Autori: Kurasch Umar Atahan

☆☆☆☆

1

Awam, Qiyamettek Bu Kichide…

Dap Tarangshitiship,

Isheklerni Hangiritiship,

Xuddi Qoydek Meriship,

Chopanlarni Dessiship,

Ashiq-Meshuqlardek,

It Siyaqidiki Jinlar Bilen Chirmiship,

Éghiz Burun Yaliship,

Qarghalar Egilip Uchqan-

Boynida Sériq Zenjir Sörülüp Uchqan Restiler Bilen,

Kirip Keldi Qanche Ming Yilliq Sheher Merkizige!

2

Awam, Qiyamettek Bu Kichide…

Daplirini Tarangshitiship,

Isheklerni Hangiritiship,

Saranglardek Sekriship…

He Undaqmidi, Mundaqti….

Saqal Burut Kepterlerge Qondaqti….

Undaqmidi, He Mundaqmidi….

Qara Niqap….Qara Saqal… Jennet Emes Dozaqmiti….

Körün’gen Tagh Yiraqti,

Awu Toghriti, Mawu Xatati….

Yulghun Emes Toghraqti…

Hidayetni körsetken,

Qara Renglik Matati, Déyiship, Chuldur Chaldur….

Kaldir Kuldur Qiliship,

Qapaqlirini Ésiship,

Yewetküdek Heywe… Peywe… Qiliship Ötüp Ketti,

Yünde Puraydighan Kochilardin,

Bir Birini,

Telwilerche Dumbaliship,

Yawayi Mexluqlardek Ittiriship, Tilliship!

3

Awam, Qiyamettek Bu Kichide…

Daplirini Tarangshitiship,

Isheklerni Hangiritiship,

Itlirini Qawutup,

Kalilardek Möriship,

Gül-Giyani Dessiship,

Étizlarni Cheyliship,

Mes, Eles Tögilerdek taytangship,

Mürilirini Qisiship,

Bir-Biri Bilen Besliship,

Kayima Buwa Senmu Birchaghda-

Sarang Iding Uxlimaydighan…

Sarang Bolduq Bizmu Séningdek…

Her Hayasiz Naxshilarni Éytiship,

Aq Chach, Aq Saqalliq Chonglardin-

Teptartmastin Hakawurluq Qiliship,

Bir-Birini Set Gep Bilen Tilliship, Sheytinigha Emalardek Egiship,

Bu Awat Sheherdin Jinlar Topidek Uzap Kétishti!

4

Qiyamettek Bu Kichide….

Qara Boran Uchidu, Bu Sheherning Kochillirida….

Izlar Qan’gha Milinidu,

Hilila Qara Bodun Maldek Ötken Meynet Yollarda,

Ölükler Dunyasi Bu Meydan Goya!

Anglitidu Qiyamet Atliq Kitapni…

Bir Jin….Milyon Jin’gha…

Bir Sheytan….Milyon Sheytan’gha…

Bir Huwqush…Milyon Huwqushqa!

Bir Insan….Milyon Insan’gha!

Köch Qaldi Bu Sheherde Tek Béshigha!

Köch…

Köch…

Köch…

Aylandi Köch Gül-Giyagha….

Taghu-Deshtke…

Qapqarangghu Orman’gha…

Köch…Köch…Köch….

Digen Awaz Kötürilidu Bu Qarghish Tekken Memlikettin Tengriler Dergahigha!

5

Qiyamettek Bu Kichide,

Qara Basqan Bu Sheherning Asmanda,

Ming Yérige Pichaq Tiqilghan, Köyüwatqan Bir Yürekning Ghuwa Yoruqida,

Ghéribane Halda Sozulup Yatqan Meydanda,

Toxtanglar…!!!

Toxtanglar…!!!

Toxtanglar…!!!

Dep Warqirap,

Ölümige Kétiwatqanlargha Qarap,

Özem Yalghuz Bir Erwahdek Turimen Meydanning Qap Ottursida!

6

Qiyamettek Bu Kichide….

Asmanda Ming Yérige Pichaq Tiqilip, Qanighanche Köyüwatqan Yürekning Ghuwa Yoruqida,

Köz Yéshimgha Chümülüp,

Özem Yalghuz,

Sheherdin Uzap Ketkenlerning Erishke Kötürüliwatqan,

Xuddi Özini Öltüriwalidighan- Betbexitlerning Nale Peryadliridek,

Echinishliq Qiya-Chiyalirini Tuyiwatimen!

7

Qiyamettek Bu Kichide….

Asmanda Ming Yérige Pichaq Tiqilip, Qanliri Yamghurdek Yéghiwatqan,

Zulmetke Jengk Èlan Qilip,

Meghrurane Küliwatqan Bir Yürek,

Özining Ilahi Nurini Sépiwatqan Meydanda, Chiliq-Chiliq Yaralar Ichide,

Ümit Ölgen Bu Kéchide,

Ishench Bilen,

Tört Közlep,

Ejdatlardin Téxiche Hichkim Anglap Baqmighan,

Izgü we Qutluq Bir Xewerni Kütiwatimen!

8

Qiyamettek Bu Kichide…

Qara Asmanda,

Ming Yérige Pichaq Tiqilip, Qanliridin Güller Échilip,

Qehriman Gülliridin,

Millitimning Tiniqi Kéliwatqan,

Hürriyet Yultuzi Yan’ghan,

Sübhi Qoynida,

Ölüklerni Kömüshke,

Buwaqlarni Söyüshke….

Ichimde Bir Arislan Goya….

Chirpin’ghan Arzular Bilen,

Parlaq Bir Quyashsiman…

Milletimning Yip-Yéngi,

Kilicheki Üchün Atidighan, Ulughwar Tanglar Üchün-

Hisap Kitap Qiliwatimen!

Ibadet we Hesap Kitap Qiliwatimen,

Wetenning, Milletning Kélgüsi Üchün…

Ibadet we Hésap Kitap Qiliwatimen…

Ölüklerni Kömüsh Üchün… Bowaqlarni Söyüsh Üchün…

Zörür Tépilsa Weten-Milletni Dep Ölüsh Üchün,

Hür Milletlerdek Hür Bir Elde Milyon Yillap Külüsh Üchün!!!

11.08.2022