Uyghur Tetqiqati Zhurnilining 5-Sani Oqurmenler Bilen Yüz Körüshti

Uyghur-tetqiqati-zhurnili.jpg

«Xelqara uyghur tetqiqati» zhurnilining tor béti:

«Xelqara uyghur tetqiqati» zhurnilining 5-Sani oqurmenliri bilen yüz körüshti. Bu sanda uyghur tili, edebiyati, uyghur tarixi, uyghur éghiz edebiyati, uyghur muzikisi, folklori bilen munasiwetlik 8 maqale, kitab tonushturush bilen munasiwetlik 3 maqale yer alghan bolup, türkiye we dunyaning herqaysi jayliridiki uyghurshunaslarning yéngi tetqiqat netijiliri otturigha qoyulghan.

Zhurnalda qirghizistanliq tarixchi doktor abdurasul isaqofning «sherqiy türkistanning qirghiz tarixidiki orni» namliq maqalisi, izmir ége uniwérsitéti türk dunyasi tetqiqat instituti oqutquchisi proféssor doktor alimjan inayet ependining «iz romanida uyghur xelq edebiyati unsurliri» we ége uniwérsitéti muzika oqutquchisi nuri mexmut ependining «uyghurlarda ötmüshtin bügüngiche qari we sazendiler» namliq maqaliliri, ége uniwérsitéti türk dunyasi tetqiqat instituti oqutquchisi derya ersöz xanimning «alimjan inayetning uyghur xelq dastanliri we hékayiliri namliq kitabi toghrisida» namliq maqalisi, süriyelik doktorant oqughuchisi raghed muhammed ependining «hazirqi zaman uyghur tilidiki erebche söz-Ibarilerning mene özgirishi» namliq maqalisi, yüsüpjan yasinning «türkiy tillar diwani namliq eserdiki uyghurlar toghrisidiki melumatlar» namliq maqalisi, zulhayat ötkür xanimning «shiwétsiyediki tarixiy matériyallarda uyghur kiyim-Kéchekliri toghrisida» namliq maqalisi we nuriman abdurreshit xanimning «jengiz alyilmaz ependining yipek yoli ötingidiki ölmes eserler namliq kitabi toghrisida» namliq maqalisige oxshash 8 parche maqalige orun bérilgen.

Ziyaritimizni qobul qilghan «uyghur tetqiqati zhurnili»ning sahibi proféssor doktor alimjan inayet ependi, mezkur zhurnal neshr qilinghandin kéyin dunyaning herqaysi jayliridiki uyghur tetqiqati bilen shughulliniwatqan kishilerning torbétini ziyaret qilghandin kéyin özlirige yaxshi inkaslar qayturghanliqini tekitlidi.

Proféssor doktor alimjan inayet ependi zhurnalni chiqirishtiki esli meqsitining «xelqara uyghur tetqiqati zhurnili»da peqet uyghurlarnila emes, uyghur diyarida yashawatqan bashqa qérindash milletler heqqide yézilghan maqalelernimu élan qilish ikenlikini, bundin kéyin bunimu emelge ashuridighanliqini bayan qildi.

Enqerede yashawatqan zhurnalist mirkamil qeshqeri ependi «xelqara uyghur tetqiqati zhurnili» neshr qilinghandin kéyin, türkiyede bir boshluqning toldurulghanliqini, mezkur zhurnalni téximu küchlendürüsh kéreklikini bayan qildi.

«Xelqara uyghur tetqiqati zhurnili» türkiyede élan qiliniwatqan pesillik ilmiy tor zhurnili bolup, 2014-Yilidin bügüngiche jemiy 5 san neshr qilindi.(erkin tarim)

http://www.rfa.org/uyghur/xewerler/medeniyet-tarix/turkiyede-uyghur-03282016162542.html/story_main?encoding=latin

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s