Bizge goya dozaq boldi bu ana makan,
Esir bolduq, tutqun bolduq halimiz yaman.
Izchi ghayilik, qoli gang, yolliri daghdam
Ilgirleymiz, közimiz nurluq, eqlimiz saghlam.

Izlen tiriship ümüt yultuzi izchi balilar,
El-weten ghémide qaynar wizhdanlar.
Biz mu’ellim yurtlarda mektep achimiz,
Xelqimizge yopyoruq nurlar sachimiz.

Talay yillar zulmette ténep xar bolduq,
Ilim-érpan yoligha shunche zar bolduq.
Xurapatta qaldurdi, ezdi bizni zalimlar,
Közlirimiz qarighu köp nachar bolduq.

Bizning mangghan yolimiz sa’adet yoli,
Biz wetenning yéngidin échilghan güli.
Oqutimiz ewladlarni yéngi pen bilen,
Puxta bolsun mektepning bésilghan uli.

Ösken yurtimiz artush, yoli shéghil tash,
Weten yolida pida boldi milyon eziz bash.
Mangghan yolimiz nijat yoli, hüriyet yoli,
Chékinmeymiz bu yoldin izchi qérindash!

Ügünimiz tiriship, biz ümütwar izchi balilar,
El-weten yolida, ghémde qaynar wijdanlar.
Hürriyet yolida gheyret qip algha basimiz,
Reqipge qarshi qisas üchün ghazat achimiz!

*****

Oqutayli ewladlarni zamaniwiy penlerde,
Puxta bolsun mektepning bésilghan huli!
Biz wetenning yéngidin échilghan güli,
Bizning mangghan yolimiz sa’adet yoli!

Ügünimiz tiriship, biz ümütwar izchi balilar,
El-weten yolida, ghémde qaynar wijdanlar!
Hürriyet yolida gheyret qip algha basimiz,
Reqipge qarshi qisas üchün ghazat achimiz!

1932-yili 6-Ay, Artush