Essalamu Eleykum! Eziz Qérindashlirim!

Men bügün 73 yashliq hayatimni axirlashturup 74-yashqa qedem qoyghan tunji küni munasiwéti bilen, weten échi we sértidiki méni tonuydighan we tonumaydighan barliq eziz qéridashlirimgha eng ali salamimni yollaymen. Qobul qilghaysizler!
– “ dunyada eng qimmetlik nerse- hayatdur, u dunyagha birla mertiwe kélidu, kishi shundaq yashishi kirekki menisiz ötken hayatqa kéyin échinmisun, rezil – pes ötmüshbing uyatliqi yürekni yandurmisun, u ölüp ketkendimu, méning barlighim ötmüshüm,wetenning musteqilliqi, milletning azadliqi , insaniyetning bext – sa’aditi ishlirigha bighishlan’ghan idi, déyelisun“- dégen idi, “ polat qandagh tawlandi“ dégen rumanning yazghuchisi- nikolay ostérwiskiy.
Men 73 yashliq hayatimning biwode ötkenlikidin bekmu ökünimen, weten , milletke héch qandaq bir ish qilip birelmiginimni oylighinimda yüreklirim pare- pare bolup qan yighlaydu!…
Weten’ge , millitimge qilishqa tigishlik ishlardin tutamgha chiqqudek birer ish qilip birelmey bu dunyadin pat arida widalishidighanliqimni oylisam , wetinimdin, millitimdin bekmu uyulimen xéjil bolimen.!
Özümni musulman , dédim, dinimgha héch bir ish qilip birelmidim!
Millitimni uyghur dédim, uyghurumgha héch bir ish qilip birelmidim!
Wetinim uyghuristan , dédim, wetinimge héch bir ish qilip birelmidim!

Mushularni oylisam ötmüshümge nepretlinimen.! ghezeplinimen ! bekmu pushayman qilimen!
Yéqinqi yillardin biri wetinimizde, ni ni namsiz qehrimanlar tarix betlirige öchmes izlarni qaldurup alemdin ötti! ular öz hayatini dinimiz üchün, millitimiz üchün, wetinimiz üchün bexsh etti!…
Men nimish qilalidim? Hey isit… Ming isit.. Emdi mükcheydim, qérilighim wayigha yetti, put qollurumda madarim qalmidi! chachlirim tamamen aqirip , közlirim xireliship yiraqni körelmes boldum… Ah qériliq…!
Alla, bilip bilmey qilghan gunalrimni köchürgeysen! töhbemni qobul qilghaysen!

Shundaqla, wetinim, militim, eziz qérindashlirim méni köchürgeysizler!

Essalamu eleykum, we rehmitullahi weberkatihu!

Shiwétsiye paytexti – stokxolm

Abduréshit Haji Kérimi
2015- yil 08- ayning 19- küni