Autori:Küresh Atahan

Adettikidekla ramazan künlirining biri idi.
Kompeyutérdin dinimizgha ayit örgütlerni anglap olturattim.
Iptargha téxi alahizel bir saettin artuqraq waqit bar idi.
Yigirme saettin artuq ruzi tutushning lezziti heqiqiten bashqiche idi.
Birdinla köz aldimdin bir nerse uchup ötti. Janiwar asanliqche körgili bolmaydighan derijide kichik idi.
Janiwar etrapimni aylinip uchup, birdinla jimipla ketti.
Diqqet qilishqa bashlidim.
Bir hazardin kéyin putumning oshuqi etrapi tatliq qichishqili turdi.
Qashlap qoyuwédim birdinla achchiq eytishishqa bashlidi.
Yaman boldi. Janiwar chaqqan yer tuxumdek ishship chiqti.
Kichiklikige baqmay ademni buzek qiliwatqinigha qara bu mexluqning.
Qattiq ghezeplendim. Etrapimgha chekchiyip qaridim.
Janiwarni tirik tutup yiwetküdek elpazda ornumdin ittik turdum.
Janiwarni izdep tépip öltüriwetish üchün etrapimgha qaridim.
Qursuqum échip, éghizlirim qurup, közlirim torliship turatti.
Xanimim ashxanida bir ishlarni qilip yüretti. Birdinla qingraq bilen gösh chanighan awaz keldi.
Kütülmigende qaturup qoyghandek turupla qaldim, izdeshni toxtattim. Nimishqidur arqidin asta jayimgha kélip yene olturdum.
-Ya rabbim, sanga shüküri,-dédim ichimde.
Men birdinla jimip kettim. Birdinla yüzüm qizarghandek boldi.
Démisimu her bir janliqning yashash heqqi bar idi.
Men qénimdin azraq shümüwalghan janiwarni oylidim. Peskoyigha chüshtüm. Bu nöwet közüm bilen uni izdeshke bashlidim.
Men goya janiwardin özrexaliq sorimaqchi bolghandekla etrapimgha qaridim. Birazdin burun méni chörgilep jiddiychilik ichide uchqan janiwarining emdi qarisinimu körgili bolmayti.
Bu ishlar birdemning ariliqida yüz bérip ötüp ketti.Hayatta nimiler bolmaydu deysiz. Qursuqum échip, éghizlirim qurup, közlirim torliship turatti. Xanimim téxiche toxtimay gösh chanawatqandek qilatti. Men allaqandaqtur chüshüniksiz xiyallarning ilkide,-héli iptar qilimiz,-dédim özemge-özem könglümde.
Toghra…dunyada peqet bizlam… yalghuz yashimaymiz…!