Buningdin 77 yil ilgiri sa’et 9 din 5 minut ötkende zaman toxtap qalghanidi. 77 yil ilgiri sa’et 9 din 5 minut ötkende türkiye jumhuriyitining qurghuchisi mustapa kamal atatürk shéhitlerning qéni bilen boyalghan zéminni türk millitige amanet qoyup, menggülük uyqugha ketkenidi.

Türkiye awazi radiyosi xewiri: mislisiz büyük rehber atatürk her yilqigha oxshashla bu yilmu türlük murasimlar arqiliq minnetdarliq we cheksiz iptixarliq tuyghusi ichide xatirilendi.
Tunji murasimning adrési atatürk xatire sariyi idi.
Jumhur re’is erdoghan we uning hemrahliqidiki hey’et etigen tereplerde atatürk xatire sariyini ziyaritini qobul qildi hemde gülchembirek qoydi.
Atatürk, medeniyet, til we tarix tetqiqatliri aliy kéngishi teripidin uyushturulghan bu yilqi atatürkni xatirilesh murasimlirining merkizi enqere soda birleshmisi yighin zali idi.
Murasimlargha jumhur re’is erdoghan, bash ministir dawut’oghlu we mu’awin bash ministir tughrul türkesh qatarliq rehberlermu ishtirak qildi.
Paytext enqerediki atatürk medeniyet mekirizi tenterbiye zalida yene etigen tereplerde atatürkni xatirilesh meqsitide yügresh musabiqisi ötküzüldi.
Murasimlar sa’et 9 din 5 minut ötkende 2 minutluq hörmette turush bilen bashlandi, bu ikki minut ichide pütün kochilarda jiddiy ehwallargha taqabil turush orginining signalliri chélindi.