Korona Maskasi

Autori: Kurasch Umar Atahan
☆☆☆☆
Maska, maska, maska…
Maska, Xitaydin tughulghan maska,
Aylandi insanlarning apitige.
Maska bir Kisel,
Kiseller toqughan kiselliktin.
Korona Maskasi,
Halakiti boldi janiwarlarning.
Korona Maskasi,
Hayatliqqa qoyulghan tosaq boldi,
Korona Maskasi,
Muhabbetke qurulghan tuzaq boldi!
Korona Maskasi,
Birinchi we axirqi keshpiyati Xitaylarning!
Korona Maskasi,
Xitay maskisi,
Cheqiwetti ochaqlarni,
Örüwetti qazanlarni,
Tishiwetti tuzluqlarni,
Haram qildi su toldurghan küplerni.
Kör qildi zemindiki abi hayat bulaqlirini.
Korona Maskasi,
Kiseldin toqulghan maska,
Qoghlap yürer perishan Uyghurlarni,
Korona Maskasi,
Xitaydin toqulghan maska,
Qoghlap yürer bexitsiz ademlerni!
Korona Maskasi,
Muzdek soghuq maska,
Taqisang yürikingni muzlitidu.
Korona Maskasi,
Qehritan soghaqtek maska,
Üshütidu hayatliq chechigini muhabbetning.
Maska ottek qizziq,
Taqisang öltüridu qeliplerni,
Kül qilidu bihishtek güzel armanlarni.
Korona Maskasi,
Tosup alar bürküt közlerni,
Korona Maskasi,
Öchüridu qedim izlarni,
Korona Maskasi,
Qayduridu hushyar bashlarni,
Korona Maskasi,
Aqquzidu nadamette yashlarni,
Korona Maskasi,
Buzar shirin-shiker wedelerni.
Maska, peqetla maska,
Birinchi we axirqi keshpiyati uzaq sheriqning.
Maska, lenetkar keshpiyati Xitayning,
Qoghlaydu seni,
Ongungda,
Chüshüngde,
Qorqutidu bexitsiz, taleysiz we Teqdiri kaj ademlerni.
Korona Maskasi,
Tunji we axirqi keshpiyati uzaq sheriqning.
Biketlerde,
Poyizlarda,
Qawaqxana,
Diskoteklarda chüshüwalidu piyingge.
Maska, eshu axirqi keshpiyati sheriqning,
Köwrük astida,
Ötüshme yollarda,
Buzuqlar ötken,
Qap- qarangghu koridorlarda,
Tashlanduq xarabilerde,
Paylap yetip,
Owlar seni bir mexluqtek qan ichidighan.
Maska tunji we axirqi keshpiyati Xitaylarning,
Korona Maskasi,
Xitay maskisi,
Virusdin toqulghan, qara niyet Xitay maskisi,
Seni solap qoyidu,
Ölüktek soghuq duwarlar-
Qisidu sening nepes yolungni,
Tosidu chirayingni, bent bolisen zulmet ichige.
Hichnimini körelmeysen,
Salam berelmeysen,
Yeqin kilelmeysen,
Yeqin yoruqlargha-
Salamlarni,
Hem ilgirkidek iligalalmaysen.
Ejdatliring,
Yürgen yollarda yürelmeysen,
Oylinalmaysen,
Sözliyelmeysen,
Derdingni anglitalmaysen.
Nime dedi,nime deydu-
Yeqin yoruqlar angliyalmaysen.
Maska, eshu sheriqning birinchi we axirqi keshpiyati,
Budushqaqtek chaplishiwalidu,
Tüzükraq uxlatmaydu,
Qalaymiqan qilidu chüshliringnimu.
Korona Maskasi,
Sheriqning eshu tunji we axirqi keshpiyati,
Tirik tursang,
Kirgüzüp qoyidu seni ölüklerning tizimlikige,
Maskangning teshida kimler bar bilelmeysen,
Maskangning ichide kimler bar bilelmeysen,
Chirayingni untup kiter,
Xotunung, balliring we hetta dost yarenliring!
Maska, Xitayning mushu birinchi we axirqi keshpiyati,
Yipek turup,
Kendir turup,
Yunglar turup,
Paxta turup,
Hetta zerdin eshilgen shoynilar turup,
Toqulghan Virusidin Xitaylarning,
Taqaymiz bu Virusni, Viruslardin qoghdunush üchün.
Bir- birimizni hetta özimizni untush üchün.
Maska, eshu Sheriqning birinchi we axirqi keshpiyati….
Yatlashturdi bizni bir birimizdin,
Yatlashturdi hetta özimizni Özimizdin!
Korona Maskasi,
Tunji we Axirqi keshpiyati uzaq sheriqning,
Sovetler ittipaqidek,
Yoguslawiyedek
Kishlikni,
Ademiylikni,
Insanliqni öchürüp tashlighan apet boldi insanliqqa.
Biz goya yoqluqqa chöktuq,
Özimizni izlep ghayip bolduq,
Ghayiplar deshtide yoq bolduq.
Biz qeni, siler qeni, ular qeni, Insanlar qeni?!
Hemme izgülükler,
Hayatliq süyidek erishtin tamghan,
Yoqaldi qeyergidu, xuddi bulaqlar qurighandek.
Terik etti bizni-
Söygü, muhabbet, dostluq we sadaqet!
Men kim, sen kim, u kim bilmeymiz.
Biz kim, siler kim, ular kim bilmeymiz,
Yötülüsh,
Chüshkürüsh,
Esnesh,
Jöylüsh
Miltiq awazidek anglinidu,
Hetta yeqin turup gep qilish!
Qachimiz bir birimizdin,
Ghuwaliship baridu ümütler,
Gheriq boldi hemme,
Öchti tünügünki chiraqlar,
Saqidi köktiki bexit yultuzliri,
Quridi yengi chichekligen ormanlar,
Yiqildi meniwiyet mimari,
Saqidi adalet yultuzi köklerdin,
Gheriq boldi,
Halaket dengizigha,
Kimlikler beghidiki arzu armanlar!
Maska, maska, maska…
Maska, Xitaydin tughulghan maska,
Aylandi insanlarning apitige.
Maska bir Kisel,
Kiseller toqughan kiselliktin.
Korona Maskasi,
Halakiti boldi janiwarlarning.
Korona Maskasi,
Muhabbetke qurulghan tuzaq boldung!
Korona Maskasi,
Hayatliqqa qoyulghan tosaq boldung.
☆☆☆☆
Korona Maskasi,
Hey Sheriqning eshu tunji we axirqi keshpiyati,
Hey insanning bash balasi, sening üchün yashisun jehennemler!
Maska, Maska Xitaydin tughulghan maska,
Kiselni kiselge ulap toqulghan maska,
Lenetlending,
Nepretlending,
Ketting qarghishqa…!
Ah urduq, ahlirimiz tutsun seni,
Yighliduq, eqitsun halaketke taju-textingni…
Qarghiduq, közi qanliq beliqlarimiz yutsun bextingni…!
Hey muhabetning toziqi, hayatliq doziqi…
Hayal ötmey yigin beshingni,
Zeher qilsun Rabbim eshingni…!
Xitaydin tughulghan, Xitaydin tarqalghan,
Virustin toqulghan, lenetler oqulghan,
Korona Maskasi,
Hey Sheriqning eshu tunji we axirqi keshpiyati,
Hey Xitayning xitaygha oxshatqan tunji we axirqi keshpiyati,
Korona Maskasi,
Hey Sheriqning eshu tunji we axirqi keshpiyati,
Hey insanning bash balasi, sening üchün yashisun jehennemler!
☆☆☆☆
30.07.2020 Germaniye

One thought on “Korona Maskasi

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s