–Méning Hayatim: Adem Ataning Yéngi Terjimhali…

-Xatiremdin

Yazarmen: Kurasch Umar Atahan

>>>☆<<<

Xush Kelding Baharim…

>>>☆<<<

Xush Kelding Baharim…

Sen Manga,

Hayatliq Ata Qilghan,

Ömrümning Ikkinchi,

Baharning Jan Süyi Sübhining nuri.

Xush Kelding Baharim…

Sen…

Qelbimde Ming Yillap,

Yiltiz Tartqan,

Bix Sürgen izgü bir arman.

Xush Kelding Baharim…

Bextimge Échilghan…

Manggha Ümüt Berding,

Sen Men Üchün Bir Pasiban …

Xush Kelding Baharim…

Sen….

Hayatimning chirighi,

Qarangghu dunyasimni yorutqan.

Xush Kelding Baharim…

Seni körsun,

Méning közüm bolsa.

Sanggha köysun,

Méning qelbim bolsa.

Seni söysun,

Hey Méhrigiya….

Méning lewim bolsa…Seni Söysun!

Xush Kelding Baharim…

Sen Méning,

Men Séning Ebidi Ebet…

Sen mèning hayat chéchigim,

Chöldek rohumgha,

Yamghurdek yaghqan.

Sen rohi eshim méning,

Men rohi eshing séning,

Ikkimiz bir-birimizchün

Adem we Hawadek yaritilghan.

Xush Kelding Baharim…

Seni söyimen

Hey aqqanatliq perishtem,

Hey Altay Taghlirining Julasi,

Hey Etre Gülüm Jennettin Chiqqan.

Xush Kelding Baharim…

Sanggha telpünimen,

Hey Tagh Güli,

Humay Ananing mirasi,

Teqdirim,

Sanggha hey janan,

Altun yipta…

üzülmeske baghlan’ghan.

Xush Kelding Baharim…

Muhabbetim,

Arzuyum we Armanim.

Sen közüm,

Söygü baghchisini körüp turghan.

Sen Yürüküm,

Düküldep,

Söygü Otida Soqup Turghan.

Xush Kelding Baharim…

Sen hayatliq enbiri…

Etre Güldek,

Güpüldep Xuddi Yürektek,

Etrapigha söygü hidi chéchip turghan.

Xush Kelding Baharim…

Alemche shatliq berding…

Bilimen Sen…

Sen ikkinchi hayatim méning,

Sendin ayrilmaymen,

Hey miskin dilimning melhimi,

Sen bilen yashiridu,

Méning miskin jénim,

Söygü we Muhabbetke

Chümülüp Yashayli her ikki jahan!

K.U.A

12.05.2026 Gérmaniye

☆☆☆<☆☆☆

Bexit Yultuzumgha…

>>>☆<<<

Autori: Kurasch Umar Atahan

>>>☆<<<

Roza, Roza siz bek Umaq,

Roza, Roza Soz bek Eqilliq,

Sizge Perwanidek,

Köydüm Mestane Bolup Ashiq.

Qelbimge Yéngi Bahar Élip Kirdingiz,

Hayatimgha Quyash Bolup Shunchilik Illiq!

Hey Hayatimning Altun Pesli,

Bir Körüp Sizni Heyrette Qaldim,

Bir Körüp Sizge Ashiq Boldum,

Hey Xisletlik Altay Güli,

Siz Shunche Berna We Chirayliq.

Sizni Xuda Men Üchün Yaratqanmikin,

Sizni Oylisam Wujudumni Qaplar Illighliq.

Hey Altay Güli, Siz Méning Bexit Yultuzum,

Siz Qelbim Textide Parlang Yéqimliq.

Altay Güli Sizni Söydüm Goya Mejnunlardek,

Sizsiz Hayatim Chöldur, Ötmes Menaliq!

Hey Altay Güli,

Siz bek Umaq We Chirayliq.

Hey hayatimning

Untulghusiz Ikkinchi bahari,

Sizge Perwanidek Köydüm Bolup Ashiq.

Yéngi Bir Dunyada,

Uchrashtuq Hawa we Adem Atadek.

Hey Altay Güli,

Qelbimge Yéngi Bahar Élip Kirdingiz,

Hayatimgha,

Yèngi Bir Quyashtek Nur Chachtingiz,

Senki Dunya Jennetke Aylandi Shunchilik Illiq!

13.05.2026 Germaniye

☆☆☆<☆☆☆

Bir Sheytan’gha…

>>>☆<<<

Sanggha

Meptun boluptimen,

Mesum we Bichare halinggha ich aghritip,

Semimiyitingge ishinip, Sadaqet bilen baghliniptimen.

Axmaqtek,

Sen üchün shier toqup yürüptimen.

Sening alwastidek epti-beshirengni körmeptimen.

Issit…Issit Dedim….Eqidemge…Yighlidim.

Nomustin..

Uchup kitey didim Ketelmidim qanitim yoq kesildim…

Qara yerge patay disem, qattiq tashlar arisida izildim…

Töküldi nomus ichre közyéshim!

Töwe dep yaqamni tuttum,

Özemni eqilge toldum digende,

Hawayi hewesler yolida éziptimen.

Seni Xudagha tashlap qoydum,

Xuddi bilgisiz nadanlardek osal boldum,

Sen Sheytanning,

Kirip güdeklerdek arqisigha,

Xuda Aldida, gunah qiliptimen.

Men eqilliq digende éziptimen,

Men Bilimlik Digende

Nadanliq chölliride kiziptimen.

Sendinla emes,

Nomus qildim özemdin,

Pushman qildim,

Külidighan yerde yighlap,

Yighlaydighan yerde külüptimen!

Way issit,

Tirildim dep yürüptimen…

Emma lékin,

Eqil, exlaq Erdem we nomus kétiptu,

Melek dep

Bir Sheytanning kirip arqisigha…

Ademiylik dergahida Ölüptimen!

K.U.A

14.03.2026 Gérmaniye

-Yer Kökning, Kök Yerning Ashighini Bir Ömür Yashaydu….! Atesh Muhabbet Otini Tutashturidu, Su Bolsa Qurighan Yüreklerni Yashartidu…!

-Xatiremdin

-Autori: Kurasch Umar Atahan

>>>☆<<<

Ey özüm…

Sükut ichire séni tinglawatimen.

Topaliq we Patqaqliqta,

Sayning Téshidek,

Mighildap Turghan Awam ichide,

Parlighan yultuzdek,

Igiz Kötürülgen Bayraqtek,

 Alqishlargha Chümkelgen,

Güller we Chicheklerge… Pürken’gen teqdirdemu,

Hem

Gheripsin’ghan…

Chölning qap ottursida,

Yalghuz Ösken Toghraqtek,

Yalghuz qalghan chaghlaringni bilimen.

Külkengning arqisigha,

 Yoshurun’ghan Charchashliringni, Ökünüsh hem Hesretliringni bilimen…

Unutma,

Sen rohsen…

Sen yalghuz bir beden emessen;

Sen oylaydighan,

His qilalaydighan, izdiguchi bir jansen.

Her yiqilghiningda,

 Qayta turushni ögengen bir yoluchisen.

Ey qelbim…

Silinding,

Yoq sanalding..

Teqdirning

Qarangghu We Soghaq

Chongqur hanglirigha tashlanding…

Aqliding Ümüdini wetenning,

Halalliding…

Aq sütini Eziz Xelqingning…

Yene söydüng wapasiz dunyani.

Qatlanding namertlerge

Ölük kebi sükütke patting,

Xuddi Dunyani kötürüp,

Mangghandek harding charchiding.

Lékin yene

Shamdek Iriding,

Hayat Mamatliq yolida,

Öz Aldinggha yalghuz mangding.

Dunya,

Men Üchün Boldi Bir Xiyalet.

Senki Hayat Boldi Ikkimizge Qiyamet!

Achchiq chékisen,

Weten we Xelqim, dep

Xuddi Bir Yilandek tolghunisen.

Mana séning

Ulughluqung mushu yerde,

Perwa Qilmaysen Namertlerge,

 Yüksek ademiyliging, Yoshurulghan Yumshaq Qelbingge.

Bashqilar séni chüshenmisa hem,

Sen özüngni chüshinisen.

Dunya séni körmise hem,

Sen özüngni körisen, Özengge ishinisen.

Uchisen Kökning Erkisi Bürkütlerdek,

Boran Chapqunlarda…

Jut Shiwirghanlarda…

Neyzidek Bulutlarni Tilip Turghan,

Qar Muz Qaplighan Igiz Taghlarda…!

Her kéchining bir tangi bar,

Her qarangghuluqning bir yoruqluqi…

We her bir insan ichide,

 Sönmeydighan bir ümid gülxani bar.

Ey özüm…

Tingirqima…

Epsuslanma…

Sadiq Bol Iradengge,

Özüngge özüng yat bolup qalma.

Chünki insan,

 Özini yoqatqan chaghda,

Ümüt yoqilidu,

Bexit chirighi öchidu…

Xuddi qara basqanda hemmini yoqitidu.

Sen Unutma,

Ümüdingni,

Üzme téyilghaq yollarda yiqilghanda.

Tik tur,

Qachurma pursetlerni…

Ishen manggha…

insan Özini,

Yoqluq Ichidin,

Jasaret Bilen Izlep Mangghanda,

Qarangghuluq Yorughluqta,

Yorughluq Qarangghuluqta Yoqalghanda

Adem Özini Izdep,

Bu Pani Dunyadin,

Gholghunda Ghayip Bolghanda,

Armanlar Bix Süridu,

Tanglar Atidu…

Wadilar aylinidu baghu bostangha…

Wadilar,

Aylinidu baghu bostangha…

Adem özini…

Yoqluq bayawinida,

Qaytadin uchratqanda,

Tek Béshigha…

Bir pütkül dunyani qazanidu.

Öz Aldigha Musteqil,

Erkin, Azat we Hür Höküm Süridu,

Pikir, Tepekkur, Bilim we Meripet Bostanlirida!

08.05.2026 Germaniye