Uyghur Akadémiyisi 7- Qétimliq Xelq’araliq Ilmiy Muhakime Yighini Uqturishi

Uyghurakademiyesi

Essalamu’eleykum hörmetlik ustazlar, éziz qérindashlar we barliq ilim söyer dostlar,
Xelq’araliq uyghur akadémiklar ilmi jem’iyiti, ”uyghur akadémiyisi“ ning her yili bir qétim, yawro-asiya qit’esining köwrüki, dunyaning medeniyet paytexti istanbulda ötküzüp kéliwatqan ”uyghur ma’aripi we uyghurlarning kelgüsi“ témisidiki xelq’araliq ilmi muhakime yighini, uyghur akadémiyisi uyushturup kéliwatqan pa’aliyetler ichidiki eng muhim ehmiyetke ige we eng tesirlik pa’aliyetliridin biri bolup, bu ilmi muhakime yighinining 7-qétimliqi, 2015-yili 10-ayning 10-14 künliri ötküzülmekchi.
Xewiringlarda bolghinidek, uyghur akadémiyisi, millitimizning pen-ma’arip sewiyisining we bu arqiliq omumi milli küch-qudritining yoqiri kötürülüshige töhpe qoshush meqsitide, 2009-yili 9-ayda istanbulda qurulghan bir ilmi jem’yettur. Jem’iyitimiz besh yérim yildin béri, weten söyer fizika alimimiz sabiq pexri re’isimiz erkin sidiq ependining yéteklishi we dunyagha dangliq bi’ologiye alimimiz, pexri re’isimiz doktor shöhret mutellipning küch ata qilishi bilen, éytip tügetküsiz maddi we meniwi qiyinchiliqlarni yéngip, yillardin béri herxil ehmiyetlik ilmi pa’aliyetlerni uyushturup kelmekte. Bu xil ilmi pa’aliyetler, dunyaning herqaysi jaylirida ilim-meripet ishqida köyüp, japaliq tetqiqat élip bériwatqan, izdiniwatqan uyghur alim-tetqiqatchilirimizning öz’ara uchrishishi, pikir almashturushi üchün shara’it yaritip, weten-ichi sirtidiki xelqimizge zor ümit we ilham bérip kelmekte… yash ewladlarning ilim-pen’ge bolghan ishtiyaqning küchiyishige, omumi xelq pen-ma’aripqa yüzlinishtek bir ilmi keypiyatning bix sürüshige türtke bolmaqta… elwette, bunetijiler mushu qurlarni oqup olturghan herbir éziz qérindishimizning pidakarliqi, öz millitige bolghan muhebbiti we mes’ulyetchanlighining netijisidur. Shu munasiwet bilen hemminglarning ün-tinsiz yardimi we pidakarlighinglar üchün cheksiz minnetdarliq bildürimiz.
Bu yilqi yighin’gha, uyghurlarning eng söyümlük alimliridin, doktur erkin sidiq, doktur réshat abbas, shöhret mutellipler birla waqitta qatnishidighan bolup, bu yighin, ularning ilmi doklatini biwaste anglash, ular bilen söhbette bolush üchün tépilghusiz hetta, birdinbir purset bolupla qalmastin, istanbul, özining tebi’y güzelliki, heywetlik tarixi eserliri, öz xelqimizge oxshap kétidighan uchuq-yuruq, qizghin insanliri, tili, turmush puriqi we shundaqla uyghurlarning köplüki bilen sizde issiq weten tuyghusini oyghitidu, küch-quwwet béghishlaydu…
Bu ilmi muhakime yighinining ilgirikidinmu yoqiri süpette, pilanliq, tertiplik élip bérilishi üchün, yighin heqqide töwendikidek uqturush qilimiz.
1. Yighin istanbulda ötküzülidighan bolup, 10-ayning 10-11-küni ikki kün ilmi muhakime yighini we 10-ayning 12-13-küni seyle-sayahet bolup, jem’i töt kün bolidu.
2. Ilmi muhakime yighinida doklat bergüchilerning yataq, tamaq rasxutlirini uyghur akadémiyisi öz üstige alidu. Uyghur akadémiyisi yene munasiwetlik orunlar bilen alaqe qilip ayrupilan bélitinimu hel qilishqa tirishidu. Eger hel bolmisa, ayrupilan bélitini yighin’gha qatnashquchi özi kötüridu. Yillardiki ehwalgha asasen, qatnashquchilarning yol kirasini özi kötürüsh chüshenchisi boyiche teyyarliq körüshini tewsiye qilimiz.
3. Munasiwetlik organlargha pilan sunup, yardemlirni qolgha keltürüshke tirishishimiz üchün, doklat bergüchilerning 5-ayning 25 -künigiche doklat témisi, qisqiche mezmuni (abstract)we’öz terjimihalni uyghur akadémiyisi resmi élxet adrésiuyghuracademy@gmail.com gha ewetip bérishini töwenchilik bilen iltija qilimiz.
4. Bu qétimliq yighinda, eng köp bolghanda 20 kishi doklat sunidighan bolup, témilar belgilen’gen muddet ichide iltimas qilghan qilin’ghan témilar ichidin tallinidu. Shu seweptin, doklat sunmaqchi bolghanlarning, möhletke estayidil mu’amile qilip, waqtida iltimas qilishlirini ümit qilimiz.
5. Türkiyige wiza élish zörüriyiti barlar adrésidin éléktronluq wiza alalaydu.
http://www.evisa.gov.trhttp:// http://www.evisa.gov.tr
Wiza élishida qiyinchiliq körülgenlerge, uyghur akadémiyisi mesililerni hel qilishqa yardem qilidu.
6. Bezi alahide ehwalni hésabqa almighanda, doklat bergüchilerning uyghur tilida sözlishi shert bolup, doklatnimu choqum uyghur kona yéziqi bilen teyyarlishi telep qilinidu ( aldirashchiliq we bashqa seweblerdin imkani yar bermigenler ölchemlik uyghur kompyotér yéziqi bilen teyyarlisimu bolidu).
7 . Her bir kishige bérilgen sözlesh waqti 20 minut, so’allargha jawap bérish waqti 10 minut, jem’i 30 minut bolup, yighinning pilanlan’ghan küntertip boyiche élip bérilishi üchün, qatnashquchilarning doklat sunush waqtigha angliq halda ri’aye qilishi telep qilinidu we qet’iy ijra qilinidu.
8. Yiraq- yéqindin kelgen méhmanlarning we uyghur oqughuchilar bilen péshqedem ustaz, ziyaliylarning öz-ara tonushup, keng kushade hal-mung buliwélishliri üchün alahide sorun hazirlinidu.
9. Bu qétimliq yighinni burunqi yighinlargha oxshimaydighan, özgiche bir shekilde ötküzüshni pilanlawatimiz. Péshqedem ustaz we herqandaq bir shexsning uyghuracademy@gmail.com arqiliq bizge qimmetlik teklip we tenqidni pikirlirini bérishlirini töwenchilik bilen ümit qilimiz.
Tolimu muhim ehmiyetke ige bolghan bu yighinimizning rengdar téma, mol mezmunlar bilen ghelbilik échilishi üchün, dunyaning her qaysi jayliridiki uyghur alim, tetqiqatchilirimizning we barliq söyümlük oqughuchilirimizning yéqindin awaz qoshup, aktipliq bilen ishtirak qilishini chin könglimizdin tileymiz.
Eng axirda, barliq uyghur qérindashlarning ténige salametlik, ishlirigha asanliq we muweppeqiyetler tilep
Hörmet bilen
Uyghur akadémiyisi
Pexri re’isi doktor shöhret mutellip
Re’isi doktur ablet turan

http://www.akademiye.org/ug/?p=4999

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s