Autori:Erdem

Meyli kör xushalliq, ya derd, ya piraq,

hayating sen üchün sinaqtur-sinaq.

Shatliqtin kérilip, ghemdin ézilme,

qalidu hemmisi, kétisen yiraq…

Her bala, müshküller béshinggha kéler,

sebirni dost tutsang andin yaxshiraq.

Shükri hem qanaet xeyirning béshi,

sewepning alimi ejir qil biraq.

Yaxshi ya  yaman yol tallimaq erking,

dunyaning ishriti we lékin tozaq.

Pütülgen qismetni yashaysen mejbur,

teqdirni chüshenmek eqildin uzaq.

Tewbe qil, Rebbingdin meghfiret tile,

hidayet alemge yigane chiraq.

Basqan her qediming ejelge nishan,

menziling axiri jennet ya dozaq!

24.04.2015  Wurmannsquick/Gérmaniye