-2-

Men dost dep ich-ichingdin söyündürgenlerning neyze kötürüp manga qarap kéliwatqanliqini körgende, hayatliq üchün yene bir bahanege érishkendek janlinip kétimen.

-3-

Méni yiqitqanlargha aferin, ular  men yölep turghuzghanlardur…Men yölep turghuzghanlar men yazghan asiy kitaplardur.

-4-

Aldimgha tagh chiqsimu temtirimidim, ayaqlirim astida qalghan yangaqtek tashlarning yamghurida bir yiqilip, bir turup ilgirlewatimen.

-5-

Ah! jessur reqiplirim, siler arqamdin pichaqlighanliqinglar üchün, men  bilip turup jasaret bilen silerge nishan bolalighanliqim  üchün birlikte pexirlenduq .

-6-

Ushshaqlardin alla minglarche razi bolsun, ular iskilitliri bilen méni bashqidin qurup chiqiwatidu.

-7-

Men yollarda emes, yollarning mende éqiwatqanliqini körelmisem bir künmu artuq yashiyalmaymen.

-8-

Ularni men özemni rahetlendürüp ketken timtasliqta, özemni dayim qarangghuluq we boran chapqunlarning ichide kördüm!

-9-

Men özlükümning ichide turup qarangghuluqta, özlüküm méning ichimde turup yoruqluqta yashaymiz!

-10-

Her qétim qanatlirim qirliq tashlargha urulghanda, tumshuqumdin ot chéchilghanda, tirnaqlirim choghdek qizarghanda…ularni dayim qan we dat-peryat ichide kördüm.(K.A.)

23.11.2002 Frankfurt/Gérmaniye