Kolliktip bixutluq we jangha zamin tuyuq yol

11021281_1407948182845018_1582861714335136452_n
Dunyada biz qilishqa tégishlik shunche jiq ish turup, özimizni menggülük zindangha tashliwalghandek düshmen hazirlap bergen sehnide yaxshi bolsimu, yaman bolsimu béshimizni bir-birimizning chatiriqigha tiqip, dunya mushu oxshaydu, dep qoydekla yashawatimiz.Buni birlik we ittipaqliq deydighanlar bar.
Birlik we ittipaqliq bedenning emes, milliy rohning jümlidin ilghar zamaniwiy pikirlerning piship yétilishidin ibaret ortaq köwrüktin ötüdu.Ademler rebbige bolghan ixlasini bildürüsh üchün jamelerge, millet(dewlet)ke bolghan sadaqitini ipadilesh üchün siyasiy partiye yaki teshkilatgha, iqtisatqa bolghan ihtiyajini qandurush üchün bazar we bankilargha toplinidu.
Biz ibadet qilish, siyaset qilish we soda qilishtin awal kawap bilen polo qilimiz.Hemmidin yamini kawap bilen poloni bir yollar bilen düshmen yollap turidu.Shunga qilghan ibadet, siyaset we sodining paydisi uyaqta tursun, payda-ziyan heqqide gep qilghanlarni sheytandek bir amallarni qilip xatalshturimiz, chetke qaqimiz, hetta düshmen u yaqta qélip, ularni öz qolimiz bilen ujuqturiwitimiz.
Bu xil kolliktip ebgaliq, nadanliq we nezer dayirisining tar bolishidin ibaret yaman süpetlik kilasik pissixikiliq késellik arimizdaki ittipaqsizliqning uwisi, dunyagha échilishimiz we insanlarni chüshünishimizning küshendisi, arqida qélishimiz we barghanche ajizliship kétishimizning yiltizi bolmaqta.
Eslide bu bizdek bir yaman künde qalghan millet üchün intayin zor yoqutushtur.Epsus bizde késellikning éghirlishishi ittipaqliq, tereqqiyat we ghelbe dep tonulup keldi.Halaket yoligha kirip qalduq.
Qérindashlirimiz dégenlirimizni heqiqi menisi bilen bileligen bolsa idi mushundaq éghir künlerde eng deslepte eneniwiy medeniyitimiz we tereqiy qilghan ellerning meniwiy bayliqliridin milletning jénigha emiliy esqatidighan zamaniwiy pikirlerni ishlep chiqirip, pelesepiwiy, siyasiy, iqtisadiy qarash jehetlerdin öz-ara terbiyelep, dunyagha échilip, düshmenning bizni arqida qaldurush, qul qilish we yoqutiwitish üchün neyrengwazliq bilen chalghan dépigha ussul oynimighan bolattuq.(K.A)

05.03.15 Gérmaniye

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s