi!
Biz Nurghun Inqilaplarni Qilghan Bolsaqmu Yoqarqidek Seweplerdin Undin Bashqa Xelqimiz Omumiy Yüzlük Oyghanmighanliqi Üchün Milliy Inqilapta Körinerlik Netijilerni Qolgha Keltürelmiduq!!! Erkin Dunyada Bolsaqmu Musteqilliq Dawasi Emes Insan-Heqliri Dawasi Qilduq, Weten Dawasi Emes Uyghur Dawasi Qilduq, Namayishnimu Hemmimiz Birlikte Qilmay, Bu Dawa Birqanche Ademning Nimini Xalisa Shuni Qilidighan, Milliy Iradimizge Wekillik Qilalmaydighan Pilansiz Istixiyilik Heriketige Aylanip Qaldi Wahakizalar!
Bir Pütün Millet Oyghanmay Turup, Xelqara Weziyetni Özimiz Pishurup Yétildürmey Turup, Milyon Kishlik Qoshunimiz Bolsimu Hetta Hazirqi Ebgah Halitimiz Bilen Bir Uxlap Oyghunup Qolimizgha Pokkide Bir Dewlet Chüshüp Qalghan Teqdirdimu Ishimizdin Netije Qazinalmaymiz, Dewletni Layiqida Idare Qilalmaymiz We Uzaqqa Barmay Yene Ilgirkidekla Meghlup Bolimiz!
Weten Ichi we Siritida Iddiywiy Oyghunushni Qozghitishimizning Eng Yaxshi Pursiti Keldi, Xelqimiz Xitaydin Axirqi Ümidinimu Üzüp Boldi! Xelqimizning Bu Dewirdiki Meniwiy, Siyasiy We Ijtimayi Meseliliri Yéngiche Tepekkur we Yéngiche Zamaniwiy Pikirlerge Muhtaj. Biz Xelqimizni Herketke Keltürüp, Xelqara Jamaet Pikirini Özimizge Paydiliq Haletke Keltürüshimiz, Xitaylarning Zeherlik Teshwiqatining Chawisini Chitqa Yéyishimiz we Milliy Herkitimizning Édiologiye Körüshidin Quralliq Inqilapqa Ötüshidin Ibaret Qiyin Bolghan Ötkünchi Basquchigha Kapaletlik Qilidighan Emeliyetke Uyghun Pilan Tüzishimiz we Bir Pütün Millet Qatnishidighan Alahiyde Bir Xeliq Herkitige Paydiliq Zémin Hazirlishimiz Lazim!
Xitaylar Her Türlük Kartilarni Teng Oynap Milliy Herkitimizni, Démokrattik Heriket, Milliy Azatliq Herkitimizni Uyghur Dawasi, Musteqilliq Herkitimizni Bir Uchum Qara Niyet Kishilerning Aghdurmichiliq Herkiti Dep Jar Sélip, Uyghurlar Ayrim Yashashni Xalimaydu, Boliwatqan Ishlar Radikal Islamchilarning Xitaylargha Qarshi Jihadiy Herkitidin Bashqa Nerse Emes…Bu Térrorchilarning Meqsidi Uyghur Milliti Üchün Bir Jumhuriyet Qurush Üchün Emes, Gheyri Islamiy Milletlerni Yoqutup, Yer Sharida Xelipilik Qurush, Dep Dawrang Séliwatidu. Bizning Nadan Xelqimiz Diniy Étiqat Erkinliki Telep Qilip Dap Chalsa, Qaranghu Küchlerning Zehin Kontoroli Sewebidin Méngisi Yuyuwétilgenler Hedep Dunya Kapirlirigha Qarshi Jihatni Teshebbus Qilip Kélishtürüp Usul Oynawatidu! Shundaq Qilip Xitay Küchimeyla Bizni Özimizning Éniritsiyesi Arqiliq Halaket Yoligha Ittirip Qoyiwatsa Xelqimizni Toghra Yolgha Yétekliyelmigenni Az Dep Hangwaqtiliq Qilip Xelqimizning Béshini Balayi Betterning Zeherlik Uruqini Chéchiwettuq!Bizning Hazirqi Échinishliq Halimizning Deslepki Sewepchisi Xitaylar Tajawuzchiliri Emes Özimizning Béjiriksizliki Boliwatidu!
Biz Xitaylarni Yalghangha, Aldamchigha, Heqsizgha Chiqirishimiz Lazim! Biz Xitaylarning Millitimiz Üstidin Yürgüziwatqan Pashistik Jinayetlirini Bar Küchimiz Bilen Pash Qilishimiz Lazim!Biz Milliy Herkitimizning Heqqaniy Inqilap Ikenlikige Dunyani Heqiqiy Ishendürüshimiz Lazim! Shundaq Qilghanda Inqilap Yolimiz Daghdam Échilidu we Axirqi Ghayimizge Yételeymiz! Bundaq Qilmay Turup Milliy Inqilap Tereqqiy Qilmaydu!
Biz Eqilliq Insanlar Bolghandin Kéyin, Janggaldiki Maymun Bolmighandin Kéyin Bir Az Emeliy Tepekur Qilayli, Yéngi Dunyani Chüshüneyli, Ottura Esirning Kallisi Bilen Oylaydighan, 30 Yillarning Hayajini Bilen Heriket Qilidighan Zaman Alla Burun Ötüp Ketti. Biz Hazir Intayin Köp Ewzellikke Ige. Nurghun Adem Yétishtürduq. Emma Yétishtürgen Ademlirimiz Jan Beqish Xotun-Balisining Könglini Yasashtin Bashqa Ish Qilalmaywatidu. Iqtisas Igilirining Özi Örgengen Penler We Özliri Ana Tilidek Bilidighan Chetel Tillirini Milliy Dawayimiz Üchün Teshkillik Qollinalmasliq Nahayiti Zor Eqil, Bilim We Adem Israpchiliqidin Bashqa Nerse Emes! Biz Millitimiz Ming Teste Yétishtürüp Chiqqan Akademik Unsurlargha Bolghan Eddiywiy Telim-Terbiyeni Ashurishimiz Lazim. Démisimu Toghra Emdi Uxlap Yétiwergen Bilen Bolmaydu. Emdi Hemmimiz Militimizni Birlikte Oylayli, Hich Bolmighanda Bir-Tuqqan Qérindashlirimizni Bolsimu Oylayli! Bu Dégen Siyasiyonlarning Ishi, Bu Degen Siyasiy Iltija Qilghanlarning Ishi, Bu Dégen Teshkilatlarning Ishi Emes, Bu Dégen Özini Adem Dégen Herqandaq Insanning, Bu Dégen Özini Islam Dégen Herqandaq Musulmanning, Bu Dégen Özini Oghuzhanning Ewladi Sanaydighan Her Bir Türükning, Bu Dégen Özini Uyghuristanliq Dégen Herqandaq Bir Wetendashning Ortaq Küch Chiqirishi Bilen Netije Béridighan Pütkül Insaniyetning Ghorurigha, Wijdanigha We Insawigha Xitap Qilidighan Ulugh Ishtur! Eger Bu Ishni Xitay Dégendek Bir Uchum Ademning Ishi Désingiz U halda Közingiz Yashtin, Beshingiz Ejel Qayghusidin Hich Waqit Qurtulalmaydu!
Men Bu Yerde Millitimizni Béshimizgha Kélish Ihtimali Bolghan Téximu Éghir Pajiyedin Qattiq Agahlandurmaqchimen. Hey Eziz Millitim Oyghunung, Emdi Purset Ötüp Kétip Qalsa Chataq, Hangwaqtiliq Qiliwermey Közingizni Éching! Toghra Meydanlarda, Toghra Ademlerning Etrapida, Toghra Idiye we Pikirler Bilen Mukemmel Shekilde Hemmimiz Birlikte Teshkilatlinayli!
Milliy Bölgünchilik, Pantürükchilik, Panislamchiliq, Radikalizim, Térrorizim Qatarliqlar Bilen Uyghuristan Milliti, Türkiy Qewimler Ittipaqi, Islam Ishbirliki, Milliy Zulumgha Qarshi Küresh we Quralliq Inqilap Dégenler Hergizmu Menidash Sözler Emes! Düshmenler Ichkiy We Tashqiy Jehettin Utuqluq Hemkarliship Milliy, Ériqiy, Diniy, Siyasiy We Qanuniy Alahiyidiliklirimizni Özimizge Paydisiz Halda Süyistimal Qiliwatidu! Biz Milletchilikimizning Démokratik Xitaychiliqning, Milliy Azatliq Kürishimizning Pantürkizimdin Ibaret Ériqchiliqning, Islamdin Ibaret Diniy Étiqadimizning Radikal Dinchiliqning, Xitay Tajawuzchillirigha Qarshi Heqqaniy Küreshlirimizning Xelqara Térrorizimning Qurbani Bolup Kétishining Aldini élishimiz Lazim! Milliy Inqilap Bilen Xitay Démokratik Herkitining, Milletchilik Bilen Ériqchiliqning, Islamiy Étiqat Bilen Radikal Dinchiliqning, Zulumgha Qarshi Küresh Bilen Térrorizimning, Quralliq Inqilap Bilen Xelqara Jihatchiliqning Arisida Népiz Perde Bar.Biz Mushu Perde Belgüligen Qizil Siziq Arqiliq Intayin Jiddiylik Bilen Özimizni Tüziwalmisaq Uzaqqa Qalmay Memlikette Ajayip Zor Qanliq Pajiyeler Kélip Chiqidu!
Tar Milletchilik Nigatip Milletchiliktur, Turaniy we Türkiy Xeliqler Bilen Bolghan Munasiwetlerni Tengshiyelmeslik Nigatip Ériqchiliqtur, Islam Dunyasi Bilen Xelqara Ölchemlerni Asas Qilmay Munasiwet Ornutush Nigatip Dinchiliqtur, Térror Sheklini Alghan Xitaygha Qarshi Heriketler Nigatip Shiddet Qollunush, Undin Bashqa Xeklqara Jihat Sepliride Turup Wetenni Azat Qilimen Déyish Nigatip Küch Körsütüshtur! Ériqchiliq, Nigatip Milletchilik, Radikal Dinchiliq, Zorawanliq We Diniy Shiddet Qatarliqalar Xelqara Qanunlarda Insaniyetning Düshmini Dep Békitilgen! Eger Biz Tar Milletchilik, Türükchilik, Radikal Dinchiliq, Diny Shiddet We Xelqara Jihattin Qol Üzmisek Eriz Shikayetlirimizge Hichkishi Qulaq Salmighanni Az Dep, Xitaylar Bizni Milyonlap Qirip Tashliwetsimu Hichkimning Xiyaligha Kirip Chiqmaydu!
Oyghan, Hushungni Tap, Özengni Tüze! Qilalisang, Höddisidin Chiqalisang, Netije Yaritalisang Qil Bir Ishni, Bolmisa Derhal Özengni Sorap Xeliqimizning Erkin Dunyada Qaytidin Teshkillinishige Hemkarlash, Orun Boshat! Bolmisa Uzaqqa Qalmay Ejdatlargha, Biguna Xelqimizge, Ewlatlargha Qettiy Yüz Kelgili Bolmaydighan Tiragédiyeler Otturgha Chiqidu!
Xitaylar Qanche Milyon Ademni Asasliqi Talibanlargha, Dayishqa, Xizbuttehrirge, Alnusragha, Wahabilargha Chétip Türmilerge Toplap Boldi. Aldimizda Peqet Uyghurlar Bash Rol Élip Ishleydighan Xelqaraliq Bir Qanliq Térror Balasila Qaldi! Shu Ish Yüz Bergen Haman, Xitaylar Uyghurlar we Qérindashlirini Kolliktip Qirghin Qilish Üchün Qurashturup Qoyghan Kunupkilarni Tengla Basidu! Bizni Bundaq Chong Xeterning Ichige Bashlap Kiriwatqanlar Hergiz Xitay Emes, Özlirini Milliy Inqilapchi, Dindar, Ölima, Ziyali Dep Atiwalghan We Yillardin Béri Xelqimizning Ishenchisige Érishiwalighan Dawamliq Taliyi Ongdin Kélidighan Ikki Xitay Dewliti We Menpeti Xitaygha Baghlanghanlar Teripidin Yalliwélinghan Uyghur Süpetlik Alwastilardur! Biz Arqa Körünishi Qaranghu Bolghan Yaman Niyetlik Ademlerning, Arqa Körünishi Qaranghu Bolghan Yaman Niyetlik Teshkilatlarning, Meqsidi Xata Bolghan Yaman Niyetlik Dewletlerning Qaymuqturup Kétishidin Saqlinayli! Wetinimizning, Militimizning Ishini Bugünki Teshkilatlar we Teshkilattiki Ademler Silerning Ortaq Hemkarlishishinglar Bolmighan Mudetche Hergizmu Öz Aldigha Bir Bashqa Élip Chiqalmaydu! Biz Millitimizning Xitaylar Dewatqandek Pantürkizimchi, Térrorchi we Radikal Islamchidin Ibaret Üch Xil Küchke Emes Belki Heqqaniyetni, Adaletni We Erkinlikni Yaqilaydighan Milliy Musteqilliqni Axirqi Ghaye Qilghan Üch Xil Küchke Wekillik Qilidighanliqini Emeliy Herkitimiz Arqiliq Ispatlaydighan, Pütün Dunya Bizni Destekleydighan Küresh Yolidin Önümlük Netije Yaritalmisaq Weten We Siritida Herqanche Küchigen Bilenmu Ulughwar Ghayimizge Yételmeymiz!

02.03.2018 Gérmaniye