Kurasch Umar Atahan

(Shier)

Mana mushu yerde…
Mushu yerde,
Qelbimning qaynighan chongqur yeride,
Bar mening hemme sözüm sanga deydighan!
Mana mushu yerde,
Qelbimning qaynighan chongqur yeride,
Hemme sözüm bar mening,
Yultuz bolup,
Söygüning asminida parlaydighan!
Mushu yerde,
Qelbimning qaynighan chongqur yeride,
Mushu yerde hemme sözlirim…
Bar mening seni küylep,
Yüsüftek, Yesiwiydek…
Alshirdek, Nizaridek, Qutluq Shewqidek…
Hem Uyghuriydek, Tewpiqtek…
Dastan yazsammu ming yillap,
Ming yildimu pütmeydighan, tügimeydighan!
Mana mushu yerde,
Qelbimning qaynighan chongqur yeride,
Mana mushu yerde hemme sözlirim,
Hemme sözlirim sanga deydighan…..
Söygüng yamghurdek yaghsa asmandin,
Baghri chak-chak Teklimakandek,
Ichken bilen,
Yenishlap ichken bilen qanmaydighan.
Mana mushu yerde,
Qelbimning qaynighan chongqur yeride,
Mushu yerde güldek sözlirim,
Sözlirimdin sanga atap tizsam güldeste,
Yene tiz, yene tiz dep, meni ming yil saqlaydighan.
Mana mushu yerde,
Qelbimning qaynighan chongqur yeride,
Mushu yerde hemme sözlirim,
Ashiqliq rawiqida,
Ming bir kiche eyitsammu tügimeydighan.
Mana mushu yerde,
Qelbimning qaynighan chongqur yeride,
Mana mushu yerde hemme sözlirim,
Muhabbitimni sanga bolghan meshuqum,
Bir ömür yazsammu-
-He toghra,
-Siya qilip yürigimning qara qenini,-
Sanga atap, lekin yene tügümeydighan.
Mana mushu yerde,
Qelbimning qaynighan chongqur yeride,
Mushu yerde hemme sözlirim,
Yultuzluq asmandek,
Ming türlük chichekke tolghan wadidek,
Yürügimning pinhanlirida-
Qizil Altundek yelinjaydighan …
Appaq Kömüshtek parildaydighan….
Shahane Yaquttek julalaydighan…
Nurane Almastek yaltiraydighan…
Manga hergiz aram bermestin-
Ishqingning otida jenimni alghan!
Mana mushu yerde,
Qelbimning qaynighan chongqur yeride,
Mushu yerde hemme sözler…
Altundek sözler…
Kömüshtek sözler…
Göherdek sözler…
Almastek sözler….
-Sanga atap naxsha eyitsam,
Qanche eyitsammu tügimeydighan.
Ming yil emes,
Talay ming yil yashisammu,
Bash axiri qiyametkiche körünmeydighan.
Mana mushu yerde,
Qelbimning qaynighan chongqur yeride,
Mushu yerde hemme sözlirim…
Erishni quchaqlighan Aqqu peyidek,
Behishke rengbergen güller bergidek,
Zöhrening belide qurup tal bolghan,
Shrinning otida köyüp kül bolghan,
Senemning lewide mestu lal bolghan,
Leylining chölide Mejnunlargha bal bolghan.
Mana mushu yerde,
Qelbimning qanighan chongqur yeride,
Altundek sözler..
Kömüshtek sözler…
Göherdek sözler…
Almastek säzler…..
Mushu yerde hemme sözlirim,
Ming yillap eyitsam, eyitsam yene tügimeydighan,
Bir sen özeng meni upritip,
Sewdalar menzilide toz tuman qilghan,
Bir sen özeng,
Meni köydürding muhabbetning chaqmaqlirida.
Meni soruding muhanbetning
shamallarda.
Meni aqturdung muhabbetning qaynamlirida!
Sersan bolay, weyran bolay wisaling üchün
Yitey emdi muradimgha, kel hey baghri jennet eziz jananim,
Qara tupriqim-
– Söyüp turup, tirik petim kömüwet meni,
Kömüwetkin echirqighan armanliringgha!

16.05.2020 Germaniye