Kashigher 15. March 2017 Tengritagh Akademiyesi Autori: Gumnam *** Mezre’i lutfi ilahidur diyari kashigher, Ishq élining qiblegahidur mezari kashigher. Ishqu ulfet cheshmesidin derdu mihnet jush éter, Tufraghi hesret bilen pütken hisari kashigher. Dilrebalar baghrini le’li bedexshan eylegey, Bir nigahi ghemzesidin gul’uzari kashigher. Abi ruknabad gulgeshti musella sehl érur, Xulddin efzun tümenming lalezari kashigher. Eysh élige xaridin kelgey guli ishret isi, Chun sulayman dewletidur xaru zari kashigher. Udu enber tufraghidur abi kewserdur suyi, Durru merjan tashlaridur kohsari kashigher. Ya peri ya hur ya baghi irem yad eylemes, Shehrini untar bolur her kim duchari kashigher. Hushmendu derdmendu merdu zendur leb chu qend, Nari xendan, siybi re’na herne bari kashigher. Kashigher shehrin biling gumnamning yaylaghidur, Dilgusha ishret feza her sebzezari kashigher. – Gumnam eserliridin Share this:TwitterFacebookLike this:Like Loading...